news

ప్రధాని మోదీ ఇలాఖా వారణాసిలో రాజకీయాలు రంజుగా మారాయి. ఆఖరి క్షణంలో సమాజ్‌వాదీ పార్టీ మోదీపై ఎన్నికల బరిలోకి దింపిన బీఎ్‌సఎఫ్‌ మాజీ జవాన్‌ తేజ్‌ బహదూర్‌ యాదవ్‌కు ఈసీ షాకిచ్చింది. ఎలక్షన్‌ కమిషన్‌ యాదవ్‌కు మంగళవారం నాడు నోటీసులు జారీ చేసింది. షాలినీ యాదవ్ స్థానంలో బీఎస్ఎఫ్ మాజీ జవాన్ తేజ్ బహదూర్ యాదవ్‌కు టికెట్ ఇచ్చి.. ఆ వెంటనే బీఫారం అందజేశారు. వారణాసిలో నామినేషన్ల దాఖలు ఇవాళే చివరి రోజు కావడంతో.. హడావిడిగా తేజ్‌బహదూర్‌తో నామినేషన్ వేయించారు. అయితే నామినేషన్ పత్రాల్లో ఆయన సర్వీస్ నుంచి డిస్మిస్ అయినట్లు పేర్కొనలేదు. ఈ లోపాన్ని కనుగొన్న ఈసీ ఆయనకు నోటీసిచ్చి మే 1వ తేదీలోగా (బుధవారంలోగా) సమాధానం ఇవ్వాలని ఆదేశించింది.

సరిహద్దుల్లో విధులు నిర్వర్తిస్తున్న సైనికులకు సరైన ఆహారం అందడం లేదని, నాణ్యమైన భోజనం దక్కడం లేదని తేజ్ బహదూర్ యాదవ్ ఆరోపించారు. దీంతో ఆయనను ఈ నేరానికి ఆర్మీ డిస్మిస్‌ చేసింది. తరువాత రాజకీయాల్లో చేరిన తేజ్‌ బహదూర్‌కు ఎస్పీ టికెట్‌ ఇచ్చింది. నామినేషన్‌ వేసిన సమయంలో ఆయన తాను సర్వీసు నుంచి తొలగించినట్లు అంగీకరించారు. కానీ తరువాత సమర్పించిన పత్రాల్లో ఆయన ఆ విషయాన్ని పేర్కొనలేదు. నిబంధనల ప్రకారం... అవినీతి , దేశద్రోహ ఆరోపణల మీద సర్వీసు నుంచి డిస్మిసైన వారు ఐదేళ్ల పాటు ప్రచారానికి అనర్హులు. భోజనం బాగులేదని అసత్య ఆరోపణలు చేసి సైన్యం పరువు దిగజార్చడానికి ఆయన ప్రయత్నించినట్లు కోర్టు మార్షల్‌లో ఆర్మీ నిర్ధారించి ఆయనను ఉద్యోగం నుంచి తొలగించింది.

ఆయన చేసిన ఆరోపణ దేశద్రోహం కిందకు వస్తుందన్నది ఈసీలో ఓ వర్గం అభిప్రాయం. అయితే నిజం చెప్పినందుకు తనను బలిపశువును చేశారని , దీనిపై తాను సుప్రీంకోర్టులో న్యాయం కోరతాననీ తేజ్‌ బహదూర్‌ చెబుతున్నారు. తేజ్‌ బహదూర్‌ ఇచ్చే సమాధానాన్ని బట్టి ఈసీ ఎలాంటి నిర్ణయం తీసుకోనుందనేది ఆధారపడి ఉంది. ఆయన ఇచ్చే సమాధానం బట్టే నామినేషన్‌ను ఆమోదించాలా లేక తిరస్కరించాలా అన్న విషయంపై ఈసీ నిర్ణయం తీసుకోనుంది.

రాష్ట్రంలో ప్రజల చేత ఎన్నుకో బడిన ప్రభుత్వం గడువు జూన్ 8 వరకు ఉన్నా, అప్పటి వరకు ప్రభుత్వం పని చెయ్యకూడదు అంటూ, ఎన్నికల నిబంధనల సాకుతో ఢిల్లీ డ్రామా ఆడుతుంటే, ఇక్కడ ప్రజలు ఇబ్బంది పడుతూ, ముఖ్యమంత్రి, మంత్రులకు రోజుకి ఒక అవమానం కూడా జరుగుతుంది. ఢిల్లీ నుంచి ఎన్నుకోబండిన చీఫ్ సెక్రటరీ వచ్చి, ప్రజల చేత ఎన్నుకున్న ముఖ్యమంత్రికి ఏ అధికారులు లేవు అని చెప్పారంటే, అతని వెనుక ఎవరు ఈ మాటలు మాట్లాదిస్తున్నారో ఇట్టే అర్ధమవుతుంది. అయితే ఇప్పుడు ఏకంగా ఒక మంత్రికే తీవ్ర అవమానం జరిగిన తీరు చూస్తుంటే, రాష్ట్రంలో ఎలాంటి పరిస్థితి నెలకొందో అర్ధమవుతుంది. ఢిల్లీ వాళ్ళ ఎలా కక్ష తీర్చుకుంటున్నారో తెలుస్తుంది.

ఈ ఓజు మంత్రి సోమిరెడ్డి చంద్రమోహన్ రెడ్డి కరువు, అకాల వర్షాలపై సమీక్ష చేయాలని నిర్ణయించుకున్నారు. ఈ విషయం పై వారం క్రితమే సంబంధిత అధికారులకు సమాచారం ఇచ్చారు. దీనికోసం ఉదయం 11 గంటలకు అధికారులకు సమాచారమిచ్చారు. అయినా అధికారులు మాత్రం సమీక్షకు హాజరుకాలేదు. మంత్రి ఉదయం 11 గంటల నుండి మధ్యాహ్నం 3 వరకు సచివాలయంలోనే వేచి చూసినా అధికారులు మాత్రం హాజరుకాలేదు. కాగా వారం రోజుల క్రితమే తన శాఖలో సమీక్షలు చేస్తానని.. అవసరమైతే దీనిపై సుప్రీంకోర్టుకు కూడా వెళ్తానని ప్రకటించారు. ఎన్నికల కోడ్ అమలులో ఉన్న నేపథ్యంలో తాము సమీక్షకు హాజరుకాలేమని వారు పరోక్షంగా సమాచారం పంపించారని తెలుస్తోంది. దీని వెనుక కొత్త చీఫ్ సెక్రటరీ ఒత్తిడి ఉన్నట్టు సమాచారం.

కొద్దిరోజులుగా ఏపీ ప్రభుత్వం, ఉన్నతాధికారుల మధ్య ఎన్నికల కోడ్‌కు సంబంధించి వివాదం నడుస్తున్న నేపథ్యంలో... మంత్రి సోమిరెడ్డి సమీక్ష వివాదం దీనికి మరింత ఆజ్యం పోసినట్టయ్యింది. ఎన్నికల కోడ్ కారణంగా ప్రభుత్వం సమీక్షలు నిర్వహించబోద్దని ఈసీ స్పష్టం చేయగా... వేరే రాష్ట్రాలు, కేంద్రంలో లేని నిబంధనలు ఇక్కడే ఎలా అమలు చేస్తారని ఏపీ ముఖ్యమంత్రి చంద్రబాబు, మంత్రులు తీవ్ర అసంతృప్తి వ్యక్తం చేశారు. దీనిపై ఓ అడుగు ముందుకేసిన మంత్రి సోమిరెడ్డి చంద్రమోహన్ రెడ్డి... అధికారులు సమీక్షకు రాకపోతే తాను సుప్రీంకోర్టుకు వెళతానని వ్యాఖ్యానించారు. తాజాగా ఆయన నిర్వహించిన సమీక్షకు అధికారులు, ఉద్యోగులు రాకపోవడంతో... ముందుగా ప్రకటించనట్టుగానే ఆయన దీనిపై సుప్రీంకోర్టు వరకు వెళతారా, లేకపోతే ఎలా ముందుకు వెళ్తారో చూడాల్సి ఉంది.

రాష్ట్ర సమాచార హక్కు కమిషనర్ల నియామకం ఫైలు గత పాతిక రోజులుగా గవర్నర్‌ నరసింహన్‌ వద్దే పెండింగ్‌లో ఉందని సమాచారం. ఇద్దరు కమిషనర్ల నియామకానికి సంబంధించిన ఫైలు మార్చి నుంచీ ప్రభుత్వానికి-గవర్నర్‌కు మధ్య తిరుగుతోంది. మార్చి 7న అంటే ఎన్నికల కోడ్‌ అమల్లోకి రాకముందు ఆర్‌టీఐ కమిషనర్లుగా విజయవాడకు చెందిన మాజీ ఎమ్మెల్సీ ఐలాపురం వెంకయ్య కుమారుడు ఐలాపురం రాజా, విశాఖపట్నం జిల్లాకు చెందిన వీఆర్‌ఏల సంఘం మాజీ నేత ఈర్ల శ్రీరామమూర్తి పేర్లను సిఫారసు చేస్తూ ప్రభుత్వం గవర్నర్‌కు ఫైలు పంపించింది. కమిషనర్ల నియామకానికి ఏర్పాటుచేసిన కమిటీలో సీఎం చంద్రబాబు, ప్రతిపక్ష నేత జగన్‌, ఆర్థిక మంత్రి యనమల రామకృష్ణుడు ఉన్నారు. జగన్‌ రాకపోవడంతో ఈ కమిటీ సమావేశం రెండుసార్లు వాయిదా పడింది.

మూడోసారి ఇద్దరు సభ్యులతోనే సమావేశం జరుగగా.. రాజా, శ్రీరామమూర్తి పేర్లను కమిటీ సిఫారసు చేసింది. 7న పంపిన ఈ ఫైలును 10వ తేదీవరకు గవర్నర్‌ అట్టే పెట్టుకున్నారు. 10న ఎన్నికల షెడ్యూల్‌ వెలువడింది. కోడ్‌ అమల్లోకి వచ్చింది. కోడ్‌ అమల్లో ఉన్నందున తర్వాత చూద్దామని గవర్నర్‌ 11వ తేదీన ఫైలును తిప్పిపంపారు. దీంతో ఈ అంశాన్ని కోడ్‌ అమల్లో ఉన్నప్పుడు వ్యవహారాలు చూసే ప్రభుత్వ ప్రధాన కార్యదర్శి ఆధ్వర్యంలోని కమిటీకి పంపించారు. అక్కడి నుంచి రాష్ట్ర ఎన్నికల ప్రధానాధికారి (సీఈవో) ద్వివేది ద్వారా కేంద్ర ఎన్నికల సంఘానికి పంపించారు. ఎన్నికల సంఘం దీనికి ఆమోదం తెలుపుతూ మార్చి 29న సమాచారం అందించింది. దీంతో రాష్ట్ర ప్రభుత్వం దీన్ని ఏప్రిల్‌ తొలివారంలో మళ్లీ గవర్నర్‌ వద్దకు పంపించింది. ఇప్పటివరకు అక్కడినుంచి ఆమోదం రాలేదని సమాచారం.

రాష్ట్రంలో సమాచార హక్కు కమిషనర్లను నియమించాలంటూ సుప్రీంకోర్టు గతంలో తీర్పిచ్చింది. 3 నెలల్లోగా నియమాకాలు జరగాలని నిర్దేశించింది. రాష్ట్రంలో ఆర్‌టీఐ కమిషన్‌ ముందు దాదాపు 15వేల దరఖాస్తులు పెండింగ్‌లో ఉన్నాయి. సమాచార హక్కు చట్టం ప్రకారం కమిషనర్ల నియామకం అత్యవసరం.. భర్తీ చేయాల్సిందేనని సుప్రీంకోర్టు చెప్పింది. దీంతో రాష్ట్ర ప్రభుత్వం ఈ నియామక ప్రక్రియను చేపట్టింది. ఐలాపురం రాజా పేరుపై గవర్నర్‌ కొన్ని అభ్యంతరాలు అడిగారని, శ్రీరామమూర్తి పేరుకు ఆమోదం తెలిపారని సోషల్‌ మీడియాలో ప్రచారం జరిగింది. అయితే అసలు ఆ ఫైలుపై గవర్నర్‌ ఏ నిర్ణయం తీసుకోకుండా పెండింగ్‌లో ఉంచారని సమాచారం.