news

మహా మహా నేతలు, ఇందిరా గాంధీ దగ్గర నుంచి నేటి నరేంద్ర మోడీ దాకా, మూడు దశాబ్దాలుగా, తెలుగుదేశం పార్టీని లేకుండా చెయ్యటానికి ప్రయత్నాలు చేసి, విఫలం అయినవారే... రాజశేఖర్ రెడ్డి చనిపోయే రెండు రోజుల ముందు, తెలుగుదేశం ఫినిష్ అని చెప్పి, రెండు రోజుల తరువాత హెలికాప్టర్ ఎక్కి, ఏమయ్యారో తెలిసిందే. ఇలా మహా మహా నేతలే, ఆ పార్టీని ఏమి చెయ్యలేకపోతే, గుడివాడలో ఉండే కొడాలి నాని మాత్రం, టీడీపీ జెండాను 10 ముక్కలుగా చించేస్తా అని టైం ఇచ్చి మరీ వార్నింగ్ ఇస్తున్నాడు. ఇంకా రెండువందల రోజుల తర్వాత చుక్కలు చూపిస్తా... వారి రాజకీయ జీవితాలను భూస్థాపితం చేస్తా.. టీడీపీ జెండాను 10 ముక్కలుగా చించేస్తా అంటూ కొడాలి నాని తెలుగుదేశం నాయకులకు వార్నింగ్ ఇస్తున్నాడు.

నిన్న గుడివాడ మున్సిపల్‌ వైస్‌ చైర్మన్‌ అడపా బాబ్జీ పై అవిశ్వాసం పెట్టారు తెలుగుదేశం నేతలు. అయితే, కొడాలి నాని కొంత మందిని కిడ్నాప్ చెయ్యటంతో, వారు కనిపించ కుండాపోయారు. దీంతో కోరం లేదని సమావేశం వాయిదా వేసారు. తన వ్యూహం బెడిసికొట్టటంతో, కొడాలి నాని ఆగ్రహంతో ఊగిపోయారు. తెలుగుదేశం నేతలను చించేస్తా, పొడిచేస్తా, అసలు పార్టీనే లేకుండా చేస్తా అంటూ, 200 రోజులు టైం ఇచ్చారు. బహుసా జగన్ చెప్పాడేమో, 200 రోజుల్లో నేనే సియం అవుతాను, నువ్వు హోం మంత్రివి ఆవుదూగాని అని. అందుకే టైం చెప్పి మరీ, ఊహల్లో తేలుతూ, తెలుగుదేశం జెండాను 10 ముక్కలు చేస్తా అని నాని అంటున్నాడు.

2004లో టీడీపీ టికెట్‌పై అసెంబ్లీకి పోటీ చేసి ఓటమి చెంది వైఎస్‌ఆర్‌ అండతో ప్రభుత్వ పదవి దక్కించుకున్న ఆర్డీవో టీడీపీకి తొత్తుగా వ్యవహరించారని ఎమ్మెల్యే ఆరోపించారు. పోలీస్‌ ఉన్నతాధికారులు, టీడీపీ నేతల డ్రామాలు ప్రజలు చూస్తున్నారన్నారు. 200 రోజుల్లో అధికారుల సంగతి కూడా చూస్తా అని నాని వార్నింగ్ ఇస్తున్నాడు. మొత్తానికి జగన్ ఒక్కడే అనుకుంటే, జగన్ పార్టీలో ఉన్న ఇలాంటి నేతలు అందరూ, తరువాత ప్రభుత్వం మాదే, మా జగన్ అన్న సియం, మాకు మంత్రి పదవులు వచ్చేస్తున్నాయి, ఇక తెలుగుదేశం పార్టీ అంతు చూస్తాం, చంద్రబాబుని జైల్లో పెడతాం, అంటూ ఊహాలోకాల్లో విహరిస్తున్నారు. పాపం ఎవరన్నా నిద్ర లేపి, అది డ్రీం మషీన్ అని చెప్పండి..

వైఎస్సార్ కాంగ్రెస్ పార్టీ అధ్యక్షుడు జగన్మోహన్ రెడ్డిపై కాపు ఉద్యమనేత, మాజీ మంత్రి ముద్రగడ పద్మనాభం తీవ్రస్థాయిలో మండిపడ్డారు. నిన్న జగన్ కాపు రిజర్యేషన్లు సాధ్యంకాదని చేసిన వ్యాఖ్యలపై స్పందించిన ఆయన ఆదివారం ప్రెస్ మీట్‌లో మాట్లాడుతూ తుని ఘటన తరవాత.. జగన్ ప్రెస్ మీట్ పెట్టి మరీ కాపు రిజర్యేషన్‌లకు మద్దతు ఇస్తున్నట్లు చెప్పారని, అసెంబ్లీలోనూ మద్దతు పలికారని గుర్తు చేశారు. ఇప్పుడు రాష్ట్ర పరిధిలో అంశం కాదని, జగన్ యూటర్న్ తీసుకోవడం బాధాకరమని అన్నారు. కాపులు ఎప్పుడూ మీ మోచేతి నీళ్ళు తాగుతూ మీ పల్లకీలే మోస్తూ ఉండాలా? అంటూ ఆయన ద్వజమెత్తారు.

కాపు ఉద్యమం పుట్టిన గడ్డమీదే జగన్ కాపులను అవమానించడం దుర్మార్గమని, తమ జాతిపై జగన్‌కు చిన్నచూపెందుకో చెప్పాలని, తమ జాతి ఏం తప్పు చేసిందో జగన్ చెప్పాలని ముద్రగడ డిమాండ్ చేశారు. కాపు రిజర్యేషన్లతో జగన్‌కు సంబంధం లేకపోతే... కేంద్రం పరిధిలో ఉన్న అనేక విషయాలపై ఎందుకు ఉద్యమాలు చేస్తున్నారని ఆయన ప్రశ్నించారు. గత ఆరునెలలుగా జగన్ పాదయాత్రలో ఇస్తున్న హామీలకు రాష్ట్ర, కేంద్ర బడ్జెట్‌లు సరిపోతాయా? అని ప్రశ్నించారు. పదవీ కాంక్షతో జగన్ ఇలాంటి హామీలు ఇవ్వొచ్చు కానీ.. కాపు జాతికి రిజర్యేషన్ ఇవ్వలేరా? అని ముద్రగడ ప్రశ్నించారు.

ముఖ్యమంత్రి చంద్రబాబు కాపుజాతికి రిజర్యేషన్లు కల్పించేస్తారేమోనని వైసీపీ అధ్యక్షుడు జగన్మోహన్ రెడ్డి మోకాలడ్డుతున్నారని ముద్రగడ పద్మనాభం ఆరోపించారు. సీఎం చంద్రబాబుపై తనకు నమ్మకముందని.. తమ రాజకీయ వ్యూహాలు తమకున్నాయని అన్నారు. ప్రస్తుతానికి అధికారంలో ఉన్న చంద్రబాబే తమ రిజర్యేషన్లు అమలు చేస్తారని ఆశిస్తున్నామని ముద్రగడ అభిప్రాయం వ్యక్తం చేశారు. కాపు రిజర్వేషన్లను కేంద్రం పరిధిలో అమలు చెయ్యటం తరువాత చెయ్యవచ్చు అని, ముందుగా రాష్ట్ర పరిధిలో తక్షణం అమలు చేయాలని, ఆ అధికారం ముఖ్యమంత్రికి ఉందని ముద్రగడ అన్నారు.

నిన్న జగన్ కాపు రిజర్యేషన్లు సాధ్యంకాదని చేసిన వ్యాఖ్యల పై ముద్రగడ స్పందించారు. ఆయన ఆదివారం ప్రెస్ మీట్‌లో మాట్లాడుతూ కాపు జాతి ఓట్లు అడిగే అర్హత జగన్‌కు లేదని, వైసీపీ తరఫున కాపు జాతికి టికెట్లు కూడా ఇవ్వొద్దని అన్నారు. ఒకో నియోజక వర్గంలో కాపు జాతి సోదరులను ముగ్గురిని ఎగదోస్తూ... వాళ్ళతో లక్షల రూపాయలు ఖర్చు చేయిస్తున్నారని ముద్రగడ మండిపడ్డారు. రెట్టింపు నిధులిస్తానంటూ మాపై సవతి తల్లి ప్రేమ చూపొద్దని, జగన్ కాపు జాతిని ఈ విధంగా కించపరచడం చాలా పెద్ద తప్పుని ముద్రగడ వ్యాఖ్యానించారు. జగన్‌కి తాను రేడ్ కార్పెట్ పరిచి ఆహ్వానించాలని జగన్ తన అనుచరులతో కబురు పంపారని, కాపు జాతికి జగన్ ఏంచేసాడని స్వాగతం పలకాలని అడిగానని, ఆ ఉక్రోషంతోనే జగన్ కాపు జాతిని అవమానించారని ఆయన అన్నారు.

తన కుటుంబంపై నిన్న జగన్ దొంగ ప్రేమ, మొసలి కన్నీరు కార్చారని, తాను అవమాన పడిన రోజు ఆయన ఏమయ్యారని ముద్రగడ ప్రశ్నించారు. జగన్ దొంగ ప్రేమ తనకక్కర్లేదన్నారు. తన జాతి ప్రయోజనాలే తనకు ముఖ్యమని అన్నారు. ‘అవి మీ పరిధి కాదన్న మీ పల్లకీ మొయ్యం. మా జాతికి రిజర్యేషన్ ఇచ్చేవాళ్ళ పల్లకీనే మోస్తాం’అని ముద్రగడ స్పష్టం చేశారు. జగన్ ముఖ్యమంత్రి పదవీ కాంక్ష వదిలేస్తే మా జాతి రిజర్వేషన్ల ఆకాంక్ష వదులుకుంటామని ఆయన అన్నారు. జగన్ తన పాదయాత్రకు ప్రజలను తరలించడానికీ, ప్లెక్సీలు కట్టడానికి కాపు జాతి సోదరులు ఆస్తులు ఆర్పుకుంటున్నారని ఆయన ఆవేదన వ్యక్తం చేశారు. జగన్ వల్ల కాపు రాజకీయనేతల జీవితాలు, కుటుంబాలు నాశనమయిపోతున్నాయన్నారు.

పవన్ కల్యాణ్‌పై జగన్ చేసిన కామెంట్స్ చాలా తప్పని అన్నారు. రాజకీయాల్లోకి కుటుంబ సభ్యులను లాగడం దారుణమన్నారు. కాపు ఉద్యమాల గడ్డ అయిన తూర్పుగోదావరి జిల్లాలోనే జగన్ కాపులను అవమానించాడని, పవన్ కల్యాణ్‌పై వ్యక్తిగత ఆరోపణలు చేశాడని ముద్రగడ చెప్పారు. ‘‘జగన్ అపర మేధావి. కాపు జాతి ఏమీ చేయలేదనే మిగిన జాతుల ఓట్ల కోసం ఆయన ఈ స్టెప్ తీసుకున్నాడు. ఈ జిల్లా నుంచే పవన్‌ని వ్యక్తిగతంగా అవమానించాడు. రిజర్వేషన్లు సాధ్యం కాదంటూ కాపుజాతి ఆశలపై నీళ్ళు చల్లాడు.’’ అని ముద్రగడ విమర్శించారు.