news

మూడు రోజుల క్రితం, టిటిడి బోర్డుని నియమిస్తూ, ఒక జంబో బోర్డుని ప్రకటించిన సంగతి తెలిసిందే. అయితే ఆ బోర్డులోని పేర్లు చూసి అందరూ షాక్ తిన్నారు. అందులో చాలా మంది పై కేసులు ఉన్నాయి. మొత్తం 80 మందితో జంబో బోర్డుని ప్రకటించింది. అయితే ఏపి నుంచి కొంత మంది నేతలు, కొంత మంది పారిశ్రామిక వేత్తల దగ్గరకు వెళ్లి, మీకు పదవి ఇస్తాం అంటూ, ఏవో ఏవో ఆఫర్లు ఇచ్చినట్టు, దానికి ప్రతి ఫలం గురించి టీవీ చానల్స్ లో వార్తలు వచ్చాయి. రాజకీయ ప్రయోజనాలు, స్వప్రయోజనాలు ఆసిస్తూ, ఈ బోర్డు నిర్ణయం జరిగింది అని ప్రచారం జరిగింది. ఇంత పెద్ద బోర్డు ప్రకటన చూసి, అందరూ షాక్ అయ్యారు. అయితే ఇప్పుడు ఈ నియామకాల విషయంలో పెద్ద స్కాం బయట పడింది. కొంత మంది కేంద్ర మంత్రులకు తెలియకుండానే, బీజేపీ నేతలకు తెలియకుండా, వాళ్ళు సిఫారుసు చేసారు అంటూ, టిటిడి బోర్డు మెంబెర్లుగా కేటాయించారు అంటూ, సంచలన వ్యార్తలు బయటకు వస్తున్నాయి. వాళ్ళు చెప్పారని, వీళ్ళను ఎవరైనా మోసం చేసారా, లేదా వీళ్ళే ఇష్టా రాజ్యంగా చేసారా అనేది ఇప్పుడు బయట పడాల్సి ఉంది. ఇప్పుడు బయట పడిన విషయం ప్రకారం, కేంద్ర మంత్రి కిషన్ రెడ్డి, జగన్ మొహన్ రెడ్డికి ఒక లేఖ రాస్తూ, అందులో సంచలన విషయాలు తెలిపారు.

టిటిడి బోర్డులోని ప్రత్యేక ఆహ్వానితుడి జాబితాలో తొమ్మిదో పేరు, రవి ప్రసాద్ అనే ఆయనకు, కేంద్ర మంత్రి కిషన్ రెడ్డి సిఫార్సు మేరకు, టిటిడి బోర్డు లో పదవి ఇచ్చినట్టు వీళ్ళు పేర్కొన్నారు. అయితే ఈ విషయం ఆలస్యంగా కేంద్ర మంత్రి కిషన్ రెడ్డికి తెలిసింది. తన ప్రమేయం లేకుండానే, తన పేరు ఉపయోగించి పదవి ఇవ్వటం పై, ఆశ్చర్య పోయారు. వెంటనే జగన్ మోహన్ రెడ్డికి లెటర్ రాసారు. అతని నియామకంలో నాకు సంబంధం లేదని, నా పేరు దుర్వినియోగం చేస్తూ పదవి ఇచ్చారని, తాను ఎలాంటి సిఫార్సు చేయలేదని, దీని పై పూర్తి విచారణ చేయాలని, చర్యలు తీసుకోవాలని కూడా ఆయన ఉత్తరంలో కోరారు. అయితే ఇంకా ఇలాంటివి ఇంకా ఎన్ని ఉంటాయో అని పలువురు ఆశ్చర్య పోతున్నారు. తెలంగాణా రాష్ట్ర కేంద్ర మంత్రినే ఇలా చేసారు అంటే, ఇంకా పక్క రాష్ట్రం వాళ్ళవి చేస్తే తెలిసే అవకాసం లేదు. ఈ మొత్తం వ్యవహారం పై, ప్రభుత్వమా సమగ్ర విచారణ చేపించాలని, మొత్తం గుట్టు బయటకు రావాలని కోరుతున్నారు.

ఈ రోజు చంద్రబాబు ఇంటి ముట్టడికి కృష్ణా జిల్లా పెడన వైసీపీ ఎమ్మెల్యే జోగి రమేష్, వెళ్ళిన అంశానికి సంబంధించి, అత్యంత కీలకమైన సిసిటీవీ ఫూటేజ్, తెలుగుదేశం వర్గాలకు లభ్యం అయ్యాయి. జెడ్ ప్లస్ భద్రతతో పాటుగా, నేషనల్ సెక్యూరిటీ గార్డ్స్ కంమందర్స్ భద్రతలో ఉన్న చంద్రబాబు చుట్టూ అత్యంత శక్తివంతమైన సిసి టీవీ కెమెరాలను అమర్చారు. అటు పోలీసులతో పాటుగా, ఇటు చంద్రబాబు వ్యక్తిగత భద్రత చూసే వారు కూడా ఈ సిసి టీవీ ఫూటేజ్ ను నిరంతరం పరిశీలిస్తూ ఉంటారు. చంద్రబాబు నివాసంలో ఉన్న ప్రత్యెక కంట్రోల్ రూమ్ ద్వారా, సిసి టీవీ దృశ్యాలు కూడా ఎప్పటికప్పుడు పరిశీలిస్తూ ఉంటారు. ఈ నేపధ్యంలోనే, ఈ రోజు జోగి రమేష్, తన అనుచరులతో దాదపుగా 20 వాహనాలతో చంద్రబాబు నివాసం వద్దకు రావటంతో పాటుగా, వాళ్ళతో పాటు కర్రలు, రాడ్డులు, రాళ్ళు కూడా తెచ్చిన దృశ్యాలు, చంద్రబాబు ఇంటి మీదకు వెళ్తున్న దృశ్యాలు ఈ ఫూటేజ్ లో రికార్డ్ అయ్యాయి. దీంతో పాటుగా, వీళ్ళు అంతా అక్కడకు చేరుకునే సమయానికి అక్కడ సెక్యూరిటీ గా ఉన్న అవుట్ పోస్ట్ వద్ద ఉన్న డివైడర్ దగ్గరే బ్యారికేడ్ లు వేసేసారు. అయినప్పటి కూడా, వాళ్ళు నెట్టుకుని లోపలకు వస్తున్న దృశ్యాలు కూడా ఆ సిసిటీవీ ఫూటేజ్ లో నమోదు అయ్యాయి.

ప్రస్తుతం ఈ దృశ్యాలు ఈ మొత్తం సంఘటనలో కూడా కీలకంగా మారాయి. కొంత మంది వైసీపీ నేతలు తెలుగుదేశం పార్టీ నేతల పై చేయి చెసుకున విజువల్స్ కూడా టిడిపి నేతలకు దక్కాయి. ఇవన్నీ కూడా రేపు కేసు దర్యాప్తులో కీలక పాత్ర వహిస్తాయి. ఇవన్నీ టిడిపి నేతలు భద్ర పరిచారు. అలాగే చంద్రబాబు వ్యక్తిగంగా పెట్టుకున్న సిసి టీవీ కెమెరాల నుంచి కూడా సేకరించారు. రేపు పోలీసులు ఈ కేసు విచారణ చేయకపోతే, హైకోర్టుకు వెళ్లి, ప్రైవేట్ కేసు పెట్టాలని టిడిపి యోచిస్తుంది. అదే విధంగా ఈ దృశ్యాలు రేపు గవర్నర్ కూడా ఇచ్చే అవకాసం ఉంది. అయితే ఇది ఇలా ఉంటే నిన్నటి నుచ్నే జోగి రమేష్ సోషల్ మీడియాలో వీడియో పెట్టి బెదిరించారు. అలాగే ఈ రోజు అన్ని మీడియా చానల్స్ కు మెసేజ్ లు పంపించారు. ఇంత ప్లాన్ ప్రకారం చేసినా, పోలీసులు పట్టించుకోకపోవటం, అన్ని వాహనాలు, ఆయిదాలతో చంద్రబాబు ఇంటి మీదకు వస్తున్నా, చూస్తూ ఉండటం పై అందరూ విస్మయం వ్యక్తం చేస్తున్నారు. ఇది ఏదో గొడవ కోసం వచ్చింది కాదని, ఇందులో పెద్ద ప్లాన్ కూడా ఉందని అంటున్నారు.

కక్ష సాధింపులకు పాల్పడటం, జేసీబీలు పంపించటం, కూల్చివేయటం, ఇలా ఒకటి కాదు రెండు కాదు, ప్రతిపక్ష నేతల పై అనేక ఘటనలు ఇలాంటివి జరిగాయి. టిడిపి సానుభూతిపరులను కూడా వదిలి పెట్టలేదు. ఆర్ధికంగా దెబ్బ తేసే లక్ష్యంతో ప్రభుత్వం పని చేయటం, దానికి బ్లూ మీడియా, వైసీపీ సోషల్ మీడియా వాళ్ళను అల్లరి చేయటం, ఇవన్నీ ఒక పధ్ధతి ప్రకారం జరుగుతాయి. తప్పు ఒప్పు అనేది తరువాత, ముందు వారిని అల్లరి చేయాలి, ఇబ్బంది పెట్టాలి, ఇదే వారి నైజం. కొన్ని నెలలు క్రిందట, విశాఖలోని ఫ్యుజన్ ఫుడ్స్ గురించి కూడా ఇదే ఫార్ములా ఉపయోగించింది బ్లూ బ్యాచ్. ఇప్పుడు ఈ బ్యాచ్ మొత్తానికి షాక్ ఇచ్చింది హైకోర్టు. విశాఖలో ఉన్న ఫ్యుజన్ ఫుడ్స్ ఆక్రమణలో ఉంది అంటూ, విశాఖ నగర పాలక సంస్థ అధికారులు, ఆరు నెలల క్రితం తొలగించారు. అప్పట్లో ఈ అంశం రాష్ట్ర వ్యాప్తంగా సంచలనంగా మారింది. ఫ్యుజన్ ఫుడ్స్ టిడిపి సానుభూతి పరులకు చెందినది అని తొలగించారని ఆరోపణలు వెల్లువెత్తాయి. ఫ్య్జన్ ఫుడ్స్ అధికారి, తనకు ఎటువంటి నోటీసులు ఇవ్వకుండా, టైం ఇవ్వకుండా అప్పటికప్పుడు వచ్చి తొలగించారని హైకోర్టుని ఆశ్రయించారు. అయితే హైకోర్టులో ఉన్న సింగల్ బెంచ్, ఈ తొలగింపు అక్రమం అని, సమయం ఇవ్వకుండా, ఎలా చేస్తారు అని, ప్రభుత్వానికి వ్యతిరేకంగా తీర్పు ఇచ్చింది.

దీంతో రాష్ట్ర ప్రభుత్వం, హైకోర్టు డివిజనల్ బెంచ్ ముందుకు అపీల్ కు వెళ్ళింది. డివిజనల్ బెంచ్ లో, అటు ఫ్యుజన్ ఫుడ్స్ నుంచి, ఇటు ప్రభుత్వం వైపు నుంచి కూడా వాదనలు జరిగాయి. వాదనలు ముగిసిన తరువాత, హైకోర్టు ఈ అంశం పై సంచలన తీర్పు ఇచ్చింది. రాష్ట్ర ప్రభుత్వం దాఖలు చేసిన అపీల్ ను హైకోర్ట్ కొట్టేసింది. అదే విధంగా ఫ్యుజన్ ఫుడ్స్ కి, ఆ స్థలాన్ని వారం రోజుల్లో అప్పగించాలని విశాఖ నగర పాలక సంస్థ అధికారులను హైకోర్టు ఆదేశించింది. నిన్న ఈ మేరకు హైకోర్టు డివిజనల్ బెంచ్ ఆదేశాలు జారీ చేసింది. దీంతో వైసీపీ నేతల నోట్లో పచ్చి వేలక్కయి పడినట్టు అయ్యింది. అలాగే సోషల్ మీడియాలో అల్లరి చేసిన బ్లూ బ్యాచ్ కు కూడా షాక్ తగిలింది. అటు సింగల్ బెంచ్ లో, ఇటు డివిజనల్ బెంచ్ లో కూడా ప్రభుత్వానికి ఎదురు దెబ్బ తగిలింది. ఇష్టం వచ్చినట్టు ప్రవర్తిస్తే కుదరదు అనే విషయం ఇప్పటికైనా గుర్తిస్తారో, లేదా సుప్రీం కోర్టుకు వెళ్లి, సుప్రీం కోర్టు కూడా చెప్పించుకుని, అప్పుడు కానీ కిందకు వస్తారో రారో చూడాలి.