news

కేంద్ర బలగాలతో భద్రత కల్పించకపోతే తాము ఎన్నికలు నిర్వహించబోమంటూ పశ్చిమ బెంగాల్ పోలింగ్ సిబ్బంది భీష్మించడంతో ఎన్నికల సంఘం సంచలన నిర్ణయం తీసుకుంది. మిగతా మూడు దశల లోక్‌సభ ఎన్నికల కోసం అన్ని పోలింగ్ కేంద్రాల్లోనూ రాష్ట్ర పోలీసులకు బదులు కేంద్ర బలగాలను మోహరించాలని నిర్ణయించింది. గత నాలుగు దశల ఓటింగ్ సందర్భంగా దాదాపు ప్రతి దశలోనూ పశ్చిమ బెంగాల్లో హింసాత్మక సంఘటనలు చోటుచేసుకున్నాయి. కేంద్ర బలగాలతో రక్షణ కల్పించాలనీ... లేకుంటే ఎన్నికలు బహిష్కరిస్తామంటూ అనేక చోట్ల స్థానికులు ఆందోళనకు దిగారు. శాంతియుతమైన వాతావరణంలో ఎన్నికలు జరిగేందుకు తగిన భద్రత కల్పించాలంటూ ఎన్నికల సిబ్బంది సైతం డిమాండ్ చేశారు.

దీంతో మిగతా మూడు దశల ఎన్నికల కోసం పశ్చిమ బెంగాల్లో మొత్తం 600 కంపెనీల కేంద్ర సాయుధ పోలీసు బలగాలను రంగంలోకి దించనున్నారు. రాష్ట్రంలోని అన్ని పోలింగ్ స్టేషన్ల వద్ద శాంతి భద్రతల బాధ్యతలు కేంద్ర బలగాలే చూసుకోనున్నాయి. అవసరమైతే సాయుధ బలగాలను 700 కంపెనీలకు పెంచనున్నట్టు ఈసీ ప్రకటించింది. పశ్చిమ బెంగాల్ చరిత్రలో ఇంత మంది కేంద్ర బలగాలను రంగంలోకి దించడం ఇదే మొటిసారి. కాగా మిగతా మూడు దశల పోలింగ్ కోసం కేంద్ర బలగాలను మోహరించడం... రాష్ట్రంలోని మమతా బెనర్జీ ప్రభుత్వ ప్రతిష్టకు ప్రతిఘాతంగా భావిస్తున్నారు. ఓటర్లకు, పోలింగ్ సిబ్బందికి ఆమె రక్షణ కల్పించలేకపోవడం వల్లే కేంద్ర బలగాలు రంగంలోకి దిగినట్టు అందరూ భావించే అవకాశం ఉంది.

మరో పక్క, పశ్చిమ బెంగాల్లో నాలుగో దశ పోలింగ్ సందర్భంగా కేంద్ర బలగాలు వ్యవహరించిన తీరుపై తృణమూల్ కాంగ్రెస్ (టీఎంసీ) చేసిన ఫిర్యాదుపై ఎన్నికల సంఘం (ఈసీ) స్పందించింది. ప్రిసైడింగ్ అధికారి పిలవనిదే పోలింగ్ కేంద్రాల్లోకి కేంద్ర బలగాలు ప్రవేశించేందుకు అనుమతి లేదని స్పష్టం చేసింది. పశ్చిమ బెంగాల్లో కేంద్ర బలగాలను మోహరించి ఓటర్లను ‘‘భయభ్రాంతులకు’’ గురిచేస్తున్నారంటూ సోమవారం టీఎంసీ ఆరోపించిన సంగతి తెలిసిందే. కేంద్రబలగాల వైఖరి కారణంగా స్వేచ్ఛగా, పారదర్శకంగా ఎన్నికలు జరిగే పరిస్థితి లేకుండా పోయిందని ఆ పార్టీ పేర్కొంది. దీనిపై ఈసీ స్పందిస్తూ... ‘‘పోలీసులకుగానీ, కేంద్ర బలగాలకు గానీ పోలింగ్ కేంద్రాల్లోకి వెళ్లేందుకు అనుమతి లేదు. ప్రిసైడింగ్ అధికారి వారిని పిలిస్తే, అప్పుడు మాత్రమే లోపలికి ప్రవేశించేందుకు అనుమతి ఉంటుంది...’’ అని పేర్కొంది.

దేశ ప్రధానికి ఒక రూలు.. సీఎంలకు ఒక రూలా? అని సీఎం చంద్రబాబు ఈసీని ప్రశ్నించారు. తుపాన్‌లు వచ్చినా ముఖ్యమంత్రులు సమీక్షలు చేయొద్దా? అని నిలదీశారు. అదే ప్రధాని అయితే ఏదైనా మాట్లాడొచ్చా.. రాజకీయాలు చేయొచ్చా? అని ప్రశ్నించారు. ప్రధానికి ఏ కోడ్‌ అడ్డురాదా? అంటూ ఈసీ తీరును ప్రశ్నించారు. ఈ మేరకు అమరావతిలో బుధవారం మీడియాతో మాట్లాడారు. పలు రాష్ట్రాల్లో ఈవీఎంల మొరాయింపు, విపక్షాలపై ప్రధాని మోదీ చేస్తున్న వ్యాఖ్యలపై ఆయన తీవ్రంగా స్పందించారు. ఓవైపు ఫణి తుపాను ముంచుకొస్తుంటే, మరోవైపు తుపానుపై సమీక్షకు కూడా అవకాశం లేకుండా ఈసీ చేస్తోందని దుయ్యబట్టారు. శ్రీకాకుళం, విజయనగరం, విశాఖపట్నం జిల్లాలపై రేపట్నుంచి తుపాను ప్రభావం అధికంగా ఉంటుందని... ఈసీని అడుక్కుని సమీక్షలు చేయాల్సి వస్తోందని ఆవేదన వ్యక్తం చేశారు. ప్రధానికి అడ్డురాని ఎన్నికల కోడ్ ముఖ్యమంత్రులకు మాత్రమే ఎందుకు అడ్డొస్తోందని ప్రశ్నించారు.

‘‘ఏపీలో మాదిరిగానే ఎన్నికలు జరిగిన అన్ని రాష్ట్రాల్లో ఈవీఎంలు మొరాయించాయి. పశ్చిమ బెంగాల్‌, మధ్యప్రదేశ్‌, రాజస్థాన్‌లోనూ ఇలాంటి పరిస్థితే ఎదురైంది. ఎన్నికల్లో పోలింగ్‌ శాతాన్ని తగ్గించడం కోసమే బెంగాల్‌లో ఏడు దశల్లో ఎన్నికలు పెట్టారు. ఈవీఎంలపై ఎప్పట్నుంచో పోరాడుతూనే ఉన్నాం. మా పోరాట ఫలితమే వీవీప్యాట్‌లు తీసుకొచ్చారు. 2019కి వంద శాతం వీవీప్యాట్‌లు వచ్చాయి. చాలా దేశాలు పేపర్‌ బ్యాలెట్‌లోనే ఎన్నికలు నిర్వహిస్తున్నాయి. యూపీలో సమాజ్‌వాదీ పార్టీకి వేస్తే కమలం గుర్తుకు ఓట్లు పడ్డాయి. మధ్యప్రదేశ్‌, పశ్చిమబెంగాల్‌లోనూ ఇలాంటి ఘటనలే చోటుచేసుకున్నాయి. ఒక్క ఆంధ్రప్రదేశ్‌ గురించి మాత్రమే నేను మాట్లడడం లేదు. దేశవ్యాప్తంగా పారదర్శకత కోసమే వీవీప్యాట్‌లు వినియోగించాలని కోరుతున్నాం’’ అని చంద్రబాబు అన్నారు.

‘‘మోదీ ఫ్రస్ట్రేషన్‌ పతాక స్థాయికి చేరింది. ఈ నెల 23న ఫలితం ఎలా ఉండబోతోందో ఇప్పుడే అర్థమైనట్లు ఉంది. అందుకే విపక్షాల ఉనికిని కూడా మోదీ సహించలేకపోతున్నారు. ప్రతిపక్షాలను చూసి ఓర్వలేకపోతున్నారు. ప్రతిపక్షాలు కొత్త దుస్తులు కొనుక్కుంటున్నారని మాట్లాడుతున్నారు. ఏదీ తోచక అలా మాట్లాడుతున్నారు. ఆయనే గంటకో డ్రెస్‌ మార్చి ఆర్భాటంగా రాజకీయాలు చేస్తున్నారు. బ్రేక్‌ఫాస్ట్‌కో డ్రెస్సు.. లంచ్‌కి మరో డ్రెస్సు.. మధ్యాహ్నం ఇంకో డ్రెస్సు. మోదీ చెప్పిన మార్పు డ్రెస్సులు మార్చడంలోనే కనిపిస్తోంది’’ అని చంద్రబాబు ఎద్దేవా చేశారు. ‘‘విపక్షాల ప్రధాని అభ్యర్థి ఎవరని మోదీ అడుగుతున్నారు. మా విధానం పై మాకు క్లారిటీ ఉంది. ఎన్నికలు పూర్తికాగానే కూర్చుంటాం. తదుపరి వ్యూహాలను ఖరారు చేసుకుంటాం’’ అని చంద్రబాబు వివరించారు.

50 శాతం వీవీ ప్యాట్‌ స్లిప్పులను లెక్కించాలని ముఖ్యమంత్రి చంద్రబాబు నాయుడు అన్నారు. అమరావతిలో మీడియా సమావేశంలో చంద్రబాబు మాట్లాడారు. ఈవీఎంల పని తీరుపై అనుమానాలున్నాయన్నారు. ఏపీలో మాదిరే అన్ని రాష్ట్రాల్లో ఈవీఎంలు మొరాయించాయన్నారు. బంగాల్‌, మధ్యప్రదేశ్‌, రాజస్థాన్‌లోనూ ఇలాంటి పరిస్థితే ఎదురైందన్నారు. బంగాల్‌లో ఏడు దశల్లో ఎన్నికలు పెట్టారన్నారు. ఈవీఎంలపై ఎప్పటినుంచో పోరాడుతూనే ఉన్నామన్నారు. 2019కి వంద శాతం వీవీప్యాట్‌లు వచ్చాయని పేర్కొన్నారు. చాలా దేశాలు పేపర్‌ బ్యాలెట్‌లోనే ఎన్నికలు నిర్వహిస్తున్నాయన్నారు. 50 వాతం వీవీప్యాట్‌ స్లిప్పులు లెక్కించాలని కోర్టుకు వెళ్లామన్నారు. హింస, విధ్వంసాలతో పోలింగ్‌ శాతాన్ని దెబ్బతీసే కుట్రలు చేశారని ఆరోపించారు.

యూపీలో ఎస్పీకి ఓటేస్తే బీజేపీకి పడ్డాయని పేర్కొన్నారు. అలాగే మధ్యప్రదేశ్‌, బెంగాల్‌లోనూ ఇలాంటి ఘటనలే చోటు చేసుకున్నాయని తెలిపారు. మేం ఒక్క ఆంధ్రప్రదేశ్‌ గురించి మాత్రమే మాట్లాడటంలేదన్నారు. వీవీ ప్యాట్లు లెక్కించేందుకు 6 రోజుల సమయం పడుతుందంటున్నారని.. పేపర్‌ బ్యాలెట్లే రెండు రోజుల్లో లెక్కించేవారని గుర్తుచేశారు. ఈవీఎంల పనితీరుపై తన వద్ద ఉన్న సమాచారాన్ని తీసుకుని బీజేపీ రాజ్యసభ సభ్యుడు జీవీఎల్ నరసింహారావు పుస్తకం రాశారని... ఇప్పుడు అదే ఈవీఎంలను ఆయన సమర్థిస్తున్నారని మండిపడ్డారు.

తప్పులు ఎత్తి చూపితే కేసులా..? ‘‘ఈవీఎంల సాంకేతిక దృఢత్వంపై బీబీసీ కూడా అనుమానం వ్యక్తంచేసింది. తెలంగాణలో పోల్‌ అయిన ఓట్లకు లెక్కించిన ఓట్లకు తేడా వచ్చింది. ప్రపంచవ్యాప్తంగా చాలా దేశాల్లో ఈవీఎంలలో సాంకేతిక ఇబ్బందులు తలెత్తాయి. అందుకే మళ్లీ బ్యాలెట్‌ విధానాన్ని అమలు చేస్తున్నాయి. అనుమానాలున్నాయనే 50 శాతం వీవీప్యాట్‌లు లెక్కించాలని కోరుతున్నాం. ఎన్నికల సంఘం చెబుతున్న విధానంలో ఎక్కడా విశ్లేషణాత్మక ధోరణి అవలంబించట్లేదు. ఈసీ చేసే తప్పులు గురించి మాట్లాడితే కేసులు పెడతారా? వీవీప్యాట్‌ల లెక్కింపు విషయంలో ఈసీ వాదన అసంబద్ధంగా ఉంది. వీవీప్యాట్‌ స్లిప్పుల లెక్కింపు అంశంపై మరోమారు కోర్టుకు వెళతాం’’ అని చంద్రబాబు స్పష్టంచేశారు.