news

కాగ్ వారు, ఏపీ ప్రభుత్వానికి లేఖ రాయడం, 2021 మార్చి 22 నుంచి26 వరకు, ట్రెజరీ కార్యాలయాల్లో కాగ్ వారు చేసిన తనిఖీల్లో 10,806 బిల్లులకు సంబంధించి, రూ.41వేల 43 కోట్ల రూపాయల చెల్లింపులు, నిబంధనలకు విరుద్ధంగా జరిగాయని, ఆ లేఖలో చెప్పడం జరిగిందని టీడీపీ జాతీయ అధికార ప్రతినిధి కొమ్మారెడ్డి పట్టాభిరామ్ తెలిపారు. శనివారం ఆయన మంగళగిరిలోని పార్టీజాతీయ కార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే యథాతథంగా మీకోసం...! "కాగ్, రాష్ట్ర ప్రభుత్వానికి రాసిన లేఖ విషయాన్ని పీఏసీ ఛైర్మ న్ పయ్యావుల కేశవ్ గవర్నర్ దృష్టికి తీసుకెళ్లారు. పూర్తి స్థాయిలో ఈ వ్యవహారంపై ఆడిట్ జరిపించాలని కూడా టీడీపీనేత, గవర్నర్ ను విజ్ఞప్తి చేశారు. సీఏజీ (కాగ్) చాలా స్పష్టంగా జిల్లాల వారీగా సమాచారమిచ్చింది. కాగ్ వారు ఏపీ ప్రభుత్వానికి రాసిన లేఖలో కూడా, లబ్ధిదారుల వివరాలు లేకుండానే రూ.41వేల కోట్ల వరకు చెల్లింపులు జరిగాయనిచెప్పారు. ఇది ఎంతదారుణమో చూడండి. ఎవరికిచ్చారో కూడా తెలియకుండా, ఓచర్లతో పనిలేకుండా, ప్రభుత్వ ఖజానాతో సంబంధం లేకుండా రూ.41వేలకోట్లు జగనన్న ప్రభుత్వంలో దొడ్డిదారిన మాయమయ్యాయి. కాగ్ రాసిన లేఖలోని అంశాలకు సంబంధించి కొన్ని కారణాల ను రావత్ మీడియాతో చెప్పారు. నిన్న ఆయన చెప్పిన పీడీ(పర్సనల్ డిపాజిట్) అకౌంట్ల మీదనే గతంలో వైసీపీ వారు రచ్చరచ్చ చేశారు. ఏమీ లేకపోయినా, ఎక్కడా రూపాయి తేడా జరగకపోయినా నానా యాగీ చేశారు. ఇప్పుడేమో ప్రభుత్వ స్వాధీనంలోని డబ్బుని ఖర్చుచేయ లేక పోయామని, అకౌంట్లలోని డబ్బుని సకాలంలో వాడుకోలేక పోయామని రావత్ నిన్న రన్నింగ్ కామెంట్రీ వినిపించారు. రూ.41వేలకోట్లు అడ్జస్ట్ మెంట్ చేశామని చెబుతారా? సంవత్సరం అయ్యేవరకు రూ.41వేలు కోట్లు అకౌంట్లలో ఉంచి అలానే చూస్తూ ఉన్నారంటే నమ్ముతారా? ఎవరికీ తెలియదు మీ కహానీలు. సజ్జల రామకృష్ణారెడ్డి, ముఖ్యమంత్రి కార్యదర్శిగా ఉన్న ధనుంజయ రెడ్డే ఆర్థిక శాఖను నడిపిస్తున్నారు. వారుఎవరికి చెల్లించమంటే వారికి చెల్లిస్తారు.. ఎవరికివద్దంటే వారికి ఆపుతారు. వారు చెప్పినట్లు బటన్లు నొక్కడానికే ఆర్థికశాఖలో సత్యనారాయణ అనే రబ్బర్ స్టాంపుని పెట్టారు. ఆ రబ్బర్ స్టాంప్ తాడేపల్లి ప్యాలెస్ ఆదేశాల ప్రకారం చెల్లింపుల బటన్లు నొక్కుతూ ఉంటుంది. ఈ వాస్తవాలు ఏవీ రావత్ కు తెలియదా? అన్నీతెలిసి పచ్చిఅబద్ధాలతో వివరణ ఇస్తాడా?

రూ.41వేల కోట్ల చెల్లింపుల వ్యవహారం ఆర్థికశాఖలో జరిగినపెద్ద కుంభకోణం. పెద్దిరెడ్డికి, ఇతర వైసీపీ కాంట్రాక్టర్లకు ఎంతదోచిపెట్టారో లెక్క తేలాలి. ఇవన్నీ చూశాకే కదయ్యా కేంద్రం మీకు రెండు లేఖలు రాసింది. 31-03-2021న ఆర్థికశాఖ ముఖ్య కార్యదర్శైన రావత్ కు రాసిన లేఖలో ఇష్టానుసారం అప్పులు చేస్తే కుదరదన్నారు. మార్చి 22నుంచి 26వరకు కాగ్ వారి ట్రెజరీ కార్యాలయాల్లో తనిఖీలు రాష్ట్రంలో పూర్తిచేశాక, అవి పూర్తయ్యాక మార్చి31న కేంద్ర ప్రభుత్వం వారు ఏపీ ప్రభుత్వంలోని రావత్ కు లేఖ రాశారు. రూ.41వేలకోట్ల దోపిడీ బయట పడేసరికి, కేంద్ర ఆర్థిక శాఖ అత్యవసరంగా స్పందించింది. జీఎస్ డీపీలో 4శాతానికి మించి అప్పులు చేయడం కుదరదని, ఈ ఆర్థిక సంవత్సరానికి రూ.42,472కోట్లకు మించి అప్పులు చేయరాదని, దానిలో కూడా రూ.27,589కోట్లు కచ్చితంగా కేపిటల్ ఎక్స్ పెండేచర్ పై ఖర్చుపెట్టాలని కూడా స్పష్టంగా చెప్పారు. రుణాలు తెచ్చుకునే అర్హత కలిగిన రూ.42,472 కోట్లలో విధిగా, రూ.27,589కోట్లు మౌలికవస తులపై ఖర్చుపెట్టాలనే షరతుని కాగ్ వారు లేఖలో చెప్ప లేదా? అలా చేయకపోతే, జీఎస్ డీపీ 4శాతంలో 0.5శాతం కోతపెడతామని చెప్పింది నిజంకాదా? ఇష్టానుసారం అప్పులు చేసి దిగమింగుతున్నారనేకదా కేంద్ర ప్రభుత్వం వారు అన్ని షరతులు పెట్టింది. ఆలేఖలో అలా ఉంటే, జూన్ 30న రాసిన మరో లేఖలో, ఏపీప్రభుత్వం చేస్తున్న ఓవర్ బారోయింగ్, తప్పుడు సమాచారాన్ని ఎత్తిచూపలేదా? మార్చి31 రాసిన లేఖలో రుణాలకు సంబంధించి విధించిన రూ.37,163కోట్ల రుణ పరిమితిలో, గతంలో పరిమితికి మించి చేసినటువంటి అప్పైన రూ.17,923కోట్లుకోత పెట్టిందినిజంకాదా? సీఎఫ్ఎంఎస్ విధానాన్ని భ్రష్టుపట్టించి, ఇష్టానుసారం వారికి అనుకూలమైన వారికి దోచిపెట్టారు. రూ.41వేల కోట్ల ప్రజాధనం ఎవరు మింగేశారో, ఏపీప్రజలకు తెలియాలి. కేంద్ర ఆర్థికమంత్రిత్వ శాఖ, ఆర్బీఐ కూడా దీనిపై లోతైన విచారణ జరపాలని కోరుతున్నాం. రావత్ లాంటి ఐఏఎస్ అధికారులు తప్పులను కప్పిపుచ్చుతూ, సంబంధంలేని కారణాలు చెప్పడం, పిట్టకథలు చెప్పడం మానుకుంటే మంచిది. రావత్ లో ఏమాత్రం నిజాయితీ ఉన్నా, రూ.41వేలకోట్ల వ్యవహారంపై విచారణకు సహకరించి, వాస్తవాలను తెలియచేయాలి.

ఆంధ్రప్రదేశ్ లో ఆర్ధిక కష్టాలు రోజు రోజుకీ ఎక్కువ అవుతున్నాయి. ప్రధానంగా ఆంధ్రప్రదేశ్ లో గత ఆర్ధిక సంవత్సరంలో, పరిమితికి మించి అప్పులు తీసుకుని రావటం వల్ల, ఇప్పుడు పరిస్థితి శ్రుతిమించి, సంక్షోభంలో కూరుకునే పరిస్థితి ఏర్పడింది. ఆంధ్రప్రదేశ్ లో గత ఏడాది ఇచ్చిన రుణపరిమితికి మించి, దాదాపుగా 17 వేల కోట్లకు పైగా, డబ్బులను అదనంగా అప్పు తీసుకున్నట్టు కేంద్ర ఆర్ధిక శాఖ కనిపెట్టింది. రాష్ట్ర ప్రభుత్వం నుంచి ఆర్ధిక శాఖ పంపించిన వివరాలతో పాటు, ఆడిట్ జనరల్ పంపించిన ఆడిట్ వివరాలు, ఇవన్నీ చూసిన తరువాత, కేంద్ర ఆర్ధిక శాఖ సెక్రటరీ, రాష్ట్ర ప్రినిసిపల్ సెక్రటరీకి, కొన్ని రోజుల క్రితం రాసిన లేఖను, ఆంధ్రప్రదేశ్ పబ్లిక్ అకౌంట్స్ కమిటీ చైర్మెన్ పయ్యావుల కేశవ్ కొద్ది సేపటి క్రితం, మీడియాకు విడుదల చేసారు. ఈ లేఖలో ప్రధానంగా 17 వేల కోట్ల రూపాయలను ఆంధ్రప్రదేశ్ ప్రభుత్వం, గత ఆర్ధిక సంవత్సరంలో వాడుకుందని, దీని వల్ల, రుణ పరిమితి దాటి బారోయింగ్స్ చేసారని చెప్పి, బహిరంగ మార్కెట్ లో కానీ, ఇతర సంస్థల నుంచి అప్పు తీసుకోవటం వల్ల, రుణ పరిమితి దాటిపోయిందని కేంద్ర ఆర్ధిక శాఖ పెర్కుంది.

ఏదైతే రుణ పరిమితి దాటి 17 వేల కోట్లు గత ఆర్ధిక సంవత్సరంలో తెచ్చారో, దీన్ని ఈ ఆర్ధిక సంవత్సరంలో అడ్జెస్ట్ చేస్తామని కూడా, పేర్కొన్నారు. ఆంధ్రప్రదేశ్ తెలంగాణా విడిపోయిన తరువాత, అంతకు ముందు ఉమ్మడి రాష్ట్రంలో కూడా మరెక్ట్ బారాయింగ్స్ ఏమైతే ఉన్నాయో, వాటికి సంబంధించి రీపేమెంట్, రీయింబర్స్మెంట్ ఏదైతే చేసారో, చివరి అయుదు ఏళ్ళుకు సంబంధించిన వివరాలు కూడా, ఆర్ధిక శాఖ ఆ లేఖలో పేర్కొంది. దీంతో పాటు మార్కెట్ బారోయింగ్స్ తో పాటుగా, ఇతర సంస్థల నుంచి తీసుకున్న రుణాలు, పరిమితి మించి తీసుకుందని, ఇది ఆర్ధిక క్రమశిక్షణ తప్పటమే అని పయ్యావుల కేశవ్ ఆరోపించారు. ఆర్ధిక శాఖ రాసిన లేఖ పై కూడా రాష్ట్ర ప్రభుత్వం వివరణ ఇవ్వాలని కేశవ్ డిమాండ్ చేసారు. 17 వేల కోట్ల రూపాయాలు ఈ ఏడాది అడ్జస్ట్ చేస్తే మాత్రం, ఆంధ్రప్రదేశ్ లో తీవ్ర ఆర్ధిక సంక్షోభం వచ్చే అవకాసం ఉంది. ఇప్పటికే ఈ నెల ఇప్పటి వరకు జీతాలు అందలేదు, అలాగే తీసుకున్న అప్పు కూడా ఆర్బిఐ మినహాయించుకుంది. చూద్దాం ఎక్కడ తేలతామో...

ఆల్ రోడ్స్ లీడ్ టూ రోమ్ అనే నానుడి ప్రపంచ వ్యాప్తంగా ఉంటే, ఆల్ ది కరప్టడ్ కనెక్ట్ టుది జగన్ అనేది రాష్ట్రంతో పాటు, ప్రపంచ వ్యాప్తంగా తెలియాల్సిన సమయం వచ్చిందని టీడీపీ జాతీయ ప్రధాన కార్యదర్శి, పొలిట్ బ్యూరోసభ్యులు వర్ల రామయ్య స్పష్టంచేశారు. శనివారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే " గత పదేళ్లుగా జగన్మోహన్ రెడ్డిపై ఉన్న అవినితి కేసులను స్టడీ చేస్తున్నాను కాబట్టి, ఆ అనుభవంతోనే జగన్మోహన్ రెడ్డి అవినీతి చరిత్ర దేశవిదేశాల్లో చర్చించబడుతోందని చెబుతున్నాను. ఈ విషయం రాష్ట్రప్రజలకు తెలుసా..లేదా అనేది తెలియాలి. సీబీఐ జగన్ పై 11కేసులు వేసింది... ప్రతి శుక్రవారం ఆయన కోర్టుకి హాజరవుతున్నారు. అలాంటి వ్యక్తి ఏనాడైనా ఒక ప్రెస్ మీట్ ద్వారా రాష్ట్ర ప్రజలను ఉద్దేశించి, తాను అవినీతిపరుడిని కానని, రూ.43వేలకోట్లు అవినీతి చేశానని సీబీఏ చెప్పింది.. అదంతా తప్పని ఎందుకు చెప్పలేదు? గత సంవత్సరం ముఖ్యమంత్రి, తన బంధువు, రాంకీ గ్రూప్ ఛైర్మన్ అయిన ఆళ్ల అయోధ్యరామిరెడ్డిని రాజ్యసభకు పంపా రు. పెద్దల సభకు, ముఖ్యమంత్రి ప్రశ్నార్థకమైన అయోధ్యరామిరెడ్డిని పంపారు. అయోధ్యరామిరెడ్డి కంపెనీల్లో ఈడీ తనిఖీలు చేస్తే, రూ.300 కోట్ల లెక్కలులేని సొమ్ము దొరికింది. రూ.1200కోట్లకు సంబంధించి కృత్రిమ నష్టాలుచూపి, రూ.300 కోట్లపన్ను ఎగవేయాలని అయోధ్యరామిరెడ్డి ప్రయత్నించారని ఈడీ చెప్పింది. అలాంటి వ్యక్తిలోఉన్న ఆ గొప్పలక్షణాన్నిచూసే జగన్మోహన్ రెడ్డి, అయోధ్యరామిరెడ్డిని రాజ్యసభకు పంపారా ? జగన్మోహన్ రెడ్డి ఎవరినైతే రాజ్యసభకు పంపారో ఆయన బతుకు...బండారం బయటపడిందిగా. అయోధ్యరామిరెడ్డిని వెంటనే వైసీపీ నుంచి బర్తరఫ్ చేయాలని, రాజ్యసభ పదవి నుంచి తొలగించాలని టీడీపీ తరుపున డిమాండ్ చేస్తున్నాం. ఈడీ పట్టుకున్న రూ.300కోట్లుఎక్కడికి పోతోందనే ఆలోచన కూడా చేయాలి. మొన్నీమధ్యనే చెన్నైలో కోట్లాది రూపాయల హవాలా సొమ్ము పట్టుబడింది. ఏపీలోని నల్ల డబ్బంతా జగన్మోహన్ రెడ్డి నేత్రత్వంలో చెన్నైకి, అటునుంచి విదేశాలకు వెళుతోందనే ప్రచారం జరుగుతోంది. ఇన్ కంటాక్స్ అధికారులు ఈ విధమైన తరలింపుపై కూడా దృష్టిపెట్టాలి.

చెన్నైనుంచి డబ్బంతా ఎటువెళుతోందనే దానిపై నిఘాపెట్టాలి. చెన్నైలోనే ఏదైనా ప్రదేశంలో దాచిపెడుతున్నారా? నల్ల డబ్బుని తెల్లడబ్బుగా మారుస్తారు. ఎక్కడెక్కడో లాభాలు వచ్చినట్లు చూపుతారు. మరీ ముఖ్యంగా పత్రికా రంగంలో ఏ పత్రికకు లాభాలురావు.. సాక్షి పత్రికకు తప్ప. ముఖ్యమంత్రి, ఆయన బృందం దేశ ఆర్థిక వ్యవస్థకే పెను సవాల్ గామారింది. ఒకవైపు ఉద్యోగులకు జీతాలు, పింఛన్లు ఇవ్వడానికి డబ్బులేదంటున్నారు. మరోపక్కన రూ.300కోట్లు దొరికాయి... అలాదొరికిన సొమ్ము ప్రభుత్వ ఖజానాకువెళ్లి, ప్రజలకు అందాలి. అప్పుడే ఈడీ చర్యలు సఫలీకృతమైనట్లు. ఎస్సీ,ఎస్టీ కార్పొరేషన్ నిధులు దారి మళ్లాయనిచెప్పి, నిన్న లేఖరాశాను. దానిపై ఏ అధికారి, ఏమంత్రి మాట్లాడలేదు. ఈ ప్రభుత్వం నడక, నడత అంతా ఎటుపోతోందో తెలియడం లేదు. రూ.300కోట్లు వైసీపీఎంపీ ఇంటిలో దొరికితే, దానిపై మాట్లడరా? 35ఏళ్లుఉద్యోగం చేసి, రిటైరయ్యాక కూడా ఉద్యోగి దగ్గర రూ.4లక్షలు ఉండటం లేదు. రూ.300కోట్లు కాజేసిన వ్యక్తిని కూర్చోబెట్టాల్సింది తీహార్ జైల్లోనేకదా? దీనిపై ముఖ్యమంత్రి ఏం చేస్తాడో చూడాలి. అయోధ్యరామిరె డ్డి ముఖ్యమంత్రి కన్ను,చెవిలాంటివాడు. అలాంటి వ్యక్తిపై ఈ ముఖ్యమంత్రి ఏం చర్యలు తీసుకుంటాడు? అయోధ్య రామిరెడ్డి దెబ్బకు ఢిల్లీలో అంతంతమాత్రంగా ఉన్న జగన్ రెడ్డి పరువు కూడా పోయింది. తమిళనాడు ముఖ్యమంత్రి స్టాలిన్ ఢిల్లీకి వెళితే, ఠీవీగా నిలబడతాడు. జగన్మోహన్ రెడ్డి వెళితే, ఎక్కడికక్కడే బెండు అవుతాడు. 151మందిఎమ్మెల్యే ల బలమున్న వ్యక్తి ఢిల్లీ వెళితే, అక్కడ గజగజలాడాలి. రెండేళ్ల తన పాలనలో ముఖ్యమంత్రి ఏఏవర్గాలకు ఏంచేశాడో చెప్పగలడా? ఢిల్లీనుంచి రాష్ట్రానికి ఏం సాధించాడో చెప్పగల డా? జగన్మోహన్ రెడ్డి అవినీతిపై విదేశాల్లోని విశ్వవిద్యాలయాల్లో కూడా చర్చలు జరిగాయి.