news

ఎన్నికల గడువు సమీపిస్తున్న నేపథ్యంలో భారతీయ జనతాపార్టీ ఆంధ్రప్రదేశ్ రాజకీయాలపై ప్రత్యేక దృష్టి సారించింది. ఎప్పటికప్పుడు అంచనాలను వేసుకుంటూ ముందుకు వెళ్తోంది. ఇటీవల ఆంధ్రప్రదేశ్ రాష్ట్రంలో వివిధ పార్లమెంటు నియోజకవర్గాల పరిధిలోని బూత్ స్థాయి కార్యకర్తలతో మాట్లాడిన ప్రధాని నరేంద్ర మోదీ ఇక్కడి బీజేపీ నేతలకు మంచి జోష్‌ను అందించారు. తాజాగా రాష్ట్రంలో బీజేపీతో పాటు ఇతర పార్టీల పరిస్థితిపై సర్వే నిర్వహిస్తున్నట్టు విశ్వసనీయ సమాచారం. ప్రస్తుతం రాష్ట్రంలో ఉన్న 25 మంది ఎంపీల పనితీరు, ఎమ్మెల్యేల పనితీరు గురించి తెలుసుకుంటున్నారు.

వీటితో పాటు 24 గంటలు విద్యుత్ సరఫరా జరుగుతోందా, తాగునీటి సదుపాయాలు, ఆరోగ్యం, విద్య, రేషన్ సరఫరాకు సంబంధించిన పలు అంశాలు, ఉద్యోగం, కేంద్ర ప్రభుత్వ పనితీరు బాగుందా.. అని తెలుసుకుంటున్నారు. మరీ ముఖ్యంగా అవినీతి, స్వచ్ఛ్భారత్, దేశ రక్షణ, ఆర్థిక పరిస్థితులు, వౌలిక సదుపాయాల కల్పన, ప్రతీ ఇంటికి విద్యుత్తుతో పాటు పొత్తులపై కూడా అభిప్రాయాలను తెలుసుకుంటున్నారు. ఒక ఓటరుగా నిరంతర విద్యుత్, పరిశుభ్రత, ఉద్యోగం, విద్య, లా అండ్ ఆర్డర్, ధరలు, అవినీతి, రైతు సంక్షేమం ఇలా ఏది చూసి ఓటు వేస్తారో తెలుసుకుంటున్నారు.

ఇక రానున్న ఎన్నికలను దృష్టిలోపెట్టుకుని ప్రతి అసెంబ్లీ నియోజకవర్గం నుండి ముగ్గురు బీజేపీ నేతల పేర్లను పరిగణనలోకి తీసుకుంటున్నారు. అదే విధంగా పార్లమెంటు నియోజకవర్గం నుండి రాష్ట్రంలో ముగ్గురు నేతల పేర్లను తెలుసుకుంటున్నారు. ఇదిలా ఉండగా రాష్ట్రంలో ప్రధాని నరేంద్ర మోదీ సర్వే చేపడుతున్నారన్న విషయం తెలుసుకున్న నేతలు తమ వర్గాలకు సమాచారాన్ని అందించి తమ పేర్లను ప్రతిపాదించాలని చెబుతున్నట్టు విశ్వసనీయ సమాచారం.

ఏపీలో కొత్తగా మరో నాలుగు కార్పొరేషన్లకు ఛైర్మన్లను నియమిస్తూ ముఖ్యమంత్రి చంద్రబాబు నాయుడు నిర్ణయం తీసుకున్నారు. ప్రొఫెసర్ కొలకలూరి ఇనాక్‌‌కు సాహిత్య అకాడమీ ఛైర్మన్‌ బాధ్యతలను అప్పగించారు. ఇక గాయకుడు, సంగీత దర్శకుడు వందేమాతరం శ్రీనివాస్‌ను సంగీత, నృత్య అకాడమీ ఛైర్మన్‌గా నియమించారు. జానపద కళలు, సృజనాత్మకత (ఫోక్ అండ్ క్రియేటివ్) అకాడమీ ఛైర్మన్‌గా పొట్లూరి హరికృష్ణను నియమించారు. ఏపీ స్టేట్ క్రిస్టియన్ (మైనారిటీస్) ఫైనాన్స్ కార్పొరేషన్ ఛైర్మన్‌గా మద్దిరాల జోసెఫ్ ఇమాన్యుయేల్‌ను నియమించారు. దీనికి సంబంధించిన ఉత్తర్వులు ఒకటి, రెండు రోజుల్లో విడుదల చేయనున్నట్లు ప్రభుత్వ వర్గాలు తెలిపాయి.

సీఎం చంద్రబాబు ఇటీవలే కొన్ని కార్పొరేషన్లకు ఛైర్మన్లను ఎంపిక చేసిన విషయం తెలిసిందే. ఎన్నికలకు సమయం దగ్గర పడుతున్న వేళ తాజాగా మరో నాలుగు కొర్పొరేషన్లకు ఛైర్మన్లను నియమించారు. తెలంగాణలోని ఉమ్మడి ఖమ్మం జిల్లాకు చెందిన వందేమాతరం శ్రీనివాస్‌కు ఏపీ సీఎం కీలక పదవి ఇవ్వడం చర్చనీయాంశంగా మారింది. టీడీపీ పార్టీ కోసం వందేమాతరం శ్రీనివాస్ పాడిన ‘తరలుదాం రండి మనం జన్మభూమికి..’ అంటూ సాగే పాట విశేష ఆదరణ పొందిన విషయం తెలిసిందే.

అటు ప్రముఖ రచయిత, కేంద్ర సాహిత్య అకాడమీ అవార్డు 2018 విజేత ఆచార్య కొలకలూరి ఇనాక్‌కు సమున్నత గౌరవం కల్పించారు. ఆయన రాసిన ‘విమర్శిని’కి 2018కి గాను ప్రతిష్టాత్మక కేంద్ర సాహిత్య అకాడమీ అవార్డు దక్కింది. తెలుగు సాహిత్యంపై విమర్శకు సంబంధించి ఇనాక్ ఈ పుస్తకాన్ని రాశఆరు. జనవరి 29న ఢిల్లీలో ఈ అవార్డులను ప్రదానం చేయనున్నారు. ఏటా 24 భాషల్లోని సాహిత్య రచనలను పరిశీలించి కేంద్ర సాహిత్య అకాడమీ అవార్డులను అందిస్తారు. ఇనాక్ గతంలో ఎస్వీ యూనివర్సిటీ వైస్‌ ఛాన్సలర్‌గా సేవలు అందించారు. ఆయన రాసిన ‘అనంత జీవనం’కు ప్రతిష్టాత్మక మూర్తిదేవి అవార్డు లభించింది. తెలుగులో ఇనాక్ అనేక నవలలు రాశారు. అందులో ‘ఊరబావి’ ప్రధానమైంది.

విజయవాడకి మరో ఐకానిక్ స్ట్రక్చర్ రాబోతుంది. చెన్నై-కోల్కతా మహానగరాలను కలిపే జాతీయ రహదారి పై పై జంట నగరాలను కలిపే కూడలి వారధి. నిత్యం రద్దీగా ఉండే ఈ ప్రాంతం అత్యంత సుందరంగా రూపుదిద్దుకోనుంది. వేలాది వాహనాలు నిత్యం రాకపోకలు సాగించే ఈ కూడలిని పూర్తిస్థాయిలో ఆధునికీకరించడంతోపాటు ఆకర్షణీయమైన పచ్చదనంతో నేత్రపర్వం చేయాలన్న ఆలోచన కార్యరూపం దాల్టనుంది. అమరావతి అభివృద్ధి సంస్థ (ఏడీసీ) అధికారులు ఆ దిశగా కసరత్తు సాగిస్తున్నారు. ఇందుకోసం ఇప్పటికే వారు రెండు డిజైన్లను సిద్ధం చేశారు. వీటిల్లో ఒకటి అమరావతి చారిత్రక వారసత్వానికి దర్పణం పట్టనుండగా, మరొకటి సుందర ఉద్యాన వనాన్ని తలపించేలా ఉంది.

రాజధానికి దారి తీసే అన్ని ముఖద్వారాలనూ అత్యంత ఆకర్షణీయంగా రూపొందించాలని, రాష్ట్రంలోని వివిధ ప్రాంతాల సంస్కృతీ సంప్రదాయాలకు అద్దం పట్టేలా ఉండాలని ముఖ్యమంత్రి చంద్రబాబునాయుడు పలు సందర్భాల్లో అధికారులను ఆదేశించారు. స్పందించిన ఏడీసీ సీఎండీ లక్ష్మీపార్ధసారథి విజయవాడలోని కనకదుర్గమ్మ వారధి జంక్షనను ముందుగా అభివృద్ధి పరచాలని నిర్ణయించారు. ఏడీసీ రూపొందించిన రెండు డిజైన్లూ వారధి జంక్షన వద్ద ఉన్న ట్రాఫిక్‌ ఐల్యాండ్లను హరిత శోభితంగా మార్చేవే. ఒకటి గతంలో బౌద్ధానికి సూచికగా భారీ ధర్మచక్రం, ఇతర ఆకర్షణలతో కూడి ఉంది. ఈ నమూనాలో వలయాకారంలో ఉన్న స్థూపంపై పురాతన శిల్పకళను ప్రతిబింబించే మందిరాల మధ్య ధర్మచక్రాన్ని ఏర్పాటు చేస్తారు.

ఈ స్థూపం చుట్టూ ఆకట్టుకునే పలు రకాల క్రోటన్లు, పూలమొక్కలతోపాటు అక్కడక్కడ పెద్ద చెట్లను సైతం పెంచుతారు. సందర్శకులు నడిచేందుకు వీలుగా వాకింగ్‌ టైల్స్‌తో కూడిన బాటలను ఏర్పాటు చేస్తారు. చక్కటి పచ్చిక బయళ్లూ, వాటి మధ్యన చెట్ల వరుసలూ మాత్రమే ఉంటాయి. ఈ లాన్లను కూడా ఆకుపచ్చ రంగులో మాత్రమే కాకుండా వివిధ వర్ణాల్లో ఉండే క్రోటన్లు, ఇతర మొక్కలతో రంగురంగుల్లో ఉండేలా చూస్తారు. ట్రాఫిక్‌ ఐల్యాండ్ల స్వరూపానికి అనుగుణంగా పచ్చిక బయళ్లను చక్కటి ఆకృతుల్లో అభివృద్ధి పరుస్తారు. ఇప్పటికే దీనికి సంబందించిన పనులు పరుగులు పెడుతున్నాయి.