news

ప్రతి రోజు లాగానే ఈ రోజు కూడా తెలుగుదేశం పార్టీ, ప్రజా సమస్యల పై ధర్నా చేస్తూ అసెంబ్లీకి వచ్చింది.మొదటి రోజు, ఉల్లిపాయల పెరుగుదల, పంపిణీ పై, రెండు రోజు రైతు సమస్యల పై ధర్నా చేసిన తెలుగుదేశం పార్టీ, ఈ రోజు మీడియా పై ఆంక్షల విషయంలో ధర్నా చేసింది. ధర్నా తరువాత నడుచుకుంటూ, అసెంబ్లీ లోపలకి వస్తున్న తెలుగుదేశం పార్టీ శాసనసభ్యులను, మార్షల్స్ అడ్డుకున్నారు. గత రెండు రోజుల నుంచి ఇదే తంతు కొనసాగుతుంది. ఎమ్మెల్యే చేతిలో ఉన్న ప్లకార్డులు లోపలకు అనుమతించం అంటూ, ఎమ్మెల్యేల వద్ద నుంచి బలవంతంగా లాగేసుకుంటున్నారు. నిన్న ఒక మహిళా ఎమ్మెల్సీ విషయంలో ఇలా చెయ్యటంతో చంద్రబాబు ఆగ్రహం వ్యక్తం చేసారు. అయితే ఇది కాస్తా ఇవాళ మరింత ముదిరింది. ఈ రోజు లోపలకు వస్తున్న టిడిపి ఎమ్మెల్యేలను చీఫ్‌ మార్షల్‌ అడ్డుకున్నారు. బ్యానర్ లు ఇవ్వాలని కోరగా, ఇచ్చేసారు. తరువాత ప్లకార్డులు ఇవ్వాలి అని కోరాగా ఇచ్చారు. అయితే, చివరకు నల్ల బ్యాడ్జీలు కూడా ఇవ్వాలని గొడవ చేసారు.

ప్రజా స్వామ్యంలో నిరసన తెలిపే హక్కు ఉందని, నల్ల బ్యాడ్జీలు కట్టుకుంటే, వచ్చిన ఇబ్బంది ఏమిటి అంటూ, ఆందోళన వ్యక్తం చేసారు. అయినా వాళ్ళు వినక పోవటంతో, చివరకు బ్యాడ్జీలు కూడా ఇచ్చేసారు. అయితే, చంద్రబాబు చేతిలో ఉన్న పేపర్స్ కూడా ఇచ్చేయాలని చీఫ్‌ మార్షల్‌ గొడవ చెయ్యటంతో, చంద్రబాబు ఇక ఉపేక్షించేది లేదు అంటూ, తీవ్ర ఆగ్రహం వ్యక్తం చేసారు. పేపర్లు కూడా ఎలా ఇస్తాం అని, ఇవి మా మెటీరియల్ అని, గెట్లు తియ్యాలని కోరారు. అయినా వాళ్ళు మాట వినకపోవటంతో, స్వల్ప తోపులాట జరిగింది. ఈ సమయంలో చంద్రబాబుని, చీఫ్‌ మార్షల్‌ తోసివెయ్యటంతో, టిడిపి ప్రజా ప్రతినిధులు ఆగ్రహం వ్యక్తం చేసారు. మీ ఇష్టం వచ్చినట్టు ప్రవరిస్తే కుదరదు అని హెచ్చించారు.

ఈ తతంగం అంతా దాదాపుగా 40 నిమిషాలు పాటు సాగింది. అయితే ఈ విషయం పై చంద్రబాబు అసెంబ్లీలో ప్రస్తావించారు .అసెంబ్లీ గేటు దగ్గర చీఫ్‌ మార్షల్‌ దారుణంగా ప్రవర్తించారని చంద్రబాబు చెప్పుకొచ్చారు. టీడీపీ ఎమ్మెల్యేలు, ఎమ్మెల్సీల పట్ల అనుచితంగా వ్యవహరించారన్నారు. ప్లకార్డులు, బ్యానర్లు, నల్ల రిబ్బన్లు వద్దంటున్నారని, చివరికి కాగితాలు కూడా తీసుకెళ్లనీయడం లేదని బాబు మండిపడ్డారు. టీడీపీ ఎమ్మెల్యేలపై చేయి వేసి తోసేశారన్నారు. ఎమ్మెల్యేను అవమానించినవారిని కఠినంగా శిక్షించాలని కోరారు. అయితే దీని పై మంత్రి బుగ్గన మాట్లాడుతూ, చంద్రబాబు ని ఎవరూ తోయ్యలేదని, చంద్రబాబే అందరినీ తోసేసారని, ఎదురు దాడి చేసారు. ఈ విషయం నేను పరిశీలిస్తానని స్పీకర్ చెప్పారు.

అసెంబ్లీలో చంద్రబాబు పై వ్యక్తిగత దాడి చేసి, పైకి గంభీరంగా కనిపిస్తున్నా, లోలోపల మాత్రం, వైసీపీ పార్టీలో ఏదో అబధ్రతా భావం కనిపిస్తుంది. ఒక పక్క ఢిల్లీలో తమ పార్టీ ఎంపీ రఘరామ కృష్ణంరాజు షాకులు మీద షాకులు ఇస్తుంటే, ఇక్కడ ఏపిలో నెల్లూరు పెద్దా రెడ్డి అయిన, ఆనం రాంనారాయణ రెడ్డి, నెల్లూరు మొత్తం మాఫియాలే అంటూ, సొంత ప్రభుత్వం పైనే సంచలన వ్యాఖ్యలు చేసి, సస్పెన్షన్ దాకా వెళ్ళేలా చేసారు. అయితే, ఇప్పుడు ప్రస్తుతం హాట్ టాపిక్ మాత్రం, ఢిల్లీలో పార్లమెంట్ సభ్యులకు ఇస్తున్న విందు. అది కూడా బీజేపీ ఎంపీలను, కేంద్ర మంత్రులను టార్గెట్ చేస్తూ ఇస్తున్న విందు. వైసీపీ ఎంపీ హోదాలో కాకుండా, సబార్డినేట్ లెజిస్లేచర్ కమిటీ అధ్యక్షుడి హోదాలో పార్లమెంట్ సభ్యులకు రఘరామ కృష్ణంరాజు ఈ విందు ఇస్తున్నారు. ఢిల్లీలోని జన్‌పథ్, లాన్స్ ఆఫ్ వెస్టర్న్ కోర్టులోని ఆయన వియ్యంకుడు కేవీపీ రామచంద్రరావు నివాసంలో, ఈ పొలిటికల్ డిన్నర్ జరగనుంది. అయితే కేవీపీ ఇంట్లో పెట్టటానికి కారణం కూడా చెప్పారు.

తనకు ఇంకా నివాసం కేటాయించక పోవటంతోనే, తన వియ్యంకుడు అయిన కేవీపీ రామచంద్రరావు నివాసంలో, ఈ విందు ఇస్తున్నట్టు రఘరామ కృష్ణంరాజు చెప్పారు. ఈ ఈ కార్యక్రమానికి మొత్తం 300 మంది ఎంపీలు హాజరవుతారని రఘురామకృష్ణంరాజు సన్నిహిత వర్గాలు చెబుతున్నాయి. ప్రధాని మోడీ, హోం మంత్రి అమిత్ షా, లోక్‌సభ స్పీకర్ ఓం బిర్లా కూడా ఈ విందుకు వస్తారని ప్రచారం జరుగుతున్నా, వాళ్ళు వచ్చే అవకాసం లేదని, కొంత మంది కేంద్ర మంత్రులు, మాత్రం వస్తారాని చెప్తున్నారు. అయితే ఈ విందుకు సొంత పార్టీ ఎంపీలు వస్తారా ? మరీ ముఖ్యంగా విజయసాయి రెడ్డి హాజరు అవుతారా లేదా అన్నది సస్పెన్స్ గా మారింది. జరుగుతున్న పరిణామాలు అన్నీ వైసీపీ అధిష్టానం గమనిస్తుంది.

రఘరామ కృష్ణంరాజు లైన్ దాటి, బీజేపీ దారిలోకి వెళ్తున్నారు అనే అనుమానం రావటంతోనే, దానికి కౌంటర్ గా జగన్ మోహన్ రెడ్డి, పశ్చిమగోదావరి జిల్లాలో బలమైన నేతగా ఉన్న మాజీ ఎంపీ గోకరాజు గంగరాజు కుమారుడు రంగరాజును, ఆయన సోదరులు నరసింహరాజు, రామరాజులను వైసీపీలో చేర్చుకున్నట్లు రాజకీయ వర్గాల్లో వినిపిస్తున్న టాక్. రఘురామకృష్ణంరాజు ఇప్పటికీ జగన్ హెచ్చరించినట్టు వార్తలు కూడా వచ్చాయి. విజయసాయి రెడ్డి లేకుండా ఎవరినీ కలవద్దు అని చెప్తున్నా, ప్రధాని మోడీ, ఇతర కేంద్ర మంత్రుల్ని కలుస్తుండటంతో జగన్ అసహనానికి లోనవుతున్నారు అనే వార్తలు వచ్చాయి. అయితే ఇప్పుడు ఏకంగా విందు ఏర్పాటు చెయ్యటం, అదీ కూడా, వైసీపీ ఎంపీగా కాకుండా, సబార్డినేట్ లెజిస్లేచర్ కమిటీ అధ్యక్షుడి హోదాలో విందు ఇవ్వటం చర్చనీయాసం అయ్యింది.

గన్నవరం ఎమ్మెల్యే వల్లభనేని వంశీ విషయం, ప్రతి రోజు ఏదో ఒక విధంగా వార్తల్లో ఉంటూనే ఉంది. వంశీ అసెంబ్లీలో మాట్లాడుతూ, తాను టిడిపితో కలిసి ఉండలేక పోతున్నానని, తనకు వేరే స్థానం ఇవ్వాలని కోరటం, వెంటనే స్పీకర్ కూడా దానికి అంగీకరించటం, ఇప్పుడు చర్చనీయంసం అయ్యింది. అయితే స్పీకర్ నిర్ణయం పై తెలుగుదేశం పార్టీ అసంతృప్తిలో ఉంది. వంశీ, తమ అధినాయకుడు పై చేసిన పరుష పదజాలానికి, అతనకి షోకాజ్ నోటీస్ ఇచ్చామని, అప్పటి వరకు పార్టీ నుంచి సస్పెండ్ చేసామని చెప్తున్నారు. అంతే కాని వంశీని, పార్టీ నుంచి బహిష్కరణ వేటు వెయ్యలేదని అంటున్నారు. సస్పెన్షన్‌లో ఉన్నప్పుడు ప్రత్యేక స్థానం ఇవ్వకూడదని పేర్కొన్నారు. ఒక వేళ, పూర్తి బహిష్కరణ వేటు పడితే ఎమ్మెల్యేగా కూడా అనర్హుడేనని చంద్రబాబు చెప్పారు. అయితే ఈ రోజు మీడియా అణిచివేతకు నిరసనగా చంద్రబాబు, గవర్నర్ ని కలవనున్నారు. ఈ సందర్భంలోనే, వంశీని ప్రత్యెక సభ్యుడిగా స్పీకర్ గుర్తించటం పై కూడా, చంద్రబాబు ఫిర్యాదు చెయ్యనున్నారు.

అయితే ఇదే విషయం పై, ఇప్పటికే తెలుగుదేశం పార్టీ స్పీకర్ కూడా ఒక లేఖ రాసింది. ఇది ఆ లేఖ "గౌ. శ్రీ తమ్మినేని సీతారామ్‌ గారికి, అసాధారణ పరిస్థితుల్లోగాని, ఏదైనా విపత్కర పరిస్థితి కలిగినప్పుడుగాని ప్రశ్నోత్తరాలను వాయిదావేసి సదరు అంశాన్ని ముందుగా సభలో చేపట్టడం జరుగుతుంది. రాష్ట్రానికి లబ్ది, విస్త త ప్రజా ప్రయోజనాలు ఉన్న అంశం ఏదైనావస్తే అలాంటి సందర్భాల్లో క్వశ్చన్‌ అవర్‌ వాయిదా వేయడం కద్దు. అలాంటిది మంగళవారం(10.12.2019) ఏ అసాధారణ పరిణామం జరగకుండానే, ఏ విపత్కర పరిస్థితి ఏర్పడకుండానే, ఏ ప్రజా ప్రయోజనం లేకుండానే, ప్రశ్నోత్తరాలను వాయిదా వేసి మరీ శ్రీ వల్లభనేని వంశీమోహన్‌ కి సభలో మాట్లాడే అవకాశం కల్పించడం తద్భిన్నంగా ఉంది. తెలుగుదేశం పార్టీ సింబల్‌ సైకిల్‌ గుర్తుపై గన్నవరం నియోజకవర్గం నుంచి ఎన్నికైన శాసన సభ్యుడు శ్రీ వల్లభనేని వంశీమోహన్‌. పార్టీ వ్యతిరేక కార్యకలాపాలకు పాల్పడినందుకు తెలుగుదేశం పార్టీ గన్నవరం శాసన సభ్యుడు వల్లభనేని వంశీని సస్పెండ్‌ చేశామేగాని పార్టీనుంచి బహిష్కరించలేదు. సస్పెన్షన్‌లోనే ఉన్నాడంటే ఆయన ఇంకా పార్టీ సభ్యుడేననేది మీకు తెలియందికాదు. ఇంకా టిడిపి సభ్యుడిగానే ఉన్నశ్రీ వల్లభనేని వంశీమోహన్‌ కి మీరు ప్రత్యేకంగా సీటు ఎలా కేటాయిస్తారు..? అసెంబ్లీ రికార్డులలో శ్రీ వల్లభనేని వంశీమోహన్‌ ఇంకా టిడిపి సభ్యుడే..ఒకవేళ మారిస్తే ఆ విషయం మీరే స్పష్టంగా ప్రకటించాలి. "

"టిడిఎల్‌పి శాసనసభా పక్షం సభ్యుడిగా ఉన్న వ్యక్తికి ప్రత్యేక సీటు ఎలా కేటాయిస్తారు..? సభలో ఆయనను ప్రత్యేకంగా ఎలా గుర్తిస్తారు..? శ్రీ వల్లభనేని వంశీమోహన్‌ మాట్లాడే సమయం కూడా టిడిఎల్‌పి సమయంలో భాగంగానే ఉంటుంది, మాట్లాడే సభ్యుల జాబితాను టిడిఎల్‌ పి అందజేస్తుంది. టిడిఎల్‌పి జాబితాలోనే ఆయన పేరు ఉన్నప్పుడు, 09.12.2019న వక్తల జాబితాలో ఆయన పేరును టిడిఎల్‌ పి పంపనప్పుడు ఏ విధంగా ఆయనకు సభలో మాట్లాడే అవకాశం ఇచ్చారు..? సీటు ఎలా సెపరేట్‌ గా కేటాయించారు..? పార్టీ వైఎస్సార్‌ కాంగ్రెస్‌ పార్టీ కొమ్ముకాసేలా వ్యవహరించడం గర్హనీయం. ఒకవైపు కొత్త ఒరవడి సష్టిస్తానని చెబుతూ, మరోవైపు నిబంధనలను ఉల్లంఘించడం, సాంప్రదాయాలను కాలరాయడం దురదష్టకరం. రానున్న కాలంలో అయినా ఇటువంటి వివాదాస్పద చర్యలను పునరావతం చేయరాదని, ది 10.12.2019న తీసుకున్న చర్యలను ఉపసంహరించుకోవాలని, వల్లభనేని వంశీమోహన్‌ చేసిన వ్యాఖ్యలను రికార్డుల నుంచి తొలగించాలని కోరుతున్నాం." అంటూ టిడిపి లెటర్ రాసింది.