news

కేంద్ర హోం శాఖ మంత్రి అమిత్ షా తో, ఎంపీ రఘురామకృష్ణం రాజు కుటుంబ సభ్యులు కొద్ది సేపటి క్రితం కలిసారు. రఘురామకృష్ణం రాజు అరెస్ట్ దగ్గర నుంచి, ఆర్మీ హాస్పిటల్ తరలింపు వరకు జరిగిన ఘటనలు అన్నిటిపైనా ఆయనకు ఒక ఫిర్యాదు రూపంలో ఒక మెమోరాండం ఇచ్చారు. ఈ భేటీలో రఘురామ రాజు భార్య రామాదేవి, కుమారుడు భరత్ పాల్గున్నారు. గతంలోనే రఘురామరాజు కుమారుడు భారత్, కేంద్రం హోం శాఖకు, ప్రధాని మోడీకి, తన తండ్రి అక్రమ అరెస్ట్ పై ఒక లేఖ కూడా రాసారు. అందులో రఘురామరాజు అరెస్ట్ వెనుక దాగి ఉన్న ఉద్దేశాలను, రఘురామరాజును పోలీస్ కస్టడీలో కొ-ట్ట-టం పైన, అలాగే తన తండ్రికి ప్రాణ హాని ఉంది అంటూ, ఇప్పటికే లేఖ రాసి ఉన్నారు. ఆ తరువాత సుప్రీం కోర్టులో కూడా పిటీషన్ దాఖలు చేసారు. ఈ నేపధ్యంలోనే రఘురామరాజు భార్య రమాదేవి, కుమారుడు భరత్ కలిసి ఢిల్లీకి వచ్చారు. అమిత్ షా ని కలిసి, మొత్తం జరిగిన విషయం పై ఫిర్యాదు చేసారు. అక్కడ జరుగుతున్న అక్రమాలు, అన్యాయాలు ఎండగడుతున్నారనే, ఆయన పై కక్ష సాధింపు చర్యల్లో భాగంగా, దేశద్రోహం కేసు పెట్టారని, ఇందులో దేశ ద్రోహం కేసు పెట్టే తప్పు ఏమి ఉందని అమిత్ షా కి చెప్పారు. అలాగే రెండు తెలుగు చానల్స్ ను కూడా ఇందులో ఇరికించారని, అమిత్ షా దృష్టికి తెచ్చారు.

రాజ్యాంగం ప్రకారం నడుచుకోకుండా, ఇష్టం వచ్చినట్టు ప్రవర్తించారని, కనీసం నోటీస్ కూడా ఇవ్వకుండా, హైదరాబాద్ నుంచి విజయవాడ వరకు తీసుకుని వచ్చారని, అలాగే కస్టడీలో ఆయనను కట్టేసి కాళ్ళ పై కొ-ట్టా-ర-ని, తరువాత కోర్టులలో ప్రైవేటు హాస్పిటల్ లో వైద్య పరీక్షలు చేయాలని చెప్పినా, పరీక్షలు చేయకుండా మళ్ళీ జైలుకు తరలించారని అమిత్ షా కు చెప్పూరు. సుప్రీం కోర్టు ఆదేశాలు ప్రకారమే, ఆర్మీ హాస్పిటల్ కు తరలించారని అన్నారు. గవర్నమెంట్ హాస్పిటల్ లో ఇచ్చిన రిపోర్ట్ ని కూడా, ప్రభుత్వ పెద్దల ఒత్తిడి మేరకు, రిపోర్ట్ తయారు చేసి ఇచ్చారని తెలిపారు. ఈ విషయాలు అన్నీ అమిత్ షా దృష్టికి తీసుకుని వచ్చి, తగు న్యాయం చేయాలని కోరారు. అమిత్ షా కూడా, ఇవన్నీ విని, రాష్ట్ర ప్రభుత్వ డీజీపీ నుంచి, చీఫ్ సెక్రటరీ నుంచి, తగు నివేదికలు తెప్పించుకుంటానని అన్నారు. మరి కొంత మంది కేంద్ర మంత్రులను, అలాగే కొంత మంది అధికారులను కూడా కలిసే అవకాశాలు ఉన్నాయని అంటున్నారు.

ఆంధ్రప్రదేశ్ రాష్ట్రంలో గత కొద్ది రోజులుగా, సోషల్ మీడియా అరెస్ట్ లు తగ్గాయి అనుకుంటే, మళ్ళీ మొదలయ్యాయి. నిన్న గుంటూరులో పోలీసులు సిబిఎన్ ఆర్మీకి చెందిన ఇద్దరిన అరెస్ట్ చేసారు. యుట్యూబ్ లో, విజయసాయి రెడ్డిని కించపరుస్తూ వీడియో పెట్టారని వారిని అరెస్ట్ చేసారు. అయితే చంద్రబాబు పుట్టిన రోజున నాడు, చంద్రబాబుని 420 అంటూ విజయసాయి రెడ్డి సంబోధిస్తే, దానికి ఆగ్రహించిన ఒక వ్యక్తి విజయసాయి రెడ్డికి కౌంటర్ ఇస్తూ, ఒక వీడియో పెడితే, వీళ్ళు ఆ వీడియోని యుట్యూబ్ లో పెట్టటంతో, ఇద్దరినీ అరెస్ట్ చేసారు. మరి చంద్రబాబుని 420 అని చెప్పిన విజయసాయి రెడ్డి పైన మాత్రం, ఎలాంటి చర్యలు లేవు. ఇది ఇలా ఉంటే, ఈ అరెస్ట్ విషయం చెప్పటానికి, గుంటూరు ఎప్సీ అమ్మిరెడ్డి మీడియా సమావేశం ఏర్పాటు చేసారు. ఈ మీడియా సమావేశంలో అరెస్ట్ కు గల కారణాలు వివరించారు. అయితే చివరలో, ఒక విలేఖరి, ఇదే పోలీస్ స్టేషన్ లో, తెలుగుదేశం నాయకులు, మంత్రి అప్పల రాజు పై, కేసు పెట్టారని, ఆ కేసు అసలు ఫైల్ చేసారా, ఎంత వరకు ఆ కేసు వచ్చింది అని ఎప్సీని ప్రశ్నించారు. అయితే ఎస్పీ సమాధానం ఇస్తూ, లైట్ ఫెయిల్, ఆడియో ఫెయిల్, ఏమి కనిపించటం లేదు అంటూ, మీడియా సమావేశం నుంచి, ఆ ప్రశ్నకు సమాధానం చెప్పకుండానే వెళ్ళిపోయారు.

దీంతో అందరూ షాక్ అయ్యారు. ఎదో ఎస్సై, సిఐ లు అంటే అనుకోవచ్చు కానీ, ఏకంగా ఎస్పీ కూడా ఇలా ఏకపక్షంగా వ్యవహరించటం పై, తెలుగుదేశం నేతలు ఫైర్ అయ్యారు. అయితే ఇదే విషయం పై స్పందించిన టిడిపి నేత నారా లోకేష్, గుంటూరు ఎస్పీ అమ్మిరెడ్డి పై ఫైర్ అయ్యారు. ట్విట్టర్ లో స్పందిస్తూ, అమ్మిరెడ్డి గారు, మీరు ప్రజల సొమ్ముని జీతంగా తీసుకుంటున్న విషయం గుర్తుంచుకోవాలని, తాడేపల్లి ప్యాలస్ కి చాకిరీ చేయటం సిగ్గు చేటు అని స్పందించారు. సోషల్ మీడియాలో పోస్టులు పెడితే, వాళ్ళు ఏదో ఉ-గ్ర-వా-దు-లు అయినట్టు, ముసుగులు వేసి ఎందుకు అంత ఓవర్ ఆక్షన్ అంటూ ఫైర్ అయ్యారు. వైసీపీ సోషల్ మీడియా చేస్తున్న అరాచకాల పై మేము అనేక కేసులు పెట్టాం, వాటి సంగతి ఏంటి అంటూ ప్రశ్నించారు. అప్పలరాజు కేసు గురించి చెప్పమంటే, రివర్స్ లో కేసు పెట్టటానికి వచ్చిన వారి పై కేసు పెట్టారని, మీకు అంత ఉత్సాహంగా ఉంటే, కుల పిచ్చి ఉంటే, పవిత్రమైన ఖాకీ చొక్కా తీసి, బుగులు కండువా కప్పుకోండి అంటూ తీవ్ర స్థాయిలో వ్యాఖ్యానించారు.

ఆంధ్రప్రదేశ్ ప్రభుత్వంలో ఉన్న కొంత మంది పెద్దల అత్యుత్సాహం, ఇప్పుడు ప్రభుత్వం మెడకు చుట్టుకుంటుంది. రఘురామకృష్ణం రాజు, ప్రతి రోజు రాజధాని రచ్చబండ పేరుతో తమను విమర్శిస్తున్నారనే కక్షతో, ఏకంగా ఆయన పై రాజ ద్రోహం కేసు నమోదు చేసారు. అయితే ఆయన్ను అరెస్ట్ చేసే క్రమంలో వాళ్ళు చేసిన అనేక తప్పిదాలతో, ఇప్పటికే ఈ రోజు మధ్యానం ఏపి హైకోర్టు అక్షింతలు వేసింది. సిఐడి చీఫ్ సహా అనేక మంది పై కోర్టు ధిక్కరణ పిటీషన్ దాఖలు చేయమని ఆదేశాలు ఇచ్చింది. ఇది ఇలా ఉంటే, ఇదే కేసులో రఘురామకృష్ణం రాజు వీడియోలు పదే పదే వేస్తున్నారు అంటూ, ఏకంగా రెండు తెలుగు చానల్స్ అయిన ఏబిఎన్, టీవీ5 పై కూడా రాజద్రోహం కేసు నమోదు అయ్యింది. అయితే దీని పై ఏబీఎన్-ఆంధ్రజ్యోతి సుప్రీం కోర్టులో, కోర్టు ధిక్కరణ పిటీషన్ దాఖలు చేసింది. చీఫ్ సెక్రటరీ, డీజీపీ, సిఐడి చీఫ్ సునీల్ కుమార్ ని ప్రతి వాదులగా చేర్చింది. గతంలో సుప్రీం కోర్టు ఇచ్చిన ఉత్తర్వులు పాటించకుండా, మీడియాను భయపెట్టేలా కేసులు పెట్టారని, ఆ పిటీషన్ లో పేర్కొంది. క-రో-నా సంబంధించిన వార్తలు అడ్డుకోకూడదు అని సుప్రీం కోర్టు చెప్తే, రఘురామరాజు క-రో-నా వైఫల్యాల పై మాట్లాడిన వీడియో ప్రసారం చేసినందుకు కూడా రాజద్రోహం కేసు పెట్టారని పిటీషన్ లో తెలిపింది. ఈ పిటీషన్ త్వరలోనే విచారణకు రానుంది.