news

పోలవరం ప్రాజెక్ట్ విషయంలో, రాష్ట్ర ప్రభుత్వం పై, కేంద్రం ప్రభుత్వం అనేక ఇబ్బందులు పెడుతుంటే, రాష్ట్ర ప్రభుత్వం మాత్రం, ఎక్కడా ఇబ్బంది లేకుండా జాగ్రత్త తీసుకుంటుంది. పోలవరం ప్రాజెక్ట్‌ నిర్మాణంతో నిర్వాసితులవుతున్న ఎస్సీ, ఎస్టీ లబ్ధిదారులకు ఇప్పటి వరకు రూ.2.85లక్షలతో మాత్రమే ఇళ్ళు నిర్మిస్తున్నామని, కానీ సబ్‌ప్లాన్‌ నిధుల నుంచి మరో రూ.50వేలు అదనంగా మంజూరు చేసి ఇళ్లను నిర్మిస్తామని భూసేకరణాధికారి హరేంద్రప్రసాద్‌ వెల్లడించారు. గురువారం కుక్కునూరులో పునరావాస పరిహారం వ్యక్తిగత లబ్ధిదారుల ఎంపికపై నిర్వహించిన గ్రామసభలో ఆయన మాట్లాడారు.

పోలవరం నిర్వాసితుల కు పునరావాస పరిహారం అందించడానికి గత ఏడాది అర్హులతో కూడిన మొదటి జాబితాను విడుదల చేసినట్టు తెలిపారు. ఆ జాబితాను పరిగణలోకి తీసుకుని వ్యక్తిగత పరిహారం అందించనున్నట్టు తెలిపారు. అలాగే స్ధానికంగా రేషన్‌, ఆధార్‌, ఓటరు కార్డులు ఉన్న వారికి జాబితా లో పేర్లు లేకపోతే వారు దరఖాస్తు చేసుకుంటే పరిశీలించి పునరావాస పరిహారానికి అర్హులను చేస్తామన్నారు. అలాగే అన్ని ఆధారాలు ఉండి స్ధానికంగా ఉండకపోయినా, ఎక్కడ ఉంటున్నా పరిహారం ఇస్తామని స్పష్టం చేశారు. అలాగే స్థానికంగా ఇళ్లు ఉండి ఇతర ప్రాంతాల్లో ఉంటే వారికి ఇంటి ప్యాకేజీ మాత్రమే ఇచ్చి పునరావస ప్యాకేజీ మాత్రం ఇవ్వమని తేల్చి చెప్పారు.

2017 జూలై నాటికి 18 సంవత్సరాలు నిండిన వారికి మాత్రమే పరిహారం ఇస్తామని, భూములు ఇక్కడ కోల్పోయి ఎక్కడో ఉంటున్న వారికి స్ధానికంగా ఆధార్‌ లేకపోతే పరిహారం ఇవ్వమన్నారు. ఇంటి పరిహారం విలువ తక్కువ వస్తే రెండు రోజుల్లో బృందాలు వచ్చి పరిశీలించి మరలా కొలతలు తీసుకుంటారని తెలిపారు. అలాగే త్వరలో పునరావాస కాలనీల్లో నమూనా ఇళ్ళను నిర్మించి నిర్వాసితులను తీసుకువెళ్ళి చూపిస్తామన్నారు. అలాగే ఇంటి పరిహారం, వ్యక్తిగత పరిహారం, నిర్వాసిత కుటుంబాలను ఇక్కడ నుంచి తరలించే సమయంలోనే ఇస్తామని స్పష్టం చేశారు. ఈ సమావేశంలో తహసీల్దార్‌ రామాంజనేయులు పాల్గొన్నారు.

రానున్న ఎన్నికల కోసం ఇప్పటి నుంచే అఖిల భారత కాంగ్రెస్‌ వ్యూహాత్మక అడుగులేస్తోంది. మోడి వ్యతిరేక ఓటు చీలిపోకుండా పథకాలు సిద్ధం చేస్తోంది. మోడి ప్రభుత్వ ప తనం, తిరిగి బీజేపీని అధికారానికి దూరంగా ఉంచడమనే రెండు అంశాలే లక్ష్యంగా 2019 సార్వత్రిక ఎన్నికల్ని ఎదుర్కోవాలని ఆ పార్టీ భావి స్తోంది. ఇందు కోసం అవసరమైన త్యాగాలకు కూడా కాంగ్రెస్‌ సిద్దపడింది. ఇటీవల జరిగిన కాంగ్రెస్‌ వర్కింగ్‌ కమిటీ సమావేశంలో ఆ పార్టీ అధ్యక్షుడు రాహుల్‌గాంధీ వచ్చే ఎన్నికల్లో బీజేపీ పతనమే తన లక్ష్యం తప్ప తనకధికారం కాదంటూ తేల్చిచెప్పేశారు. యూపీఏను గద్దెమీద కూర్చోబెట్టడమే తన ముందున్న ఏకైక కర్తవ్యంగా పేర్కొన్నారు. అవసరమైతే తాను ప్రధాని పదవికి దూరంగా ఉంటానని తేల్చి చెప్పేశారు. దేశంలో మరో సమర్ధుడు ముందుకొస్తే ప్రధాని పీఠం ఇచ్చేందుకు తనకెలాంటి అభ్యంతరం లేదని స్పష్టం చేసేశారు.

దీంతో రానున్న ఎన్నికల నాటికి జాతీయ స్థాయిలో మూడో ప్రత్యా మ్నాయం ఏర్పాటయ్యే అవకాశాలు కొరవడ్డాయి. పాలక ఎన్‌డీఏ, ప్రతిపక్ష యూపీఏల మధ్యే మరోసారి ఎన్నికల యుద్ధం జరగనుంది. దేశంలో బీజేపీని వ్యతిరేకిస్తున్న ఎన్‌డీయేతర పక్షాలన్నీ ఇప్పుడు కాంగ్రెస్‌ పిలుపునకు స్పందించాలని భావిస్తున్నాయి. ఆయా రాష్ట్రాల ప్రజలతో పాటు పార్టీ కార్యకర్తల నుంచి కూడా నాయకులపై ఈ మేరకు ఒత్తిళ్ళు మొదలయ్యాయి. రాష్ట్రాల్లో అధికారంపై తమకు మమకారం లేదని కాంగ్రెస్‌ నిరూపించుకుంది. ఇందుకు తాజాగా జరిగిన కర్ణాటక ఉదంతమే ఉదాహరణ. తమకంటే తక్కువ సీట్లున్నా ప్రాంతీయ పార్టీలకు రాష్ట్రాధికారాన్ని అప్పగించి ముఖ్య మంత్రి పీఠంపై కూర్చోబెట్టేందుకు తమకు అభ్యంతరం లేదన్న రాహుల్‌ ఆలోచనలకు కర్ణాటకలో కార్యరూపం లభించింది.

పశ్చిమబెంగాల్‌ ముఖ్యమంత్రి మమతాబెనర్జీ దీర్ఘకాలం కాంగ్రెస్‌ రాజకీయాల్లో ఆరితేరారు. ఆ తర్వాత కేంద్రంలో కూడా మంత్రిగా పని చేశారు. రెండోదఫా ముఖ్యమంత్రిగా ఉన్నారు. ఆమెకు ఆ రాష్ట్రంలో విపరీతమైన అనుచరగణముంది. ఈశాన్య రాష్ట్రంలో కూడా ఆ పార్టీకి బలం పెరిగింది. తమ అధినేతను కేంద్రంలో కీలక పదవిలో చూసుకోవాలన్న తపన ఆ పార్టీ కార్యకర్తల్లో దీర్ఘకాలంగా కనిపిస్తోంది. ఇప్పుడు వారంతా మమతపై ఒత్తిళ్ళు పెంచారు. రాష్ట్ర రాజకీయాల మాట అటుంచి కేంద్ర రాజకీయాల్లోకి ప్రవేశించాల్సిందిగా పట్టుబడుతున్నారు. యూపీఏలో చేరి ప్రధాని అభ్యర్థిత్వానికి ప్రయత్నించాల్సిందిగా విజ్ఞప్తులు చేస్తున్నారు. దీర్ఘకాలం ముఖ్యమంత్రిగా, కేంద్రమంత్రిగా పని చేసిన బీఎస్‌పీ అధినేత్రి మాయావతి కూడా ఇప్పుడు ఈ దిశగా పావులు కదుపుతున్నారు. ఆమెకు కూడా దీర్ఘకాలంగా ప్రధాని పీఠంపై ఆశ ఉంది. ఆ పార్టీకి ఉత్తర్‌ప్రదేశ్‌తో పాటు బీహార్‌, మధ్యప్రదేశ్‌, మహారాష్ట్రల్లోనూ గణనీయ సంఖ్యలోనే బలముంది. దీంతో యూపీఏలో భాగస్వామిగా చేరి జాతీయ ఎన్నికల అనంతరం ప్రధాని పదవికి పోటీ పడాలంటూ ఆమెపై ఒత్తిళ్ళు వస్తున్నాయి.

కేంద్రం చేస్తున్న వివక్షను దాటుకుని, నెమ్మదిగా ఎదుగుతుంది ఆంధ్రప్రదేశ్. ఉన్న వనరులతో, చంద్రబాబు నాయకత్వంలో ముందడుగు వేస్తుంది. ఇందులో ముఖ్యంగా ఆక్వా రంగంలో, ఆంధ్రప్రదేశ్ దేశంలోనే నెంబర్ వన్ గా ఉంది. అయితే, ఇప్పుడు బీజేపీ కన్ను ఈ రంగం పై పడింది. మనలను ఇబ్బంది పెట్టటానికి, మన నుంచి ఉత్పత్తి అయ్యే చేపలను నిషేదిస్తూ కొన్ని బీజేపీ పాలిత రాష్ట్రాలు నిర్ణయం తీసుకున్నాయి. రాష్ట్రంలో పండే చేపల్లో ఫార్మాలిన్ ఉంటుంది అనే సాకు చూపించి, బిజెపి పాలిత రాష్ట్రాలు మన రాష్ట్రం నుండి కొనుగోళ్ళు ఆపేశాయి. దీంతో ఇది ఒక పెద్దగా అధికారులు భావిస్తున్నారు. మన ఆదాయం పై దెబ్బ పడుతుందని, మిగతా రాష్ట్రాలు కూడా ఈ ప్రచారం నిజమే అనుకునే ప్రమాదం ఉందని, అధికారులు అంటున్నారు.

ఈ పరిణామాల పై ముఖ్యమంత్రి చంద్రబాబు వెంటనే స్పందించారు. ఈశాన్య రాష్ట్రాల అయిన, అసోం, నాగాలాండ్‌, మేఘాలయ ముఖ్యమంత్రులకు ఏపీ సీఎం చంద్రబాబు లేఖ రాశారు. చేపల నిల్వ కోసం ఫార్మాలిన్ కెమికల్ కలుపుతున్నారంటూ కావాలనే దుష్ప్రచారం చేస్తున్నారని తెలిపారు. ఏపీలో చేపల నాణ్యతను పరిశీలించి ఫిష్‌ క్వాలిటీ టెస్ట్‌ సర్టిఫికెట్‌ ఇస్తామన్నారు. అసోంలో ఏపీ నుంచి వచ్చిన చేపలను అధికారుల సమక్షంలో పరీక్షించగా కేన్సర్ కారకమైన ఫార్మాలిన్ లేదని తేలిందని లేఖలో చంద్రబాబు పేర్కొన్నారు. మీరు తీసుకున్న నిర్ణయం ఒకసారి పునఃసమీక్షించుకోవాలని ఆ రాష్ట్ర ముఖ్యమంత్రులను కోరారు.

బిజెపి పాలిత రాష్ట్రాలకు తప్ప ఈ ఫార్మాలిన్ మరే రాష్ట్రానికి కనపడలేదు. బీహార్, వెస్ట్ బెంగాల్ లాంటి రాష్ట్రాలు ఎప్పటిలాగే కొనుగోలు చేస్తున్నాయి. అంతే కాదు మన రాష్ట్రం నుండి ఎగుమతి అవుతున్న సౌత్ ఆసియన్ కంట్రీస్, కొత్తగా కొంటున్న కొరియా , యూరోపియన్ కంట్రీస్, జపాన్.... వీటిలో ఏ దేశానికి కూడా ఈ ఫార్మాలిన్ కనపడలేదు. కేవలం బిజెపి పాలిత రాష్ట్రాలకే కనపడింది. ఇది కేవలం చంద్రబాబు మీద కోపంతో, తమ పార్టీని ఎదిరించాడని , అందుకే ఆంద్రప్రదేశ్ ని ఆర్ధికంగా దెబ్బతీయాలని చూస్తున్న కమలనాధుల నాటకం, రాజకీయ విభేదాలున్నా, సైద్దాంతిక వైరుధ్యాలున్నా ఎప్పుడు , ఏ పార్టీ ఇలా ప్రవర్తించింది లేదు. ఇంత దారుణంగా, బహిరంగంగా, నిర్లజ్జగా అధికార దుర్వినియోగం చేస్తున్న పార్టీ బిజెపినే. ముఖ్యమంత్రి వివరణతో అయినా, వారు నిర్ణయం మార్చుకుంటారేమో చూస్తున్నాం.