news

ఆంధ్రప్రదేశ్ ప్రభుత్వం డబ్బుల కోసం కటకటలాడుతుంది అనే వార్తలు ప్రతి రోజు చూస్తున్నాం. ఇప్పటికే పరిమితికి మించి అప్పు చేసి, మద్యం ఆదాయం తాకట్టు పెట్టి అప్పులు తేవటం, ఆస్తులు అమ్మి అప్పులు తేవటం, ఇలాంటి పనులు చేస్తున్నారు. అయితే వీటి పై ఎప్పటికప్పుడు పలువురు న్యాయస్థానాల్లో పోరాడి, భవిష్యత్తు తరాలకు చెందాల్సిన ఆస్తులను కాపాడుతున్నారు. అయినా ప్రభుత్వం ఏదో ఒక మార్గంలో ముందుకు వెళ్తూనే ఉంది. తాజాగా ఇప్పుడు మరో అంశం బయటకు వచ్చింది. నాటకీయ పరిణామాల మధ్య ప్రభుత్వం సీక్రెట్ గా ఉంచిన జీవో ఒకటి బయట పడింది. ఇది ఏమిటి అంటే, గతంలో అంటే 2012లో అప్పటి ఉమ్మడ రాష్ట్ర ముఖ్యమంత్రి కిరణ్ కుమార్ రెడ్డి ఒక జీవో తెచ్చారు. ఆ జీవో సామాన్యంగా తేలేదు, సమగ్ర అధ్యయనం జరిపి, అఖిలపక్ష సమావేశం పెట్టి, ప్రభుత్వ భూములు పై ఒక సమగ్ర పాలసీ ఒకటి తెస్తూ, కిరణ్ కుమార్ రెడ్డి హయాంలో ఒక జీవో వచ్చింది. ఈ జీవో ముఖ్య ఉద్దేశం ప్రభుత్వ భూములను కాపాడటం. ప్రభుత్వ భూములు, ఆదాయం కోసం అసలు అమ్మకూడదు అనేది ఇందులో ముఖ్యమైన అంశం. మొత్తం 44 పేజీలు  ఉన్న జీవోని, అప్పటి నుంచి ప్రభుత్వాలు ఫాలో అవుతూ వచ్చాయి. తరువాత వచ్చిన టిడిపి ప్రభుత్వం కూడా జీవో 571ను అనుసరించే ముందుకు సాగింది.

అయితే ఇప్పటి జగన్ మోహన్ రెడ్డి ప్రభుత్వానికి భూములు అమ్మితేనే డబ్బు అనే విధంగా, భూములు అమ్మకానికి మిషన్ ఏపి అని ఒక పేరు పెట్టి, భూములు అమ్మకానికి పెట్టింది. దీని పై పలువురు కోర్టుకు వెళ్ళటంతో, కోర్టు ఈ తతంగాన్ని ఆపింది. అయితే ఈ జీవో ఒక్కటే అడ్డు అని భావించిన ప్రభుత్వం, అప్పటి కిరణ్ కుమార్ రెడ్డిని జీవోని సవరిస్తూ, మరో జీవో అయిన 243 జారీ చేసింది. అయితే ఇలాంటి పనులు చేసుకోవటానికే, జీవోలను ప్రజలకు అందుబాటులో ఉంచకుండా సీక్రెట్ గా ఉంచారు. అయితే ఈ జీవో ఆమోదం పొందాలి అంటే క్యాబినెట్ ఆమోదం తప్పనిసరి కావటం, అత్యంత నాటకీయ పరిణామాల మధ్య, ఈ జీవో క్యాబినెట్ సమావేశంలో పెట్టటంతో, ఇప్పుడు ఈ జీవో బహిర్గతం అయ్యింది. క్యాబినెట్ సమావేశంలో ఆమోదం లభించటంతో, ఇక ఇష్టం వచ్చినట్టు అమ్ముకోవచ్చు అనమాట. మరి దీని పై ప్రభుత్వం ఎలా ముందుకు వెళ్తుంది, కోర్టుకు ఏమి చెపుతుంది, కోర్టు ఏమి చేస్తుంది, మన భవిషత్తు తరాలకు చెందాల్సిన భూమి ఉంటుందా, ఉండగా అనేది చూడాలి.

అమరావతి రైతుల మహా పాదయత్ర ఈ రోజు ప్రారంభం అయ్యింది. న్యాయస్థానం నుంచ దేవస్థానం అంటూ, అమరావతిలోని హైకోర్టు దగ్గర నుంచి తిరుపతి వెంకన్న ఆలయం వరకు, అమరావతి రైతులు పాదయాత్రగా వెళ్లనున్నారు. అమరావతి రైతులకు సంఘీభావంగా కాంగ్రెస్ పార్టీ సీనియర్ నాయకురాలు, మాజీ రాజ్యసభ సభ్యురాలు రేణుకా చౌదరి, ఈ రోజు అమరావతి వచ్చారు. అయితే ఆమె ఇబ్రహింపట్నం నుంచి అమరావతి వరకు ర్యాలీగా వెళ్లాలని నిర్ణయం తీసుకున్నారు. రేణుకా చౌదరికి స్వాగతం పలికేందుకు కాంగ్రెస్ మహిళా కార్యకర్తలతో పాటుగా, ప్రజలు కూడా వచ్చారు. రోడ్డు పైన ఆమెకు కోసం హారతి ఇవ్వటానికి, స్వాగతం పలకటానికి సిద్ధం అయ్యారు. అయితే రోడ్డు పైన ఉన్న మహిళా కార్యకర్తలకు పోలీసులు ఆంక్షలు పెట్టారు. రోడ్డు పైన ఉండటానికి వీలు లేదని అన్నారు. అక్కడ నుంచి కార్యకర్తలను చెదరగొట్టారు. రోడ్డు పైకే వస్తే అరెస్ట్ చేస్తామని పోలీసులు హెచ్చరించారు. అయితే విజయవాడ చేరకున్న రేణుకా చౌదరికి, జరిగిన ఘటన పై, మహిళలు ఫిర్యాదు చేయగా, ఆమె ఆగ్రహం వ్యక్తం చేసారు. తనకు బొట్టు పెట్టటానికి వచ్చినా వాళ్ళని తరిమేసరని, వారికి వచ్చిన ఇబ్బంది ఏమిటో అర్ధం కావటం లేదని అన్నారు. హారతి ఇస్తాం అని, బొట్టు పెడతాం అని చెప్పినా, తరిమేసారు అని అన్నారు.

అమరావతిలో మహిళలను ఇలాగే చేసారని, ఇప్పుడు తనకు స్వాగతం పలకటానికి వస్తే కూడా అడ్డుకంటున్నారని, బెదిరిస్తున్నారని, భయపెడుతున్నారని, ఇది ఏపి పోలీసులకు సర్వ సాధారణం అయిపోయిందని అని అన్నారు. మీరు భయ పెడితే, మేము భయపడం అని అన్నారు. బొట్టు పెడతాం అంటే, సంస్కృతీ, సాంప్రదాయాలు కూడా పక్కన పడేసారని అన్నారు. ఒకటి గుర్తుంచుకోవాలని, అమరావతిలో ఉద్యమం చేస్తున్నది ఆడవాళ్ళే అని, నా తోటి మహిళలకు శభాష్ అంటూ, మమ్మల్ని మీరు అవమానపరుస్తారా ? భయపెట్టి మమ్మల్ని పంపించినంత మాత్రాన, మీరు మొనగాళ్ళు కాదని అన్నారు. చేతికి వేసుకుని మేము గాజలు కాదని, ఇవి విష్ణు చక్రాలు అని, రేపు ఓటు మిషన్ పై నొక్కేది ఇవే చేతులు అని అన్నారు. తనకు దేశంలో ఎక్కడైనా పర్యటించే అవకాసం ఉందని, కొంత మంది తాను ఎందుకు వచ్చానని అంటున్నారని వీళ్ళు అంతా నా సోదర సోదరీమణులు అని, ఎక్కడైనా తాను వెళ్ళే హక్కు ఉందని, తనను ప్రశ్నించే హక్కు ఎవరికీ లేదని అన్నారు.

నిన్న పవన్ కళ్యాణ్ విశాఖలో ఉక్కు పరిశ్రమ ప్రైవేటీకరణ కాకుండా చేస్తున్న పోరాటానికి సంఘీభావం తెలిపారు. ఆయన తరువాత ప్రసంగిస్తూ, వైసీపీ ప్రభుత్వం పై విమర్శలు గుప్పించారు. ఉపరాష్ట్రపతి మీద, చీఫ్ జస్టిస్ అఫ్ ఇండియా మీద పోరాటం చేయటానికి వైసిపీ ప్రభుత్వానికి ధైర్యం ఉంటుంది కానీ, స్టీల్ ప్లాంట్ పైన మాత్రం కేంద్రాన్ని నిలదీయటానికి ధైర్యం లేదని అన్నారు. ఎందుకని రాష్ట్ర ప్రభుత్వం కేంద్రాన్ని నిలదీయటం లేదో చెప్పాలని అన్నారు. వైసీపీకి 22 మంది ఎంపీలు, ఆరుగురు రాజ్యసభ సభ్యులు ఉన్నారని, బిల్లులకు మద్దతు ఇచ్చే సమయంలో, విశాఖ ఉక్కు పై కేంద్రం వద్ద క్లారిటీ తీసుకునే, వారికి మద్దతు తెలపవచ్చు కదా అని, పవన్ నిలదీశారు. ఎంత సేపు డబ్బు, కాంట్రాక్టులు, పదవులు తప్ప, వైసీపీ ప్రభుత్వానికి వేరే ధ్యాస లేదని అన్నారు. ఈ సందర్భంగా వైసీపీ ప్రభుత్వానికి పవన్ కళ్యాణ్ వారం రోజుల డెడ్ లైన్ విధించారు. వారం రోజుల్లో అఖిలపక్షం నిర్వహించి, అందరినీ ఢిల్లీ తీసుకుని వెళ్లాలని అన్నారు. మేమందరం మీతో పాటు వస్తాం అని అన్నారు. అధికారం మీ చేతిలో ఉంది కాబట్టి, మీరే బాధ్యత తీసుకోవాలని, అధికారం ఉన్న వారి మాటే కేంద్రం వింటుందని, వారం రోజుల్లో అఖిల పక్షం నిర్వహించి, అందరూ కలిసి విశాఖ స్టీల్ ప్లాంట్ పై బలమైన పోరాటం చేయాలని అన్నారు.

పవన కళ్యాణ్ డిమాండ్ పై ప్రధాన ప్రతిపక్షం తెలుగుదేశం కూడా స్పందించింది. ఈ రోజు విశాఖలో టీడీపీ రాష్ట్ర అధ్యక్షులు అచ్చెన్నాయుడు ఈ విషయం పై స్పందించారు. ఢిల్లీకి అఖిలపక్షాన్ని తీసుకుని వెళ్ళాలి అనే డిమాండ్ ని తాము స్వాగతిస్తున్నామని అన్నారు. తాము ఇప్పటికే ఈ డిమాండ్ ప్రభుత్వం ముందు ఉంచాం అని, ఇప్పుడు పవన్ కూడా ఇదే డిమాండ్ చేస్తున్నారు కాబట్టి, తాము స్వాగతీస్తున్నామని అన్నారు. తమ అధినేత చంద్రబాబు ఆరు నెలల క్రిందటే ఉక్కు దీక్షకు మద్దతు ఇచ్చారని, అప్పుడే అఖిల పక్షాన్ని ఢిల్లీ తీసుకుని వెళ్ళాలని డిమాండ్ చేసిన విషయాన్ని గుర్తు చేసారు. ప్రభుత్వం పై తమకు నమ్మకం లేదని, ఇప్పటికే అసెంబ్లీలో తీర్మనం చేసి ఢిల్లీకి పంపించాం అని ప్రభుత్వం చెప్తుందని, అలా పంపించి ఉంటే, ఢిల్లీ నుంచి రిప్లై రావాలి కదా అని, అచ్చెన్నాయుడు ప్రశ్నించారు. తమ పార్టీకి చెందిన ముగ్గురు ఎంపీలు, పార్లమెంట్ లో బల్ల గుద్ది మరీ, పోరాటాలు చేస్తున్నారని గుర్తు చేసారు.