news

నరసాపురం ఎంపీ, వైసీపీ నేత కనుమూరి రఘురామ కృష్ణంరాజు మళ్ళీ వార్తల్లోకి ఎక్కారు. పార్లమెంట్ మొదలైన దగ్గర నుంచి ఆయన వ్యవహార శైలితో, ఇక్కడ వైసీపీ ప్రభుత్వం కొంత ఇబ్బంది పడుతుంది. రఘురామ కృష్ణంరాజు స్వతంత్రంగా వ్యవహరిస్తున్నారని, ఇలా వద్దు అంటూ జగన్ ఇన్ డైరెక్ట్ గా వార్నింగ్ కూడా ఇచ్చినట్టు, వార్తలు కూడా వచ్చాయి. ఢిల్లీలో ఎవరిని కలవాలి అన్నా, ముందు విజయసాయి రెడ్డితో చెప్పి, తరువాతే వెళ్ళాలని చెప్పినా, రఘురామ కృష్ణంరాజు మాత్రం, ఆయన పంధాలోనే వెళ్తున్నారు. పార్లమెంట్ మొదటి రోజు, తెలుగు భాష పై ప్రశ్న అడగి, ఇక్కడ వైసీపీని డిఫెన్సు లోకి నెట్టారు. తరువాత ఏకంగా ప్రధాని మంత్రి మోడీకి పాదాభివందనం చేసారు. తరువాత వివిధ కేంద్ర మంత్రులను కలిసారు. అయితే వీటి అన్నిటి పై, జగన్ కు వివరణ కూడా ఇచ్చారు. అయినా కూడా వైసీపీ, రఘురామ కృష్ణంరాజు వైఖరి పై, కొంత అసంతృప్తిగానే ఉంది. అయితే, మరోసారి రఘురామ కృష్ణంరాజు వార్తల్లో నిలిచారు.

ఈ సారి ఏకంగా, బీజేపీ హైకమాండ్ కూడా రఘురామ కృష్ణంరాజు గారిని వెల్ డన్ అంటూ మెచ్చుకుంది. బీజేపీ ఒక్కటే కాదు, అన్ని పార్టీలు మేచ్చుకున్నాయి. బీజేపీ కూడా చెయ్యలేని పనిని రఘురామ కృష్ణంరాజు చేసి చూపించి, బీజేపీ పెద్దలు ఊపిరి పీల్చుకునేలా చేసారు. ఇంతకీ ఏమి జరిగింది అంటే, బీజేపీ ఎంపీ ప్రజ్ఞాసింగ్‌, గాంధీని చంపిన, నాథూరామ్‌ గాడ్సేను దేశభక్తుడిగా పొగుడుతూ, వివాదానికి తెర లేపారు. అయితే ప్రతిపక్షాలతో, సొంత పక్షం నేతలు కూడా, ఆమె వైఖరి పై నిరసన వ్యక్తం చేసారు. దీంతో ఈ వివాదం ఎలా ముగించాలా అని బీజేపీ పెద్దలు మదన పడుతున్న వేళ, ఆ వివాదాన్ని కొలిక్కి తేవడంలో ఎంపీ రఘురామ కృష్ణంరాజు చూపించిన చొరవతో, వివాదం పరిష్కారం అయ్యి, బీజేపీ పెద్దలను ఊపిరి పీల్చుకునెలా చేసింది.

ప్రజ్ఞా క్షమాపణ కోసం శుక్రవారం పార్లమెంటులో ప్రతిపక్షాలు పెద్ద ఎత్తున ఆందోళన చేసాయి. పార్లమెంట్ నడిచే పరిస్థితి లేకపోవడంతో, స్పీకర్ సభ వాయిదా వేసి, అఖిలపక్ష సమావేశం నిర్వహించారు. ఆ సమయంలో వైసీపీ నుంచి, లోక్‌సభ నాయకుడు మిథున్‌రెడ్డి కాకుండా, రఘురామకృష్ణంరాజు ఈ సమావేశానికి హాజరయ్యారు. అయితే ప్రజ్ఞాతో క్షమాపణ చెప్పించే విషయమై బీజేపీ అధిష్టానం, నాయకులు చాలాసేపు తర్జనభర్జనపడ్డారు. అది గమనించిన రఘురామకృష్ణంరాజు, పార్లమెంట్ లో వద్దు కాని, అఖిలపక్ష నాయకుల ఎదుట క్షమాపణ చెప్పేలా సాధ్వీని ఒప్పించారని, దీంతో ఈ వివాదం ముగుసిందని సమాచారం. ఆ సమావేశం నుంచి బయటకొచ్చిన పలు పార్టీల సభ్యులు, ముఖ్యంగా బీజేపీ అధిష్టానం, రఘురామకృష్ణంరాజును అభినందించారు. సొంత పార్టీ నేతలా వ్యవహరించినందుకు, ధన్యవాదాలు తెలిపారు.

ఒక పక్క ఈ రోజుతో, జగన్ మొహన్ రెడ్డి గారి ప్రభుత్వం, ఆరు నెలలు పూర్తీ చేసుకుని, ముందుకు సాగుతున్న వేళ, మా ప్రభుత్వం అద్భుతంగ పని చేస్తుంది, దేశమంతా ఆంధ్రప్రదేశ్ వైపు చూస్తుంది అంటూ, వైసీపీ ప్రచారం చేసుకుంటుంది. మరో పక్క, ఈ ఆరు నెలల్లో జగన్ మోహన్ రెడ్డి ప్రభుత్వం, రద్దులు, కుల్చివేతలు, రివెర్స్ పాలనతో, నెగటివ్ దృక్పదంలో, దేశం మొత్తం మన వైపు చూస్తుంది అంటూ, తెలుగుదేశం పార్టీ ఆరోపిస్తుంది. ఆరు నెలలకు సంబంధించి, మంచి సియం కాదు, ముంచే సియం అంటూ తెలుగుదేశం, ఒక పుస్తకం కూడా విడుదల చేసింది. మరో వైపు పడిపోతున్న ఆర్ధిక పరిస్థితి, ఆందోళన కలిగిస్తున్న సంగతి తెలిసిందే. అయితే, ఈ ఆరు నెలల్లో జగన్ మంచి సియంగా ఉన్నారా, ముంచే సియంగా ఉన్నారా అనేది ప్రజలు నిర్ణయిస్తారు కాని, కేంద్రప్రభుత్వం మాత్రం, రాష్ట్ర ప్రభుత్వ వైఖరి పై, ఆందోళనతో ఉంది. వారు మునిగేది కాక, మమ్మల్ని కూడా ముంచేస్తున్నారు అంటూ, కేంద్ర ప్రభుత్వం అంటుంది.

జగన మోహన్ రెడ్డి ముఖ్యమంత్రి అవ్వగానే, గతంలో చంద్రబాబు నాయుడు హయంలో జరిగిన విద్యుత్ ఒప్పందాలు అక్రమం అని, అవినీతి జరిగింది అని, ఆ ఒప్పందాల పై సమీక్ష జరుపుతాం అంటూ నిర్ణయం తీసుకున్నారు. అయితే ఇలా చేస్తే, మాకు రుణాలు ఇచ్చే వారు ఉండరు అని, మా క్రెడిబిలిటీ పడిపోతుంది అంటూ, ఆ కంపెనీలు కోర్ట్ కు వెళ్ళాయి. అలాగే విదేశీ పెట్టుబడులు కూడా అందులో ఉండటం, జపాన్ ప్రభుత్వం సీరియస్ అవ్వటంతో, కేంద్ర ప్రభుత్వం కూడా, ఈ చర్యలు తప్పు అని రాష్ట్రాన్ని హెచ్చరించింది. అయితే ఇదే విషయం పై నిన్న పార్లిమెంట్ లో, కేంద్ర విద్యుత్తు, పునరుత్పాదక ఇంధన వనరుల శాఖ మంత్రి ఆర్‌కే సింగ్‌, రాష్ట్ర ప్రభుత్వం పై సంచలన వ్యాఖ్యలు చేసారు.

ఆంధ్రప్రదేశ్‌ లాంటి కొన్ని రాష్ట్రాల వైఖరి వల్ల, మన దేశంలో సోలార్ విద్యుత్తు ఉత్పత్తి కేంద్రాల ఏర్పాటుకు టెండర్లు వేసేవారి సంఖ్య బాగా తగ్గిపోయిందని ఆర్‌కే సింగ్‌ పార్లమెంట్ లో తెలిపారు. ఒక ప్రశ్నకు సమాధానంగా ఈ విషయం చెప్పారు. గతంలో అధికంగా టెండర్లు వచ్చేవని, కానీ కొంతకాలంగా టెండర్లు వేసే వారు తగ్గిపోయరని అన్నారు. కొన్ని రాష్ట్రాల సకాలంలో బిల్లులు చెల్లించకపోవడం, విద్యుత్తు నియంత్రణ సంస్థలు టారిఫ్‌ల నిర్ధారణలో జాప్యం చేయడం, ఆంధ్రప్రదేశ్‌ ప్రభుత్వం పీపీఏలను పునఃసమీక్షించడానికి సిద్ధమవడం లాంటివి ఇందుకు ముఖ్య కారణాలని చెప్పారు. ఆంధ్రప్రదేశ్ ప్రభుత్వం చేస్తున్న చర్యలతో, పెట్టుబడిదారుల విశ్వాసంపై తీవ్ర ప్రభావం చూపింది అన్నారు. అందుకే పీపీఏలకు తప్పనిసరిగా కట్టుబడి ఉండాలని, అవినీతి జరిగిందని సమాచారం ఉంటేనే, సమీక్ష చేసుకోవాలని చెప్పినట్టు కేంద్ర మంత్రి అన్నారు.

ప్రజా వేదిక కూల్చివేతతో మొదలైన కక్ష రాజకీయం, కేసులు, అరెస్ట్ లు దాకా సాగుతుంది. వైసీపీ ప్రభుత్వం అధికారంలోకి వచ్చిన దగ్గర నుంచి తెలుగుదేశం పార్టీ పై కక్ష సాధింపు కొనసాగిస్తూనే ఉంది. ప్రజా వేదిక కూల్చేసి, అది చంద్రబాబు ఆఫీస్ గా ఇవ్వకుండా చేసారు. అయితే, అది అక్రమ భవనం అని అందుకే అలా చేసామని అన్నారు. తరువాత, విశాఖపట్నం తెలుగుదేశం పార్టీ ఆఫీస్ ని కూల్చేస్తాం అంటూ నోటీస్ ఇచ్చి రాత్రికి రాత్రి వస్తే, కోర్ట్ నుంచి స్టే తెచ్చి ఆపారు. ఇప్పుడు గుంటూరులో తెలుగుదేశం పార్టీ ప్రధాన కార్యాలయానికి ఎసరు వచ్చింది. డిసెంబర్ 6 న, తెలుగుదేశం పార్టీ నూతన కార్యాలయం ప్రారంభం కానుంది. అయితే, ఆ నిర్మాణం అక్రమంగా జరిగింది అంటూ, వైసీపీ దాని పై జిల్లా యంత్రాంగానికి ఫిర్యాదు చేసింది. నిబంధనలు విరుద్ధంగా, తెలుగుదేశం పార్టీ ఆఫీస్ కు స్థలం కేటాయింపు జరిగింది అని, ఆ ఉత్తర్వులు రద్దు చేసి, కార్యాలయం సంగతి చూడాలి అంటూ, ఒక ఎంపీ, ముగ్గురు ఎమ్మెల్యేలు ఫిర్యాదు చేసారు.

దీంతో గుంటూరు కలెక్టర్, రెవిన్యూ డిపార్టుమెంటు ని అలెర్ట్ చేసారు. తెలుగుదేశం పార్టీకి ఇచ్చిన స్థలం, సంగతి తేల్చాలని, ఆ భూమి పూర్వాపరాలు, తదితర అంశాల పై, రిపోర్ట్ ఇవ్వాలని కలెక్టర్ కోరారు. మరో పక్క ఆ భూమి పై తనకు హక్కు ఉంది అంటూ, షేక్‌ భాషా అనే వ్యక్తి కూడా ఫిర్యాదు చేశారు. ఈ ఫిర్యాదుల పై తగిన చర్యలు తీసుకోవాలని, విచారణ జరపాలని, ముఖ్యమంత్రి కార్యాలయం కూడా, రెవెన్యూ శాఖను ఆదేశించింది. మొత్తంగా తెలుగుదేశం పార్టీ కార్యాలయం పై, అయుదు ఫిర్యాదులు వచ్చాయి. అయితే, ఇప్పుడు కలెక్టర్ ఏమి తేలుస్తారు ? అంతా నిబంధనలు ప్రకారమే ఉందా ? ప్రభుత్వం తదుపరి చర్య ఎలా ఉంటుంది, అనే విషయం ఆసక్తిగా ఉంది. అయితే, తెలుగుదేశం పార్టీ మాత్రం, అన్నీ పర్ఫెక్ట్ గా ఉన్నాయని, కోర్ట్ లో తేల్చుకుంటాం అంటుంది

ఇది ఇలా కొనసాగుతూ ఉండగానే, కృష్ణా జిల్లా టీడీపీ కార్యాలయం కోసం గుణదలలో కేటాయించిన 92 సెంట్ల భూమి తమది అని, ఆ స్థలంతో మాకు అవసరం ఉందని, తిరిగి ఇచ్చేయాలని, జలవనరుల శాఖ, రెవిన్యూ శాఖను కోరింది. గతంలో అన్ని పార్టీలకు, ఇలా భూములు కేటాయించారు. అయితే అవన్నీ ఎక్కువగా నిరుపయోగంగా ఉన్న భూములు. అయితే జలవనరుల శాఖ మాత్రం, టిడిపికి కృష్ణా జిల్లాలో ఇచ్చిన భూమి, రద్దు చెయ్యాలని కోరింది. ఇప్పటికే, ప్రకాశం జిల్లా ఒంగోలులో టీడీపీ ఆఫీసుకు కేటాయించిన భూమి, ఇలాగే జలవనరుల శాఖ వెనక్కు తీసుకుంది. అలాగే, గుంటూరు, శ్రీకాకుళం, చిత్తూరు, కడప, విజయనగరం తదితర జిల్లాల్లో టిడిపికి ఇచ్చిన భూమిని కూడా వెనక్కు తీసుకునే అవకాసం ఉన్నట్టు తెలుస్తుంది. మొత్తానికి, తెలుగుదేశం పార్టీకి అన్ని వైపుల నుంచి, ఇబ్బంది పెడుతూనే ఉంది వైసీపీ ప్రభుత్వం.