రాష్ట్ర ప్రజలకు వరుస షాకులు ఇస్తూ, షాకుల మీద షాకులు ఇస్తున్న జగన్ మోహన్ రెడ్డి ప్రభుత్వం, మరో బాదుడికి సిద్ధం అయ్యింది. సినిమా టికెట్ల రేట్లు తగ్గించి, మాది పేదల ప్రభుత్వం అని చెప్పుకున్న జగన్ మోహన్ రెడ్డి ప్రభుత్వం, సినిమా టికెట్ల రేట్లు తగ్గింపుని వ్యతిరేకించిన వారు అందరూ కూడా, పేదల వ్యతిరేకులు అని సాక్షాత్తు జగన్ మోహన్ రెడ్డి గారే చెప్పారు. అయితే సినిమా టికెట్ల విషయంలోనే జగన్ మోహన్ రెడ్డి గారు ఇంత ఉదారంగా ఉంటే, ఇక మిగతా విషయాలు అన్నీ కూడా జగన్ మోహన్ రెడ్డి గారికి ఒక లెక్కా అని అందరూ భావించారు. అందులోనూ నిన్నే నా చేతికి ఎముక కూడా లేదని ప్రకటించుకున్నారు. ఇవన్నీ చూసిన ప్రజలకు, గంటల్లోనే షాక్ ఇచ్చింది జగన్ ప్రభుత్వం. సంక్రాంతి పండుగ సీజన్ లో వేసే, స్పెషల్ ఆర్టీసీ బస్సుల చార్జీలు అన్నీ, ఏకంగా 50 శాతం పెంచేసారు. నిన్న ఆర్టీసీ ఎంపీ ద్వారకా తిరుమల రావు, ఈ నిర్ణయం ప్రకటిస్తూ, డీజిల ధరలు గతంలో కంటే బాగా పెరిగాయని, అందుకే పెంచక తప్పదు అంటూ తేల్చి చెప్పారు. ఆ ఎముక లేని చేయి తగ్గించేది ఏదో, డీజిల్ మీద తగ్గిస్తే, ఆర్టీసీ చార్జీలు మీద తగ్గిస్తే లాభం కదా అని, పేదలు వాపోతున్నారు.
