news

దేశంలో టెన్త్, ఇంటర్, అలాగే మిగిలిన పరీక్షల విషయంలో, వివిధ రాష్ట్రాలు తీసుకున్న నిర్ణయం పై, సుప్రీం కోర్టులో ఒక పిటీషన్ దాఖలు అయ్యింది. ఈ పిటీషన్ పై గతంలో వాదనలు జరగగా, ఈ రోజుకి పిటీషన్ వాయిదా పడింది. ఈ పిటీషన్ ను, ఏఎం ఖాన్ విల్కర్, దినేష్ మహేశ్వరీ బెంచ్ విచారణకు తీసుకుంది. గత విచారణలో, దాదాపుగా అన్ని రాష్ట్రాల వారు తాము పరీక్షలు రద్దు చేస్తున్నట్టు ప్రకటించారు. అయితే కేవలం నాలుగు రాష్ట్రాలు మాత్రమే నిర్ణయం తీసుకోకుండా ఉన్నాయి, లేదా పరీక్షలు జరుపుతాం అని మొండి పట్టుదలలో ఉన్నాయి. ఆ నాలుగు రాష్ట్రాలు మన ఆంధ్రప్రదేశ్, అస్సాం, త్రిపుర, పంజాబ్. అయితే పోయిన వాయిదాలో, ఈ నాలుగు రాష్ట్రాలకు సుప్రీం కోర్టు నోటీసులు జారీ చేసింది. పరిస్థితి ఇలా ఉంటే పరీక్షలు ఎలా పెడతారు అంటూ, వారికి నోటీసులు ఇచ్చి, విచారణను ఈ రోజుకి వాయిదా వేసింది. అయితే ఈ రోజు విచారణ ప్రారంభం కాగానే, అస్సాం, త్రిపుర, పంజాబ్ రాష్ట్రాలు, తాము కూడా పరీక్షలు రద్దు చేస్తున్నాట్టు ప్రకటించాయి. తాము కూడా తమ బోర్డ్ ఎక్షామ్స రద్దు చేస్తున్నట్టు, సుప్రీం కోర్టుకు విన్నవించాయి. అయితే కేవలం ఆంధ్రప్రదేశ్ రాష్ట్రం మాత్రమే, ఎటువంటి సమాధానం చెప్పలేదు. అయితే దీని పై ఆంధ్రప్రదేశ్ స్టాండింగ్ కౌన్సిల్ అడ్వొకేట్ మహ్ఫూజ్ నజ్కి సమాధానం ఇచ్చారు.

ఆంధ్రప్రదేశ్ రాష్ట్ర ప్రభుత్వం పరీక్షలు నిర్వహించాలని ఒక పాలసీ నిర్ణయం తీసుకున్నట్టు కోర్టుకు తెలిపారు. కేవలం ఆంధ్రప్రదేశ్ రాష్ట్రం మాత్రమే, తాము పరీక్షలు నిర్వహిస్తాం అంటూ, సుప్రీం కోర్టుకు చెప్పటంతో, విద్యార్ధులు అవాక్కయ్యారు. సుప్రీం కోర్టు జోక్యంతో అయినా, ప్రభుత్వం దిగి వస్తుందని అనుకున్నారు. అయితే సుప్రీం కోర్టు దీని పై రేపు స్పష్టమైన ఆదేశాలు ఇచ్చే అవకాసం ఉంది. కేరళ ప్రభుత్వం 11వ తరగతి పరీక్షలు రద్దు చేసే విషయమై తాము ఒక వారంలో సమాధానం చెప్తాం అని చెప్పగా, సుప్రీం కోర్టు మాత్రం రేపు మీ నిర్ణయం చెప్పాలి, లేకపోతే మేమే నిర్ణయం ప్రకటిస్తాం అని తేల్చి చెప్పింది. అంటే దీని బట్టి, రేపు సుప్రీం కోర్టు ఆదేశాలు ఇవ్వనుంది. రేపు మధ్యానం 2 గంటలకు విచారణకు వస్తుంది. అయితే ఇప్పటికే అన్ని రాష్ట్రాలు, కేంద్రం కూడా రద్దు చేయటంతో, ఇక ఆంధ్రప్రదేశ్ విషయంలో, అలాగే ఇతర రాష్ట్రాల్లో ఉన్న ఇతర పరీక్షల విషయంలో, సుప్రీం కోర్టు రేపు క్లారిటీ ఇచ్చే అవకాసం ఉంది. మరి రేపు సుప్రీం కోర్టు , ఏపి విషయంలో ఏమి చెప్తుందో అనే టెన్షన్ నెలకొంది.

ప్రభుత్వంలోని కొందరు మంత్రులు బజారుమనుషుల్లా బరితెగించి, మానవత్వం మరిచి మాట్లాడుతున్నారని, వారు మంత్రులుగా ఉండటానికి అర్హులేనా అన్నట్లుగా వారి మాటలున్నాయని, ప్రశ్నిస్తే ఎగబడిపోవడం ఏమిటని టీడీపీ జాతీయప్రధానకార్యదర్శి, పొలిట్ బ్యూరోసభ్యులు వర్ల రామయ్య మండిపడ్డారు. ఆదివారం ఆయనవిలేకరులతో మాట్లాడారు. ఆ వివరాలు ఆయన మాటల్లోనేక్లుప్తంగా మీకోసం...! "ఒకసామాన్య మానవుడు, నిజమైన పౌరులు ఏమనుకుంటున్నారో అందరికీ తెలియాలి. ప్రజాస్వామ్యం పేరిట అధికారమంతా అసాంఘిక శక్తుల పరిధిలోకి వెళ్లిందను కుంటున్నారు. మంత్రుల మాట్లాడుతున్నభాష అతి జుగుప్సాకరంగా ఉంటుంది. మరీ బూతుల మంత్రి భాష చూస్తే, కృష్ణాజిల్లాలో అలాంటి అక్షరజ్ఞానంలేని నికృష్టుడు ఎలాపుట్టాడని అందరూ వాపోతున్నారు. అక్షరజ్ఞానం లేదు, చదువు సంధ్యలు లేవు, తల్లిదండ్రులు పెద్దలంటే గౌరవం లేనివ్యక్తి అతను. రోడ్లవెంట తిరిగి చేతులుకడుక్కుంటూ, మూతులు తుడుచుకునే భాష అది. తెలుగుదేశానికి అధికారంలేనంత మాత్రాన, సుదీర్ఘ రాజకీయం కలిగిన వ్యక్తిని, తండ్రి వయసున్న వ్యక్తిని పట్టుకొని అలాంటి మాటలంటారా? అలా మాట్లాడే వ్యక్తి తండ్రి బతికుంటే, ఏమిటి తనకిలాంటి కొడుకుపుట్టాడు...ఇలా మాట్లాడుతు న్నాడని మనస్తాపంతో, బాధతో ఉరేసుకునేవాడు. పెద్దలను గౌరవించాలనే స్పృహ లేదా అతనికి? కర్నూల్లో ఇద్దరు కార్యకర్తలు అతి దారుణంగా చం-ప-బ-డ్డా-రు. అక్కడ జరిగిన హ-త్య-లు చూశాక, బంధువులు, భార్యాపిల్లల రోదనలు చూశాక చలించిపోయి లోకేశ్ ఏదో మాట్లాడితే, దాన్ని తప్పంటారా? అదికాదు తప్పు.. నువ్వు బూతులు మాట్లాడటం తప్పు. రైతులంతా తమకు ధాన్యం బకాయిలు రావాలని అడిగితే, వారిని బూతులుతిడతారా? దళితులకు ఎస్సీ,ఎస్టీ యాక్ట్ ఎలా వర్తిస్తుంది.. వారికి బేడీలెందుకు వేశారంటే దా-డి- చేస్తారా? ప్రభుత్వాన్ని ప్రశ్నించే హక్కు ప్రతిపక్షానికి లేదా? అలా లేదని అసెంబ్లీలో బిల్లు పాస్ చేయండి. మరోమంత్రి అనిల్ కుమార్ యాదవ్ లజ్జా విహీనంగా మాట్లాడుతున్నాడు. బూతుల మంత్రి వ్యాఖ్యలు, మాటల గురించి తిరిగి చెప్పడానికి, మాకు సభ్యత, సంస్కారం అడ్డొస్తున్నాయి. రోడ్లు ఊడవడానికి, చెప్పులు కుట్టడానికి ప్రత్యేకంగా కొందరున్నట్లు, ఈ ప్రభుత్వంలో బూతులు మాట్లాడటానికే ఒకతన్ని మంత్రిగా నియమించినట్టున్నారు. "

"అలాంటి వ్యక్తికి పీడీఎస్ అనేపదానికి అర్థంకూడా తెలియదు. ముఖ్యమంత్రి ఏదో సెల్ఫ్ గోల్ వేసుకున్నప్పుడు అతను బయటకు వస్తాడు. రాష్ట్రంలో రేషన్ కార్డులు ఎన్ని ఉన్నాయో కూడా అతను చెప్పలేడు కానీ, బూతుల్లో మాత్రం ఎన్ని బూతులున్నాయో కచ్చితంగా చెప్పగలడు. వైసీపీ మహిళా నేతలంతా సదరు మంత్రి గారి భార్యా పిల్లలతో మాట్లాడాలి. ఇతను ఇష్టమొచ్చినట్లు బూతులు మాట్లాడుతుంటే, వారెలా భరిస్తున్నారో అడగాలి. అతను ప్రెస్ ముందుకొస్తున్నాడంటేనే ఇంట్లోవారంతా భయపడిపోతారట. ఈరోజు ఎవరిని ఎంత అసహ్యంగా తిడతారోనన్నదే వారి భయమంతా? ప్రశ్నకు సమాధానం చెప్పడంచేతగాని వారే బూతులు మాట్లాడుతారు. ఈ రోజు నుంచైనా బూతుల మంత్రి తన తప్పుతెలుసుకొని సభ్య సమాజం గౌరవించేలా ప్రవర్తించాలి. విజయనగరం రాజులకు ఒకచరిత్రఉంది. వేలాది ఎకరాలు ప్రజలకు ఉదారంగా దానమిచ్చారని అలాంటివారిని పట్టుకొని అలా మాట్లాడతారేమిటని తాను ఏ2ను అడిగాను. దానికి ఆయన సమాధానం చెప్పలేదు. మాన్సాస్ ట్రస్ట్ వ్యవహారాలు, భూములకు సంబంధించి 2019వరకు ఆడిట్ జరిగిందో లేదో చెప్పమన్నాను. విజయసాయి అబద్ధాలకోరు అని రాష్ట్రమంతా తెలుసు. ఆడిట్ జరగలేదని విజయసాయి నిరూపిస్తే, రాజుగారిది తప్పని మేము ఒప్పుకుంటాము. పదేళ్ల నుంచి ఆడిట్ జరగలేదంటున్న విజయసాయి దాన్ని నిరూపించాలి. ఆడిట్ జరిగిందని తేలితే, తనకుసిగ్గులేదని విజయసాయి ఒప్పుకోవాలి. ఈ ఛాలెంజ్ కు నిలబడాలని అతన్ని కోరాము. అధికారం ఉందికదా అని ఏదిపడితే అది మాట్లాడితే వాస్తవం అవుతుందా? టీడీపీ, వైసీపీలకు చెందనివారితో చెప్పించండి... రాష్ట్రంలో ఉన్నది ప్రజాప్రభుత్వమని. ప్రశ్నించే అధికారం ప్రతిపక్షానిది, సమాధా నంచెప్పాల్సిన బాధ్యత ప్రభుత్వానిది. ఈ విషయం బూతులమంత్రి గ్రహించాలి. అధికారం ఎవరికీశాశ్వతం కాదనే వాస్తవాన్ని గుర్తుంచు కోండి. అధికారం పోయిననాడు చెంప -దెబ్బ, గోడ దె-బ్బ రెండూ బూతులమంత్రికి తగలడం ఖాయం. ఇప్పటికైనా అతను తనవ్యక్తిత్వాన్ని, వ్యవహారశైలిని మార్చుకోవాలి."

మొన్నటి వరకు రాజధాని రచ్చబండ పేరుతో, జగన్ ప్రభుత్వాన్ని ఇరుకున పెట్టే రఘరామరాజు, స్టైల్ మార్చి, ఇప్పుడు రోజుకి ఒక లేఖ వదులుతూ, జగన్ ప్రభుత్వాన్ని ఇబ్బంది పెడుతున్నారు. జగన్ మోహన్ రెడ్డి ఇచ్చిన హామీలు విస్మరించటం, ఇచ్చిన మాట తప్పి, వెనకడుగు వేయటం, ఇలా అనేక అంశాల పై లేఖలు రాస్తున్నారు. ఇప్పటికే పదికి పైగా లేఖలు రాసిన రఘురామరాజు, తాజాగా మరో లేఖ ఈ రోజు రాసారు. శాసనమండలి రద్దుకు సంబంధించిన అంశాన్ని, ఈ రోజు తన లేఖలో ప్రస్తావించారు. శాసనమండలిలో బలం లేనప్పుడు శాసనమండలిని రద్దు చేయాలని జగన్ మోహన్ రెడ్డి చేసిన వ్యాఖ్యలను ఎవరూ నమ్మలేదని, ఏడాదికి 60 కోట్లు వృధా ఖర్చు అంటూ ఆయన చెప్పనా ఎవరూ నమ్మలేదని, బలం లేదు కాబట్టి, శాసనమండలి రద్దు చేయాలని అంటున్నారని, అందరూ ఆరోపణలు గుప్పించిన సంగతి గుర్తు చేసారు. ఇప్పుడు శాసనమండలిలో బలం వచ్చింది కాబట్టి, ఈ సమయంలో శాసనమండలి రద్దు చేయాలని ఒత్తిడి తీసుకుని వస్తే, అప్పుడు జగన్ మాటలు అందరూ విశ్వసిస్తారని, ఆయనకు గౌరవం పెరుగుతుందని ఆయన ఆ లేఖలో పేర్కొన్నారు. ఆయన సహజంగా ప్రదర్శించే వ్యంగ్యాన్ని అంతా రంగరించి, ఈ లేఖలో వ్యంగ్యంగా ప్రభుత్వాన్ని టార్గెట్ చేసారు.

అధికారంలోకి వచ్చిన రెండేళ్ళకు శాసనమండలిలో మెజారిటీ సాధించినందుకు ధన్యవాదాలు చెప్తూనే, శాసనమండలి రద్దు అంశం పై మీ నిర్ణయం ఏమిటి అంటూ ప్రశ్నించారు. మీరు మాట తప్పరు, మడమ తిప్పరు కాబట్టి, వెంటనే శాసనమండలిని రద్దు చేసేందుకు కేంద్రం పై ఒత్తిడి తేవాలని ఆ లేఖలో రాసారు. అయితే ఎప్పుడూ రఘురామరాజు లేఖలకు స్పందించిన ప్రభుత్వం, అనూహ్యంగా ఆయన లేఖకు స్పందిస్తూ, సజ్జల రామకృష్ణా రెడ్డి సమాధానం చెప్పారు. మండలి రద్దు తీర్మానం తాము వెనక్కు తీసుకోవటం లేదని, అది ఎత్తుగడతో చేసింది కాదని సజ్జల చెప్పారు. అయితే దీనికి మళ్ళీ రఘురామరాజు రియాక్ట్ అవుతూ, హర్షం వ్యక్తం చేసారు. సజ్జలకు అభినందనలు తెలిపారు. తన లేఖ పై , సజ్జల స్పందిస్తూ , మండలి రద్దు పై వెనక్కు వెళ్ళేది లేదని తెగేసి చెప్పారని, ఏకంగా నలుగురు కొత్త శాసనమండలి సభ్యులు ప్రమాణస్వీకరం రోజు ఈ విషయం చెప్పారని, ఇక నుంచి ప్రతి రోజు శాసనమండలి రద్దు కోసం, నా వంతు ప్రయత్నం చేస్తాను అంటూ, మండలి రద్దు దిశగా కర్తవ్యోన్ముఖుడినై పనిచేస్తానని హామీ ఇచ్చారు.