news

రాష్ట్ర ముఖ్యమంత్రి, తెలుగుదేశం పార్టీ జాతీయ అధ్యక్షుడు నారా చంద్రబాబునాయుడు ఢిల్లీ పర్యటనకు రాజకీయ ప్రాధాన్యత ఏర్పడింది. శరవేగంగా మారిన తాజా రాజకీయ పరిణామాల నేపథ్యంలో బాబు ఏప్రిల్ 3, 4వ తేదీలలో దేశ రాజధానిలో ఉండాలని నిర్ణయిం తీసుకున్నారు. ఇటీవల రాష్ట్ర సచివాలయంలో జరిగిన అఖిల సంఘాల భేటీ నేపథ్యంలో జరుగనున్న ఢిల్లీ పర్యటనతో దేశ రాజకీయాలు ఒక్కసారిగా వేడెక్కునన్నాయి. ఒకవైపు పార్లమెంట్ సమావేశాలను కుదిపేస్తున్న అవిశ్వాస తీర్మానం, మరోవైపు చంద్రబాబునాయుడు జాతీయ రాజకీయ పక్షాలతో నిర్వహించనున్న రాజకీయ భేటీలు హస్తినను వేడిక్కించే అవకాశాలున్నాయి. గత నాలుగు సంవత్సరాలుగా ఎన్డీయేలో భాగస్వామిగా అధికారిక పర్యటనలు జరిపిన చంద్రబాబునాయుడు, తాజాగా, ప్రతిపక్ష పాత్రను పోషించే దిశగా ఢిల్లీలో అడుగు బెట్టబోతున్నారు.

తన పర్యటనలో భాగంగా అందుబాటులో ఉన్న అన్ని జాతీయ, ప్రాంతీయ పార్టీల అధ్యక్షులను చంద్రబాబునాయుడు కలుసుకునే విధంగా షెడ్యూల్ ఖరారవుతోంది. ఇప్పటికే తెలుగుదేశం ఎం.పి.లు తొలి దఫాగా కలుసుకుని రాష్ట్రానికి జరుగుతున్న అన్యాయంపై చర్చించగా, మలివిడతలో ముఖ్యమంత్రి కలుసుకునే విధంగా పర్యటన కార్యక్రమాన్ని టిడిపి నాయకత్వం ఖరారు చేయడంలో నిమగ్నమైంది. ఫెడరల్ ఫ్రంట్ కు బాబు పర్యటన దోహదపడుతుందని భావిస్తున్న నేపథ్యంలో కేంద్ర రాజధాని హస్తినలో సర్వత్రా ఉత్కంఠ నెలకొంది. ఏప్రిల్ 3వ తేదీన ఢిల్లీ బయలుదేరి వెళుతున్న ముఖ్యమంత్రి 4న కూడా వివిధ పార్టీల నేతలతో సమావేశమవుతారు. కాగా అంతటా ఆసక్తి రేపుతున్న రాష్ట్ర ముఖ్యమంత్రి చంద్రబాబు నాయుడు పర్యటన నేపథ్యంలో మరోసారి దేశ రాజకీయాల్లో చక్రం తిప్పే అవకాశం ఉంటుందని రాజకీయవర్గాలు భావిస్తున్నాయి. ఆ అవకాశానికి సంబంధించి ఇప్పటికే బీజం పడగా, అదే స్థాయిలోనే బాబు వ్యూహాత్మకంగా ముందుకు సాగేందుకు రంగం సిద్దం చేసుకున్నట్టు తెలుస్తోంది.

1996-2004 సంవత్సరాలమధ్య కాలంలో దేశ ప్రధానిని నియమించే స్థాయిలో బాబు చుట్టూ రాజకీయాలు తిరిగాయి. ఈ సారి కేంద్రంలోని ఎన్డీయేకు మిత్రపక్షంగా ఉంటూ జాతీయ రాజకీయాలలో బిజెపి దూకుడును నియంత్రించడానికి చంద్రబాబుకు మాత్రమే చక్రం తిప్పగల సమర్ధత వుందని భావిస్తున్నారు. ఫలితంగా ఆయన వెంట నడిచే పార్టీల సంఖ్య రోజురోజుకూ పెరిగే అవకాశాలున్నాయి. అధికారంలో ఉన్న మిత్రపక్ష ప్రభుత్వానికే విభజన చట్టంలో పేర్కొన్న హామీలను మోడీ ప్రభుత్వం అమలు చేయడంలేదన్న విషయాన్ని వివిధ మార్గాలలో దేశం మొత్తానికి చెప్పటంలో చంద్రబాబు సక్సెస్ అయ్యారు. నవ్యాంధ్రకు మోడీ ప్రభుత్వం చేస్తున్న అన్యాయాన్ని సానుకూలంగా మలచుకునేందుకు బిజెపియేతర పక్షాలన్నీ చంద్రబాబుకు అండగా నిలవాలని నిర్ణయించాయి. ఆంధ్రప్రదేశ్ కు మోడీ ప్రభుత్వం మొండిచెయ్యి చూపిస్తున్నదంటూ నిరసన వ్యక్తం చేసిన చంద్రబాబు ఆ వెంటనే మోడీ ప్రభుత్వంలో తన పార్టీకి చెందిన ఇద్దరు మంత్రులను రాజీనామ చేయించడం ద్వారా విపక్షనేతలను ఆలోచింపచేశారు.

రాజకీయ ఎత్తుగడలలో అందెవేసిన చేయిగా ముద్రపడ్డ చంద్రబాబునాయుడు ఢిల్లీ పర్యటన స్వరూపం పై ఇప్పటికే ప్రధానమంత్రి కార్యాలయం ఆరా తీయడం ప్రారంభించింది. బాబు ప్రణాళికా రచన ఏ విధంగా వుండబోతోంది అనే దిశగానే ప్రధానంగా ఆరా తీస్తున్నట్టు సమాచారం. ఈమేరకు రాష్ట్ర బిజెపి నేతలు సైతం జాతీయ అధ్యక్షుడు అమిత్షాకు సమాచారమిచ్చినట్టు చెబుతున్నారు. చంద్రబాబు ఢిల్లీ పర్యటన, అభిలసంఘాల సమావేశం, భవిష్యత్ కార్యాచరణ వంటి పలు అంశాలపై కూడా బిజెపి నేతలు జాతీయ నాయకత్వానికి నివేదించారు.

ప్రధాని నరేంద్ర మోడీ, ప్రస్తుతం ఎంత శక్తివంతమైన మనిషి అనేది అందరికీ తెలుసు... అందుకే ఇప్పటి వరకు దేశంలో ఎవరు, ఆయనతో గట్టిగా డీ కొట్టే ప్రయత్నం చెయ్యలేకపోయారు... సోనియా, మమతా లాంటి వారు, మోడీ పై విమర్శలు చేస్తున్నా, ఆయనతో డీ కొట్టే సాహసం చెయ్యలేక పోయారు... ఇక మన రాష్ట్రంలో అయితే, కొంత మందికి మోడీ అనే పేరు పలకాలి అన్నా, భయం... అందుకే కేంద్రం అన్యాయం చేస్తున్నా, చంద్రబాబు పైనే విమర్శలు చేస్తూ, పబ్బం గడుపుకుంటున్నారు... ఈ నేపధ్యంలో చంద్రబాబు గత కొన్ని రోజులగా కేంద్రం పై విరుచుకు పడుతున్నారు...

అయితే, ఇప్పటి వరకు, కేంద్రం చేస్తున్న అన్యాయం, వారు ఏమి ఇచ్చింది, మనం ఏమి ఖర్చు పెడుతుంది... ఇలా ఈ లైన్ లోనే, విమర్శలు చేస్తూ వచ్చారు.. అయితే, మొదటి సారిగా, ఒక బహిరంగ వేడుకలో, మోడీ మనల్ని మోసం చేసారు, మోడీకి వ్యతిరేకంగా పోరాటం చేద్దాం రండి అని ప్రజలకు పిలుపు ఇవ్వటం, సంచలనమే... ఒక రాష్ట్ర ముఖ్యమంత్రి, ప్రధాని పై, ఇలా విమర్శలు చెయ్యటం మాములు విషయం కాదు... విభజన హామీల సాధన ధర్మపోరాటానికి రాష్ట్రప్రజలంతా చేయీ చేయీ కలపాలని ఆంధ్రప్రదేశ్‌ ముఖ్యమంత్రి చంద్రబాబు నాయుడు పిలుపునిచ్చారు. విభజన హామీలు అమలు చేయడంలో ఆంధ్రప్రదేశ్‌ను ప్రధాని మోదీ మోసం చేశారని చంద్రబాబు ఘాటుగా విమర్శించారు.

మోదీకి వ్యతిరేకంగా పోరాటం చేయాలంటూ ఆయన రాష్ట్ర ప్రజలకు పిలుపునిచ్చారు. ప్రజలు అండగా ఉంటే కొండనైనా ఢీకొంటానని చంద్రబాబు విశ్వాసం వ్యక్తం చేశారు. కృష్ణా జిల్లా మల్లవల్లిలో ఎన్టీఆర్‌ విగ్రహాన్ని ఆవిష్కరించిన సీఎం స్థానికులనుద్దేశించి కొద్దిసేపు ప్రసంగించారు. న్యాయంగా ఆంధ్రప్రదేశ్‌కు రావాల్సిన నిధులు మంజూరు చేయడంలో కేంద్ర ప్రభుత్వం నిర్లక్ష్యంపై రాష్ట్ర ప్రభుత్వం పోరాడుతోందన్నారు. ఏపీలో ఏ అంటే అమరావతి, పీ అంటే పోలవరం ప్రాజెక్టుగా అభివర్ణించిన సీఎం వాటిని పూర్తి చేసి తీరుతామని విశ్వాసం వ్యక్తం చేశారు. తెలుగు జాతికి అన్యాయం చేయాలని చూస్తే కాంగ్రెస్‌కు పట్టిన గతే పడుతుందని బీజేపీని హెచ్చరించారు

ఒక్క పిలుపు, ఒకే ఒక్క పిలుపుతో, అప్పట్లో 33 వేల ఎకరాలు ఇచ్చారు రైతులు... మనల్ని అన్యాయం చేసారు, కానీసం రాజధాని కూడా లేకుండా బయటకు గెంటారు, వాళ్లకు మన సత్తా చూపిద్దాం, మీరు సహకరిస్తే, అద్భుతమైన రాజధాని కడతాను అని చంద్రబాబు పిలుపిస్తే, 33 వేల ఎకరాలు చంద్రబాబు మీద నమ్మకంతో ఇచ్చారు ప్రజలు... దాని వెనుక, చంద్రబాబు మాకు డెవలప్ చేసిన భూమి ఇస్తాడు, అద్భుతమైన రాజధాని కడతాడు అనే నమ్మకంతో పాటు, ఢిల్లీ పై కసి కూడా ఉంది.. అందుకే, ప్రపంచలోనే అమరావతి ల్యాండ్ పూలింగ్ ఒక రోల్ మోడల్ గా నిలిచింది... అయితే, దీన్ని ఆపే ప్రయత్నాలు అదే స్థాయిలో జరుగుతున్నా, ప్రజల ఆశీస్సులతో ముందుకు వెళ్తూనే ఉన్నాం...

ఈ తరుణంలో, ప్రధాని మోడీ, మీకు ఢిల్లీని తలదన్నే రాజధాని కట్టి ఇస్తాను అని చెప్పి, నల్లుగేళ్ళలో కేవలం 1500 కోట్లు ఇచ్చి పండగ చేసుకోమన్నారు... మిగతా బీజేపీ నేతలు అయితే, మాయ సభ కడతారా, మీకు అది చాలులే అని ఎగతాళి చేసారు... మీకు జీతాలు ఇవ్వటానికే డబ్బులు లేవు, మీకు ప్రపంచ స్థాయి రాజధాని కావాలా అని ఎటకారం... ఇలా ఢిల్లీలో పార్టీ మారింది కాని, ఢిల్లీ పెద్దలు మనకు చేస్తున్న మోసం మాత్రం మారలేదు.. అందుకే ఇప్పుడు చంద్రబాబు మరో పిలుపు ఇచ్చారు.. ప్రజల భాగస్వామ్యంతో, ప్రభుత్వం తరుపున బండ్లు ఇచ్చి, రాజధాని, పోలవరం కడతా అని పిలుపు ఇచ్చారు.. రైతులు ఎకరానికి బస్తా ధాన్యం విరాళంగా ఇవ్వండి అని పిలుపు ఇచ్చారు...

చంద్రబాబు పిలుపుతో, మీరు ఎకౌంటు నెంబర్ చెప్పండి, మేము డబ్బులు ఇస్తాం అంటూ, రాష్ట్రాన్ని ప్రేమించే ప్రతి ఒక్కరు అంటున్నారు... అలాగే రైతులు కూడా ముందుకొచ్చారు... ఖ్యమంత్రి చంద్రబాబు పిలుపునకు బాపులపాడు మండలం కాకులపాడు గ్రామస్థులు స్పందించారు... గ్రామాభివృద్ధి సంఘం ఆధ్వరంలో రైతులు, యువకులు రాజధానికి తమ వంతు సాయంగా ఎకరానికి బస్తా ధాన్యం ఇస్తామని ప్రకటించారు. గ్రామంలో ఉన్న 2,600 ఎకరాల నుంచి తలా ఒక బస్తా ధాన్యం బస్తా విలువను రాజధాని నిర్మాణానికి అప్పుగా ఇస్తున్నట్లు ప్రకటించారు. తాము పాలకేంద్రానికి ఒకరోజు పోసే పాలను విరాళంగా ఇస్తామని మరికొందరు ముందుకు వచ్చారు... ఇస్తామని చెప్పటమే తరువాయి, ఈ రోజు ముఖ్యమంత్రికి దాదాపు రూ.2.66లక్షలను రాజధాని నిర్మాణ నిధిగా సీఎంకు అందించారు.

దీనిపై కృతజ్ఞతలు తెలిపిన సీఎం రాష్ట్ర ప్రజలంతా ఇదే స్ఫూర్తితో ముందుకు రావాలని పిలుపునిచ్చారు. కేంద్రం సాయం చేసినా.. చేయకపోయినా రాష్ట్ర ప్రయోజనాలను కాపాడేందుకు తెలుగుదేశం ప్రభుత్వం ఎప్పుడూ ముందుంటుందని ప్రకటించారు. అయితే, దీని పై కూడా కొంత మంది విష ప్రచారం చేస్తున్నారు అనుకోండి, అది వేరే విషయం... ఇవ్వాలి అనుకునే వాళ్ళు ఇస్తారు, వీరికి నొప్పి ఎందుకో మరి... ఈ రకంగా, ప్రజల భాగస్వామ్యంతో చంద్రబాబు, ఢిల్లీ పై యుద్ధం చేస్తున్నారు... ఇంకా విధి విధానాలు ప్రకటించక ముందే, ప్రజల్లో ఇంత స్పందన ఉంది అంటే, ప్రభుత్వం కనుక పూర్తి స్థాయి విధివిధానాలు ప్రకటిస్తే, ఢిల్లీకి, మన ఆంధ్రుల సత్తా ఏంటో మరో సారి తెలుస్తుంది.