news

ఆదివారం పూట రాష్ట్ర ప్రజలకు విషాద వార్త. గోదావరి నదిలో ఘోర బోటు ప్రమాదం జరిగింది. తూర్పుగోదావరి జిల్లా దేవీపట్నం మండలం కచ్చులూరు మంద సమీపంలో పర్యాటక బోటు ప్రమాదానికి గురైంది. బోటు పూర్తిగా మునిగిపోయినట్టు సమాచారం. ఈ బోటులో 61 మందికి పైగా ఉన్నారని సమాచారం. వీరిలో 50 మంది పర్యాటకులు, మిగతా 11 మంది బోటు సిబ్బందిగా ఉన్నట్టు తెలుస్తోంది. వీరంతా గండిపోచమ్మ ఆలయం నుంచి పాపికొండల టూర్‌కు వెళ్తున్న సమయంలో, ఈ ఘటన జరిగింది. అయితే లైఫ్‌ జాకెట్లు వేసుకున్న వారిలో 14 మంది సురక్షితంగా అక్కడి గ్రామస్తులు బయటకు చేరుకున్నారు. లైఫ్‌జాకెట్లు వేసిన వారిని స్థానికులు పడవల్లో వెళ్లి వారిని ఒడ్డుకు తీసుకొచ్చారు. నిన్నటి వరకు గోదావరిలో 5 లక్షల క్యూసెక్కుల వరద ప్రవాహం ఉంది. ఇంత వరద ఉద్ధృతి ఉంటే బోటుకు అనుమతి ఎలా ఇచ్చారని ప్రత్యక్షసాక్షులు ప్రశ్నిస్తున్నారు.

ఈ ఘటనపై సమాచారం అందుకున్న వెంటనే స్థానిక అధికారులు, పోలీసులు ఘటనాస్థలికి వెళ్లేందుకు పయనమయ్యారు. మరో పక్క చీఫ్ సెక్రటరీ ఎల్వీ సుభ్రమణ్యం, అక్కడ కలెక్టర్ తో మాట్లాడి సహయక చర్యలు పై అరా తీసారు. రాజమండ్రి నుంచి ఒక హెలికాప్టర్ కూడా సహాయక చర్యల కోసం వెళ్లినట్టు తెలుస్తుంది. పూర్తిగా ఏజెన్సీ ప్రాంతం కావటంతో, అక్కడ ఏమి జరిగిందో తెలియటం లేదు. కమ్యూనికేషన్ లేకపోవటంతో, సహాయక చర్యల్లో తీవ్ర జాప్యం జరుగుతుంది. మరో పక్క అక్కడకు వెళ్ళటానికి రోడ్ మార్గం కూడా లేదని తెలుస్తుంది. లాంచీల్లోనే అక్కడకు వెళ్ళే అవకాసం ఉందని సమాచారం. విషయం తెలియటంతో, అధికారులు హుటాహుటిన సంఘటనా ప్రాంతానికి బయలుదేరారు.

గోదావారి తీవ్రత ఎక్కువగా ఉండటం, ఆ ప్రదేశంలో లోతు ఎక్కువగా ఉండటంతో, గల్లంతైన వారు క్షేమంగా ఉంటారో లేదో అని అక్కడ గ్రామస్తులు అంటున్నారు. అయితే ఇంత వరదలో, అసలు పర్యాటక బోటు ఎలా వెళ్ళింది ? అసలు ఇది వెళ్ళటానికి ఎవరు పర్మిషన్ ఇచ్చారు ? ఇంత ఫ్లో లో, అక్కడ ఇళ్ళు మునిగిపోతుంటే, అలాంటి చోటకు ఎలా అనుమతులు ఇచ్చారు అనే విషయాల పై అక్కడ ప్రజలు ప్రశ్నిస్తున్నారు. గతంలో జరిగిన సంఘటనలు అప్పుడు, పర్యాటక శాఖ పై ఎన్ని విమర్శలు వచ్చిన సంగతి తెలిసిందే. అయితే, అప్పటి నుంచి కూడా పర్యాటక శాఖ ఇంకా పాఠాలు నేర్చుకోలేదని ఈ సంఘటనతో తెలుస్తుంది. ఏది ఏమైనా, నష్టం తక్కువ ఉండాలి, అందరూ క్షేమంగా ఉండాలని కోరుకుందాం.

కాంగ్రెస్‌ పార్టీ కార్యనిర్వాహక అధ్యక్షుడు, మల్కాజ్‌గిరి ఎంపీ రేవంత్‌రెడ్డికి జనసేన అధినేత పవన్‌ కల్యాణ్‌ ఈ రోజు ఫోన్‌ చేశారు. యురేనియం తవ్వకాలకు అందరం కలిసి, పోరాడదామని , దీనికి కలిసి రావాలని, పవన్ కళ్యాణ్, రేవంత్ రెడ్డిని కోరారు. యురేనియం తవ్వకాలకు వ్యతిరేకంగా సోమవారం ఉదయం 10 గంటలకు దస్పల్లా హోటల్‌లో అఖిలపక్ష సమావేశం ఎర్పాటు చేసామని, అందులో పాల్గొనాలని, రేవంత్ ను పవన్ కళ్యాణ్ ఆహ్వానించారు. పవన్‌ ఆహ్వానానికి రేవంత్‌ స్పందిస్తూ, తప్పకుండా వస్తానని చెప్పారు. కాంగ్రెస్ సీనియర్ నాయకుడు, మాజీ ఎంపీ వీ హనుమంతు రావు నేతృత్వంలో ఈ అఖిలపక్ష సమావేశం జరగనుంది. వారం రోజుల క్రిందట, వీహెచ్, పవన్ కళ్యాణ్ కలిసి, ఈ ఉద్యమంలో కలిసి రావాలని కోరారు. వీహెచ్ పిలుపుకు స్పందించిన పవన్ కళ్యాణ్, యురేనియం తవ్వకాలకు వ్యతిరేకంగా జనసేన కలిసి వస్తుందని చెప్పారు.

తెలంగాణా భూభాగంలో, నల్లమల అడవులలోని అమ్రాబాద్‌ ప్రాంతంలో కేంద్ర ప్రభుత్వం, రాష్ట్ర ప్రభుత్వంతో కలిసి యురేనియం తవ్వకాలు జరపాలని నిర్ణయం తీసుకుంది. అయితే దీని పై అన్ని వర్గాల నుంచి తీవ్ర నిరసన వ్యక్తం అవుతుంది. యురేనియం తవ్వకాల వల్ల పర్యావరణం దెబ్బ తింటుందని, ప్రజల ఆరోగ్యానికి తీవ్ర ప్రభావం కలుగుతుందని, మేధావులు, సామాన్య ప్రజలు నిరసన తెలుపుతున్నారు. దీని పై సినీ ప్రముఖులు కూడా తమ నిరసన తెలిపారు. ఇప్పటికే పవన్‌ కల్యాణ్‌, విజయ్‌ దేవరకొండ, సాయి ధరమ్‌ తేజ్‌, అనసూయ వంటి సినీ సెలబ్రిటీలు నల్లమల అడవులను కాపాడాలని, యురేనియం తవ్వకాలకు ఉద్యమించాలని ప్రజలకు పిలుపిచ్చారు. తాజాగా సినీ హీరోయిన్ సమంత కూడా యురేనియం తవ్వకాల నుండి నల్లమల అడవిని కాపాడండి అని ప్రెసిడెంట్‌ ఆఫ్‌ ఇండియాని కోరింది.

నల్లమల అడవుల్లో యురేనియం తవ్వకాలతో పర్యావరణానికి నష్టం కలుగుతుందని, యావత్తు జీవ రాసుల, జీవవైవిధ్యం నాశనమవుతుందని అనేక మంది నిరసన వ్యక్తం చేస్తున్నారు. యురేనియం తవ్వకాలతో కృష్ణా జలాలు కలుషితమయితే, ప్రజలు క్యాన్సర్‌, మూత్రపిండ వ్యాధుల బారిన పడతారని ఆందోళన వ్యక్తం చేస్తున్నారు. నల్లమలలో యురేనియం తవ్వకాలతో తెలంగాణా ప్రాంతమే కాక, ఆంధ్రప్రదేశ్ రాష్ట్ర ప్రజలకు కూడా ముప్పు ఉంటుందని మేధావులు చెబుతున్నారు. నల్లమల అడువుల్లో జీవవైవిధ్యం దెబ్బతిని వేలాది సంఖ్యలో జంతువులు మృత్యువాత పడతాయని, అక్కడ నివసించే గిరిజనులుకు కూడా ప్రమాదం అని అంటున్నారు. ఇప్పటికే ఈ విషయం పై సోషల్ మీడియాలో కూడా పెద్ద ఎత్తున నిరసన వ్యక్తం అవుతుంది.

దేశ రాజధాని ఢిల్లీలోని హౌసింగ్ ప్రాజెక్టుల కోసం అమరావతిలో తరహా ల్యాండ్ పాలసీని కేంద్ర ప్రభుత్వం అమలు చేసే ప్రయత్నల్లో ఉంది. అమరావతిలో రాజధాని కోసం 34,010 ఎకరాల భూమిని ఇవ్వడానికి సుమారు 28,074 మంది రైతులు ముందుకు వచ్చిన సంగతి తెలిసిందే. ఈ పాలసీ దేశ వ్యాప్తంగానే కాక, ప్రపంచ వ్యాప్తంగా చంద్రబాబుకి మంచి పేరు తెచ్చి, అందరికీ ఒక రోల్ మోడల్ గా నిలించింది. ఎక్కడైనా ఒక ఎకరం భూమీ ప్రభుత్వాలు తీసుకోవాలి అనుకుంటే, నానా హంగామా చేస్తే కాని రాదు. అలాంటిది ఎక్కడా చిన్న ఆందోళన కూడా లేకుండా 33 వేల ఎకరాలు ఇవ్వటంతో, దేశ వ్యాప్తంగా ఈ విధనాననికి ప్రాచుర్యం వచ్చింది. ఢిల్లీ డెవలప్‌మెంట్ అథారిటీ కేటాయించిన ప్రాంతాల్లో సుమారు 76 లక్షల మంది జనాభాకు 17 లక్షల గృహాలను నిర్మాణం చెయ్యటానికి, ఇప్పుడు ఇలాంటి విధానాన్ని అక్కడ ప్రభుత్వం అమలు చేస్తుంది.

ల్యాండ్ పూలింగ్ విధానం ద్వారా గ్లోబల్ స్టాండర్డ్స్ ప్రకారం నగరం యొక్క పునరాభివృద్ధిని జరుగుతుందని కేంద్ర గృహనిర్మాణ మరియు పట్టణ వ్యవహారాల మంత్రి హర్దీప్ సింగ్ పూరి అన్నారు. ల్యాండ్ పూలింగ్ విధానం ద్వారా, భూమిని సమీకరించటం చాలా తేలిక అని, ఇరు వర్గాలకు ఆమోదయోగ్యమైన సమర్థవంతమైన విధానం అని ఆయన పేర్కొన్నారు. ప్రభుత్వ, ప్రైవేటు భాగస్వామ్యంతో జరిగే ఈ కార్యక్రమం వల్ల పట్టణాభివృద్ధి వేగంగా సాగుతుందన్నారు. శుక్రవారం ఢిల్లీలో ‘భూసమీకరణ: ఇండియా కేపిటల్‌ నిర్మాణం- రియల్‌ఎస్టేట్‌, మౌలికవసతులరంగంలో అవకాశాలు’’ అన్న అంశంపై ఢిల్లీ అభివృద్ధి ప్రాధికార సంస్థ ఏర్పాటు చేసిన కాన్ఫరెన్స్‌లో ఆయన మాట్లాడారు.

ల్యాండ్ పూలింగ్ విధానం కింద దిల్లీలో సమీకరించే భూమిలో 17 లక్షల నివాసాలను నిర్మించాలని లక్ష్యంగా పెట్టుకున్నామని, అందులో 5 లక్షల ఇళ్లను ఆర్థికంగా వెనకబడినవారి కోసం అందజేస్తామని కేంద్రమంత్రి చెప్పారు. ఏదేమైనా, అమరావతిలో చంద్రబాబు నాయుడు చేసినట్లు కేంద్ర ప్రభుత్వం కూడా భూ యజమానులకు, ఈ విధానం ద్వారా విశ్వాసం కలిగించగలదు. అయితే చంద్రబాబు ప్రవేశపెట్టిన విధానం, ఆయాన ముందు చూపును తెలియ చేస్తుంది. చంద్రబాబు ఏమి చేసినా ఒక విజన్ తో చేస్తారని చెప్పటానికి ఈ విధానం ఒక ఉదాహరణ. చంద్రబాబు చేసిందే, ఎప్పటికైనా దేశం మొత్తం పాటిస్తుంది. కాని బాధాకరమైన విషయం ఏమిటి అంటే, సొంత రాష్ట్ర ప్రజలు మాత్రం చంద్రబాబు విజన్ ని గుర్తించటంలో ఎప్పుడూ విఫలం అవుతూనే ఉంటారు. తరువాత బాధపడతారు.