news

సాక్షి పత్రిక గురించి అందరికీ తెలిసిందే. ఇది జగన్ మోహన్ రెడ్డికి చెందిన పత్రిక. ఎదుటి పక్షం పై ఫేక్ చేయటంలో ఒక రికార్డ్. ఎవరు ఏమి అనుకున్నా, తమకు అనుకూలంగా ఉండే వైఎస్ఆర్ కాంగ్రెస్ పార్టీ పాఠకుల కోసం, వాళ్ళు ఎంతటికైనా ప్రచారాలు చేస్తారు. అయితే ఇప్పుడు జగన్ మోహన్ రెడ్డి అధికారంలో ఉండటంతో సాక్షి పంట పండింది. ఇప్పటికే సాక్షిలో ఉద్యోగులను కొంత మందిని ప్రభుత్వంలో ముఖ్య స్థానాల్లో పెట్టారు. ఇప్పుడు ప్రభుత్వాన్ని నడిపిస్తున్న సజ్జల కూడా, అక్కడ నుంచి వచ్చిన వారే. ఇక సాక్షి టీవీ, పేపర్ కు ఇచ్చే ప్రకటనలు, దాని కోసం పెట్టే ఖర్చు గురించి ప్రత్యేకంగా చెప్పాల్సిన పని లేదు. ఇక్కడ వరకు సరే, ఇవన్నీ సహజంగా జరిగేయే కదా, అధికారం ఉంటే, సొంత ప్రయోజనాలు కాపాడటం వెన్నతో పెట్టిన విద్య అని అనుకోవచ్చు. కాని ఇప్పుడు బయట పడిన విషయం చూస్తే అవాక్కవ్వక మానరు. ఏకంగా అధికారులే ఇప్పుడు సాక్షి కోసం రంగంలోకి దిగారు. సహజంగా మన ఇంటికి ఏజెంట్లు వస్తూ ఉంటారు. మా పేపెర్ వేయించుకోండి, ఏడాదికి ఇంత, ఆరు నెలలకు ఇంత అంటూ, ఆఫర్లు ఇస్తారు. సారిగ్గా ఇలాగే సాక్షి పేపర్ వేయించుకోవాలి అంటూ, అధికారులు ఏజెంట్ల అవతారం ఎత్తడం, అందరినీ ఆశ్చర్య పరిచింది. మరీ అధికారులు ఇలా ఉత్తర్వులు ఇవ్వటంతో, ఆశ్చర్యపోతున్నారు.

ఎలాగైనా సాక్షి సర్క్యులేషన్‌ పెంచి, ఈనాడుని దాటాలనే ఆలోచనో లేదా ప్రభుత్వ డబ్బుతో లాభం పొందాలనో కానీ, కొత్త పుంతలు తొక్కుతున్నారు. ఆంధ్రప్రదేశ్ రాష్ట్ర వ్యాప్తంగా ఉన్న గ్రామ సచివాలయాలు, మునిసిపల్‌ ఆఫీసుల్లో, జగన్ పత్రిక అయిన సాక్షి పేపర్ వేయించుకోవాలి అంటూ ఆదేశాలు వెళ్ళాయి. ఏడాదికి సరిపడా డబ్బులు కట్టాలని, ఆ డబ్బులు ఎలా విడుదల చేయాలో కూడా సూచించారు. జగన్ పత్రికకు చందాలు కట్టాలని, గ్రామ సచివాలయాలకు అధికారికంగా ఆదేశాలు వెళ్ళటం చూసాం. ఇప్పుడు ఏకంగా మునిసిపాలిటీల్లో తీర్మానాలు చేసి పంపిస్తున్నారు. తాజాగా శ్రీకాకుళం జిల్లా పలాస - కాశీబుగ్గ మునిసిపాలిటీ కౌన్సిల్‌ సమావేశంలో ఈ అజెండా చేర్చారు. ఇక్కడ మరో వింత ఏమిటి అంటే, ప్రతి కార్యాలయానికి రెండు సాక్షి కాపీలు వేయాలని తీర్మానం చేయటం హైలైట్. ఇలాంటి చిత్ర విచిత్రాలు ఆంధ్రప్రదేశ్ రాష్ట్రంలో చాలా సాధారణం అయిపోయాయి. ఒక ఆఫీస్ లో ఒక పేపెర్ ఉంటుంది కాని, రెండు కాపిలు ఎందుకో మరి.

సీబీఐ మాజీ జేడీ లక్ష్మీ నారాయణ అంటే తెలియని వారు ఉండరు. జగన్ మోహన్ రెడ్డి అక్రమఆస్తులు కేసు విచారణలో ఆయన ఒక సెన్సేషన్. తరువాత కొన్నాళ్ళకు పదవీ విరమణ చేసారు. పోయిన సారి 2019 ఎన్నికల్లో ఆయన జనసేన పార్టీలో చేరారు. విశాఖపట్నం ఎంపీగా పోటీ చేసారు. ఆ ఎన్నికల్లో ఆయన ఓడిపోయారు. తరువాత క్రమంలో కొన్నాళ్ళకు ఆయన జనసేన పార్టీకి దూరం అయ్యారు. పవన్ కళ్యాణ్ సీరియస్ గా రాజకీయం చేయటం లేదు అనేది ఆయన ఆరోపణ. జనసేన పార్టీ నుంచి బయటకు వచ్చిన తరువాత, ఆయన ఏ పార్టీలో చేరలేదు. స్వతంత్రంగా ఉంటూ సమకాలిక రాజకీయాల పై స్పందిస్తూ ఉంటున్నారు. గోదావరి జిల్లాలో పొలం కౌలకు తీసుకుని, వ్యవసాయంలో ఆధునిక సాగు పై ప్రయోగాలు చేస్తున్నారు. ఆయన రైతుల కోసం ఏదో చేయాలి అనే ఆశయంతో ఉన్నారు. ఇది ఇలా ఉంటే, ఈ మధ్య ఆయన తరుచూ వార్తల్లో ఉంటున్నారు. మొన్న అమరావతి వచ్చి అమరావతి రైతులకు మద్దతు పలికి, ప్రభుత్వానికి చురకలు అంటించారు. ఇప్పుడు ఆయన పవన్ కళ్యాణ్ ని ఉద్దేశిస్తూ, స్టీల్ ప్లాన్ పై చేసిన ట్వీట్ ఆసక్తి రేపుతుంది. పవన్ కళ్యాణ్ రేపు విశాఖ వస్తున్నారు. స్టీల్ ప్లాంట్ ప్రైవేటీకరణకు వ్యతిరేకంగా ఆయన రేపు ఉద్యమం చేస్తున్నారు.

బీజేపీతో పొత్తు పెట్టుకుంటూనే ఆయన ఇప్పుడు అదే కేంద్ర ప్రభుత్వ నిర్ణయానికి వ్యతిరేకంగా ఉద్యమం చేయటం చర్చనీయాంశం అయ్యింది. అయితే ఇప్పటికే జేడీ లక్ష్మీ నారాయణ స్టీల్ ప్లాంట్ ప్రైవేటీకరణకు వ్యతిరేకంగా ఉద్యమం చేస్తున్నారు. కోర్ట్ లో కేసు కూడా వేసి, న్యాయ పరంగా కూడా పోరాడుతున్నారు. ఈ క్రమంలో పవన్ కళ్యాణ్ మద్దతు తెలుపుతూ ఉండటంతో, ఆయన ట్వీట్ చేసారు. వైజాగ్ స్టీల్ ప్లాంట్ ప్రైవేటీకరణకు వ్యతిరేకంగా పోరాడుతున్న ప్రజలకు పవన్ కళ్యాణ్ గారు సంఘీభావం తెలియజేస్తున్నందుకు సంతోషం వ్యక్తం చేసారు. కేంద్ర ప్రభుత్వం తమ నిర్ణయాన్ని మార్చుకునేలా ఖచ్చితంగా ప్రభావితం చేస్తుందని ఆశిస్తున్నాను అంటూ ఆయన ట్వీట్ చేసరు. అయితే ప్రత్యేకంగా పవన్ కళ్యాణ్ ని పొగుడుతూ ట్వీట్ చేయటం పై చర్చ జరుగుతుంది. లక్ష్మీ నారయణ మళ్ళీ జనసేనలో చేరే ఉద్దేశం ఉందా అనే చర్చ జరుగుతుంది. ఇవన్నీ పక్కన పెడితే, అందరూ ఒక తాటి పైకి వచ్చి, స్టీల్ ప్లాంట్ ప్రైవేటీకరణ జరగకుండా చూస్తారని, ప్రజలు కూడా సహకరిస్తారని ఆశిద్దాం.

ఆంధ్రప్రదేశ్ గవర్నర్‌ విశ్వభూషణ్‌ హరిచందన్‌ కూల్ గా ఉంటారు. సహజంగా గవర్నర్లు అందరూ తమ పరిధిలో తాము పని చేసుకుంటూ, రోజు వారీ రాజకీయ విషయాల్లో తల దూర్చరు. అయితే మనకు గత పది ఏళ్ళలో అప్పటి గవర్నర్ నరసింహన్ చాలా ఆక్టివ్ గా ఉండే వారు కాబట్టి, ప్రస్తుత గవర్నర్ కూడా అలా దూకుడుగా ఉంటారని భావించినా, ఇప్పటి గవర్నర్ శైలి అందుకు భిన్నం. అందరి గవర్నర్ లు లాగే, విషయాలు కేంద్రానికి రిపోర్ట్ చేయటమే కానీ, నేరుగా ఆయన స్పందించిన దాఖలాలు లేవు. చంద్రబాబు ఇంటి మీద కాని, ప్రతిపక్ష టిడిపి కార్యాలయం మీదకు వెళ్ళినా కూడా గవర్నర్ తన పరిధిలోనే వ్యవహరించారు. అయితే ఇప్పుడు ఇంత కూల్ గా ఉండే గవర్నర్ కూడా ఆగ్రహం తెప్పించింది ప్రస్తుత ప్రభుత్వం. ఆయన అనుమతి లేకుండా, ఆయన పేరు వాడుకోవటం ఇప్పుడు దేశ వ్యాప్తంగా చర్చకు దారి తీయటంతో, గవర్నర్ కూడా సీరియస్ అయ్యారు. మన రాష్ట్ర ప్రభుత్వం, అప్పులు చేస్తున్న తీరు ఒక రికార్డ్. ఆ అప్పులు కూడా వింత వింతగా తెస్తున్నారు. ఆర్బిఐ లిమిట్ దాటిపోయినా, లెక్కలు దాచి, అప్పులు తెస్తున్నారని టిడిపి ఆరోపిస్తుంది. ఇక వచ్చే 25 ఏళ్ళ మద్యం ఆదాయం చూపించి, అప్పు తేవటం మరో హైలైట్. అలాగే ఆస్తులు తాకట్టు పెట్టి అప్పులు తెస్తున్నారు.

అప్పులు కోసం ఒక ప్రత్యేక కార్పోరేషన్ ఏర్పాటు చేసారు. స్టేట్ డెవలప్మెంట్ కార్పోరేషన్ పేరిట ఒక కొత్త కార్పోరేషన్ ఏర్పాటు అయ్యింది. దాన్ని ఉపయోగించి రూ.25వేల కోట్లు అప్పు తెచ్చింది రాష్ట్ర ప్రభుత్వం. అయితే బ్యాంకులతో చేసుకున్న ఒప్పందంలో, గవర్నర్‌ ష్యూరిటీ ఇచ్చినట్టు ఒప్పంద పాత్రల్లో రాసారు. దీని పై ఇప్పటికే పెద్ద రాద్దాంతం అయ్యింది. టిడిపి ఈ విషయం బయట పెట్టటంతో, ఈ విషయం కోర్టుల వరకు వెళ్ళింది. కేంద్ర ప్రభుత్వం కూడా అభ్యంతరం తెలిపింది. ఏకంగా గవర్నర్‌ సార్వభౌమాధికారాన్ని తాకట్టు పెట్టటం పై దేశమే నివ్వెర పోయింది. ఇప్పుడు ఇదే విషయం పై గవర్నర్‌ విశ్వభూషణ్‌ హరిచందన్‌ కూడా సీరియస్ అయ్యారు. ఈ మొత్తం వ్యవహారం పై వివరణ ఇవ్వాలి అంటూ, ప్రభుత్వ చీఫ్ సెక్రటరీ సమీర్‌ శర్మకు లేఖ రాసారు అంటూ ప్రముఖంగా పత్రికల్లో వచ్చింది. ఎందుకు ఇలా చేసారో వివరణ ఇవ్వాలి అంటూ, గవర్నర్ కోరినట్టు తెలుస్తుంది. అయితే ఇప్పటికే ఈ తప్పు తెలుసుకున్న ప్రభుత్వం, ఒప్పందం నుంచి గవర్నర్ పేరు తొలగించే ప్రక్రియ చేపట్టినట్టు తెలుస్తుంది. మరి ప్రభుత్వం, గవర్నర్ కు ఏమి సమాధానం ఇస్తుందో చూడాలి మరి.