news

ఆంధ్రప్రదేశ్ రాష్ట్రంలో వివిధ పార్టీల నుంచి తమ పార్టీల్లో నేతలను చేర్చుకుంటున్న బీజేపీ పార్టీ, ఇప్పుడు రాజకీయాల్లో రిటైర్డ్ అయ్యి ఇంట్లో ఉన్న వాళ్ళని కూడా తమ పార్టీలో చేర్చుకునే పనిలో ఉన్నారు. ఇందులో భాగంగా వారి కన్ను మాజీ సియం నాదెండ్ల భాస్కరరావు పై పడింది. దీంతో వెంటనే ఆయనతో సంప్రదింపులు జరిపి, ఆయన్ను బీజేపీలో చేర్చుకునే ప్రయత్నం చేసారు. ఈ రోజు ఆయన కేంద్ర హోం శాఖా మంత్రి, బీజేపీలో నెంబర్ టు అయిన అమిత్ షా సమక్షంలో బీజేపీ పార్టీలో చేరారు. ఈ రోజు హైదరాబాద్ పర్యటనకు వచ్చిన అమిత్ షా, శంషాబాద్‌లో జరిగిన సభ్యత్వ నమోదు ప్రారంభ కార్యక్రమంలో పాల్గున్నారు. ఇదే వేదిక పై, అమిత్ షా, నాదెండ్లకు కాషాయ కండువా కప్పి పార్టీలో చేర్చుకున్నారు. నాదెండ్లతో పాటు పలువురు నాయకులు కూడా బీజేపీ పార్టీలో చేరారు. తనకు బీజేపీలో చేరమని, గత కొన్ని రోజులుగా ఆఫర్స్ వస్తున్నాయని, రెండు రోజుల క్రిందట నాదెండ్ల ఒక ఇంటర్వ్యూ లో చెప్పిన విషయం తెలిసిందే.

అయితే నాదెండ్ల భాస్కరరావు కుమారుడు, మాజీ స్పీకర్ నాదెండ్ల మనోహర్ మాత్రం జనసేన పార్టీలో నెంబర్ టు గా ఉన్న సంగతి తెలిసిందే. మరి తండ్రి ఒక పార్టీ, కొడుకు ఒక పార్టీలో ఉంటారా , లేక నాదెండ్ల మనోహర్ కూడా, త్వరలో బీజేపీలోకి చేరతారా అనేది తెలియాల్సి ఉంది. గతంలో ఎన్టీఆర్ అమెరికా వెళ్ళిన సమయంలో, ఆయన ప్రభుత్వాన్ని కూల్చి, నాదెండ్ల భాస్కరరావు సియం అయిన సంగతి తెలిసిందే. అప్పట్లో ఆగస్టు 16 నుంచి సెప్టెంబర్ 16 వరకు నెల రోజుల పాటు మాత్రమే ముఖ్యమంత్రిగా నాదెండ్ల భాస్కరరావు పనిచేశారు. మళ్ళీ తిరిగి 1998లో కాంగ్రెస్ పార్టీ నుంచి ఖమ్మం ఏపీ అయ్యారు. అప్పటి నుంచి ఆయన రాజకీయ సన్యాసంలో ఉన్నారు. ఇప్పుడు ఆయన వయసు దాదాపు 85 ఏళ్ళు ఉంటాయి. ఈ వయసులో పార్టీ ఎందుకు మారారు ? బీజేపీ పార్టీకి నాదెండ్ల భాస్కరరావు ఏ రకమైన సేవ చేయగలరు అనేది చూడాలి.

ఎన్నికల్లో ఓడిపోయిన తరువాత, పెద్దగా రాజకీయాలు గురించి మాట్లాడని పవన్, ఈ రోజు అమెరికా పర్యటనలో తన ఓటమి పై మాట్లాడుతూ, ప్రత్యర్ధుల పై పరోక్ష విమర్శలు చేసారు. అమెరికా వేదికగా జరుగుతున్న తానా వేడుకుల్లో జనసేన అధినేత పవన్ కళ్యాణ్ పాల్గున్నారు. ఆయనతో పాటు, పార్టీ నేత అయిన నాదెండ్ల మ‌నోహర్ కూడా తానా 22వ మ‌హాస‌భ‌ల‌కు వెళ్లారు. ఈ సందర్భంగా పవన్ కళ్యాణ్, మొన్న జరిగిన అసెంబ్లీ ఎన్నికల పై, తన ఓటమి పై మాట్లాడారు. సమాజంలో జరుగుతున్న చాలా విషయాల పై ఇంత మంది పెద్ద పెద్ద నాయకులు ఉన్నా, ఎవరూ పట్టించుకునే వారు కాదని, ఎవరూ మాట్లాడటం లేదని ఆవేదన చెంది, తన గుండెల్లో బాధ చెప్పటానికి, జరుగుతున్న విషయాల పై ప్రశ్నించటానికి జనసేన పార్టీ పెట్టానని పవన్ కళ్యాణ్ అన్నారు. పార్టీ పెట్టటానికి సిద్ధమైనప్పుడే, మానసికంగా ఎన్నో ఎదురు దెబ్బలు తినటానికి రెడీ అయ్యానని, ఎన్ని ఇబ్బందులు అయినా సరే పడి పార్టీని ముందుకు తీసుకువెళ్తానని, ప్రశ్నిస్తూనే ఉంటానని పవన్ కళ్యాణ్ అన్నారు.

మొన్న జరిగిన ఎన్నికల్లో ఘోరంగా ఓడిపోయామని, ఆ బాధ నుంచి తనకు కోలుకోవటానికి, 15 నిమిషాలే ప‌ట్టిందని పవన్ కళ్యాణ్ అన్నారు. తనకు ఫెయిల్యూర్ పెద్ద షాక్ ఇవ్వదని, చిన్నపటి నుంచి ఫెయిల్ అవుతూనే ఉన్నానని, గొప్ప పాఠాలు ఓటమిలోనే నేర్చుకున్నానని పవన్ కళ్యాణ్ అన్నారు. తాను రాజ‌కీయాల్లోకి వచ్చింది, ప్రజల కోసం, విలువల కోసం నిలబడటానికి అని, స్కాములు చెయ్యటానికి రాలేదని పవన్ కళ్యాణ్ అన్నారు. జైలుకు వెళ్లి వచ్చిన వాళ్ళే ఎలాంటి ఇబ్బంది లేకుండా తిరుగుతున్నారు, నాలాగా నిజాలు మాట్లాడే వాడికి ఎందుకు ఇబ్బంది, అంటూ జగన్ ని టార్గెట్ చేస్తూ వ్యాఖ్యలు చేసారు. ఎన్ని, కష్టాలు, ఇబ్బందులు ఉన్నా, అది నాకు బలాన్నే ఇస్తుందని పవన్ కళ్యాణ్ అన్నారు. అయితే ఎన్నికలు అయిన తరువాత మొదటి సారి, జగన్ పై పవన్ చేసిన వ్యాఖ్యల పై, వైసీపీ పార్టీ ఎలా రియాక్ట్ అవుతుందో చూడాలి..

గత సంవత్సర కాలంగా, కర్ణాటక ప్రభుత్వాన్ని కూల్చేయాలని చూస్తున్న బీజేపీ, ఎట్టకేలకు తన పంతం నేగ్గించుకున్నట్టే తెలుస్తుంది. సియం కుమారస్వామి అమెరికా వెళ్ళిన సమయంలో, ప్రభుత్వాన్ని పడేసే స్కెచ్ వేసింది. ఇందులో భాగంగా, 11 మంది ఎమ్మెల్యేల చేత రాజీనామా చేయించనుంది. ఇప్పటికే కాంగ్రెస్ పార్టీ నుంచి ఇద్దరూ ఎమ్మెల్యేలు రాజీనామా చెయ్యగా, ఇప్పుడు మరో 11 మంది రెడీగా ఉన్నారు. వీరు కనుక రాజీనామా చేస్తే, ప్రభుత్వం కూలిపోతుంది. ప్రస్తుతం, ఎమ్మెల్యేలు అయిన బీసీ పాటిల్‌, మునిరత్న, ప్రసాద గౌడ పాటిల్‌, శివరామ, రామలింగా రెడ్డి, సౌమ్యారెడ్డి, సోమశేఖర్‌, రమేశ్‌ జక్కహళ్లి రాజీనామా పత్రాలు రెడీ చేసుకుని, స్పీకర్‌ కార్యాలయానికి వెళ్లారు. అయితే స్పీకర్ అందుబాటులో లేకపోవటంతో, ఆయన కోసం ఎదురు చూస్తున్నారు. స్పీకర్ వచ్చిన తరువాత, ఏ క్షణమైనా, వీళ్ళు రాజీనామా చేసే అవకాసం ఉంది. వాళ్ళు కనుక రాజీనామా చేస్తే, కర్ణాటక ప్రభుత్వం వెంటనే మైనారిటీలో పడిపోతుంది. మొత్తం, కాంగ్రెస్‌కు చెందిన మరో ఏడుగురు ఎమ్మెల్యేలు, ముగ్గురు జేడీఎస్‌ ఎమ్మెల్యేలు రాజీనామా చేసేందుకు సిద్ధంగా ఉన్నారు.

అయితే విషయం తెలుసుకున్న కుమారస్వామి, అమెరికా నుంచి ఈ రాత్రికి బయలుదేరి రానున్నారు. ఈ లోపు, వ్యవహారం చెయ్యి దాటకుండా, రాష్ట్ర మంత్రి డీకే శివకుమార్‌ ను రంగంలోకి దించారు. స్పీకర్ కార్యాలయంలో ఉన్న 11 మందితో మాట్లాడేందుకు ఆయన స్పీకర్ కార్యాలయానికి చేరుకున్నారు. ఎవరూ పార్టీ మారరు అని, వారితో నేను మాట్లాడుతా అని చెప్పారు. మరో వైపు, స్పీకర్ కూడా ఈ విషయం పై స్పందించారు. ఎప్పుడు పడితే అప్పుడు రావటానికి, నేను మార్కెట్ లో లేను, నా అపాయింట్‌మెంట్ ముందుగా, తీసుకోవాలి. ఇలా బ్లాక్ మెయిల్ చేస్తే నా దగ్గర కుదరదు అని చెప్పారు. మొత్తానికి, గత సంవత్సరకాలంగా నడుస్తున్న బీజేపీ ఆపరేషన్ ఒక కొలిక్కి వస్తుందా, లేకపోతే డీకే శివకుమార్‌ , అమిత్ షా ఎత్తులను చిత్తు చేస్తారా అనేది వేచి చూడాలి.