news

రాష్ట్రానికి తీరని అన్యాయం చేసిన బీజేపీ రానున్న ఎన్నికల్లో ఒక్క ఎమ్మెల్యే స్థానమైనా గెలుచుకుంటే తాను రాజకీయ సన్యాసం చేస్తానని రాష్ట్ర ఉప ముఖ్యమంత్రి కేఈ కృష్ణమూర్తి అన్నారు. ఆదివారం తిరుపతిలో జరిగిన ఓ కార్యక్రమంలో ఆయన పాల్గున్నారు. ఈ సందర్భంగా జరిగిన సభలో మంత్రి మాట్లాడుతూ ఏపీకి కేంద్రం తీరని అన్యాయం చేసిందని విమర్శించారు. ఏపీకి ఎంతో చేశామని, నిధులు కేటాయించామంటూ ప్రధాని మోదీ అబద్దాలు చెబుతున్నారని అన్నారు. ఏపీకి కేంద్రం చేసిన అన్యాయంపై పార్లమెంట్‌లో మాట్లాడాల్సిన జగన్ తన ఎంపీల చేత రాజీనామాలు చేయించి రోడ్లపైకి వచ్చి మాట్లాడుతున్నారన్నారు.

దీనివల్ల ఎలాంటి ఉపయోగం లేదని, బంద్‌లతో సాధించేది ఏమీలేదన్నారు. జగన్ బీజేపీ తొత్తుగా మాట్లాడుతున్నారని మండిపడ్డారు. ఏపీని అన్యాయంగా, అక్రమంగా విభజించిన కాంగ్రెస్‌కు ఒక్క సీటు కూడా రాలేదని, ప్రజలు ఆ పార్టీని దారుణంగా ఓడించారని అన్నారు. రానున్న ఎన్నికల్లో కాంగ్రెస్‌కు పట్టిన గతే బీజేపీకి పడుతుందని మంత్రి కేఈ చెప్పారు. రాష్ట్రంలో స్టాంపులు, రిజిస్ట్రేషన్ శాఖను అధునాతన సాంకేతిక పరిజ్ఞానంతో ప్రజలకు అందుబాటులోకి తీసుకువచ్చామన్నారు. రాష్ట్రంలోని అన్ని రిజిస్ట్రేషన్ కార్యాలయాలను ఆధునీకరించి ప్రజలు తమ భూములు ఎక్కడున్నాయో విదేశాల నుంచైనా చూసుకోవచ్చని చెప్పారు.

ఏపీలో రిజిస్ట్రేషన్ శాఖను ఎట్టి పరిస్థితుల్లోను ప్రైవేటీకరించమని స్పష్టం చేశారు. రాష్ట్రానికి అత్యధిక ఆదాయం వచ్చే 170 ప్రభుత్వ శాఖల్లో రిజిస్ట్రేషన్, స్టాంపుల శాఖ 3వ స్థానంలో ఉందని ఆయన తెలిపారు. ఇందుకు ఉద్యోగుల సహకారం ఎంతో ఉందన్నారు. ఈ కార్యక్రమంలో ఏపి సబ్ రిజిస్ట్రార్స్ అసోయేషన్ కార్యదర్శి కొండారెడ్డి, అధ్యక్షుడు రామారావు, నాయకులు రామ్మోహన్, సర్వేక్షన్‌రెడ్డి, శ్రీనివాసరావు, రమేష్‌బాబు, ప్రసాద్ గోపాల్, నరేష్‌కుమార్, విజయ్‌కుమార్‌రెడ్డి తదితరులు పాల్గొన్నారు.

ఆంధ్రప్రదేశ్ రాజధాని అమరావతి కోసం, 33 వేల ఎకరాలు ఇచ్చిన రైతుల త్యాగం ప్రపంచానికి తెలిసిందే. దేశమే కాదు, ప్రపంచమే ఈ మోడల్ చూసి ఆశ్చర్యపోయింది. ఇన్ని ఎకరాలు, ఒక్క ఆందోళన లేకుండా ప్రభుత్వానికి రావటం, ఎక్కడా లేదు. అయితే, ఇంకా ఒక 500 ఎకరాలు దాకా రావాల్సి ఉంది. వీరు రకరకాల కారణాలతో, ఇంకా భూములు ఇవ్వలేదు. నిజంగా ఇవ్వటం ఇష్టం లేని వారు కూడా ఉండే ఉంటారు. కాని, కొంత మంది కుల, పార్టీ పిచ్చ ఉన్న వారు మాత్రం, కావాలని గోల చేస్తున్నారు. వీరిని మొన్నటి దాక జగన తోడుగా ఉండి రచ్చ చేసే వాడు. ఇప్పుడు జగన్ పాదయాత్రలో బిజీగా ఉండటంతో, పవన్ కళ్యాణ్ ఈ రచ్చ చేసే బాధ్యత తీసుకున్నాడు. 33 వేల ఎకరాలు ఇచ్చిన రైతుల నాశనమే టార్గెట్ గా, నిన్న అమరావతిలో పర్యటించాడు పవన్.

పర్యటన ఒక్కటే కాదు, మీరు ఎదురు తిరగండి అంటూ ప్రజలని రెచ్చగొడుతున్నాడు. బులెట్లు వర్షం కురిసినా వెనక్కు తగ్గద్దు అంటూ, అక్కడ ఉన్న కొంత మందిని రెచ్చగొడుతున్నాడు. అయితే, నిన్న పవన్ పర్యటన వెనుక ఉన్న కారణం తెలిస్తే, నిర్ఘాంతపోతారు... పోయిన వారం అమరావతిని ఆపటానికి, జనసేన పార్టీ తరుపున ఒక నాయకుడు, నేషనల్ గ్రీన్ ట్రిబ్యునల్ లో కేసు వేసాడు. అయితే గ్రీన్ ట్రిబ్యునల్ ఆ పిటీషన్ కొట్టేసింది. దీంతో అమరావతి పై మరో కుట్రకి ప్లాన్ చేసారు. ఈ రోజు నుంచి, ప్రపంచ బ్యాంక్‌ ప్రతినిధుల బృందం అమరావతిలో మరోసారి పర్యటించబోతోంది. సోమవారం నుంచి ఈ నెల 27వ తేదీ వరకు రాజధానిలో తాము రుణ సహాయం అందించాలనుకుంటున్న ప్రాధాన్య రహదారులు, వరద నియంత్రణ ప్రాజెక్టులను పరిశీలించనున్నారు.

దీంతో పవన్ కళ్యాణ్ ను రంగంలోకి దించింది కేంద్రం. ఈ లోన్ చెడగొట్టటానికి, సరిగ్గా ఈ ప్రపంచ బ్యాంకు బృందం వచ్చే టైంలోనే, అమరావతిలో అలజడి సృష్టించటానికి పవన్ వచ్చాడు. అక్కడ టెన్షన్ వాతావరణం కలిపించి వెళ్ళాడు. పవన్ పర్యటన ఉద్దేశం, ప్రపంచ బ్యాంకు ఋణం రాకుండా చెయ్యటమే అనే వార్తలు వస్తున్నాయి. వాస్తవానికి అమరావతి ప్రాజెక్టులకు రూ.3400 కోట్ల రుణం కావాలని రాష్ట్ర ప్రభుత్వం, సీఆర్డీయే అధికారులు మూడేళ్ల క్రితం కోరారు. ఆ పై ప్రపంచ బ్యాంకు ప్రతినిధులు పలుమార్లు అమరావతికి వచ్చి మాట్లాడి వెళ్లారు. సీఆర్డీయే అధికారులు సైతం అమెరికా వెళ్లి అధికారులతో చర్చలు జరిపారు. రుణం విడుదల ఇక లాంఛనమే అనుకొంటున్న సమయంలో.. రాజధానిలో నిబంధనల ఉల్లంఘనలు జరుగుతున్నాయని ఆరోపిస్తూ జగన్ పార్టీ కి చెందిన కొందరు వరల్డ్‌ బ్యాంకుకు ఫిర్యాదు చేశారు. దాంతో పరిస్థితి మొదటికొచ్చింది. ఇప్పుడు పవన్ కళ్యాణ్ మిగతా చెడగొట్టే పని చేస్తున్నాడు.

అందరి రాజకీయ నాయకుల్లాగా ఓట్లు సీట్లు కోసమే కాదు, భవిష్యత్తు తరాల గురించి ఇప్పటి నుంచే ఆలోచించే నేత చంద్రబాబు. అందుకే అభివృద్ధి, సంక్షేమం మాత్రామే కాదు, ఎన్నో రిఫార్మ్స్ కూడా తీసుకువచ్చి, సమాజంలో మార్పు కోసం ప్రయత్నం చేస్తూ ఉంటారు. అందులో భాగంగానే ఫిజికల్ లిటరసీని ప్రోత్సహిస్తున్నారు. ఇందులో భాగంగా, ‘ప్రాజెక్టు గాండీవ’ పేరుతో, రాష్ట్రానికి మంచి క్రీడాకారులని తయారు చేసే కార్యక్రమం మొదలు పెట్టారు. ఈ నల 24న విజయవాడలోని, విధ్యాధరపురంలో చంద్రబాబు ఈ కార్యక్రమం మొదలు పెట్టనున్నారు. చంద్రబాబు ప్రయత్నాలకు, స్టార్ట్ క్రికెటర్ అనిల్ కుంబ్లే ప్రశంసలు కురిపించారు. ఒక వీడియో మెసేజ్ ద్వారా, చంద్రబాబు ప్రయత్నాలకు, విషెస్ చెప్పారు. యువత ఈ అవకాశం ఉపయోగించుకోవాలని, పిలుపిచ్చారు.

అలాగే కిదంబి శ్రీకాంత్ కూడా, ట్విట్టర్ ద్వరా అభినందించారు. "This is a great initiative by our honourable CM Shri.Chandrababu Naidu garu and I wish the whole team a huge success and let’s all hope that #ProjectGaandiva produces future medal winners". ఒలింపిక్ పోటీలలో పతకాలు సాధించడమే లక్ష్యంగా ‘ప్రాజెక్టు గాండీవ’ పేరుతో ప్రత్యేక శిక్షణా కార్యక్రమాన్ని ప్రభుత్వం చేపట్టింది. ఈ ప్రాజెక్టులో భాగంగా ప్రస్తుతం రాష్ట్రంలోని అన్ని పాఠశాలల్లో ప్రతిభావంతులను ఎంపికచేసే ప్రక్రియ జరుగుతోంది. అథ్లెట్ల ఎంపిక పూర్తయిన తరువాత, మలిదశలో వీరిని ‘సెంటర్ ఆఫ్ ఎక్స్‌లెన్స్’కు పంపించి అక్కడ అంతర్జాతీయ ప్రమాణాలతో కూడిన శిక్షణఅందిస్తారు.

‘పాంచజన్య’ ప్రాజెక్టు కింద బాస్కెట్ బాల్, ఫుట్ బాల్, హాకీ, సైక్లింగ్, ఖోఖో, కబడ్డీ, హ్యాండ్ బాల్, వాలీబాల్ తదితర క్రీడలలో విద్యార్థులకు శిక్షణ అందిస్తురు. అన్ని పాఠశాలలో ఫిజికల్ లిటరసీని ప్రోత్సహిస్తున్నారు. అనంతపురము జిల్లా కేంద్రంలో 25 ఎకరాల విస్తీర్ణంలో రూ.25 కోట్ల వ్యయంతో ఇండోర్, అవుడ్డోర్ స్పోర్ట్స్ స్టేడియాన్ని ఏర్పాటు చేస్తుంది ప్రభుత్వం. ప్రఖ్యాత అమెరికన్ స్పోర్ట్స్ యూనివర్శిటీ, ఏపీ స్పోర్ట్స్ యూనివర్శిటీ సహకారంతో విశాఖ నగరంలో 250 ఎకరాలలో పీపీపీ పద్ధతిలో స్పోర్ట్స్ సిటీని ఏర్పాటు చేస్తున్నారు. తిరుపతిలో పీపీపీ విధానంలోనే 70 ఎకరాల విస్తీర్ణంలో స్పోర్ట్స్ సిటీని నెలకొల్పుతున్నారు. విజయవాడ విద్యాధరపురంలో 9 ఎకరాలలో స్పోర్ట్ షాపింగ్ కాంప్లెక్స్ సిద్ధం చేస్తున్నారు. రూ.175 కోట్ల వ్యయంతో పీపీపీ పద్ధతిలో చేపట్టిన బీఆర్ స్టేడియం నిర్మాణ పనులు టెండర్ల దశలో ఉన్నాయి.