సీబీఐ మాజీ జేడీ లక్ష్మీ నారాయణ, ఈ రోజు వివిధ టీవీ చానల్స్ కి ఇచ్చిన ఇంటర్వ్యూ లో తన అంతరంగాన్ని పంచుకున్నారు.. రెండు రోజుల క్రితం, జనసేన పార్టీలోకి వెళ్ళటం లేదు అని ప్రకటించిన విషయం తెలిసిందే... వీఆర్ఎస్‌కు ఆయన దరఖాస్తు చేసుకోగా… అది మహారాష్ట్ర ముఖ్యమంత్రి దగ్గర పెండింగ్‌లో ఉన్న విషయం తెలిసిందే... అయితే ఆయన ఆ పార్టీలో చేరతారు… ఈ పార్టీలో చేరతారనే ప్రచారం ఊపందుకుంది... ఇప్పటికే దీనిపై స్పందించిన లక్ష్మీనారాయణ… ఈరోజు మాట్లాడుతూ… నా సిద్ధాంతాలకు తగిన విధంగా నా భవిష్యత్ కార్యాచరణ ఉంటుందని ప్రకటించారు...

lakshmi 02042018

నా రాజీనామా ఇంకా ఆమోదం పొందలేదు, నేను ఇంకా సెలవులో ఉన్నానన్న సీబీఐ మాజీ జేడీ లక్ష్మీనారాయణ… నా రాజీనామా ఆమోదించిన తరువాత భవిష్యత్ కార్యాచరణ ప్రకటిస్తానన్నారు... రాజకీయాల్లోకి వస్తున్నారా అని అడిగితె, నా సిద్ధాంతాలకు తగిన విధంగా నా భవిష్యత్ ఉంటుందన్నారు. మహారాష్ట్ర ప్రభుత్వం నా సేవలు సరిగా గుర్తించలేదనడం సరికాదన్నారు. తాను 20 సంవత్సరాలు మహారాష్ట్ర కేడర్‌లో పనిచేశానని… నాకు మరాఠీ చాలా బాగా వచ్చని… మరాఠీ ప్రజలు కూడా చాలా మంచి వాళ్లన్నారు లక్ష్మీనారాయణ...

lakshmi 02042018

రాజీనామా ఆమోదం పొందాక ఎందుకు చేశానన్న విషయం చెబుతానని అన్నారు... అయితే, ఈ సందర్భంలో, ప్రస్తుతం జగన్ కేసులు నడుస్తున్న తీరు గురించి స్పందించమని అడగ్గా, తాను 2013లో సీబీఐ విధుల నుంచి బదిలీ అయిన విషయాన్ని గుర్తుచేశారు. జగన్ పై సీబీఐ కేసుల విషయాన్ని ఇప్పుడున్న సిబిఐ అధికారులని అడిగితే, తెలుస్తుందని చెప్పారు... లక్ష్మీనారాయణ, ఎంతో పర్ఫెక్ట్ గా, జగన్ పై 11 చార్జ్ షీట్లు పెట్టి, 16 నెలలు జైలులో ఉంచిన సంగతి తెలిసిందే... అయితే, ఇప్పుడు జగన్ కేసులలో వేగం తగ్గింది అనే, ఆరోపణలు వస్తున్నాయి... అందుకు తగ్గటే, పరిణామాలు కూడా జరుగుతున్నాయి..

ఆంధ్రప్రదేశ్ విభజనపై కేంద్రం హామీల అమలుపై సుప్రీం కోర్టులో దాఖలైన పిటిషన్ సోమవారం విచారణకు వచ్చింది. విభజన హామీల అమలుకు ఆదేశాలు ఇవ్వాలంటూ గతంలో తెలంగాణ ఎమ్మెల్సీ పొంగులేటి సుధాకర్‌రెడ్డి సుప్రీంలో పిటిషన్ దాఖలు చేశారు. ఈ విషయం పై, ఈ రోజు సుప్రీం కోర్ట్ విచారణ జరిపింది... నాలుగేళ్లుగా విభజన చట్టం ఎందుకు అమలు చేయలేదని కేంద్ర ప్రభుత్వాన్ని జస్టిస్‌ సిక్రీ ధర్మాసనం ప్రశ్నించింది. విచారణకు స్వీకరించిన సుప్రీం కోర్టు నాలుగు వారాల్లో వివరణ ఇవ్వాలని కేంద్రాన్ని ఆదేశించింది. నాలుగు వారాలు గడువు కావాలని కేంద్ర ప్రభుత్వం కోరడంతో సుప్రీం కోర్టు విచారణను వాయిదా వేసింది.

supreme 02042018 1

అయితే ఈ రోజు న్యాయస్ధానం జారీ చేసిన నోటీసులకు ఏపీ, తెలంగాణ ప్రభుత్వాల తరఫున న్యాయవాదులు హాజరైనా కేంద్రం స్పందించలేదు. దీంతో సుప్రీంకోర్టు ఆగ్రహం వ్యక్తం చేసింది. అయితే దీనిపై నాలుగు వారాల్లో వివరణ ఇస్తామని అడిషనల్ సొలిసిటర్ జనరల్ మణిందర్ సింగ్ ధర్మాసనాన్ని కోరారు. దీంతో ఈ పిటిషన్‌పై విచారణను సుప్రీంకోర్టు నాలుగు వారాలకు వాయిదా వేసింది.

supreme 02042018 1

మరో పక్క, పార్లమెంట్ లో వాయిదాల పర్వం కొనసాగుతూనే ఉంది... సభ మొదలవగానే అన్నాడీఎంకే సభ్యులు వెల్‌లోకి దూసుకొచ్చి నినాదాలు చేశారు. కావేరి జలాల వివాద పరిష్కారానికి బోర్డును ఏర్పాటు చేయాలని అన్నాడీఎంకే నిరసన వ్యక్తం చేశారు. సభ్యుల నిరసనల మధ్యే సభను నడిపించేందుకు స్పీకర్ సుమిత్రామహాజన్ యత్నించారు. దీంతో అన్నాడీఎంకే సభ్యులు పెద్దఎత్తున నినాదాలు చేశారు. అవిశ్వాస తీర్మానంపై పలు పార్టీలు ఇచ్చిన నోటీసులు అందాయని స్పీకర్ ప్రకటించారు. సభ సజావుగా సాగితే అవిశ్వాసంపై చర్చ చేపట్టవచ్చన్నారు. ప్రభుత్వం చర్చకు సిద్ధంగా ఉందని సభ్యులు ఆందోళన విరమించాలని స్పీకర్ కోరారు. అయినప్పటికీ సభ్యులు వెనక్కి తగ్గకపోవడంతో స్పీకర్ సభను రేపటి(మంగళవారం)కి వాయిదా వేశారు.

ఎన్డీఏ నుంచి బయటకు రాగానే, చంద్రబాబు ఫెడరల్ ఫ్రంట్ పెడతారని, థర్డ్ ఫ్రంట్ పెడతారాని ఇలా అనేక ఊహాగానాలు వస్తున్నాయి... ఈ రోజు చంద్రబాబు ఢిల్లీ పర్యటన నేపధ్యంలో, ఈ ఊహాగానాలు మరింత ఎక్కువ అయ్యాయి... నేషనల్ మీడియాలో ఇప్పటి నుంచే, చంద్రబాబు ఢిల్లీ పర్యటన పై రకరకాల వార్తలు వేస్తున్నారు... చంద్రబాబు బీజేపీ, కాంగ్రెస్ సపోర్ట్ లేని పార్టీలు అన్నీ ఏకం చెయ్యటానికి ఢిల్లీ వస్తున్నారని, దేశ రాజకీయాలు మారిపోయే పరిస్థితి ఉంది అంటూ, వార్తలు వేస్తున్నారు... అయితే, ఈ వార్తల పై చంద్రబాబు స్పందించారు... సోమవారం టీడీపీ ఎంపీలతో చంద్రబాబు టెలికాన్ఫరెన్స్ నిర్వహించారు..

cbn 02042018 1

ఈ సందర్భంగా, ఈ విషయం చంద్రబాబు దృష్టికి రావటంతో, ఆయన స్పందించారు.. రాష్ట్ర ప్రయోజనాలే తమకు ముఖ్యమని...అందుకోసమే ఢిల్లీ యాత్ర చేపట్టినట్లు ముఖ్యమంత్రి చంద్రబాబు నాయుడు తెలిపారు. రాజకీయాలను హైలెట్ చేయవద్దని...రాష్ట్రానికి జరిగిన అన్యాయాన్ని హైలెట్ చేయండని జాతీయ మీడియాకు సీఎం విజ్ఞప్తి చేశారు.... ఎంపీలు కూడా, ఇదే విషయాన్ని మీడియాతో గట్టిగా చెప్పాలని, మీరు మీడియాతో మాట్లాడిన ప్రతి సారి, ఈ విషయం చెప్పండి, మనకు ప్రస్తుతం రాష్ట్ర ప్రయోజనాలే ముఖ్యం అని చెప్పారు...

cbn 02042018 1

సంక్షోభాలను అవకాశాలుగా మార్చుకోవడమే తమ సామర్ధ్యమని తెలిపారు. కేంద్రంపై ఒత్తిడి పెంచేందుకే రెండురోజుల ఢిల్లీ పర్యటన చేపట్టినట్లు చెప్పారు. ఈ పర్యటన రాజకీయ ప్రయోజనాల కోసం కాదని స్పష్టం చేశారు. ఎంపీలంతా కేంద్రం నుంచి రావాల్సిన రాష్ట్ర ప్రయోజనాలపై పోరాడాలని సూచించారు... ఈరోజు సాయంత్రం ఢిల్లీ వస్తున్నానని... రేపు, ఎల్లుండి ఢిల్లీ వేదికగా రాష్ట్ర ప్రయోజనాల సాధనపై దృష్టి సారించనున్నట్లు ఎంపీలతో చంద్రబాబు అన్నారు. పార్లమెంట్ సెంట్రల్ హాలులో వివిధ పార్టీల సభాపక్ష నేతలను కలువనున్నట్లు తెలిపారు. రాష్ట్రానికి జరుగుతున్న అన్యాయంపై వ్యక్తిగతంగా వివరిస్తానన్నారు. కాంగ్రెస్‌ రాష్ట్రానికి అన్యాయం చేస్తే.. బీజేపీ నమ్మించి మోసం చేసిందని చంద్రబాబు మండిపడ్డారు.

ఇంతకాలం ప్రధాని మోడీ దాచి ఉంచిన రాఫెల్ విమానాల కొనుగోలులో చోటుచేసుకున్న కుంభకోణం గుట్టు రట్టయింది. రాఫెల్ యుద్ధ విమానాలను ఉత్పత్తి చేసే ఫ్రాన్స్ కంపెనీ దస్సాల్ట్ ఏవియేషన్ 2016లో వెలువరించిన తన వార్షిక నివేదికలో అసలు విషయాన్ని బైటపెట్టింది. పార్లమెంటుకు సైతం ఈ ఒప్పందం వివరాలను ప్రధాని వెల్లడించలేదు. జాతీయ భద్రత, దేశ ప్రయోజనాల రక్షణకు సంబంధించిన రహస్యం తదితర అంశాలన్నీ ఈ ఒప్పందంలో చోటుచేసుకున్న కుంభకోణం వెలుగులోకి రాకుండా చెప్పినవే... బీజేపీ నాయకత్వంలోని నరేంద్ర మోడీ ప్రభుత్వం రాఫెల్ యుద్ధ విమానాల కొనుగోలులో భారీగానే అవినీతికి పాల్పడిందన్న ఆరోపణలు ఉన్నాయి. విమానాలను విక్రయించిన కంపెనీయే వాస్తవాలను వెల్లడించడంతో మోడీ ప్రభుత్వం బండారాలు బైటపడ్డాయి.

modi 02042018 1

ఈ ఒప్పందం వల్ల ప్రభుత్వ ధనాగారానికి రూ.12,630కోట్ల నష్టం సంభవించింది. ఈజిప్టు, ఖతార్లకు మనకు విక్రయించడానికంటే 11నెలల ముందే వారికి విక్రయించారు. ఆ దేశాలకు విక్రయించిన దానికంటే ఒక్కొక్క జెట్ ఖరీదు రూ. 350కోట్లు అదనంగా మనకు విక్రయించారు. 36 రాఫెల్ జెట్లను 2016లో 7.5 బిలియన్ యూరోలకు మనకు ఇచ్చేందుకు కంపెనీ అంగీకరించింది. 2015లో ఖతార్, ఈజిప్టులకు 48 జెట్లను 7.9 బిలియన్ యూరోలకు విక్రయించింది. మనకు విక్రయించిన విమానాల ఖరీదు రూ. 1,670.70 కోట్లుకాగా, ఈజిప్టు, ఖతార్లకు విక్రయించిన విమానాల ఖరీదు రూ. 1319.80కోట్లు అవుతుంది. అంటే ఒక్కొక్క జెట్ ఖరీదులో తేడా రూ. 351 కోట్లు ఉంది. యూపీఏ ప్రభుత్వం కుదుర్చుకున్న ఒప్పందాన్ని మోడీ రద్దు చేయకుండా ఉన్నట్లయితే మనకు రూ.41,212 కోట్లు పొదుపు అయ్యేది.

modi 02042018 1

2015 ఏప్రిల్లో నరేంద్ర మోడీ 36 రాఫెల్ యుద్ధ విమానాలను కొనుగోలు చేయనున్నట్లు ప్రకటించారు. 2012లోనే వీటి కొనుగోలుకు టెండర్లు పిలిచినప్పుడు అమెరికా, ఐరోపా, రష్యాలు కూడా విక్రయించేందుకు ముందుకువచ్చాయి. దస్సాల్ట్ ఏవియేషన్ తయారు చేసిన 18 జెట్ విమానాలను కొనుగోలు చేయడం మరో 108 బెంగుళూరులోని హెచ్ఏఎల్ కంపెనీ అసెంబుల్ చేయడం జరగాలని నిర్ణయించారు. అయితే రెండు ఇంజిన్లు కలిగిన 126 రాఫెల్ జెట్లను కొనడం చాలా ఖరీదవుతుందని సాకుచెప్పి, కుదిరిన ఒప్పందాన్ని మోడీ రద్దు చేసారు. అంతేకాదు.. సాంకేతిక పరిజ్ఞానాన్ని సంతరించుకునేందుకు ప్రయత్నించకుండా మోడీ రెడీగా ఉన్న 36జెట్ విమానాల కొనుగోలుకు నిర్ణయించారు. 2016 జనవరిలో కొనుగోలు ఒప్పందాన్ని ధృవీకరించారు. 2016 సెప్టెంబరులో మోడీ పారిస్ లో పర్యటించిన సందర్భంగా జెట్ విమానాల కొనుగోలు ఒప్పందాన్ని ప్రకటించారు. రెండు దేశాల మధ్య కుదిరిన ఒప్పందం మేరకు రాఫెల్ జెట్ విమానాల ఒప్పందాన్ని బైట పెట్టడానికి వీలులేదని రక్షణమంత్రి నిర్మల సీతారామన్ పార్లమెంటుకు చెప్పారు. మోడీ ప్రభుత్వం దాచివేసినాదాగని వాస్తవాలను విమానాలను విక్రయించిన కంపెనీ బైట పెట్టింది.

Advertisements

Latest Articles

Most Read