news

మాన్సాస్ చైర్ పర్సన్ సంచయిత తీసుకున్న ఒక నిర్ణయం, ఇప్పుడు తీవ్ర వివాదాస్పదం అయ్యింది. విజయనగరం మహారాజా కోటలో ఉన్న మాన్సాస్ ట్రస్ట్ కార్యాలయాన్ని విశాఖ జిల్లా పద్మనాభానికి తరలించలాని, ఆమె ఆదేశాలు జారీ చేసారు. విజయనగరం గజపతి రాజులకు చెందిన మాన్సాస్ ట్రస్ట్ కు, విజయనగరం జిల్లాకు విడదీయరాని సంబంధం ఉంది. ఈ ట్రస్ట్, విజయనగరం జిల్లాలో పలు విద్యా సంస్థలు నడుపుతుంది. తాజాగా ట్రస్ట్ ను విజయనగరం నుంచి విశాఖపట్నంకు మార్చటమే కాక, ట్రస్ట్ ఉద్యోగులను కూడా అక్కడికే రామ్ముంటున్నారని సమాచారం. మాన్సాస్ ట్రస్ట్ ప్రస్తుతం విజయనగరం మహా రాజా కోటలో, 5800 చదరపు అడుగుల విస్తీర్ణంలో కార్యాలయం ఉంది. ఇక్కడే 25 మంది వరకు ఉద్యోగులు ఉన్నారు. ఇది ప్రస్తుత కార్యకలాపాలకు ఇరుకుగా ఉందనే నెపంతో, విశాఖకు మారుస్తున్నారు. మహా రాజా కోటలో ప్రస్తుతం, ఆరు విద్యా సంస్థలు, ఒక గర్ల్స్ హాస్టల్ నడుస్తున్నాయి. ఇప్పటికే వేరే కారణాలు చెప్పి, విశాఖ జిల్లా పద్మనాభంలో ఉన్న గర్ల్స్ హాస్టల్ ను మూసేసారు. 3.5 ఎకరాల్లో ఉన్న ఈ కాలేజీ బిల్డింగ్ లోకి మాన్సాస్ ట్రస్ట్ ను మార్చాలని, ఈ నెల 26న నిర్ణయం తీసుకున్నట్టు, సంచయత సంతకంతో ఆదేశాలు వెలువడ్డాయి. అయితే, ఒకవేళ ప్రస్తుతం ఉన్న కార్యాలయం ఇరుకుగా ఉంటే, అక్కడ మరొక కార్యాలయం కట్టుకోవచ్చు కదా అని ప్రశ్నిస్తున్నారు.

కేవలం ఈ వంకతోనే, మాన్సాస్ కార్యాలయాన్ని విజయనగరం నుంచి విశాఖ తరలించటాన్ని విజయనగరం వాసులు ఖండిస్తున్నారు. వైసీపీ ప్రభుత్వం వచ్చిన తరువాత, ఢిల్లీలో ఉంటున్న సంచయతను తీసుకుని వచ్చి, మాన్సాస్ ట్రస్ట్ చైర్ పర్సన్ గా విజయసాయి రెడ్డి కూర్చోబెట్టారనే ఆరోపణలు ఉన్నాయి. దీని పై ప్రస్తుతం అంతకు ముందు చైర్ పర్సన్ గా ఉన్న అశోక్ గజపతి రాజు కోర్టు లో కేసు వేసారు. కేసు నడుస్తూ ఉండగానే, సంచయిత పలు కీలక నిర్ణయాలు తీసుకోవటం, కార్యాలయాలు తరలించటం వంటివి చేస్తున్నారు. ఆమెకు విజయనగరంలో ఎక్కువ సేపు గడపటం ఇష్టం లేక, కార్యాలయాన్ని విశాఖకు తరలిస్తున్నారని, అదీ కాక విశాఖలో అయితే అధికార పార్టీ నేతలు అందుబాటులో ఉంటారు కాబట్టి, అన్నిటికీ అండగా ఉంటారని, ఈ నిర్ణయం తీసుకుని ఉంటారని, పలువురు ఈ నిర్ణయాన్ని ఖండిస్తున్నారు. అయితే సంచయిత తీసుకున్న నిర్ణయం పై, అదితి గజపతిరాజు తీవ్రంగా స్పందించారు. దీని వెనుక భారీ కుట్ర ఉందని ఆరోపించారు. భూములు రికార్డులు తారు మారు చేసే కుట్రలు జరుగుతున్నాయని ఆరోపించారు.

విశాఖలో డాక్టర్ సుధాకర్ కు ప్రభుత్వం వైపు నుంచి జరిగిన అన్యాయం నేపధ్యంలో, ఆయన కేసుని హైకోర్టు, సిబిఐకి ఇచ్చిన సంగతి తెలిసిందే. ఈ రోజు ఈ కేసు విచారణ హైకోర్టులో జరిగింది. అయితే ఈ రోజు విచారణలో భాగంగా, సిబిఐ అధికారులు ఇచ్చిన నివేదిక పై హైకోర్టు అసంతృప్తి వ్యక్తం చేసింది. మొదటిగా, సుధాకర్ కేసుకు సంబంధించి ఏపి పోలీసులు విచారణ చేసిన సంగతి తెలిసిందే. అయితే స్థానికంగా ఉన్న పోలీసులు కేసుని నీరుగార్చే ప్రయత్నం చేస్తున్నారు, కేసు విషయంలో వాస్తవాలు బయటకు రావాలి అంటే, న్యాయం జరగాలంటే, ఈ కేసుని సిబిఐకి అప్పగించాలని, సుధాకర్ తల్లితో పాటు, పౌర సంఘాలు కూడా డిమాండ్ చేసాయి. ఈ నేపధ్యంలోనే ధర్మాసనం ఈ కేసుని సిబిఐకి అప్పగిస్తూ ఆదేశాలు జరీ చేసింది. అయితే సిబిఐ గత కొంత కాలంగా ఈ కేసు పై విచారణ చేస్తూ వచ్చింది. అనేక మందిని ఈ కేసుకు సంబంధించి విచారణ చేసారు. సుధాకర్ ని అరెస్ట్ చేసిన సమయంలో పోలీసులు పై, మానసిక వైద్యులు నుంచి, చేసిన వైద్యం గురించి కూడా సిబిఐ అధికారులు దర్యాప్తు చేసారు. అయితే సిబిఐ ఇప్పటి వరకు చేసిన విచారణ, దర్యాప్తు జరిగిన తీరు, ఈ వివరాలు మొత్తం, సిబిఐ సీల్డ్ కవర్ లో హైకోర్టు ముందు పెట్టింది.

అయితే సీల్డ్ కవర్ లో సిబిఐ ఇచ్చిన వివరాలు, విచారణకు సంబధించిన సమాచారం పరిశీలించిన ధర్మాసనం, పూర్తిగా అసంతృప్తి వ్యక్తం చేసింది. సిబిఐ అధికారులు కూడా కేసుకు సంబంధించి విచారణ సరిగ్గా లేదనే అభిప్రాయాన్ని వ్యక్తం చేస్తూ, దీని పై మరింత లోతుగా దర్యాప్తు చేయాలని ఆదేశాలు ఇచ్చింది. అంతే కాకుండా హైకోర్టు కొన్ని కీలక సూచనలు కూడా చేసింది. ఈ కేసు పై ఒక పర్యవేక్షణాధికారిని నియమించాలని, ఆ అధికారికి అడిషనల్ డైరెక్టర్ స్థాయి ఉండాలని ఆదేశాలు ఇచ్చింది. ఈ కేసు విచారణ పై పూర్తి నివేదిక తమకు మార్చి 31లోపు అందించాలని హైకోర్టు సిబిఐకి ఆదేశాలు జారీ చేస్తూ, తదుపరి విచారణ ఏప్రిల్ మొదటి వారానికి కోర్టు వాయిదా వేసింది. అప్పట్లో ఈ కేసు సంచలన కేసుగా అయ్యింది. క-రో-నా వచ్చిన కొత్తలో, డాక్టర్లకు కూడా కనీసం మాస్కులు ఇవ్వటం లేదని, డాక్టర్ సుధాకర్ అడగటం, ఆయన్ను సస్పెండ్ చేయటం, తరువాత ఆయన్ను పిచ్చి వాడిగా ముద్ర వేసి, నడి రోడ్డు మీద పడేయటం, ఇవన్నీ జరిగి, చివరకు ఈ కేసు హైకోర్టుకు చేరి, సిబిఐ విచారణ వరకు వెళ్ళింది.

సాక్షి ఛానల్ అంటే జగన్ మోహన్ రెడ్డి సొంత ఛానల్ అనే విషయం అందరికీ తెలిసిందే. గతంలో రాజశేఖర్ రెడ్డి, సాక్షి ఛానల్ పెట్టించారు. మొదట్లో జగన్ మోహన్ రెడ్డి, అన్ని పనులు చూసుకునే వారు. తరువాత ఆయన భార్య సాక్షి వ్యవహారాలు చూస్తున్నారు. ఇక సాక్షిలో పెట్టుబడులు విషయంలో అడ్డంగా దొరికిన జగన్ పై సిబిఐ కేసులు, జైలుకు వెళ్ళటం, ప్రస్తుతం కండీషనల్ బెయిల్ పై బయట ఉండటం, అన్నీ తెలిసిందే. అయితే సాక్షి అనేది జగన్ భజన, తెలుగుదేశం పార్టీని డీగ్రేడ్ చేస్తూ వార్తలు రాయటం తప్ప ఏమి ఉండదు. సహజంగా చంద్రబాబు కానీ, లోకేష్ కానీ ఇతర ముఖ్యమైన తెలుగుదేశం పార్టీ నేతలు పర్యటనలు, ప్రెస్ మీట్ లు లాంటివి సాక్షి అసలు కవర్ చేయదు. చంద్రబాబు నాయుడు ప్రెస్ మీట్ పెడితే అసలు అవి సాక్షిలో చూపించటం అనేది ఎప్పుడూ ఉండదు. అంత వన్ సైడ్ గా సాక్షి చూపిస్తూ ఉంటుంది. అయితే ఈ రోజు రైతు కోసం అంటూ తెలుగుదేశం పార్టీ, మూడు రోజుల కార్యక్రమాలకు పిలుపు ఇచ్చింది. ఈ కార్యక్రమంలో భాగంగా ఈ రోజు నారా లోకేష్ అవినగడ్డలో పర్యటించారు. ఆత్మహత్యలు చేసుకున్న రైతు కుటుంబాలను పరామర్శించారు. పంట నష్టపోయిన పొలాలు పరామర్శించారు. రైతులు పడుతున్న కష్టాలు అడిగి తెలుసుకున్నారు. ఉదయం నుంచి, సాయంత్రం వరకు పర్యటన కొనసాగుతూనే ఉంది.

అయితే ఈ పర్యటన చివర్లో నారా లోకేష్ విలేఖరుల సమావేశం ఏర్పాటు చేసారు. అయితే అనూహ్యంగా ఈ సమావేశానికి సాక్షి విలేఖరి కూడా వచ్చారు. ప్రెస్ మీట్ కు కూర్చున్న లోకేష్ కు, సాక్షి లోగో తో కూడిన మైక్ కనిపించింది. దీంతో లోకేష్, సాక్షి విలేఖరికి కౌంటర్ ఇచ్చారు. సాక్షి వచ్చింది ఏంటి కధ అంటూ మాట్లాడిన లోకేష్, గట్టిగా తీసి, మొత్తం మీ ముఖ్యమంత్రి గారికి పంపించండి అంటూ సెటైర్ వేసారు లోకేష్. అంతే కాదు, విలేఖరుల సమావేశం అయిపోయిన తరువాత కూడా లోకేష్ కౌంటర్ ఇచ్చారు. అందరూ ప్రశ్నలు అడుగుతున్నారు, మీ సాక్షి కూడా ఏమైనా ప్రశ్నలు ఉంటే అడగండి, నేను మీ ముఖ్యమంత్రి లాగా పారిపోను అంటూ లోకేష్ కౌంటర్ వేసారు. అయితే అక్కడే ఉన్న తెలుగుదేశం నేతలు మాట్లాడుతూ, ప్రెస్ మీట్ ఒక్క దానికే కాదని, మీ పర్యటన మొదలైన దగ్గర నుంచి, ఈ రోజు సాక్షి మనల్ని ఫాలో అయ్యింది అంటూ నారా లోకేష్ కు చెప్పారు. అయితే దీనికి స్పందించిన లోకేష్, బాగా తీయండి, కష్టాలు అన్నీ కవర్ చేయండి, మా డిమాండ్లు మీ ముఖ్యమంత్రికి చెప్పండి అంటూ కౌంటర్ వేసారు.