news

‘గవర్నర్లకు కొన్ని పరిమితులుంటాయి. అడ్డం పెడుతూ కూర్చోవడం సరైన పద్ధతి కాదు’ అని మన ముఖ్యమంత్రి చంద్రబాబునాయుడు తీవ్ర అసంతృప్తి వెలిబుచ్చారు. పట్టణాలు, గ్రామాల్లో ప్రభుత్వం పేదలకు ఇచ్చిన ఇళ్ల స్థలాలను అయిదేళ్ల తర్వాత అమ్ముకునే వెసులుబాటు కల్పించే ఆర్డినెన్స్‌కు గవర్నర్‌ నుంచి ఆమోదం లభించకపోవడంపై ముఖ్యమంత్రి తీవ్ర అసంతృప్తి వ్యక్తం చేశారు. సోమవారం ఉదయం కలెక్టర్లతో నిర్వహించిన వీడియో సమావేశంలో ఈ అంశం చర్చకు వచ్చింది. ‘ప్రజల అవసరాల కోసం అడుగుతుంటే గవర్నర్‌ జాప్యం చేయడం సరికాదు. ఆయనకు ఇష్టం లేకపోతే వేరే కథ. మనం పద్ధతి ప్రకారం పనిచేస్తున్నా కావాలని కొర్రీలు పెడుతున్నారు’ అని సీఎం ఒకింత ఆగ్రహం వ్యక్తం చేశారు.

‘ఆయనకు ఎంత బాధ్యత ఉందో మనకూ అంతే ఉంది. అవసరమైతే అధికారులు వెళ్లి ఆయనకు వివరించాలి. మంత్రులను పంపిస్తాం. అప్పటికీ కాకుంటే ఆయన వ్యవహార శైలిని ప్రజలకు చెప్పాల్సి వస్తుంది’ అని పేర్కొన్నారు. ‘ఒకవేళ ఆయన నుంచి ఆమోదం రాకపోతే..బిల్లు కూడా సిద్ధం చేయండి. శాసనసభలో ఆమోదించి పంపిద్దాం’ అని న్యాయశాఖ కార్యదర్శికి సూచించారు. జరిగింది ఇది... గుంటూరు, కృష్ణా జిల్లాలతోపాటు పలు చోట్ల పేదలు తమకిచ్చిన ఇళ్ల స్థలాలు అమ్ముకోవడంతో ఇతరులు వాటిల్లో నివసిస్తున్నారు. నివసిస్తున్న వారికే వీటిని క్రమబద్ధీకరించడంతోపాటు పేదలు కూడా తమకిచ్చిన స్థలాలు రెండేళ్ల తర్వాత అమ్ముకునేలా ఉత్తర్వులు ఇవ్వాలని కలెక్టర్లు, ప్రజాప్రతినిధుల నుంచి సిఫార్సులు వచ్చాయి.

మంత్రివర్గ ఉపసంఘం కూడా సిఫార్సు చేసింది. అయితే అన్నీ చర్చించి ప్రభుత్వం చివరకు, ఐదేళ్ళు చేసింది. ఆర్డినెన్స్‌ను రూపొందించి గవర్నర్‌ ఆమోదానికి పంపారు. దీనిపై గవర్నర్‌ కార్యాలయంనుంచి కొన్ని సూచనలు వచ్చాయి. అయిదేళ్లు కాకుండా 20 ఏళ్ల తర్వాత అమ్ముకునేందుకు వీలుగా నిబంధనలు రూపొందించాలని చెప్పింది. ప్రస్తుతం దీనిపై ప్రతిష్టంభన ఏర్పడింది. ఈ విషయం పై నిన్న కల్లెక్టర్స్ కాన్ఫరెన్స్ లో చర్చకు రావటంతో, చంద్రబాబు ఈ విషయం పై ఆరా తీసారు. ఇంకా ఇది ఎందుకు అవ్వలేదు అని అడిగారు. దీంతో అధికారులు సమాధానం ఇస్తూ, ఇది గవర్నర్ పరిధిలోనే ఆగిపోయింది అని చెప్పటంతో, చంద్రబాబు ఫైర్ అయ్యారు.

రాష్ట్ర విభజన అనంతరం నవ్యాంధ్రప్రదేశ్లోని అనంతపురం జిల్లాలో భారతదేశంలోనే తొలిసారిగా దక్షిణ కొరియా కార్ల దిగ్గజం ఏర్పాటు చేసి కియా కంపెనీ జిల్లా కీర్తి కిరీటంలో మరో కలికితురాయి కాబోతోంది. కియా మోటార్స్ నుండి తొలి కారు రేపు రోడ్డు మీదకు రానుంది. ఈ కంపెనీ ఇండియాలో తయారుచేసిన తన తొలికారును ఈ నెల 29వ తేదీ ముఖ్యమంత్రి నారా చంద్రబాబునాయుడు లాంఛనంగా ఆవిష్కరించనున్నారు. అనంతపురం జిల్లా కార్మికుల చేతుల మీదుగా బిగించిన తొలి కారును చంద్రబాబు విడుదల చేసి, డ్రైవ్ చేయనున్నారు. ఇప్పటికే పరిశ్రమలో ఉన్న ట్రాక్ పై ట్రయల్ రన్ ను కూడా నిర్వహించిన సిబ్బంది తొలికారు విడుదల కోసం వేచిచూస్తున్నారు. ప్రతి ఆరు నెలలకు ఒక కొత్త మోడల్ కారును విడుదల చేసేలా అత్యాధునిక రోబోటిక్ యంత్రాలను పరిశ్రమలో ఏర్పాటు చేసిన ఈ పరిశ్రమ అనంతపురం జిల్లా అభివృద్ధిలో కీలకంగా మారింది.

జిల్లాలోని అమ్మవారుపల్లిలో 555 ఎకరాల సువిశాలమైన విస్తీర్ణంలో కియా మోటార్స్ ఇండియా ప్రైవేట్ లిమిటెడ్ కంపెనీ ఏర్పాటు చేశారు. దక్షిణ కొరియాలోని సియోల్ ప్రధాన కేంద్రంగా ఏర్పాటైన కియా 1954 నుంచి వాణిజ్యపరమైన కార్ల ఉత్పత్తిని ప్రారంభించింది. ఈ నేపథ్యంలో అనంతపురం జిల్లాలో అల్ట్రా మెగా ఇంటిగ్రేటెడ్ ఆటోమొబైల్ మ్యానుఫ్యాక్చరింగ్ ప్రాజెక్టును అమ్మవారుపల్లి వద్ద ఏర్పాటు చేసింది. ఈ యూనిట్ మార్చి నుంచి వాణిజ్య పరంగా ఉత్పత్తికి శ్రీకారం చుట్టి, ఆక్టోబర్ నుంచి పూర్తి స్థాయిలో కార్లను ఉత్పత్తి చేయబోతోంది. సాంకేతికంగా కార్ల తయారీకి కియా ఇండియా యూనిట్ సిద్ధం అవుతుండటంతో ట్రయల్ ప్రొడక్షన్లో తాలికారును సీఎం చంద్రబాబు ఆవిష్కరించనున్నారు.

కాగా 2017 ఏప్రిల్ 20వ తేదీ ఆంధ్రప్రదేశ్ ప్రభుత్వం, కియా(జీఏ) మోటార్స్ కార్పొరేషన్ మధ్య అవగాహన ఒప్పందం(ఎంఓయూ) కుదిరింది. ఈ కంపెనీ ఏర్పాటుకు మొత్తం రూ. 15వేల కోట్లు(400 మిలి యన్ డాలర్లు) పెట్టుబడి పెడుతున్నారు. ఈ యూనిట్లో ప్రాథమికంగా ఏడాదికి 3 లక్షల కార్ల ఉత్పత్తి లక్ష్యం కాగా, అన్ని హంగులూ సమకూర్చుకున్న అనంతరం ఏడాదికి 4 లక్షల కార్ల ఉత్పత్తి స్థాయికి పెంచేందుకు కంపెనీ యాజమాన్యం సిద్ధమవుతోంది. ఈ కంపెనీ ఏర్పాటు ద్వారా 4వేల శాశ్వత ఉద్యోగాలతో పాటు అదనంగా 7 వేల మందికి టెంప రరీ ఉద్యోగాలు కల్పించనున్నామని సీఎం చంద్రబాబు ఇది వరకే ప్రకటించారు. కాగా స్థానిక జిల్లా వాసులకే 100 శాతం ఉద్యోగాలు ఇచ్చేందుకు చర్యలు చేపట్టామని కలెక్టర్ వీరపాండ్యన్ తెలిపారు.

మంగళవారం విభజన తర్వాత ఏపీకి జరిగిన అన్యాయంపై విజయవాడలోని ఐలాపురం హోటల్‌లో మాజీ మంత్రి ఉండవల్లి అరుణ్‌కుమార్ ఆధ్వర్యంలో అఖిలపక్షం, మేధావుల సమావేశం నిర్వహిస్తారు. విభజన హామీలు, ప్రత్యేక హోదా, నిధులు ఇవ్వకపోవడంపై ఉండవల్లి సమావేశాన్ని ఏర్పాటు చేశారు. సమావేశానికి హాజరుకావాలని అన్ని పార్టీలకు ఆయన లేఖలు రాశారు. ఉండవల్లి లేఖపై సీఎం చంద్రబాబు స్పందించారు. ఉండవల్లి సమావేశానికి హాజరుకావాలని టీడీపీ నిర్ణయించింది. సమావేశానికి ఎంపీ సీఎం రమేష్‌, మంత్రి ఆనందబాబును పంపాలని టీడీపీ నిర్ణయం తీసుకుంది. టీడీపీతో పాటు వైసీపీ, జనసేన, కాంగ్రెస్, బీజేపీ, సీపీఐ, సీపీఎం పార్టీలకు ఉండవల్లి ఆహ్వానం పంపారు. అయితే టీడీపీతో కలిసి వేదికను పంచుకోలేమని, ఈ భేటీకి తాము రామని వైసీపీ నాయకత్వం తెలిపిందని ఉండవల్లి అరుణ్‌కుమార్ తెలిపారు.

ఇందులో ప్రధాన ఎజెండా వచ్చే కొత్త ప్రభుత్వం రాష్ట్ర ప్రయోజనాలు కాపాడేందుకు ఎలాంటి చర్యలు తీసుకోవాలి అన్నది చర్చిస్తారు. ఏపీకి జరుగుతోన్న అన్యాయంపై ఈనెల 29 న విజయవాడలో అన్ని రాజకీయ పార్టీలతో సమావేశాన్ని నిర్వహిస్తున్నట్లు మాజీ ఎంపీ ఉండవల్లి అరుణ్ కుమార్ ప్రకటించారు. ఏపీకి జరిగిన అన్యాయంపై ఇందులో కూలంకషంగా చర్చిస్తామని ఆయన తెలిపారు. ఏపీకి ప్రత్యేకహోదా, విభజన హామీల అమలు విషయంలో తీసుకోవాల్సిన చర్యలపై ఈ సమావేశంలో ఉమ్మడి కార్యాచరణను రూపొందిస్తామని ఉండవల్లి ప్రకటించారు. ఈ సమావేశానికి టీడీపీ, వైసీపీ, జనసేన సహా ఏడు రాజకీయ పార్టీలను ఆహ్వానించామని, అయితే ఈ సమావేశానికి హాజరయ్యేందుకు వైసీపీ అంగీకరించలేదని అన్నారు. ఏపీకి జరిగిన అన్యాయాన్ని కూడా ప్రస్తావించలేని స్థితిలో రాజకీయ పార్టీలున్నాయని ఉండవల్లి అరుణ్ కుమార్ అసంతృప్తిని వ్యక్తం చేశారు.

ఎన్నికలు సమీపిస్తోన్న వేళ ఆంధ్రప్రదేశ్‌లో మళ్లీ ప్రత్యేక హోదా, విభజన హామీల సాధనపై డిమాండ్లు ఊపందుకున్నాయి. బడ్జెట్‌ ప్రవేశపెట్టేందుకు మోదీ సర్కారు సిద్ధమవుతోన్న తరుణంలో కేంద్రంపై ఒత్తిడి తెచ్చేందుకు పార్టీలు సిద్ధమవుతున్నాయి. కేంద్రం నుంచి రాష్ట్రానికి రావాల్సిన నిధులు, విభజన హామీలు తదితర అంశాలపై చర్చించేందుకు ముఖ్యమంత్రి చంద్రబాబు అధ్యక్షతన జనవరి 30న అఖిలపక్ష సమావేశం నిర్వహిస్తున్నారు. గతంలో ఇదే అంశంపై రెండుసార్లు నిర్వహించారు. కేంద్రం బడ్జెట్ ప్రవేశ పెట్టనున్న తరుణంలో ఎలాంటి వ్యూహం అనుసరించాలనే దానిపై ఈ భేటీలో ప్రధానంగా చర్చించనున్నారు. అన్ని రాజకీయ పక్షాలతో పాటు ప్రత్యేక హోదా, విభజన సమస్యలపై పోరాడే వివిధ సంఘాలను కూడా ఈ సమావేశానికి ఆహ్వానించారు.