news

ఏపి అంటే ఆంధ్రప్రదేశ్ మాత్రమే కాదు, ఏ అంటే అమరావతి, పి అంటే పోలవరం కూడా.. అలాంటి ఈ రెండు ప్రాజెక్ట్ లు పూర్తి చెయ్యటానికి ముఖ్యమంత్రి చంద్రబాబు తీవ్రంగా శ్రమిస్తుంటే, మిగిలిన వారు ఇబ్బంది పెడుతున్నారు..... పోలవరం విషయంలో, కేంద్రం ఇబ్బంది పెట్టిన సంగతి చూశాం... అమరావతి విషయంలో, కొంత మంది అదృశ్య శక్తులు ఆపటానికి చూస్తున్నారు... అమరావతిని అడ్డుకోవటమే ధ్యేయంగా రాష్ట్రంలో ఉన్న కొంత మంది, రాజధాని నిర్మాణం కోసం లోన్ ఇస్తున్న ప్రపంచ బ్యాంకుకి, లోన్ ఇవ్వద్దు అంటూ, లేఖలు రాసిన సంగతి తెలిసిందే. ప్రపంచ బ్యాంకు అధికారులకు, వరుస పెట్టి ఫిర్యాదులు వెళ్తున్నాయి. ఎవరు చెప్తున్నారో, ఏమి చేస్తున్నారో తెలియదు. మొత్తానికి ప్రపంచ బ్యాంకు నిబంధనలు వీరికి ఇలా ఉపయోగపడుతుంటే, రాష్ట్రానికి శాపంగా మారాయి. ఈ ఫిర్యాదుల ఫై, ఆరుసార్లు ప్రపంచ బ్యాంకు బృందానికి చెందిన పదిహేను మంది అధికారులు అమరావతి వచ్చి రిపోర్ట్ రెడీ సెహ్సారు.

రెండు నెలల క్రితం కూడా ఈ ఫిర్యాదుల పై, ప్రపంచ బ్యాంకు బృందం అమరావతి వచ్చింది. ఫిర్యాదు చేసిన వారిని పిలిపించి మాట్లాడి వారికున్న అభ్యంతరాలను రాతపూర్వకంగా సేకరించింది. అయితే ఊరు, పేరు లేనివారు కొంతమంది ఫిర్యాదు చేయడం, మరికొంతమంది తప్పుడు పేర్లతో ఫిర్యాదులు చేయడంతో వారి కోసం ప్రపంచ బ్యాంకు అధికారులు ప్రయత్నించినప్పటికీ అందుబాటులోకి రాలేదు. ఇదే విషయం, మొన్న చంద్రబాబు సింగపూర్ వెళ్లినప్పుడు ప్రపంచబ్యాంక్ ఉపాధ్యక్షుడి, సియంతో చెప్పారు. రుణం మంజూరు సమయంలో ప్రపంచ బ్యాంకుకు కొన్ని నిర్దేశిత ప్రమాణాలు ఉంటాయని, వచ్చిన ప్రతి ఫిర్యాదును పరిశీలిస్తామని చెప్పారు. ఆ విధంగా రాజధాని భూములపై వచ్చిన పిర్యాదులను పరిశీలిస్తే.. అవన్నీ పూర్తిగా అవాస్తవం అని తేలిందని వివరించారు. రుణం మంజూరు సమయంలో ప్రపంచ బ్యాంకు ఇన్స్ ఫెక్షన్ ప్యానల్ ఫిర్యాదులన్నింటినీ కూడా ఇప్పటికే క్లియర్ చేసిందని, అప్రైజల్ రిపోర్టు కూడా సిద్దంగా ఉందని, ఆయన చంద్రబాబుకు వివరించారు.

అప్రైజల్ రిపోర్టును ఒక్కసారి ప్రపంచ బ్యాంకు పరిగణలోకి తీసుకుని సెప్టెంబర్ కల్లా 4వేల 576కోట్లు (715మిలియన్ల యూ.యస్. డాలర్లు) మంజూరు చేస్తామని ఆయన హామీ ఇచ్చారు. ప్రపంచ బ్యాంకు ఉపాధ్యక్షుడు చెప్పిన ఈ విషయాలను చంద్రబాబు ఉన్నతాధికారులకు వివరించడంతో వారంతా ఆశ్చర్యపోయారు. ప్రపంచ బ్యాంకు రుణం మంజూరు చేస్తుందని తెలుసుకున్న కొంతమంది ఈ ఫిర్యాదులను ఉద్దేశపూర్వకంగా ఎక్కువుగా పంపుతున్నారని, గత నెల రోజుల్లోనే ఎక్కువ ఫిర్యాదులు వెళ్లాయని కూడా సీఎం వివరించారు. అయితే ప్రపంచ బ్యాంకు వాస్తవంగా ఉన్న ఫిర్యాదులను మాత్రమే పరిగణలోకి తీసుకుని ఎటువంటి ఆధారాలు, ప్రామాణికత లేకుండా చేస్తున్న ఫిర్యాదులను పక్కన పెట్టేయడం ప్రారంభించిందని, సెప్టెంబర్ నాటికి రుణం మంజూరు అవుతుందని సీఎం ఆశాభావం వ్యక్తం చేశారు.

కాంగ్రెస్ మాజీ ఎంపీ ఉండవల్లి అరుణ్‌కుమార్‌, నిన్న ముఖ్యమంత్రి కార్యాలయం ఆహ్వానం మేరకు, అమరావతి వచ్చి చంద్రబాబుని కలిసిన విషయం తెలిసిందే. ఈ సమావేశంలో, ఉండవల్లి పలు ఆసక్తికర విషయం చంద్రబాబుకి చెప్పారు. రాష్ట్ర విభజన రాజ్యాంగ విరుద్ధంగా జరిగిందంటూ ఇటీవల ప్రధాని నరేంద్ర మోదీ చేసిన వ్యాఖ్యలనే ప్రధాన ఆయుధంగా మలచుకొని పార్లమెంటు వర్షాకాల సమావేశాల్లో పోరాటం చేయాలని సీఎం చంద్రబాబుకు మాజీ ఎంపీ ఉండవల్లి అరుణ్‌కుమార్‌ సూచించారు. రాష్ట్ర విభజన రాజ్యాంగ విరుద్ధంగా జరిగిందంటూ సుప్రీంకోర్టులో తాను వేసిన వ్యాజ్యం, రాష్ట్రపతి, ప్రధానికి గత ఏడాది తాను రాసిన లేఖల ప్రతులనూ బాబుకు అందజేశారు. రాష్ట్ర విభజన అంశంపైనా, దాని పై మోదీ చేసిన వ్యాఖ్యలపైనా పార్లమెంటు సమావేశాల్లో నిలదీయాలని సీఎంకు సూచించారు.

‘‘తలుపులు మూసి, రాష్ట్రాన్ని విభజించి ఆంధ్రప్రదేశ్‌కు కాంగ్రెస్‌ అన్యాయం చేసిందంటూ 2018 ఫిబ్రవరి ఏడున రాష్ట్రపతి ప్రసంగానికి ధన్యవాదాలు చెప్పే తీర్మానంపై ప్రధాని నరేంద్రమోదీ మాట్లాడుతూ వ్యాఖ్యానించారు. న్యాయం చేయాల్సిన వ్యక్తే మనకు అన్యాయం జరిగిందని అంగీకరిస్తున్నారు. ఆ అన్యాయాన్ని వారితోనే చెప్పించేందుకు ఈ పార్లమెంటు సమావేశాలే మంచి అవకాశం. అందుకే ఈ అంశంపై ప్రశ్నలు వేయడంతో పాటు జీరో అవర్‌ లో చర్చకు, స్వల్పకాలిక చర్చకు అవకాశమివ్వాలంటూ పట్టుబట్టాలని ముఖ్యమంత్రి చంద్రబాబుతో చెప్పాను’’ అని రాజమహేంద్రవరం మాజీ ఎంపీ ఉండవల్లి అరుణ్‌కుమార్‌ అన్నారు.

ఇదే విషయం ఉండవల్లి బయటకు వచ్చి మీడియా తో చెప్పారు ‘‘లోక్‌సభ నియమాలన్నింటినీ ఉల్లంఘించి..ఏపీ పునర్విభజన బిల్లు ఆమోదం పొందినట్లు 2014 ఫిబ్రవరి 18న ప్రకటించడం రాజ్యాంగ విరుద్ధం. దీనిపై లోక్‌సభలో చర్చ లేవనెత్తాలని నేను మొదటి నుంచీ చెబుతున్నా. ఇదే అంశంపై ముఖ్యమంత్రి చంద్రబాబుకు లేఖ రాయగా.. ఏమేం ఆధారాలు, పత్రాలున్నాయో తీసుకొచ్చి వివరించమని ఆయన కోరారు. ఆ మేరకు ముఖ్యమంత్రిని కలిశా. నేను రాసిన పుస్తకం, ప్రధాని, రాష్ట్రపతికి రాసిన లేఖలు, న్యాయస్థానంలో వేసిన ప్రమాణపత్రం ప్రతులు అందించా. ప్రధాని మోదీ వ్యాఖ్యలను దృష్టిలో పెట్టుకుని వర్షాకాల సమావేశాలు ప్రారంభం కానున్న నేపథ్యంలో లోక్‌సభలో ఎలా వ్యవహరిస్తే బాగుంటుదనే దానిపై కొన్ని సూచనలు, సలహాలిచ్చా. ఇక ఆలస్యం చేయొద్దని చెప్పా. మా భేటీ ప్రభావం రాబోయే సమావేశాల్లో లోక్‌సభ, రాజ్యసభలో కనిపిస్తుందనుకుంటా. మా భేటీకి ఎలాంటి రాజకీయ ప్రాధాన్యమూ లేదు. నేను ప్రస్తుతం ఏ పార్టీలోనూ లేను...భవిష్యత్తులో కూడా ఎందులోనూ చేరను.’’ అని వ్యాఖ్యానించారు.

చెప్పినట్టుగానే అగ్రిగోల్డ్‌ భాదితులకి న్యాయం చేస్తున్నారు చంద్రబాబు. జనాల నెత్తిన టోపీ పెట్టి మూసేసిన చిట్ ఫండ్ కంపనీ నుంచి, ఆస్తులు రికవర్ చేసి, వేలం వేసి, డబ్బులు రికవరీ చేసి, బాధితులకి తిరిగి డబ్బులు ఇవ్వనుంది చంద్రబాబు ప్రభుత్వం. విశాఖపట్నంలో, విఆర్‌ చిట్స్‌ బాధితులను ఆదుకున్న తరువాత నుంచి, అగ్రి గోల్డ్ బాధితులు కూడా, కొండ అంత అండతో, చంద్రబాబు మమ్మల్ని ఆదుకుంటారు అనే నమ్మకంతో ఉన్నారు. అయితే అనేక కారణాలతో, విషయం కోర్ట్ లో ఉండటంతో, లేట్ అవుతూ వస్తుంది. అయితే, ఇప్పుడు వీరి బాధలు తీరనున్నాయి. తొలి విడతగా కృష్ణా జిల్లా పరిధిలోని అగ్రిగోల్డ్‌ సంస్థ ఆస్తుల విక్రయ ప్రక్రియ ప్రారంభమైంది.

కృష్ణా జిల్లాలోని అగ్రిగోల్డ్‌ ఆస్తులకు మచిలీపట్నంలోని కలెక్టర్‌ కార్యాలయంలో వేలం నిర్వహించారు. హై కోర్ట్ ఆదేశాల మేరకు జిల్లాలో ఉన్న అగ్రిగోల్డ్‌ ఆస్తులను ఏడు లాట్లుగా విభజించి వేలం టెండర్లను ఆహ్వానించారు. ప్రతి లాట్‌కు న్యాయస్థానం రిజర్వ్‌ ధర నిర్ణయించింది. కలెక్టర్‌ కార్యాలయంలో సోమవారం నిర్వహించిన వేలం ప్రక్రియలో మూడో లాట్‌ కోసం ఇరువురు వేలంలో పాల్గొన్నారు. మిగిలిన లాట్‌లకు ఎవరూ రాలేదు. మూడో లాట్‌కు సంబంధించి విజయవాడ మొగల్రాజపురంలోని 630 చదరపు గజాల స్థలంలోని ఐదు అంతస్తుల భవనానికి న్యాయస్థానం రూ.11 కోట్లు రిజర్వ్‌ ధరగా నిర్ణయించగా.. టి.చంద్రశేఖరరావు అనే వ్యక్తి రూ.11,11,11,111లకు పాడారు.

ఈ ధరను న్యాయస్థానానికి నివేదించి తదుపరి ఆదేశాల మేరకు ఆస్తిని పాటదారునికి అప్పగిస్తామని కలెక్టర్‌ లక్ష్మీకాంతం తెలిపారు. వేలం సాగని మిగిలిన లాట్లకు సంబంధించి న్యాయస్థానం నియమించిన త్రిసభ్య కమిటీ తిరిగి సమావేశమై తదుపరి వేలం తేదీలను నిర్ణయిస్తుందని కలెక్టర్‌ చెప్పారు. వేలం ప్రక్రియలో త్రిసభ్య కమిటీ సభ్యులైన కలెక్టర్‌ లక్ష్మీకాంతం, జిల్లా న్యాయసేవాధికార సంస్థ కార్యదర్శి పీఆర్‌ రాజీవ్‌, జిల్లా రిజిస్ట్రార్‌ బి.శివరాంతో పాటు జిల్లా రెవెన్యూ అధికారి బీఆర్‌ అంబేడ్కర్‌, సీబీసీఐడీ ఎస్పీ ఎస్‌.త్రిమూర్తులు తదితరులు పాల్గొన్నారు. కొన్నిరోజుల క్రితం జరిగిన రాష్ట్ర మంత్రివర్గ సమావేశంలో అగ్రిగోల్‌ ఆస్తుల విక్రయంపై ముఖ్యమంత్రి నిర్దిష్టమైన ఆదేశాలు జారీచేశారు. రెండు వారాల్లోగా స్పష్టమైన పురోగతి, ఫలితం ఉండాల్సిందేనని అధికారులకు తేల్చిచెప్పారు. ఈ నేపథ్యంలో ఆ సంస్థ ఆస్తుల విక్రయ ప్రక్రియకు కృష్ణాజిల్లా నుంచి శ్రీకారం చుట్టాలని అధికారులు నిర్ణయించారు.