news

ఆంధ్రప్రదేశ్ ముఖ్యమంత్రి చంద్రబాబు నాయుడు అంటే, ఈ దేశంలో తెలియని వారు ఉండరు. 1995 నుంచి దేశ రాజకీయాల్లో అనేక సార్లు ఆయన పాత్ర ఎంతో, ఈ దేశం చూసింది. యునైటెడ్ ఫ్రంట్, నేషనల్ ఫ్రంట్, ఎన్డీఏల సంకీర్ణ ప్రభుత్వాలని, మ్యానేజ్ చేసిన చరిత్ర చంద్రబాబుది. యునైటెడ్ ఫ్రంట్ లో ప్రధానులని నిర్ణయించిన చరిత్ర ఆయనిది. అలాగే అబ్దుల్ కలాం లాంటి వ్యక్తిని రాష్ట్రపతిగా ప్రతిపాదించిన చరిత్ర చంద్రబాబుది. పార్టీలకు అతీతంగా చంద్రబాబు అంటే దేశ వ్యాప్తంగా వివిధ పార్టీలలో గౌరవం ఉంది. ఆయన ముఖ్యమంత్రిగా లేని రోజుల్లో కూడా, ఆయాన అంటే ఎంతో గౌరవం ఇచ్చే వారు. అంతెందుకు, రాజశేఖర్ రెడ్డి ముఖ్యమంత్రిగా ఉండగా, చంద్రబాబు పై వ్యక్తిగత ఆరోపణలు చేస్తుంటే, అలా చేయద్దు, ఆయన రాష్ట్రానికి చేసిన మేలుకు, మనం గౌరవం ఇవ్వాలి అంటూ రాహుల్ 10 ఏళ్ళ క్రితమే చెప్పారు. ఇంతటి చరిత్ర ఉన్న చంద్రబాబుని, మొన్న కేసీఆర్ పట్టుకుని, అసలు చంద్రబాబు లీడరే కాదు, మ్యనేజేర్ అంటూ హేళన చేసారు.

నేను ఈ దేశాన్ని మార్చేస్తున్నా, ఫెడరల్ ఫ్రంట్ పెడుతున్నా, అసలు ఈ దేశం అంతా నా వెంటే ఉంది అంటూ, హంగామా చేసాడు. ఈ నేపధ్యంలో, రాజస్తాన్ పత్రికలో, భారత దేశ భవిష్య నిర్మాణంలో ఇక్కడ పేర్కొన్న నేతల్లో మీకు ఎవరిపై ఎక్కువ నమ్మకం ఉంది అంటూ ఇచ్చిన లిస్టు లో, మోడీ, రాహుల్, మాయావతి, మమత, చంద్రబాబు ఉన్నారు. ఇది చంద్రబాబుకి దేశ వ్యాప్తంగా ప్రజల్లో ఉన్న గౌరవం. ఒక చిన్న రాష్ట్రం నుంచి ప్రాతిధ్యం వహిస్తున్న చంద్రబాబుకి, దేశ వ్యాప్తంగా అంత నమ్మకం ఉంది. మోడీ, రాహుల్, మాయావతి అంటే అన్ని రాష్ట్రాల్లో వాళ్ళ పార్టీ ఉంది, అలాంటిది ఒక రాష్ట్రంలోనే పరిమితమైన చంద్రబాబుకు, దేశ ప్రజల్లో ఇంత నమ్మకం ఎలా వచ్చిందో, కేసిఆర్ గారు గ్రహించాలి. నేను ఈ దేశాన్ని మార్చేస్తున్నా అని హడావిడి చేసే కేసీఆర్ ఈ లిస్టులో లేడు అంటేనే, ఎవరూ లీడర్, ఎవరు మ్యానేజర్ అనేది అర్ధమవుతుంది.

లేకపోటే, "మ్యానేజర్ మళ్ళీ మ్యానేజ్ జేసేసిండు. లీడర్ కాదని నేను జెప్తే దేశం అంతా లీడర్ అంటాంది. అవ్ రా బై? గింతకీ హిమాలయం అంత లీడర్ని, నా పేరేదిరా బై?" అంటూ ప్రెస్ మీట్ పెట్టి బుకాయించిన బుకాయిస్తాడు కేసీఆర్. చంద్రబాబు మోడీ పై యుద్ధం ప్రకటించే నాటికి, దేశమంతా మోడీ వేవ్ నడుస్తుంది. అడపా తడపా కాంగ్రెస్ పార్టీ ఆందోళన చేస్తున్నా, అది ప్రజల్లోకి వెళ్ళని పరిస్థితి. మోడీకి ఎదురే లేదు, ప్రతిపక్షాలు ఐక్యంగా లేవు అనుకుంటున్న టైంలో, డిసెంబర్ 2017 నుంచి చంద్రబాబు రంగంలోకి దిగగానే సీన్ మారిపోయింది. అవిశ్వాస తీర్మానంతో, అన్ని విపక్షలాని ఏకం చేసారు చంద్రబాబు. మోడీ దేశంలోని వ్యవస్థలని నాశనం చేస్తున్న విధానం చూసి, చివరు కాంగ్రెస్ పార్టీతో కూడా దేశ వ్యాప్తంగా కలిసి పని చేస్తున్నారు. ఇప్పుడు విపక్షాల ఫ్రంట్ కి చంద్రబాబు ఫ్రోన్త్ఫ్ పేస్ అయ్యారు. 22 పార్టీలను ఏకం చేసి, 17 దేశ వ్యాప్త అంశాల పై మోడీతో పోరాడుతున్నారు. అందుకే చంద్రబాబుని ఈ దేశం గుర్తించింది. కేసీఆర్ గారు, కొంచెం సోయలో ఉండండి, అన్నీ అర్ధమవుతాయి.

మంగళవారం ప్రధాని మోడీ ఏఎన్‌ఐ నేషనల్ మీడియా న్యూస్‌ ఏజెన్సీతో ఇంటర్వ్యూ ఇచ్చిన సంగతి తెలిసిందే. ఈ ఇంటర్వ్యూ లో చంద్రబాబు పై మోడీ విమర్శలు చేసారు. కేసీఆర్ ఎన్ని బూతులు తిట్టినా, ఒక్క మాట కూడా అనలేదు. అయితే మోడీ చేసిన విమర్శల పై చంద్రబాబు ఘాటుగా స్పందిస్తూ, సూపర్ ఛాలెంజ్ చేసారు. తాను కేవలం లోటు బడ్జెట్‌ ఉన్న రాష్ట్రానికి సీఎంనని సర్వశక్తిమంతుడ్ని అంటున్న ప్రధాని..నాతో చర్చకు రాగలరా? అని సవాల్ చేశారు. ఎవరి అభివృద్ధి విధానమేంటో దేశం ముందు ఉంచుదామని సవాల్ చేశారు. ‘మీ వల్ల దేశానికి ఏం లాభం జరిగిందో చర్చకు సిద్ధమా? కేంద్రం సాధించిన వృద్ధి రేటు ఏముంది? నోట్ల రద్దు, జీఎస్టీతో ఆర్థికాభివృద్ధి ఏం సాధించారు?’ అని ప్రశ్నించారు.

తన చర్యల కారణంగా దేశ ప్రజలను మోదీ భయభ్రాంతులకు గురిచేస్తున్నారని నిప్పులు చెరిగారు. బలహీనుల్ని అధికారంలోకి తెచ్చి రాష్ట్రాభివృద్ధిని అడ్డుకోవాలన్నదే ఆయన ధ్యేయమని, సుస్థిర ప్రభుత్వం రాకూడదని, సామంత రాజులు రావాలని చూస్తున్నారని మోదీపై ఘాటు వ్యాఖ్యలు చేశారు. రాష్ట్రంలో ఆర్థికంగా సుస్థిరత రాకుండా చేస్తున్నారని, తమ దృష్టి మరల్చి, తమను రెచ్చగొట్టేందుకు యత్నిస్తున్నారంటూ మోదీని దుయ్యబట్టారు. ఈ సందర్భంగా తెలంగాణ ఎన్నికల్లో ప్రజాకూటమి విఫలమైందంటూ చేస్తున్న విమర్శలపై చంద్రబాబు స్పందించారు. తెలంగాణలో ప్రజాకూటమి విఫలం కాలేదని, విఫలమైంది కేంద్రంలోని ఎన్డీఏ ప్రభుత్వం, మోదీ, జైట్లీలని విమర్శించారు. దేశంలో ఉంది రెండే కూటములని, అందులో ఒకటి ఎన్డీఏ.. దానికి మద్దతు పలుకుతున్న పార్టీలు కాగా, రెండోది కాంగ్రెస్, దాని పక్షాన నిలిచిన పార్టీల కూటమి అని పేర్కొన్నారు.

ఫెడరల్ ఫ్రంట్ ప్రయత్నాలు జరుగుతున్న విషయం తనకు తెలియనది మోడీ చెప్పుకు రావడాన్ని ఖండించారు. అసలు ఫెడరల్ ఫ్రంట్ కు సూత్రధారులు మోడీ, జైట్లీనేనన్నారు. ఫెడరల్ ఫ్రంట్‌లో మమతాబెనర్జీ ఉన్నారంటూ జైట్లీ ఎలా ప్రకటించారని.. ఆయనకేం సంబంధమని ప్రశ్నించారు. ఫెడరల్ ఫ్రంట్ ఎక్కడుందని ..దాన్ని ప్రమోట్‌ చేస్తోంది మోదీ, జైట్లీనేనని తేల్చేశారు. మహాకూటమి విఫలం కాలేదని స్పష్టం చేశారు. విఫలమైంది ప్రధాని మోదీ, ఆర్థికమంత్రి జైట్లీనేనన్నారు. ఏపి హక్కుల కోసం పోరాడుతుంటే, తనది ఆక్రోశమంటూ రాజకీయా నిందలేస్తారా అని మోదీని నిలదీశారు. ప్రతిపక్షాల కూటమి విఫలమైన ఆలోచన అని, తెలంగాణ ఫలితాలే అందుకు కారణమని ఆర్థిక మంత్రి అరుణ్ జైట్లీ అన్నారని..విఫలమైందని కూటమి కాదని, దేశవ్యాప్తంగా రాజ్యాంగ సంస్థలను నాశనం చేస్తూ బీజేపీ విఫలమైందన్నారు.

తెలంగాణ ముఖ్యమంత్రి కేసీఆర్ ఫెడరల్ ఫ్రంట్‌లో మమతాబెనర్జీ ఉన్నారంటూ కేంద్రమంత్రి అరుణ్ జైట్లీ ఎలా ప్రకటిస్తారు? అని సీఎం చంద్రబాబు ప్రశ్నించారు. ఫెడరల్ ఫ్రంట్ ఎక్కడుంది?..దాన్ని ప్రమోట్‌ చేస్తోంది మోదీ, జైట్లీనేనని ఆయన చెప్పారు. మహాకూటమి విఫలం కాలేదని, విఫలమైంది ప్రధాని మోదీ, ఆర్థికమంత్రి జైట్లీనేనని చంద్రబాబు కౌంటర్ ఇచ్చారు. బీజేపీయేతర కూటమి పేరుతో సీఎం చంద్రబాబు చేస్తున్న ప్రయత్నాలు తెలిసిందే. తెలంగాణ ముఖ్యమంత్రి కేసీఆర్.. బీజేపీ, కాంగ్రెస్ యేతర ఫెడరల్ ఫ్రంట్ ప్రయత్నాలు కూడా తెలిసిందే. ఈ మధ్యనే సీఎం కేసీఆర్.. పశ్చిమబెంగాల్ సీఎం మమతా బెనర్జీతో భేటీ అయి ఫెడరల్ ఫ్రంట్‌పై చర్చించారు. అయితే దీదీ మాత్రం ఈ విషయం పై అసలు మీడియాతో కూడా మాట్లాడలేడు.

ఇప్పటికే మమతాబెనర్జీ మహాకూటమిలో ఉన్నారు. ఈ నేపథ్యంలో స్పందించిన కేంద్రమంత్రి అరుణ్ జైట్లీ.. మహాకూటమి, ఫ్రెడరల్ ఫ్రంట్‌పై ఆసక్తికర వ్యాఖ్యలు చేశారు. మహాకూటమి అనేది భారత్‌ను భయపెట్టే ఆలోచనని, తెలంగాణలో మహాకూటమి విఫలమైందని, లోక్‌సభ ఎన్నికల్లోనూ మహాకూటమికి ఓటమి తప్పదని జైట్లీ ఎద్దేవా చేశారు. ఫెడరల్‌ ఫ్రంట్‌ మోదీ గూటి చిలకేనని స్పష్టం చేశారు. ‘ప్రతిపక్షాలు రెండు కూటములుగా చీలిపోయాయని, ఫెడరల్‌ ఫ్రంట్‌లో బెంగాల్‌ సీఎం మమతా బెనర్జీ చేరారని బీజేపీ నేతలు చెబుతున్నారు. ఆ ఫ్రంట్‌లో చేరామని మమత, నవీన్‌ పట్నాయక్‌ ఎక్కడైనా చెప్పారా? వాళ్లు చెప్పకుండానే ఫెడరల్‌ ఫ్రంట్‌కు వీళ్లెందుకు ప్రచారం చేస్తున్నారు?"

"దీనినిబట్టే ఆ ఫ్రంట్‌ ఎవరిదో తెలిసిపోతోంది. ఉనికిలోనే లేని ఫ్రంట్‌కు ప్రచారం కల్పించాలని మోదీ, జైట్లీ తాపత్రయపడుతున్నారు. ప్రతిపక్షాలు చీలిపోయాయని ప్రజలను నమ్మించగలిగితే తమకు లాభం వస్తుందని లెక్కలు వేసుకుని ఆ ఫ్రంట్‌ను ప్రోత్సహిస్తున్నారు. ఉన్నవి రెండే కూటములు. ఒకటి బీజేపీ అనుకూల కూటమి.. రెండోది బీజేపీ వ్యతిరేక కూటమి. మమత బీజేపీకి వ్యతిరేకంగానే ఉన్నారు’ అని తేల్చిచెప్పారు. తెలంగాణలో టీఆర్‌ఎస్‌ గెలిస్తే బీజేపీ నేతలకు ఆనందం ఎందుకని చంద్రబాబు ప్రశ్నించారు. ‘ప్రధాని రెండుసార్లు, బీజేపీ అధ్యక్షుడు అమిత్‌ షా ఏడు సార్లు తెలంగాణలో పర్యటించారు. వారితోపాటు 17 మంది కేంద్ర మంత్రులు, ఏడుగురు ముఖ్యమంత్రులు కూడా ప్రచారం చేస్తే బీజేపీకి కేవలం ఒకటే సీటు వచ్చింది. ప్రధానిని సన్నాసి, ఫాసిస్ట్‌, గాడు అని కేసీఆర్‌ విమర్శించినా బీజేపీ నేతలు మాట్లాడడం లేదు. దీనినిబట్టే వారి మధ్య లాలూచీ తెలిసిపోతోంది. ప్రజలను అన్నిసార్లూ మోసం చేయలేరు’ అని తేల్చిచెప్పారు.