news

‘ఏపీకి కేంద్రం చేయూత’ బుక్‌లెట్‌‌ను అంటూ, రాష్ట్ర బీజేపీ నేతలు ఒక పుస్తకం విడుదల చేసి, దాంట్లో దొంగ లెక్కలు అన్నీ రాసి, లక్షల లక్షల కోట్లు రాష్ట్రానికి ఇచ్చినట్టు ప్రచారం చేస్తున్నారు.... ఈ సందర్భంగా, చంద్రబాబు భిక్షతో ఎమ్మల్సీ అయిన మాధవ్ అనే కొత్త కృష్ణుడు, విష్ణు కుమార్ రాజు, రెచ్చిపోయి మాట్లాడారు... అయితే, వీరికి ఆంధ్ర రాష్ట్ర ప్రజలు మాత్రం, ఈ సొల్లు అంతా మీరు చెప్పటం ఎందుకు, కేంద్రం చేత ఇవే మాటలు చెప్పించండి అని అంటున్నారు... కేంద్ర ప్రభుత్వం చేత, రాష్ట్రానికి చేసింది ఏంటో చెప్తే, అప్పుడు నమ్ముతాం అని, ఏమన్నా తేడా ఉంటే కోర్ట్ కి వెళ్ళవచ్చు అని, కేంద్రం చేత ఆఫిషయల్ గా, ఇదే పుస్తకం విడుదల చేపించ వచ్చుగా అని అడుగుతున్నారు...

చంద్రబాబు, ఇలాగే అసెంబ్లీలో అన్ని విషయాలు ఆంధ్రప్రదేశ్ ప్రభుత్వం తరుపున రికార్డెడ్ గా చెప్పారని, మీరు కూడా కేంద్ర ప్రభుత్వం చేత ఆఫిషయల్ గా చెప్పమని అడుగుతున్నారు... అలాగే చంద్రబాబు అసెంబ్లీ వేదికగా రాష్ట్ర ప్రభుత్వం తరుపునే అన్ని విషయాలు చెప్పారు కాబట్టి, ఆయాన ఎమన్నా తప్పులు మాట్లాడినా, కోర్ట్ లో కేసు వెయ్యమని చెప్తున్నారు ప్రజలు... ‘ఏపీకి కేంద్రం చేయూత’ బుక్‌లెట్‌‌ కేంద్రంతో విడుదుల చేపించండి... అప్పుడు ఆంధ్రా మొత్తం, మీ వెంటే ఉంటాం అని ప్రజలు అంటున్నారు... మరి రాష్ట్ర బీజేపీ నాయకులు, రెడీనా ? ఎలాగూ పార్లమెంట్ నుంచి పారిపోయారు, ఇప్పటికైనా కేంద్రం చేత, రాష్ట్రానికి చేసింది ఏంటో రాత పూర్వకంగా ఇవ్వండి అని కోరుతున్నారు ప్రజలు...

అయితే, భారతీయ జనతా పార్టీ పై టీడీపీ నేతలు విమర్శలు గుప్పించారు. బీజేపీని ‘బబుల్ గమ్ జనతా పార్టీ’గా టీడీపీ నేత బుద్దా వెంకన్న అభివర్ణించారు. తమ స్థాయిని మరిచి బీజేపీ నేతలు విష్ణుకుమార్ రాజు, మాధవ్ వ్యాఖ్యలు చేస్తున్నారని మండిపడ్డారు. విష్ణుకుమార్ రాజు ఒళ్లు దగ్గర పెట్టుకుని మాట్లాడకపోతే బాగుండదని హెచ్చరించారు. ఏపీ బీజేపీ నేతలు ఐదు కోట్ల ఆంధ్రులకు ద్రోహం చేస్తున్నారని, మోదీ భజన ఇక చెల్లదని, ఆయన ఒక చెల్లని నాణెమని టీడీపీ ఎమ్మెల్సీ డొక్కా మాణిక్య వరప్రసాద్ విమర్శించారు. ప్రత్యేకహోదా ఏపీకి ఇవ్వమని చెప్పి ఈశాన్యరాష్ట్రాలకు ఎలా ఇచ్చారని ప్రశ్నించారు. గుజరాత్ లో రూ.లక్ష కోట్లతో ఒక పట్టణాన్ని నిర్మిస్తున్న కేంద్రం, ఏపీపై మాత్రం సవతితల్లి ప్రేమ చూపుతోందని, బీజేపీ విడుదల చేసిన లేఖలో తెలిపినవన్నీ అసత్యాలేనని అన్నారు.

అనంతపురం ఎంపీ జేసీ దివాకర్‌రెడ్డి శైలి గురించి ప్రత్యేకంగా చెప్పే పని లేదు.. ఎవర్ని అయిన మొహమాటం అనేది లేకుండా కడిగేస్తూ ఉంటారు.. ఉన్నది ఉన్నట్టు మొఖం మీద చెప్పేసి వస్తారు... ఢిల్లీ పార్లమెంట్ సమావేశాలు,నిరసనలు పూర్తయిన తరువాత, జేసీ దివాకర్‌రెడ్డి నేరుగా రాజధాని అమరావతికి వచ్చారు. చంద్రబాబును కలుసుకున్నారు. ఆయనతో దాదాపు అరగంటసేపు ఏకాంతంగా భేటి అయ్యారు. బస్సు యాత్ర పేరుతో జిల్లా కేంద్రాలకు ఎంపీలను తీసుకువెళితే బాగోదని...మనం దృష్టి కేంద్రీకరించిన అంశం ప్రజల్లోకి వెళ్లే అవకాశం లేదని నిర్మోహమాటంగా చెప్పారు. అలా కాకుండా రచ్చబండ కార్యక్రమాన్ని నిర్వహించి గ్రామాలకు వెళితే బాగుంటుందని సూచించారు. ఇంటింటికీ తెలుగుదేశం మాదిరిగా గ్రామాలలోకి వెళ్లాలనే సలహా ఇచ్చారు జేసీ . ఒకవేళ బస్సు యాత్రను నిర్వహించినా.. ఈ కార్యక్రమాన్ని కూడా చేపడితే బాగుంటుందేమో ఆలోచించాలని ముఖ్యమంత్రికి జేసీ వివరించారు.

మెజారిటీ ప్రభుత్వ ఉద్యోగులు ప్రభుత్వానికి వ్యతిరేకంగా ఉన్నారని.. ప్రతిరోజూ ఏదో ఒక పని చేయమని అనడం.. బయోమెట్రిక్‌ అడెండెన్స్‌.. ఇలాంటివి వారికి కంటగింపుగా మారాయని సీఎంకు దివాకర్‌రెడ్డి చెప్పారట! 43 శాతం ఫిట్‌మెంట్‌ ఇచ్చినప్పటికీ వారు సంతృప్తి చెందకపోవడం ఆశ్చర్యంగా ఉందని ఎంపీ విశ్లేషించారట! దీంతో పాటు రెవిన్యూ డిపార్ట్‌మెంట్‌లోనూ.. వివిధ శాఖల్లోనూ అవినీతి ఎక్కువగా ఉందని .. ఎమ్మార్వో కార్యాలయాలలో డబ్బు ఇవ్వందే పనులు జరగడం లేదని...జనం కాళ్లు అరిగేలా తిరుగుతున్నారని చెప్పుకొచ్చారు. అక్కడితో ఆగకుండా రాజకీయ పరిణామాలను కూడా విశ్లేషించారు జేసీ.. పవన్‌కల్యాణ్‌.. జగన్మోహన్‌రెడ్డిలను కలిపేందుకు కేంద్రం ప్రయత్నిస్తున్నదన్నారు. ఇద్దరిని కలిపి ఎన్నికలలో పోటీ చేయిస్తే టీడీపీ ఓడిపోతుందనేది నరేంద్రమోదీ వ్యూహం కావచ్చని అన్నారు. జగన్‌, పవన్‌లు చెరో సగం సీట్లకు పోటీ చేసే అవకాశం ఉందని.. ఒకవేళ గెలిస్తే ముఖ్యమంత్రి పదవిని కూడా చెరో రెండున్నరేళ్లు పంచుకోవాలని చూస్తున్నారని జేసీ వివరించారు.

ఇవన్నీ చంద్రబాబుకు చెబుతూనే.. ఇకనుంచి పార్టీపై దృష్టి పెట్టాల్సిందిగా సూచించారు. ఎన్నికల వరకు ఇదే టెంపోను కొనసాగించాలని జేసీ కోరారు. వైఎస్‌ఆర్‌ కాంగ్రెస్‌, జనసేన, కాంగ్రెస్‌, బీజేపీలు విడివిడిగా పోటీ చేస్తే తమకు కలిసివస్తుందని జేసీ విశ్లేషించారు. ప్రభుత్వ వ్యతిరేక ఓటు చీలిపోయి అధికారపక్షానికి అడ్వాంటేజ్‌ అవుతుందన్నారు. ఇక శాఖాపరమైన సమీక్షలతో కాలం గడపకుండా పార్టీ కోసం సమయం కేటాయించాలని ముఖ్యమంత్రి చంద్రబాబుకు సలహా ఇచ్చారు. నియోజకవర్గాలలో ఉన్న చిన్న చిన్న విబేధాలను పరిష్కరించడంతో పాటు, అభ్యర్థుల గుణగణాలను, ఎంపికపై కసరత్తు నిర్వహించాలన్నారు. కార్యకర్తలను ఎన్నికల దిశగా నడిపించాలని సలహా ఇచ్చారు. అధినేతలకు క్షేత్రస్థాయి పరిస్థితిని వివరించడం తన ధర్మమని.. ఆయన చెప్పినవి చక్కగా వింటారని జేసీ వ్యాఖ్యానించారు.

భారతీయ జనతాపార్టీని సిద్ధాంతపరంగా నియంత్రించే అత్యంత కీలకమైన విశ్వహిందూ పరిషత్ సీన్ ఇప్పుడు రివర్స్ అయ్యింది... ఒకప్పుడు ఆరెస్సెస్ .. బీజేపీని నియంత్రించేంది. ఇప్పుడు సంఘ్ ను తానే నియంత్రించడానికి మోదీ ప్రయత్నిస్తున్నారు. దానికి వీహెచ్ పీలో ప్రవీణ్ భాయ్ తొగాడియాను శాశ్వతంగా సాగనంపటమే సాక్ష్యమని సంఘ్ లోని కొంత మంది పెద్దలు బహిరంగంగానే చెబుతున్నారు... వచ్చే ఎన్నికల్లో బిజెపికి 150 నుంచి 200 స్థానాలు మించి బిజెపికి రావు అనేది సంఘ్ కి స్పష్టత వచ్చింది... బీజేపీ పై కంటే, మోడి పై ప్రజల్లో ఎక్కువ కోపం ఉందని, అందుకే ప్రధాని అభ్యర్ధిని మార్చే కసరత్తు సంఘ్ ప్రారంభించింది అని తెలియటంతో, సంఘ్ ని తన కనుసన్నల్లో పెట్టుకోవాలని భావించారు మోడీ.. మోడీ పిలుపునిచ్చిన కాంగ్రెస్ ముక్త్ భారత్ ను ఆయన వ్యతిరేకించారు.. తన పై బాహాటంగానే విమర్శలు గుప్పిస్తున్న, విహెచ్‌పి అధ్యక్షుడు ప్రవీణ్ తొగాడియాను బయటకు పంపే ప్లాన్ వేసి సక్సెస్ అయ్యారు..

గత మూడు దశాబ్దాలుగా విశ్వ హిందూ పరిషత్‌(వీహెచ్‌పీ)లో కీలక బాధ్యతలు నిర్వర్తించిన ప్రవీణ్‌ తొగాడియా ఆ సంస్థ నుంచి పూర్తిగా వైదొలిగారు. అంతర్జాతీయ స్థాయిలో వీహెచ్పీకి అధ్యక్ష ఎన్నికలు జరుగగా, రాఘవరెడ్డి అనే వ్యక్తిని తొగాడియా నామినేట్ చేశారు. ఎన్నికల్లో రాఘవరెడ్డి ఓటమిపాలు కావడంతోనే తొగాడియా ఈ నిర్ణయం తీసుకున్నారు. 2011 నుంచి ఇంటర్నేషనల్ వర్కింగ్ ప్రెసిడెంట్ గా వీహెచ్పీ పనిచేస్తున్నారన్న సంగతి తెలిసిందే. ఇక కొత్త అధ్యక్షుడిగా హిమాచల్ ప్రదేశ్ మాజీ గవర్నర్ వీఎస్ కోక్జె ఎన్నికయ్యారు. ఎన్నికల్లో ప్రస్తుత అధ్యక్షుడు రాఘవరెడ్డికి 60 ఓట్లు లభించగా, కోక్జెకు 131 ఓట్లు లభించాయి.

సుమారు 50 ఏళ్ల తర్వాత వీహెచ్‌పీ అంతర్జాతీయ అధ్యక్ష పదవికి ఎన్నికలు జరుగగా, ఎన్నికల్లో అక్రమాలు జరిగాయని తొగాడియా ఆరోపించారు. మరోవైపు హిందువుల హక్కుల కోసం జీవితాంతం పోరాడుతూనే ఉంటానని స్పష్టం చేశారు తొగాడియా… హిందూత్వ అంశానికి సంబంధించి పెండింగ్‌లో ఉన్న డిమాండ్లను పరిష్కరించాలని కోరుతూ ఈ నెల 17వ తేదీ నుంచి ఆమరణ నిరహారదీక్ష చేయనున్నట్టు ప్రకటించారు... ఇక కొత్త అధ్యక్షుడిగా ఎన్నికైన హిమాచల్‌ప్రదేశ్‌ మాజీ గవర్నర్‌ విష్ణు సదాశివ కోక్జే తన టీమ్‌ను ప్రకటించారు. ఇందులో తొగాడియా మద్దతుదారులు ఎవరికీ చోటు కల్పించ లేదు. వీహెచ్‌పీ వర్కింగ్‌ ప్రెసిడెంట్‌గా అలోక్‌ కుమార్‌ను, అంతర్జాతీయ కార్యనిర్వాహక అధ్యక్షుడిగా అశోక్‌ చౌగులే, ప్రధాన కార్యదర్శిగా మిలింద్‌ పరాండే, సంయుక్త ప్రధాన కార్యదర్శులుగా వినాయకరావు దేశ్‌పాండే, వేంకట కోటేశ్వరరావులను నియమించారు.దీనిబట్టి చూస్తే మోడీ హిందుత్వ సంస్థలపై పట్టుకోసం ప్రయత్నాలు చేస్తున్నారు.