విశాఖ‌లో రెండు రోజుల‌పాటు ఏపీ ప్ర‌భుత్వం నిర్వ‌హించిన గ్లోబ‌ల్ ఇన్వెస్ట‌ర్ స‌మ్మిట్ కి ముందు, జ‌రుగుతున్న‌ప్పుడు టిడిపి కీల‌క నేత‌లు ఎవ్వ‌రూ నోరు విప్ప‌లేదు. వైసీపీని విమ‌ర్శిస్తే ఏపీ బ్రాండ్ డ్యామేజ్ అవుతుంద‌నే ఉద్దేశంతో మౌనంగా ఉన్నారు. అయితే వైసీపీ తాము నిర్వ‌హించిన స‌మ్మిట్ క‌నివినీ ఎరుగ‌ని రీతిలో విజ‌యం సాధించింద‌ని, చంద్ర‌బాబు కంటే ఎన్నో రెట్లు పెట్టుబ‌డులు సాధించామ‌ని డ‌ప్పాలు కొట్టుకోవ‌డం ఆరంభించారు. దీంతో టిడిపి యువ‌నేత నారా లోకేష్ అది గ్లోబ‌ల్ స‌మ్మిట్ కాదు లోక‌ల్ ఫేక్ స‌మ్మిట్ అంటూ మీడియా ముందుకొచ్చారు. స‌మ్మిట్, ఎంవోయూలో డొల్ల‌త‌నాన్ని ఆధారాల‌తో స‌హా బ‌య‌ట‌పెట్టారు. స‌మ్మిట్ కి గ్లోబ‌ల్ అంటున్నారు..ఒక్క అంత‌ర్జాతీయ కంపెనీ అయినా వ‌చ్చిందా? అని ప్ర‌శ్నించారు లోకేష్‌. అలాగూ 370 కంపెనీల‌తో ఎంవోయూలు 13 ల‌క్ష‌ల పెట్టుబ‌డులు అని ప్ర‌క‌టించిన సీఎం జ‌గ‌న్ రెడ్డి అందులో 70 కంపెనీల పేర్లే ఎందుకు ప్ర‌క‌టించార‌ని నిల‌దీశారు. గ్లోబ‌ల్ టు లోక‌ల్ దింపిన లోకేష్‌, ఇన్వెస్ట‌ర్లు ఫేక్ అని ఆధారాలు బ‌య‌ట‌పెట్టారు. మ‌రోవైపు 1 ల‌క్ష రూపాయ‌లు పెట్టుబ‌డితో 2022లో పులివెందుల డైరెక్ట‌ర్ల‌తో ఆరంభ‌మైన ఇండోసోల్ 76 వేల కోట్ల పెట్టుబ‌డులు ఎలా పెడుతుంద‌ని, 25 వేల ఎక‌రాలు కొట్టేసేందుకు దీనిని తెర‌పైకి తెచ్చార‌ని ఆరోపించారు. టిడిపి హ‌యాంలో  39,450 పరిశ్రమలు తెచ్చామని, వాటి ద్వారా  5,13,350ఉద్యోగాలు ఇచ్చామని వైసీపీ మంత్రే అసెంబ్లీలో ప్ర‌క‌టించార‌ని లోకేష్ గుర్తు చేశారు. టీడీపీ హయాంలో అనంతపురం జిల్లాకు కియా, బర్జర్ పెయింట్స్, జాకీ, కడపకు వెల్ స్పన్, చిత్తూరుకు టీసీఎల్, ఫాక్స్ కాన్, సెల్ కాన్, మైక్రోమ్యాక్స్, ఫాక్స్ కాన్, డిక్సన్ కంపెనీలు, కర్నూలుకు సిమెంట్ కంపెనీలు, సోలార్ ఉత్పత్తి కేంద్రాలు, నెల్లూరు హీరోమోటార్స్, అపోలో టైర్స్, ప్రకాశం ఏషియన్ పేపర్ మిల్స్, గుంటూరు, కృష్ణాకు అశోక్ లైల్యాండ్,కేసీపీ, హెచ్.సీ.ఎల్, ఉభయగోదావరిలో అనేక ఫిషరీస్ పరిశ్రమలు, ఫార్మా కంపెనీలు, విశాఖ, విజయనగరం, శ్రీకాకుళం జిల్లాల్లో అనేక ఐటీ పరిశ్రమలు, అదానీ డేటా సెంటర్ తో ఒప్పందం, లూలూ, ఫ్రాంక్లిన్ టెంపుల్టన్, కాంజియెంట్, ఏషియన్ పెయింట్స్ వంటి పెద్ద కంపెనీలు తెచ్చామ‌ని ప్ర‌క‌టించారు. జ‌గ‌న్ మోహ‌న్ రెడ్డి తాను తెచ్చిన ఒక్క కంపెనీ అయినా చూప‌గ‌లరా అని స‌వాల్ విసిరారు. పాద‌యాత్ర‌లో చిత్తూరు జిల్లాలో టిడిపి తెచ్చిన కంపెనీల ముందు సెల్ఫీ దిగి చాలెంజ్ విసిరితే స్పందించలేని ముఖ్యమంత్రి జ‌గ‌న్ రెడ్డిని అని ఎద్దేవ చేశారు. అభివృద్ధి వికేంద్రీక‌ర‌ణ పేరుతో ఆఫ్రికా మోడ‌ల్ మూడు రాజ‌ధానులు తెచ్చిన సీఎం జ‌గ‌న్ రెడ్డి ఆఫ్రికా మాదిరిగానే నిరుద్యోగిత శాతాన్ని 30 శాతం చేస్తార‌ని ఆవేద‌న వ్య‌క్తం చేశారు. యువ‌నేత లోకేష్ ఆధారాల‌తో స‌హా స‌మ్మిట్, పెట్టుబ‌డులు ఫేక్ అని ప్ర‌క‌టించారు. దీనిపై వైసీపీ ఏ విధంగా స్పందిస్తుందో చూడాలి.

జ‌గ‌న్ రెడ్డి, లోకేష్ ఇద్ద‌రూ ముఖ్య‌మంత్రుల కొడుకులే. ఇద్ద‌రూ రెండు పార్టీల‌కి గుండెకాయ‌లాంటివాళ్లే. చ‌దువులో చూసుకుంటే జ‌గ‌న్ కంటే లోకేష్ ఎక్కువ చ‌దువుకున్నారు. అహంకారంలో జ‌గ‌న్, లోకేష్‌కి అంద‌నంత ఎత్తులో ఉంటాడు. సంస్కారంలో లోకేష్ ద‌రిదాపుల‌కీ రాలేడు జ‌గ‌న్. ఇది ఎవ‌రో తెలుగుదేశం వాళ్లు చెబుతున్న మాట కాదు. జ‌గ‌న్ రెడ్డికి అత్యంత స‌న్నిహితుడై, ఇప్పుడు బీజేపీలో ఉన్న జ‌మ్మ‌ల‌మ‌డుగు ఆదినారాయ‌ణ‌రెడ్డి ఓపెన్ హార్ట్ విత్ ఆర్కేలో కుండ‌బ‌ద్ద‌లు కొట్టిన అంశం. జ‌గ‌న్ మోహ‌న్ రెడ్డిని ఎంత పెద్ద వ‌య‌స్సులో వారైనా సార్ అని అనాల్సిందేనని ప‌ట్టుబ‌డ‌తాడ‌ని, సార్ అని పిల‌వ‌క‌పోతే అహం దెబ్బ తింటుంద‌ని ఆదినారాయ‌ణ‌రెడ్డి వివ‌రించారు. జ‌గ‌న్ రెడ్డి ముందు కుర్చీలో కూర్చునేందుకు కూడా పార్టీలో ఎవ్వ‌రూ సాహ‌సించ‌రని చెప్పుకొచ్చారు. అయితే తానెప్పుడూ జ‌గ‌న్ రెడ్డిని సార్ అని పిల‌వ‌లేద‌ని చెప్పారు. తెలుగుదేశం పార్టీలో చేరేందుకు పిలుపు వ‌చ్చిన సంద‌ర్భంగా లోకేశ్ తో ముందుగా చ‌ర్చించాన‌ని, ఈ భేటీలో లోకేష్‌``అన్నా నేను మీ కొడుక్కంటే చిన్నోడిని. పేరు పెట్టి పిలిచినా అభ్యంతరం లేదు`` అని అన్నాడ‌ని ఆదినారాయ‌ణ‌రెడ్డి వెల్ల‌డించారు.

వైసీపీ ఇటీవ‌ల కాలంలో స్కెచ్ వేసిన ప్ర‌తీది బొక్క‌బోర్లా ప‌డుతోంది. తాజాగా వంగ‌వీటి రాధా విష‌యంలో మైండ్ గేమ్ ఆడేందుకు ఐప్యాక్‌-వైసీపీ ఫేక్ అక్కౌంట్ల‌తో చేసిన ప్ర‌చారం ప్లాన్ బెడిసికొట్టేసింది. జ‌న‌సేన‌లో వంగ‌వీటి రాధా చేరిపోతున్నార‌ని పెద్ద ఎత్తున ప్ర‌చారం చేసిన వైసీపీకి బ్రేకింగ్ న్యూస్ వ‌దిలింది టిడిపి. నారా లోకేశ్‌తో వంగవీటి రాధ భేటీకి రంగం సిద్ధ‌మైంద‌ని వార్త‌లు రెండు రోజుల ముందు వచ్చాయి. అనుకున్నట్టే పీలేరు నియోజకవర్గంలో యువగళం పాదయాత్ర విడిది ప్రాంతంలో ఇరువురు నేతల సమావేశంఅయ్యారు. భేటీ అనంతరం నారా లోకేశ్‌తో కలిసి రాధ  పాదయాత్రలో పాల్గున్నారు. వైసీపీ కాపు నేత‌లే ల‌క్ష్యంగా చేసుకుని వంగ‌వీటి రాధాని టార్గెట్ చేశారు. వైసీపీ ఫేక్ ఖాతాల నుంచి వంగ‌వీటి రాధా పార్టీ మారుతున్నార‌నే స‌మాచారాన్ని స్ప్రెడ్ చేశారు. జ‌న‌సేన పేర్ల‌తో వైసీపీ చాలా రోజులుగా ఈ ఫేక్ ఖాతాలు న‌డుపుతోంది. ఈ ఖాతాల నుంచి జ‌న‌సేన గ్రూపుల్లోకి వైసీపీ పోస్టుల‌ను పుష్ చేసింది. ఈ ప్ర‌చారం తీవ్రం కావ‌డంతో వంగవీటి రాధా యువసేన స్పందించింది. రాధాపై కొంద‌రు కావాల‌నే దుష్ప్రచారాలు చేస్తున్నార‌ని,  రాధా ప్రతిష్టను మసకబార్చాలని కొందరు కుయుక్తులు పన్నుతున్నార‌ని,  ఈ ప్రచారాన్ని ఎవరు నమ్మవద్దు అని ప్ర‌క‌ట‌న విడుద‌ల చేశారు.  రాధా టిడిపిలోనే కొనసాగుతారని పదేపదే చెప్పాల్సిన అవసరం లేద‌ని క్లారిటీ ఇచ్చారు. పదవుల కోసమో, ఇతర అవసరాల కోసం పార్టీలు మార్చే నైజం రాధాది కాద‌ని తేల్చి చెప్పారు. కుట్రలు, కుతంత్రాలు, కుయుక్తులతో రాధా ప్రతిష్టను మంట కలపాలని చూసే వారి ప్రయత్నాలు ఎన్నటికీ ఫలించవ‌ని ప్ర‌క‌ట‌న‌లో పేర్కొన్నారు. ఇటువంటి అపోహ‌లు, అనుమానాలు సృష్టించేవారికి చెంప‌పెట్టులాగ నారా లోకేష్ పాద‌యాత్ర‌లో వంగ‌వీటి రాధా పాల్గుని, అందరి నోర్లు మూయించారు.

వైఎస్ వివేకానంద‌రెడ్డి హ‌త్య‌ని ముందు గుండెపోటు అని, ఆ త‌రువాత గొడ్డ‌లిపోట‌ని వైసీపీ ప్ర‌చారంలోకి తీసుకొచ్చింది. స‌రిగ్గా ఎన్నిక‌ల‌కి ముందు, వైసీపీ సీట్ల ప్ర‌క‌ట‌న‌కి ముందు జ‌రిగిన ఈ హ‌త్య‌ని వాడుకోవ‌డం ద్వారా వైసీపీ అధికారంలోకి వ‌చ్చింద‌ని మాజీ వైసీపీ నేతే ఆరోపించారు. ఆయ‌నెవ‌రో కాదు వైఎస్ రాజ‌శేఖ‌ర్ రెడ్డి, ఆ త‌రువాత జ‌గ‌న్ రెడ్డికి అత్యంత ఆత్మీయుడైన జ‌మ్మ‌ల‌మ‌డుగు ఆదినారాయ‌ణ‌రెడ్డి.    వైఎస్ వివేకానందరెడ్డిని హ-త్య చేసి నారాసుర ర‌క్త‌చ‌రిత్ర అంటూ టిడిపికి ఆ ర‌క్తం మ‌ర‌క‌లు అంటించే ప్ర‌య‌త్నం వెనుక అతి పెద్ద కుతంత్రం ఉంద‌ని ఆదినారాయ‌ణ‌రెడ్డి ఓపెన్ హార్ట్ విత్ ఆర్కేలో వెల్ల‌డించారు. వివేకానంద‌రెడ్డి హ‌త్య‌ని టిడిపిపైకి నెట్ట‌డంలో విజ‌యం సాధించిన వైసీపీ దీనిద్వారా టిడిపిని 50 స్థానాల్లో ఓడించింద‌ని తెలిపారు. త‌న ఓట‌మికి వివేకానంద‌రెడ్డి హ‌త్యే ప్ర‌ధాన కార‌ణ‌మ‌న్నారు. నియోజ‌క‌వ‌ర్గ‌మే కాదు, క‌డ‌ప జిల్లాలో ఎక్క‌డ‌కి వెళ్లినా వివేకా హ‌త్య తానే చేశాన‌ని వంద శాతం ప్ర‌జ‌లు న‌మ్మార‌ని, అందుకే తాను ఓడిపోయాన‌ని చెప్పారు. వివేకా హ‌త్య‌పై వైసీపీ వాళ్లు చెప్పింది ప్రజలు వందశాతం నమ్మేశారన్నారు. ఇప్పుడు నిజాలు తెలిసి ఆశ్చ‌ర్య‌పోతున్నార‌ని ఆదినారాయ‌ణ‌రెడ్డి వెల్ల‌డించారు.

Advertisements

Latest Articles

Most Read