news

జగన్ మోహన్ రెడ్డి రెండేళ్ళ పాలనలో, ఇసుక నుంచి క-రో-నా వరకు, ప్రభుత్వ అసమర్ధ నిర్ణయాలతో ప్రజలు అనేక ఇబ్బందులు పడ్డారు. ఒక వర్గం కాదు, ఒక సమస్య కాదు, అన్ని వర్గాల ప్రజలు ఇబ్బందులు పడ్డారు. ముఖ్యంగా ప్రభుత్వం అనలోచిన నిర్ణయాలతో ప్రజలు ఇబ్బందులు పడ్డారు. అయితే ఎందుకో కానీ, బహిరంగంగా ప్రభుత్వం పై తమ నిరసన తెలపలేక పోయారు. భయం వల్లో, లేక వస్తున్న పధకాలు పోతాయనో ఏదో కానీ, వారు మొత్తానికి వెనకడుగు వేస్తూ వచ్చారు. అయితే మొదటి సారి, జగన్ ప్రభుత్వం పై పూర్తి వ్యతిరేకత వచ్చిన సందర్భంగా, రెండు రోజులు క్రిందట విడుదల చేసిన జాబ్ క్యాలెండర్. ప్రతి సారి చేసినట్టు ప్రజలను మాయ చేద్దామని అనుకున్నారు. అయితే యువత దెబ్బకు, వారిని మాయ చేయటం కుదరలేదు. సోషల్ మీడియా వేదికల్లో, సాక్షి టీవీ ఫోన్ ఇన్ లో, చివరకు రోడ్డుల మీద కూడా పెద్ద ఎత్తున యువత నిరసన తెలుపుతున్నారు. జగన్ ప్రకటించిన జాబ్ క్యాలెండర్ పై ఎంతో నమ్మకం పెట్టుకున్న యువత, అందులో ఉద్యోగాలు, ప్రభుత్వం మభ్య పెడుతున్న విధానం చూసి, మోసపోయామని గ్రహించారు. అయితే ఈ వ్యతిరేకత ఇప్పుడప్పుడే చల్లారేలా లేదు. యువత ఆవేశం, వారి నిస్పృహ చూస్తుంటే, ఇది ఎంత వరకు వెళ్తుందో అనేది కూడా చూడాల్సి ఉంది. రాష్ట్రంలో 2.30లక్షల ఖాళీలు ఉంటే కేవలం 10వేల 143 ఉద్యోగాలకు ఇచ్చిన కంటి తుడుపు నోటిఫికేషన్ కు వ్యతిరేకంగా నిరుద్యోగులు రోడ్డెక్కుతుంటే ప్రభుత్వం సంబరాలు చేసుకోవడం నిరుద్యోగులను అవమానించడమే, అని టిడిపి నేతలు విమర్శిస్తున్నారు.

రేపల్లె శాసనసభ్యులు అనగాని సత్యప్రసాద్ మాట్లాడుతూ, "రాష్ట్రంలో రెవిన్యూశాఖలో 1150 పోస్టులు, పోలీసుశాఖలో 15వేలకుపైగా పోస్టులు ఖాళీగా ఉన్నాయి. సుమారు 25వేల టీచర్ పోస్టులు ఖాళీగా ఉంటే డిఎస్సీ ప్రసాతవనే లేదు. పంచాయితీరాజ్, మున్సిపల్, మున్సిపల్, వాణిజ్యపన్నులు, ఇంజనీరింగ్ విభాగాల్లో వేలాది ఉద్యోగాలు భర్తీచేయాల్సి ఉన్నా క్యాలండర్లో వాటి ప్రస్తావనే లేదు. 907 గ్రూప్-1,2 ఉద్యోగాలకు గాను కేవలం 36 పోస్టులకు మాత్రమే అనుమతి ఇచ్చారు. ప్రభుత్వ జాబ్ క్యాలండర్లో బిసి బ్యాక్ లాగ్ పోస్టులు చూపనే లేదు. డిగ్రీ, పిజి, బి.టెక్, ఎం.టెక్, ఎంబిఎ, ఎంసిఎ పూర్తిచేసిన వేలాది నిరుద్యోగుల ఆశలపై జగన్మోహన్ రెడ్డి ప్రభుత్వం నీళ్లు చల్లింది. వైసిపి కార్యకర్తలకు కేవలం గౌరవ వేతనంతో ఇచ్చిన 2,59,565 వాలంటీర్ ఉద్యోగాలు, ఎపిపిఎస్సీ తో సంబంధం లేకుండా అధికారపార్టీనేతల సిఫారసులతో ఇచ్చిన 1,21,518 గ్రామసచివాలయ ఉద్యోగాలు కలిపి 3,81,083 ఉద్యోగాలను కల్పించినట్లుగా చూపడం నిరుద్యోగులను మోసగించడమే. కాంట్రాక్ట్, అవుట్ సోర్సింగ్ ఉద్యోగులను రెగ్యులర్ చేస్తామని మోసపు మాటలు చెప్పిన జగన్ రెడ్డి మాట తప్పి మడమతిప్పారు." అని అన్నారు.

మెగా సోలార్ ప్రాజెక్ట్ టెండర్లను రద్దు చేస్తూ హైకోర్టు నిర్ణయం ప్రకటించిన సంగతి తెలిసిందే. అయితే ఈ తీర్పు తరువాత, తెలుగుదేశం పార్టీ, ప్రభుత్వం పై సంచలన ఆరోపణలు చేసింది. సోలార్ విద్యుత్ టెండర్లలో రూ.లక్షా.20 వేల కోట్ల కుంభకోణానికి పన్నాగం పన్నారు అంటూ, టీడీపీ పొలిట్ బ్యూరో సభ్యులు, కిమిడి కళా వెంకట్రావు ఆరోపించారు. ఆయన మాట్లాడుతూ, "రాష్ట్ర అభివృద్ధికి ఆయువుపట్టులాంటి విద్యుత్ రంగాన్ని జే. ట్యాక్స్ కోసం జగన్ రెడ్డి ప్రభుత్వం నిర్వీర్యం చేస్తున్నారు. రాష్ట్ర ప్రభుత్వం అనుసరిస్తున్న విధానాలతో విద్యుత్ రంగం నిర్వీర్యమవుతోంది. సోలార్ టెండర్లు రద్దుపై ముఖ్యమంత్రి ఎందుకు నోరు మెదపడం లేదు.? టెండర్లు రద్దుతో ప్రపంచ స్థాయిలో రాష్ట్రం, దేశ పరువు తీశారు. ఎవరి ప్రయోజనాల కోసం టెండర్లు నిబంధనలు మార్చారో సమాధానం చెప్పాలి. సోలార్ టెండర్లలో భారీగా అవకతవకలు జరగడం వల్లే టెండర్లను హైకోర్టు రద్దు చేసింది. వేలకోట్ల అక్రమాలకు పాల్పడి, ప్రజల సొమ్ము దోచుకుతినేందుకు సోలార్ విద్యుత్ ను అడ్డుపెట్టుకోవాలని చూశారు. రూ.లక్షా.20వేల కోట్ల ప్రజా ధనాన్ని దోచుకునేందుకు ఎసరు పెట్టారు. టెండర్లను అధికభాగం అదానీ, కడప ఎంపీ అవినాశ్ రెడ్డి బినామీ అయిన నర్రెడ్డి విశ్వేశ్వరరెడ్డికి చెందిన షిరిడీ సాయి ఎలక్ట్రికల్స్ సంస్థలకు కట్టబెట్టాలని చూశారు. అందుకే వైసీపీ నేతలు దీనిపై మాట్లాడకుండా తప్పించుకు తిరుగుతున్నారు. టీడీపీ హయాంలో పవర్ పర్చేజ్ అగ్రిమెంట్ల కాలపరిమితి 25 ఏళ్లు ఉంటే వైసీపీ నేతలు గగ్గోలు పెట్టారు. మరి ఇప్పుడు అదే కాలపరిమితిని 30 ఏళ్లకు ఎలా పెంచారు.? గతంలో సోలార్ పవర్ అవసరంలేదని ఇప్పుడు 10వేల మెగావాట్లకు ఏ విధంగా టెండర్లు పిలిచారు? 30ఏళ్లకు రూ.లక్షా20వేల కోట్లకు ప్రణాళిక రూపొందించుకున్నారు. నిబంధనలు గాలికొదిలేసి టెంటర్లు పిలిచారు. కేంద్ర ప్రభుత్వం 2017లో విడుదల చేసిన కాంపిటీటివ్ బిడ్డింగ్ గైడ్ లైన్స్ నిబంధనలను జగన్ రెడ్డి పూర్తిగా తుంగలోతొక్కి పీపీఏలు విడుదల చేశారు. గైడ్ లైన్స్ లోని క్లాజ్ 5.7ప్రకారం ఏపీ ఎలక్ట్రిసిటీ రెగ్యులేటరీ కమిషన్ అనుమతి లేకుండా ఒప్పందాలకు సంబంధించి ఏవిధమైనమార్పులు చేయకూడదనే నిబంధనను లెక్కచేయలేదు. "

"దేశమంతా కనిష్టంగా రూ.1.90పైసలకే యూనిట్ సోలార్ విద్యుత్ లభిస్తుంటే, 60పైసలు అదనంగా పెంచి కట్టబెట్టి కమీషన్లకు కక్కుర్తిపడాలని చూశారు. పీపీఏలు రద్దు చేసి రాష్ట్ర పరువును తీశారు. ఇప్పుడు 6,400మెగావాట్ల సోలార్ విద్యుత్ఉత్పత్తికి ఎలా టెండర్లు పిలిచారో చెప్పాలి.? ఒప్పందం చేసుకున్నన్ని రోజులు ఒకటే టారిఫ్ ను ఎందుకు అమలుచేయాలనుకోలేదు.? దిక్కూమొక్కులేని కంపెనీలకు దోచిపెట్టాలనుకోవడంతోనే హైకోర్టు టెండర్లను రద్దు చేసింది. కోర్టు తీర్పుతో వైసీపీ అవినీతికి భంగం వాటిల్లింది. విద్యుత్ రంగాన్ని జగన్ రెడ్డి నాశనం చేశారు. నీటి లభ్యత సరిగాలేని సమయంలోనూ టీడీపీ 24 గంటల విద్యుత్ అందించింది. వర్షాలు సమృద్ధిగా కురిసి పుష్కలంగా నీలి లభ్యత వున్నా ప్రభుత్వం వద్ద ప్రణాలిక లేక విద్యత్ కోతలు విధిస్తున్నారు. తీవ్ర నష్టాలతో రైతులు అతలాకుతలమవుతుంటే బోర్లకు మీటర్లు బిగించి అప్పుల కోసం రైతుల ఉసురుతీసుకునేందుకు సిద్ధమవుతున్నారు. ఇప్పటికే విద్యుత్ ఛార్జీలు పెంచి సామాన్య ప్రజల డొక్కచించుతున్నారు. జగన్ రెడ్డి వచ్చాక రాష్ట్ర ఆదాయం చూస్తే జానెడు.. అప్పులు చూస్తే మూరెడు ఉంది. వ్యాక్సిన్ గ్లోబల్ టెండర్లు, రోడ్డు కాంట్రాక్టులకు, చిన్నచిన్న కాంట్రాక్టు పనులకు కూడా స్పందన రావడం లేదంటే కమీషన్లు ఏ స్థాయిలో అడుగుతున్నారో అర్థమవుతోంది. రాష్ట్రంలో ఎవరు అడుగుపెట్టాలన్నా వైసీపీ వాళ్లు అడిగే వాటాల దెబ్బతో హడలెత్తిపోతున్నారు. టెండర్ల పేరుతో ప్రజల సొమ్ము అప్పనంగా దోచుకుతింటామనంటే చూస్తూ ఊరుకోం." అని అన్నారు.

జస్టిస్ కనకరాజ్ గుర్తున్నారా ? ఏడాది క్రితం, రాజ్యాంగానికి విరుద్ధంగా, ఎలక్షన్ కమీషనర్ ని మార్చేసి, రాత్రికి రాత్రి అంబులెన్స్ లో చెన్నై నుంచి, అమరావతి తీసుకువచ్చి, ఆయనకు బాధ్యతలు అప్పగించిన విషయం అందరికీ తెలిసిందే. క-రో-నా ఉన్నా, ఇతర రాష్ట్రాల నుంచి ప్రజల రాకపోకలు లేకపోయినా, ఆయన్ను అంబులెన్స్ లో తీసుకుని వచ్చారు. అయితే తరువాత ఎన్నికల కమీషనర్ గా నియమించినా, హైకోర్టు, సుప్రీం కోర్టు ఆదేశాలతో, ఆయన పదవి పోయింది. మళ్ళీ నిమ్మగడ్డ రమేష్ కుమార్ ఎన్నికల కమీషనర్ గా ఎన్నికయ్యారు. ఇక పోతే, ఆయనకు సంబంధించిన కొన్ని బిల్స్ విషయంలో కూడా కోర్టులలో కేసులు నడిచాయి. దాదాపుగా 80 ఏళ్ళు ఉన్న జస్టిస్ కనకరాజ్ ను జగన్ ప్రభుత్వం ఎన్నికల కమీషనర్ గా నియమించాలని చేసిన ప్రయత్నం ఫ్లాప్ అవ్వటంతో, గత ఏడాదిగా ఆయనకు పదవి లేకుండా పోయింది. అయితే ఈ జస్టిస్ కనకరాజ్ పై ప్రభుత్వ పెద్దలకు ఉన్న ఇష్టం ఏమిటో కానీ, ఇప్పుడు తాజాగా ఆయనకు బంపర్ ఆఫర్ ఇచ్చారు. మళ్ళీ ఇంకో కొత్త పదవి ఇచ్చి మరీ, ఆయనకు లబ్ది చేకూర్చారు. కొత్త పదవి సృష్టించి మరీ, కొత్త పదవి ఇవ్వటం, మరో హైలైట్. జస్టిస్ కనకరాజ్ పై, రాష్ట్ర ప్రభుత్వ పెద్దలకు ఉన్న మక్కువ ఏమిటో కానీ, ఇప్పుడు ఆయనకు కొత్త పదవి ఒకటి ఇస్తూ ఉత్తర్వులు జారీ చేసారు.

రాష్ట్ర పోలీస్ కంప్లెంట్స్ అథారిటీ ఛైర్మన్‍గా, జస్టిస్ కనగరాజ్ ని నియమిస్తూ, రాష్ట్ర ప్రభుత్వం ఉత్తర్వులు జారీ చేసింది. ఈ పదవిలో జస్టిస్ కనకరాజ్ మూడేళ్ళు ఉండనున్నారు. మూడేళ్ళ పాటు ఈ పదవి ఉంటుంది అంటూ ఉత్తర్వుల్లో తెలిపారు. ఈ రాష్ట్ర పోలీస్ కంప్లెంట్స్ అథారిటీలో మరో ముగ్గురు సభ్యులు కూడా ఉంటారు. ఇంకా ముగ్గురు సభ్యులు ఎవరో తెలియలేదు. అయితే గతంలో సుప్రీం కోర్టు ఇచ్చిన ఆదేశాలు ప్రకారం, రాష్ట్ర ప్రభుత్వం రాష్ట్ర పోలీస్ కంప్లెంట్స్ అథారిటీని నెలకొల్పింది. ఇప్పటికే అనేక రాష్ట్రాలు దీన్ని అమలు చేస్తూ ఉండగా, తాజాగా ఆంధ్రప్రదేశ్ ప్రభుత్వం కూడా, రాష్ట్ర పోలీస్ కంప్లెంట్స్ అథారిటీని ఏర్పాటు చేసింది. పోలీసులు పై ఎలాంటి ఫిర్యాదులు ఉన్నా, వారు కేసు తీసుకోక పోయినా, మరే ఇతర ఫిర్యాదులు ఉన్నా, ప్రజలు ఈ రాష్ట్ర పోలీస్ కంప్లెంట్స్ అథారిటీకి ఫిర్యాదు చేయవచ్చు. అలాగే రాష్ట్ర పోలీస్ కంప్లెంట్స్ అథారిటీ, రాష్ట్ర ప్రభుత్వానికి కూడా సూచనలు సలహాలు ఇస్తుంది. మొత్తానికి, ఈ పదవిలో జస్టిస్ కనకరాజ్ ను ప్రభుత్వం కూర్చోబెట్టింది.