news

ఆధ్యాత్మిక నగరం తిరుపతిలో నిర్మిస్తున్న గరుడవారధి ఫైఓవర్ స్తంభాల పై కోట్లాది మంది భక్తుల ఆరాధ్యదైవం తిరుమల శ్రీవేంకటేశ్వర స్వామివారి నామం గుర్తును వేయడం వివాదాస్పదంగా మారింది. వారధి పిల్లర్లపై ఫ్లై ఓవర్ రోడ్డు నిర్మాణం పూర్తయితే దానిపై వాహనాలు రాకపోకలు సాగిస్తాయని, ఇది అపచారమంటూ శ్రీవారి భక్తులు, ప్రజాసంఘాలు నిరసన తెలియజేస్తున్నాయి. తిరుపతి నగరంలో స్మార్టుసిటీ కార్పొరేషన్, టిటిడి సంయుక్తంగా గరుడవారధి ఫ్లై ఓవర్ నిర్మాణం ఎంతో ప్రతిష్టాత్మకంగా చేపట్టిన విషయం తెలిసిందే. ఈ వారధి నిర్మాణ పనుల్లో తొలుత స్తంభాలు పనులు పూర్తవడంతో స్మార్టుసిటీ అధికారులు శ్రీవారినామాన్ని వేశారు. తొలుత స్తంభాలకు నామం గుర్తువేయడాన్ని తిరుపతి వాసులు, స్వామివారి భక్తులు తప్పుపట్టారు.ఎంతో పవిత్రమైననామంపై వాహనాలు ప్రయాణించడం తప్పని వ్యాఖ్యలు చేశారు. ఇదే తరహాలో పవిత్రతకు, భక్తికి నిలయంగా వున్న తిరుమలలోని ఆలయ మాడవీదుల్లో కూడా పాదరక్షలు ధరించకుండా టిటిడి కఠినంగా వ్యవహరిస్తోంది. ఇదే పవిత్రభావంతో ఫ్లైఓవర్ బ్రిడ్జి రోడ్డు క్రింద నామాలు వుంటే దానిపై వాహనాలు ప్రయాణించడం మంచిది కాదని పలువురు భక్తులు సూచిస్తున్నారు.

అయినా స్మార్టు సిటీ ప్రాజెక్టు అధికారులు వరుసగా పద్మావతిపురం సర్కిల్ నుంచి లీలామహల్ సర్కిల్ మీదుగా నంది సర్కిల్ సమీపం వరకు 6 కిలోమీటర్లు దూరంవరకు ఫైఓవర్ లోని స్తంభాలలో 36స్తంభాల వరకుకు నామం అచ్చువేసి రంగులు కూడా దిద్దారు. దీంతో ఈ లోగో కాస్త వివాదాలకు కారణంగా మారింది. సాక్షాత్తు దేవదేవుడు ఆనంద నిలయంలో కొలువై వున్నా శ్రీ వారి భక్తులు నుదుటన ధరించడం తప్ప వాహనాలు రాకపోకలు సాగించే వారధి స్తంభాలకు నామం వేయడమేంటని ప్రశ్నలు తలెత్తాయి. ఈ వివాదం కాస్త హిందూ సంప్రదాయాల వరకు వెళ్ళింది. ఏడుకొండలశ్రీవేంకటేశ్వరునికి వైఖానస ఆగమం ప్రకారం జరిగే నిత్యకైంకర్యాల్లో భాగస్వాములయ్యే అర్చకులు రెండు తెగలకు చెందినవారు వున్నారు. వడగలై తెగకు చెందిన ఆర్చకులు యు ఆకారంలో స్వామివారి నామాన్ని ధరిస్తారు. తెంగలై తెగకుచెందిన ఆర్చకులు వై ఆకారంలో నామాన్ని ధరిస్తారు. అయితే వారధి స్తంభాలపై చతు, రస్రాకారంలో శ్రీవారికి ధరింప జేసే నామాన్ని ముద్రించారు.

నామాలపై వాహనాలు వెళ్ళడం తప్పని అంటున్నారు. ఈ నేపధ్యంలో స్తంభాలపై నామాలు వేయాల్సిన అవసరం ఏముందని శ్రీవారి భక్తులు మండిపడుతున్నారు. అయితే వారధి రీ డిజైనింగ్ అంటూ గతంలోనే టిటిడి ధర్మకర్తల మండలి ఛైర్మన్ వైవి సుబ్బారెడ్డి వ్యాఖ్యలు చేశారు. ఈ నేపధ్యంలో శ్రీవారినామానికి బదులు తిరుపతి స్మార్టుసిటీ కార్పొరేషన్ లోగోను స్తంభాలపై వేసి వారధి ప్రారంభం మొదట్లో, చివరన శ్రీవారి నామాలు తీర్చిదిద్దితే మంచిదని పలువురు భక్తులు, ప్రజాసంఘాలు అభిప్రాయం వ్యక్తం చేస్తున్నాయి. నామం గుర్తు ముద్రించి రంగులేయడం వరకు వివాదం కాకుండా మళ్ళీ స్తంభాలపై రీడిజైన్ చేసి సిమెంట్ పాలిష్ చేస్తే సరిపోతుందని అంటున్నారు. అయితే తిరుపతి నగరంలో ఆటు నిత్యం వస్తున్న 80వేలమంది యాత్రికులకు ఇటు 5లక్షలమంది వుండే తిరుపతి నగరవాసులకు ట్రాఫిక్ సమస్య పరిష్కారానికి గరుడవారధి ఫైఓవర్ పూర్తయితేనే ఊరట కలుగుతుందని అంటున్నారు.

చంద్రబాబు గత 5 ఏళ్ళ పాలనలో, 2014 నుంచి 2019 వరకు చేసిన పరిపాలనలో, ఒక్క పెట్టుబడి కూడా రాలేదని, ఒక్కటంటే ఒక్క కొత్త ఉద్యోగం కూడా రాలేదని, గత 5 ఏళ్ళ పాటు, వైసీపీ ప్రచారం చేసిన సంగతి తెలిసిందే. అమరావతి మీద, పోలవరం మీద ఎలాంటి ప్రచారం, గడిచిన 5 ఏళ్ళలో జరిగిందో, చంద్రబాబు పెట్టుబడులు తేలేదు అంటూ, అదే రకమైన ప్రచారం జరిగింది. జగన్ మోహన్ రెడ్డి కూడా పాదయాత్ర చేస్తూ, చంద్రబాబు దావోస్ వెళ్ళేది, లేక ఇతర దేశాలకు వెళ్ళేది, విహార యాత్రలకు అంటూ ఎద్దేవా చేసారు. చంద్రబాబు సుందర మొఖం చూసి, ఉద్యోగాలు వస్తాయా అంటూ, జగన్ మోహన్ రెడ్డి హేళన చేస్తూ మాట్లాడే వారు. యువతతో మీటింగ్ లు పెట్టి, ఇదే విషయాన్ని వారికి ఎక్కించే వారు. చంద్రబాబు ఒక్క పెట్టుబడి కూడా తేలేదు అని, మేము అధికారంలోకి రాగానే, కేంద్రం మెడలు వంచి ప్రత్యెక హోదా తెస్తామని, అప్పుడు పెట్టుబడులే పెట్టుబడులు అంటూ నమ్మించారు. అయితే, ఇక్కడ గత ప్రభుత్వం తప్పు కూడా ఉంది.

చంద్రబాబు హయంలో అనేక కంపెనీలు వచ్చినా, ప్రతిపక్షం తప్పుడు ప్రచారం చేస్తున్నా, వాటిని ఖండించే ప్రయత్నం చెయ్యలేదు. దీంతో, అదే నిజం అని ప్రజలు నమ్మే పరిస్థితి వచ్చింది. చివరకు చంద్రబాబు ఎన్నికలు కూడా ఓడిపోవాల్సి వచ్చింది. ఎంతో కీలకంగా ఉండే యువ ఓటర్లు చంద్రబాబు వైపు నిలవలేదు. అయితే, ఇప్పుడు తాజగా ఆర్బీఐ ఇచ్చిన ఒక నివేదికలో, వైసీపీ చేసిన ప్రచారం అంతా అబద్ధం అని తేలిపోయింది. ఏకంగా ఆర్బీఐ నివేదిక ఇవ్వటంతో, దీని కంటే ప్రామాణికంగా ఉండేది ఇంకోటి లేదు అనే చెప్పాలి. 2018-19లో బ్యాంకులు, ఆర్థిక సంస్థలు దేశంలో పెట్టిన పెట్టుబడుల్లో, ఆంధ్రప్రదేశ్ రాష్ట్రం నెంబర్ వన్ గా నిలిచింది. 2018-19 ఆర్థిక సంవత్సరంలో ఏకంగా 11.8 శాతం పెట్టుబడులను ఆకర్షించి, దేశంలోనే ఏపి మొదటి స్థానంలో నిలిచింది.

పెద్ద రాష్ట్రాలు అయిన గుజరాత్‌, కర్ణాటక, మహారాష్ట్ర, రాజస్థాన్‌, తమిళనాడు, ఆంధ్రప్రదేశ్ తరువాత స్థానంలో నిలిచాయి. ఇక గడించిన 5 ఏళ్ళలో, అంటే, 2014 నుంచి 2019 వరకు వచ్చిన పెట్టుబడులు చూస్తే, ఆంధ్రప్రదేశ్ దేశంలోనే మూడో స్థానంలో ఉంది. 2014 నుంచి 2019 వరకు రూ.7,03,103 కోట్ల విలువైన 2,112 ప్రాజెక్టులు, దేశ వ్యాప్తంగా రాగా, 70 వేల కోట్ల విలువైన పెట్టుబడులు ఆంధ్రప్రదేశ్‌కు వచ్చినట్లు రిజర్వు బ్యాంక్ అఫ్ ఇండియా తన రిపోర్ట్ లో వెల్లడించింది. ఈ ఐదేళ్ల కాలంలో, 13.6% వాటాతో మహారాష్ట్ర మొదటి స్థానంలో ఉండగా, 13.4% వాటాతో గుజరాత్‌ రెండో స్థానంలో నిలవగా, 10% వాటాతో, ఆంధ్రప్రదేశ్ మూడో స్థానంలో నిలిచింది. రిపోర్ట్ ల్లో ఇంత స్పష్టంగా ఉంటే, వైసీపీ అలా ప్రచారం చేసి నిజం అని నమ్మించింది అంటే, ఇది అప్పటి టిడిపి ప్రభుత్వం వైఫల్యంగానే చెప్పుకోవాలి.

జనవరి 30న చంద్రబాబు లేఖకు చంద్రబాబుకు విదేశాంగమంత్రి జైశంకర్ రిప్లై ఇచ్చారు. చైనాలో కరోనా వ్యాధితో అల్లాడుతున్న వుహాన్ నగరంలో చిక్కుకున్న 58మంది ఇంజనీర్ల ఆరోగ్యంపై చంద్రబాబు తన లేఖలో ఆందోళన వ్యక్తం చేసిన సంగతి విదితమే. దానికి జవాబిస్తూ ప్యానల్ ఆప్టోడిస్ ప్లే టెక్నాలజి ప్రైవేట్ లిమిటెడ్ ఇంజనీర్ల తాజా స్థితిగతులపై కేంద్ర విదేశాంగ మంత్రి జైశంకర్ వివరాలను తెలియజేశారు. మొత్తం 58ఇంజనీర్లలో 56మందిని వుహాన్ నుంచి ఎయిర్ ఇండియా ఫ్లైట్ లో ఫిబ్రవరి 1నే తరలించామని తెలిపారు. ఈ 56మంది ప్రస్తుతం ప్రత్యేక వైద్య పర్యవేక్షణలో ఉన్నారు. ఇద్దరు ఇంజనీర్లు అన్నెం జ్యోతి, దొంతంశెట్టి సత్య సాయికృష్ణలకు సాధారణం కన్నా జ్వరం స్వల్ప తీవ్రత ఉండటంతో ఫిబ్రవరి 1న విమానంలో పంపేందుకు చైనా అధికారులు అనుమతించలేదు. ఈ ఇద్దరు చైనాలోని వుహాన్ హైటెక్ డెవలప్ మెంట్ జోన్, ఆప్టిక్స్ వ్యాలీ ఇండస్ట్రియల్ పార్క్ లో స్టార్ట్ ఆప్టోఎలక్ట్రానిక్స్ టెక్నాలజి కం లిమిటెడ్ లోనే ప్రస్తుతం ఉన్నారు.

బీజింగ్ లోని భారత ఎంబసి అధికారులు వారిద్దరితో, వారి కుటుంబాలతో ఎప్పటికప్పుడు సంప్రదిస్తున్నారు. ఆ ఇద్దరికి కావాల్సిన వైద్య చికిత్స, ఇతర అవసరాలలో అండగా ఉండాలని, వారి ఆరోగ్యాన్ని నిరంతరం పర్యవేక్షిస్తూ ఉండాలని, వారి క్షేమ సమాచారాలను ఎప్పటికప్పుడు తెలియజేయాలని వుహాన్ లోని వైద్యాధికారులను భారత ఎంబసి అధికారులు అభ్యర్ధించారు. వారిద్దరి ఆరోగ్యానికి, చికిత్సకు సంబంధించిన సమాచారాలను ఎప్పటికప్పుడు ఆంధ్రప్రదేశ్ మాజీ ముఖ్యమంత్రి శ్రీ నారా చంద్రబాబు నాయుడు గారికి తెలియజేయడం జరుగుతుందని, కేంద్రమంత్రి జైశంకర్ ఆ లేఖలో పేర్కొన్నారు.