news

వైఎస్ఆర్ కాంగ్రెస్ పార్టీ నేతలు, కక్ష సాధింపు కవల పిల్లలు అనే విషయం అందరికీ తెలిసిందే. వీళ్ళ కక్ష సాధింపు ఎలా ఉంటుంది అనేదానికి ప్రత్యక్ష ఉదాహరణ ప్రజా వేదిక. జగన్ మోహన్ రెడ్డి రాగానే ప్రజా వేదికను రాత్రికి రాత్రి కుల్చేసారు. ప్రజలకు ఉపయోగపడే ప్రజా వేదిక, కేవలం చంద్రబాబు తన ఆఫీస్ గా అడిగారని, కూల్చి పడేసారు. ఇక్కడే అసలు ట్విస్ట్ ఉంది. మూడేళ్ళు అవుతున్నా, ఇప్పటికీ అక్కడ ప్రజా వేదిక దగ్గర ఉన్న శిధిలాలు, తొలగించలేదు. కేవలం కూల్చి, అన్నీ అక్కడే పడేసారు. ప్రతి రోజు చంద్రబాబు అది చూడాలి అని జగన్ కోరిక అంట. కక్ష సాధింపు అలా ఉంటుంది. మరో ఉదాహరణ. మనం అప్పుల మీద బ్రతకటానికి అలవాటు పడిపోయాం. అప్పులు అడుగుతుంటే, బ్యాంకులు ఇవ్వటం లేదని, ఏకంగా మునిసిపాలటీ వాళ్లతో మాట్లాడి, బ్యాంకుల ముందు చెత్త పోయించారు. ఒక రాష్ట్ర ప్రభుత్వమే ఇలా చేస్తే, ఇక ఏమి మాట్లాడాలి ? కేంద్రం ఆధీనంలో ఉన్న బ్యాంకులు ముందు చెత్త పోసినా, కేంద్రం చూసి చూడనట్టు వదిలేసింది. అదే ఇప్పుడు, ఈ కక్ష సాధింపు ఏకంగా ఎయిర్ పోర్ట్ వరకు వచ్చింది. ఆ రోజే కేంద్రం గట్టిగా ఉండి ఉంటే, ఇక్కడ వరకు వచ్చే వారా అనే ప్రశ్నలు వినిపిస్తున్నాయి. తిరుపతి ఎయిర్ పోర్ట్ విషయంలో, అసలు ఏమి జరిగిందో తెలిస్తే షాక్ అవుతారు.

తిరుపతి ఎమ్మెల్యే భూమన కరుణాకర్ రెడ్డి కొడుకు, అలాగే తిరుపతికి డిప్యూటీ మేయర్ కూడా అయిన అభినయ్ రెడ్డి, తిరుపతి ఎయిర్ పోర్ట్ కు నీళ్ళ సరఫరా నిలిపివేశాడు. సిబ్బంది కాలనీకి నీళ్ళు ఆపేసాడు. బయట నుంచి ట్యాంకర్లు తెచ్చుకుంటుంటే, మరమ్మత్తుల పేరుతో రోడ్డు తవ్వేసాడు. దీంతో నీళ్ళు లేక ఎయిర్ పోర్ట్ సిబ్బంది ఇబ్బంది పడుతున్నారు. అసలు సార్ గారికి కోపం ఏమిటి అంటే, బొత్సా వస్తున్నారని స్వగతం పలకటానికి మందితో ఎయిర్ పోర్ట్ కు వెళ్తే, అంత మందిని లోపలకు పంపించమని సిబ్బంది చెప్పటంతో, సార్ గారికి కోపం వచ్చింది. నేనంటే ఏంటో చూపిస్తానని చెప్పి, చివరకు ఎయిర్ పోర్ట్ కు వెళ్ళే పైప్ లైన్ ఆపేశారు. అదేమంటే రిపేర్ అంటున్నారు. విషయం ఎమ్మెల్యే భుమనకు చెప్పినా, కొడుకుని సమర్ధించుకు రావటంతో, ఎయిర్ పోర్ట్ సిబ్బంది షాక్ అయ్యారు. ఈ విషయం కేంద్ర మంత్రిత్వ శాఖ దృష్టికి తీసుకుని వెళ్లారు. మొత్తానికి,మరోసారి, తమ సత్తా ఏమిటో చూపించారు, వైసీపీ నేతలు. తమ జోలికి వస్తే ఇలాగే ఉంటుందని, మరో సాంపుల్ చూపించారు.

ఈ రోజు వైఎస్ఆర్ కాంగ్రస్ పార్టీ ఎంపీ రఘురామకృష్ణరాజు ఇంటికి ఏపీ సీఐడీ పోలీసులు వచ్చారు. గచ్చిబౌలిలోని రఘురామ ఇంటికి ఏపీ సీఐడీ పోలీసులు వచ్చారు. రఘురామకు నోటీసులు ఇచ్చి వెళ్ళిపోయారు. ఆంధ్రప్రదేశ్ లో నమోదైన రాజద్రోహం కేసుల దర్యాప్తులోనే వచ్చినట్టు తెలుస్తుంది. 17న హాజరయ్యేందుకు నోటీసులు ఇచ్చారు. అయితే ఈ అరెస్ట్ పైన రఘురామరాజు స్పందించారు. ఆయన ఏమన్నారు అంటే, "సిఐడి చీఫ్ సునీల్ కుమార్ ఆధ్వర్యంలోని టీం ఈ రోజు వచ్చింది. గతంలో నా మీద నమోదు చేసిన రాజద్రోహం, దేశ ద్రోహం కేసు విషయంలో,, మరిన్ని వివరాలు ఇవ్వటానికి రమ్మన్నారు. 17 వ తేదీన రమ్మన్నారు. నిన్న మా జిల్లా కలెక్టర్, ఎస్పీ గారికి, మా జిల్లాకు వస్తున్నా అని, సెక్యూరిటీ చూసుకోమని చెప్పాను. పోలీసులు అందరూ ఒక్కటే కాబట్టి, వాళ్ళు వీళ్ళకు చెప్పారు అనుకుంటా, అందుకే వెంటనే వచ్చేసారు. 13, 14 రమ్మన్నారు. కానీ నేను హిందువుని కాబట్టి, పండగ రోజున రావాలి అంటే కుదరదు అని చెప్పాను. మా ముఖ్యమంత్రి గారికి, సునీల్ కుమార్ కి, మా పండగ గురించి తెలిసి ఉండదు. నా నియోజకవర్గానికి వస్తున్నా అంటే, వీరికి ఎందుకు బాధో అర్ధం కాలేదు. ఆ తేదీలు కుదరదు అంటే, 17 వ తేదీ రమ్మన్నారు. రాజ్యాంగాన్ని గౌరవించే వ్యక్తిగా, ప్రస్తుతం ఉన్న రూల్స్ కి, ప్రస్తుతం ఉన్న క-రో-నా, వర్చ్యువల్ ప్రోటోకాల్స్ కి అనుగుణంగా, అవి అనుసరిస్తూ అటెండ్ అవుతాను. "

"ఈ సునీల్ కుమార్, గతంలో నా సీఆర్పీఎఫ్ ని అక్కడకు రానివ్వకుండా చేసి, సునీల్ కుమార్ ఫోటో గ్రాఫర్ లాగా వచ్చాడు. ఇవన్నీ చెప్తాను. అయితే ప్రజలకు నేను చెప్పేది ఏమిటి అంటే, గతంలో నన్ను సిఐడి ఆఫీస్ కి తీసుకుని వెళ్లారు, అక్కడ ఎందుకు సిసి కెమెరాలు, ఒక్క రోజు ముందు ఎందుకు తీసేశారు ? అప్పటి వరకు ఉన్న హెడ్ కానిస్టేబుల్ ఎందుకు మాయం అయ్యి, సునీల్ కుమార్, మరో నలుగురు ఆగంతుకులు ఎందుకు వచ్చారు ? నా సెక్యూరిటీ ఎందుకు ఒప్పుకోలేదు ? ఆ సమయంలో అక్కడ ఉన్న ఫోన్లు ఎవరెవారివి ? ఇవన్నీ సిబిఐ విచారణ కోరాను. సుప్రీం కోర్టులో ఇది ఉంది. ఇప్పుడు ఇది తేలకుండానే, మళ్ళీ ఈ ఉన్మాది సునీల్ కుమార్ నన్ను రమ్మంటే ఎలా వస్తాను ? ఆ వ్యక్తే నన్ను హింసిస్తున్నాడు అంటే, మళ్ళీ ఆ వ్యక్తే నన్ను రమ్మంటే ఎలా ? ఈ రావణ రాజ్యాన్ని నేను ప్రశ్నిస్తున్నా. రాజీనామా చేస్తాను, మళ్ళీ పోటీ చేస్తాను అంటే, భయపడి పోయారు అన్నారు. సరే అనే సమయం ఇచ్చా. ఇప్పుడు ఒక డూప్లికేట్ సియం ఉన్నాడు. ఎంపీ భరత్ అనే వాడు వాగుతున్నాడు. ఇప్పుడు ఈ సునీల్ కుమార్ అనే హిందూ వ్యతిరేకి, జగన్ అనే రఘురామ రాజు వ్యతిరేకి రమ్మన్నారు. చూద్దాం, ఏమి చేస్తారో" అని రఘురామరాజు అన్నారు

మంత్రి కొడాలి నాని భాష, వేషం గురించి ఆంధ్రప్రదేశ్ రాష్ట్ర ప్రజలకే కాదు, పక్క రాష్ట్రాల్లో కూడా బాగా ఫేమస్. ఆయన నోరు తెరిస్తే అంతే సంగతులు. బూతులే బూతులు. ఇక ఈ బూతులు ఎంత వరకు అంటే, చెప్పే పనే లేదు. అమ్మా మొగుడుతో మొదలు పెట్టి, ఎక్కడి వరకు వెళ్తాయో ఆయనకే తెలియదు. ఇక చంద్రబాబు గారిని అయితే, ఆయన తిట్టే బూతులు అన్నీ ఇన్నీ కావు. క-రో-నా లాక్ డౌన్ సమయంలో చంద్రబాబు గారు వయసు దృశ్యా ఇంట్లో ఉంటే, ముసలోడివి, కొంపలో ఉంటావు, పోతావ్, హైదరాబాద్ లో ఉంటావు, ఇలా అనేక మాటలు మాట్లాడారు. మరీ ముఖ్యంగా మనవడి కోసం, చంద్రబాబు హైదరాబాద్ ప్రతి వీకెండ్ హైదరాబాద్ వెళ్తే దాన్ని కూడా హేళన చేస్తూ ఉంటారు. పక్క రాష్ట్రం వాడు, హైదరాబద్ వాడు అంటూ హేళన చేస్తూ ఉంటారు. అయితే విధి ఎవరినీ వదలదు కదా ? అందరి దూల తీర్చేస్తుంది. అలాగే ఇప్పుడు కొడాలి నానికి కరోనా వచ్చింది. ఇందులో తప్పు ఏమి లేదు. బయట తిరిగే అందరికీ వస్తుంది కాబట్టి. కానీ ఆయన వెళ్లి హైదరాబాద్ ఏఐజిలో చేరటమే హైలైట్. చంద్రబాబుని హైదరాబాద్ వాడు అని చెప్పిన కొడాలి నాని, అదే హైదరాబాద్ హాస్పిటల్ కు పరిగెత్తారు. ఇక్క ఏపిలో జగన్ అద్భుతంగా హాస్పిటల్స్ మైంటైన్ చేస్తున్నాడని చెప్పి, మరి హైదరాబాద్ ఎందుకు వెళ్ళావ్ అంటూ సోషల్ మీడియాలో పోస్ట్ లు పడుతున్నాయి.