గత ఆరు నెలల నుంచి, ఒకడి తరువాత ఒకడు, చంద్రబాబు పై విషం చిమ్మటం కోసం పోటీ పడటం, చంద్రబాబు అవినీతి పరుడుగ ముద్ర వెయ్యటానికి అన్ని విధాలుగా ప్రయత్నాలు చెయ్యటం, చివరకు విపి అవ్వటం, ఇదే తంతు... ఇన్ని ఆరోపణలు, ఇంత హంగామా చేసి చివరకు ఒక్క రూపాయి అవినీతి ఇప్పటి వరకు ప్రూవ్ చెయ్యలేదు. ఎవరి ఇష్టం వచ్చినట్టు వారు, చంద్రబాబుని ఇష్టం వచ్చినట్టు మాట్లడటం, ప్రజల్లో ఏవో అపోహలు కలిగించటం, చెప్పిందే చెప్తే ప్రజలు నిజం అని నమ్ముతారేమో అని ఆశ... మీడియా ముందు చేసారు అంటే అర్ధం ఉంది, చివరకు కోర్ట్ లు దగ్గర కూడా, ఇవే గాల్లో ఆరోపణలు చేస్తే కోర్ట్ లు ఊరుకుంటాయా ?
కొన్ని రోజుల క్రిందట, రాజకీయ కక్షతో కొంత మంది, లోకేష్ పై సిబిఐ విచారణ కోరుతూ, హైకోర్ట్ కు వెళ్తే, అక్కడ కోర్ట్ కొట్టేసిన విషయం చూసాం. కనీస ఆధారాల్లేకుండా విచారణ ఎలా అని ప్రశ్నించింది. ప్రస్తుతానికి అక్కడ కథ ముగిసింది. అయితే ఇప్పుడు కధ మళ్ళీ మొదలైంది. రేవంత్ రెడ్డి మీద కొన్ని రోజుల క్రితం ఐటి దాడులు జరిగిన విషయం గుర్తుంది కదా, ఆ టైంలో దొంగ ఎకౌంటు నెంబర్లు ఇచ్చి, అక్కడ వేల కోట్లు ఉన్నాయి అంటూ, మీడియాలో లీక్ లకు కారణమైన హైదరాబాద్ లయార్ ఇమ్మనేని రామారావు, ఇప్పుడు అదే స్ట్రాటజీతో చంద్రబాబు మీద పడ్డాడు. ఈ ఇమ్మనేని రామారావు గురించి, దాదపుగా ఒక 30 కేసుల వరకు, అందులోనూ ఇలా బ్లాక్ మెయిల్ కేసులు ఉన్న విషయం తెలిసిందే.
అయితే ఇప్పుడు కోర్ట్ కు వెళ్ళే హక్కు ఆసరాగా తీసుకుని, సీఎం చంద్రబాబు కుటుంబానికి చెందిన కంపెనీల ఖాతాలపై ఫోరెన్సిక్‌ ఆడిట్‌ జరిపించాలంటూ తాను ఇచ్చిన ఫిర్యాదుపై రిజిస్ట్రార్‌ ఆఫ్‌ కంపెనీస్‌ (ఆర్వోసీ), తీవ్ర నేరాల పరిశోధన కార్యాలయం చర్యలు తీసుకోకపోవడాన్ని సవాలు చేస్తూ న్యాయవాది ఇమ్మనేని రామారావు ఉమ్మడి హైకోర్టులో గురువారం పిటిషన్‌ దాఖలు చేశారు. చంద్రబాబు, లోకేశ్‌, బ్రాహ్మణి, భువనేశ్వరిలకు చెందిన 20 కంపెనీల వ్యవహారాలపై ఫోరెన్సిక్‌ ఆడిట్‌ జరిపించాలని, వారి కంపెనీలకు యూఐఎన్‌ నెంబర్లు కేటాయించాలంటూ గత నెల 26న ఫిర్యాదు చేసినట్లు చెప్పారు. ప్రతివాదులుగా కేంద్రం, ఆర్వోసీ, ఎస్‌ఎఫ్‌ఐఓతోపాటు పలు కంపెనీలను, చంద్రబాబును చేర్చారు. అయితే కోర్ట్ ఈ పిటీషన్ స్వీకరిస్తుందా, లేదా అనేది చూడాలి. ఎన్ని సార్లు కోర్ట్ లలో కేసులు వేసినా, ఎన్ని సార్లు కొట్టేసినా, వేరే వేరే రూపాల్లో కేసులు వేసి, హైదరాబాద్ వేదికగా కుట్ర చేస్తున్నారు.
