news

ఆంధ్రప్రదేశ్ ప్రభుత్వం తీసుకున్న మరో నిర్ణయం ఇప్పుడు వివాదాస్పదం అవుతుంది. వివాదాస్పదం కూడా కాదు, ఈ నిర్ణయం పై, అందరూ ఆశ్చర్యం వ్యక్తం చేస్తున్నారు. సహజంగా ప్రభుత్వాలు అన్ని వర్గాలని, అన్ని ప్రాంతాలని, అన్ని మతాలను సమానంగా చూస్తూ ఉంటాయి. కేంద్ర ప్రభుత్వాలు అయినా, వివిధ రాష్ట్ర ప్రభుత్వాలు అయినా, ఇంతే. తాము ఒక మతానికి దగ్గరగా, ఒక మతానికి దూరంగా చేసే పనులు చేయరు. మతాలకు సంబంధించి, ఎలాంటి నిర్ణయాలు అయినా ఆయా మత గురువులు, ట్రస్ట్ లు చేస్తూ ఉంటాయి. అవి ప్రభుత్వం పాటిస్తూ ఉంటుంది తప్ప, ప్రభుత్వం నేరుగా కలుగు చేసుకోరు. ఉదాహరణకు తిరుమల ఉంది. ప్రభుత్వం నేరుగా తిరుమల వ్యవహారాల్లో కలుగ చేసుకోదు. తిరుమల తీరుపతి బోర్డు, కావాల్సిన నిర్ణయాలు తీసుకుంటుంది. అయితే రాజకీయ ప్రమేయం ఉన్న వాళ్ళను నియమిస్తారు అనుకోండి అది వేరే విషయం. ఎక్కడ ప్రభుత్వం నేరుగా వేలు పెట్టదు. అయితే ఇప్పుడు రాష్ట్ర ప్రభుత్వం తరుపున ఒక చర్చి నిర్మాణం కోసం టెండర్లు పిలుస్తున్నారు అని, ఇప్పటికే టెండర్ పిలిచారు అంటూ, వైసీపీ ఎంపీ రఘురాంకృష్ణం రాజు సంచలన వ్యాఖ్యలు చేసారు. దేశ చరిత్రలోనే ఏ ప్రభుత్వం ఇలా చేయలేదని గుర్తు చేసారు.

గుంటూరు జిల్లాలోని, రొంపిచర్ల మండల కేంద్రంలో, ఒక కొత్త చర్చి నిర్మాణం కోసం అని, పంచాయతీ రాజ్ ఇంజనీరింగ్ డిపార్టుమెంటు టెండర్ పిలిచిందని అన్నారు. ఈ చర్చి నిర్మాణం కోసం ప్రభుత్వం, 8లక్షల 72వేల 663 రూపాయలు కేటాయించింది. అంతే కాకుండా, ఈ నిర్మాణం ఆరు నెలల్లో పూర్తి చేయాలని కోరారు. అయితే ఇక్కడ చర్చి నిర్మాణం విషయంలో ఎవరికీ అభ్యంతరం లేదు కానీ, ప్రభుత్వం ఈ పని చేయటం పై విస్మయం వ్యక్తం చేస్తున్నారు. ప్రభుత్వాలు స్వయంగా ఏ దేవాలయం కానీ, చర్చిలు కానీ, మసీదులు కానీ నిర్మాణం చేయదు. దేవాలయాలు అయితే తిరుమల లాంటి బోర్డులు, దాతలు నిర్మిస్తారు. చర్చిలు, మసీదులు కూడా వివిధ దాతలు ఇచ్చిన నిధులతో నిర్మిస్తారు. ఇప్పటికే ప్రభుత్వం ఒక మతం వైపు మొగ్గు చూపుతుందని, విమర్శలు వస్తున్న వేళ, ఈ చర్యను ప్రభుత్వం ఎలా సమర్దిస్తుందో చూడాలి. గతంలో ప్రభుత్వం మూడు చర్చిల నిర్మాణం కోసం, జీవోలు విడుదల చేసింది. అయితే ఇప్పటికీ అవి కార్యరూపం దాల్చలేదు. ఇప్పుడు మాత్రం, టెండర్ పిలిచారు.

జగన్ మోహన్ రెడ్డి ప్రభుత్వానికి, ప్రస్తుతం ప్రతిపక్షం తెలుగుదేశం పార్టీ కన్నా, ఎన్నికల కమీషనర్ నిమ్మగడ్డ రమేష్ తోనే ఎక్కువ ముప్పు ఉన్నట్టు ఉంది. ఆయన పదవి గడువు మార్చ్ 2021 వరకు ఉంటుంది. అప్పటి వరకు పంచాయతీ , మున్సిపల్ ఎన్నికలు జరగకుండా ప్రభుత్వం అనేక పావులు కదుపుతుంది. ఈ ఏడాది మార్చ్ లో, దేశంలో క-రో-నా ఎంటర్ అయిన సమయంలో దేశం మొత్తం జనతా కర్ఫ్యూ పెట్టే నిర్ణయం తీసుకోవటం, ప్రపంచటం మొత్తం వణికిపోవటం, ఎలా ఎదుర్కోవాలో ఐడియా లేకపోవటం, ప్రజలకు కూడా సరైన అవగాహన లేకపోవటంతో, అప్పట్లో స్థానిక సంస్థల ఎన్నికలు వాయిదా వేసారు. అయితే ఆ సందర్భంలో జగన్ మోహన్ రెడ్డి, నిమ్మగడ్డను కులం పేరుతో ఎత్తి చూపి, కరోనా చాలా చిన్నది అంటూ, చెప్పుకొచ్చారు. ఆ తరువాత, నిమ్మగడ్డను తొలగించారు. అప్పట్లో ఇది ఒక సంచలనం. రాజ్యాంగ పదవిలో ఉన్న వారిని, ప్రభుత్వం తొలగించటంతో అందరూ ఆశ్చర్యపోయారు. చివరకు సుప్రీం కోర్టులో కూడా రాష్ట్ర ప్రభుత్వానికి ఎదురు దెబ్బ తగలటంతో, మళ్ళీ నిమ్మగడ్డ వచ్చారు. అయితే ఈ సారి క-రో-నా పై ప్రజలకు అవగాహన వచ్చింది, ప్రభుత్వానికి క్లారిటీ వచ్చింది, కేసులు కూడా భారీగా తగ్గిపోయాయి. బీహార్ లో అసెంబ్లీలో ఎన్నికలు జరిగాయి, రాజాస్థాన్, హైదరాబాద్ లో స్థానిక ఎన్నికలు జరిగాయి. కర్ణాటక, కేరళ రెడీ అవుతున్నాయి. దీంతో ఆంధ్రప్రదేశ్ లో కూడా ఎన్నికల ప్రక్రియ మొదలు పెట్టారు నిమ్మగడ్డ. ఫిబ్రవరిలో ఎన్నికలు అని ప్రొసీడింగ్స్ ఇచ్చారు. అయితే ప్రభుత్వం మాత్రం సెకండ్ వేవ్ వస్తుంది అంటూ కోర్టుకు వెళ్ళింది.

అయితే కోర్టు మాత్రం, మేం జోక్యం చేసుకోలేం అని చెప్పింది. అయితే ఈ సమయంలో సుప్రీం కోర్టుకు వెళ్ళినా ప్రభుత్వానికి అనుకూల ఫలితం వచ్చే అవకాసం లేదు. అందుకే ప్రభుత్వం తమ వద్దకు వచ్చిన ఒక నివేదికకు ఇప్పుడు వాడి, ఎన్నికల వాయిదాకు రెడీ అవుతుంది. ప్రభుత్వానికి వైద్య నిపుణులు ఒక నివేదిక ఇచ్చారు. అందులో తేదీలు వేసి మరీ సెకండ్ వేవ్ వస్తుందని చెప్పారు. జనవరి 15-మార్చి 15 మధ్యలో సెకండ్ వేవ్ వచ్చే అవకాసం ఉందని, జాగ్రత్తగా ఉండాలని ప్రభుత్వాన్ని హెచ్చరించారు. 25 క్రిస్మస్ నాడు ఇళ్ళ పట్టాలు ఇచ్చేసిన తరువాత, నిబంధనలు కఠినంగా అమలు కానున్నాయి. న్యూ ఇయర్ వేడుకలు కూడా రద్దు చేసే అవకాశాలు ఉన్నాయని అంటున్నారు. సరిగ్గా మార్చ్ 15తో సెకండ్ వేవ్ అంతం అవుతుందని ఆ నివేదిక చెప్తుంది. అంటే అప్పటికి నిమ్మగడ్డ పదవీ కాలం అయిపోతుంది. ప్రభుత్వం ఈ నివేదికను కోర్ట్ ముందు ఉంచి, ఎన్నికల వాయిదా కోరే అవకాసం ఉందని తెలుస్తుంది. ఇప్పటికే ఈ నివేదిక, ఎలక్షన్ కమిషన్ కూడా పంపారని సమాచారం. మరి ప్రభుత్వం వేసిన ఎత్తు ఫలిస్తుందా ? ఎన్నికలు మార్చి వరకు వాయిదా పడతాయా ? చూడాలి మరి...

ఆంధ్రప్రదేశ్ రాష్ట్రంలో నాలుగు నెలల క్రిందట, హిందువులు దేవాలయాల టార్గెట్ గా జరిగిన ఘటనలు అందరినీ కలిచి వేసాయి. ఏదో ఒక ప్లాన్ గా చేస్తున్నాటు జరిగిన ఘటనలు చూస్తే అర్ధం అవుతుంది. అయితే పోలీసులు నిఘా వల్ల కానీ, మరే ఇతర కారణాల వల్లో కానీ, ఈ ఘటనలు ఆగిపోయాయి. అప్పుడప్పుడు జరుగుతున్నా, అప్పట్లో జరిగినట్టు వరుస పెట్టి జరగలేదు. అయితే ఈ జరిగిన ఘటనల్లో, ఒక ఘటన మాత్రం, తీవ్ర దుమారం రేపింది. అదే దక్షిణ కాశీగా పిలిచే, అంతర్వేది లక్ష్మీ నరసింహస్వామి రధం దగ్దం ఘటన. రాత్రికి రాత్రి ఈ రధం తగలబడి పోయింది. ఇప్పటికీ ఇది ఎవరు చేసారో తెలియదు. ఎవరో పిచ్చోడు చేసాడని నమ్మించే ప్రయత్నం కూడా చేసారు. తరువాత రధం పైన తేనే తుట్టు ఉంది, దాని కోసం ఎవరో అంటించారని అన్నారు. ఎవరు చేసారో ఏమో కానీ, హిందువులు మనోభావాలు ఈ ఘటనతో దెబ్బ తిన్నాయి. రధం అలా మంటల్లో తగలబడి పోతుంటే, అందరూ ఆవేదన చెందారు. అయితే ఈ ఘటన , రాజకీయంగా కూడా వేడెక్కింది. తెలుగుదేశం, బీజేపీ పార్టీలు ఈ ఘటన పై నిరసనలు తెలిపాయి. చివరకు అనేక ఉద్రిక్త పరిణామాలు తరువాత, ప్రభుత్వం కూడా దిగి వచ్చింది. ఈ ఘటనను సిబిఐకి అప్పగిస్తున్నట్టు ప్రకటించింది. దీంతో సమస్యకు ఫుల్ స్టాప్ పడింది. ఆందోళనలు విరమించారు. రాష్ట్ర ప్రభుత్వం కూడా, తమ మీద నింద లేకుండా, కేంద్రం పరిధిలోకి నెట్టేస్తూ, సిబిఐ విచారణకు ఆదేశించింది.

దీంతో బీజేపీ కూడా ఈ విషయాన్ని రాజకీయం చేయాలనుకున్నా, కుదరలేదు. అయితే ఈ రాజకీయ అంశాలు పక్కన పెడితే, భక్తుల మనోభావాలతో ఉన్న అంశం కావటంతో, సిబిఐ విచారణకు ఆదేశించటంతో, అసలు దోషులు ఎవరో బయట పడతారని, నిజం తెలుస్తుందని అందరూ భావించారు. అయితే మూడు నెలలు దాటినా, ఇప్పటికీ సిబిఐ విచారణ ప్రారంభం కాలేదు. రాష్ట్ర ప్రభుత్వం, ఫైల్స్ అన్నీ ఇచ్చి, సిబిఐకి కేసు అప్పగించినట్టు వార్తలు వస్తున్నా, సిబిఐ మాత్రం ఇప్పటికీ కేసు నమోదు చేయలేదు, విచారణ ప్రారంభించ లేదు. అంతే కాదు అసలు ఈ కేసు తీసుకుంటారో లేదో కూడా, ఇప్పటికీ తెలియదు. మరో పక్క రాష్ట్ర పోలీసులు కూడా ఈ కేసు పై విచారణ ఏమి చేస్తున్నట్టు లేరు. మరి నిజం ఎవరు చెప్తారు ? రాష్ట్ర ప్రభుత్వం తెలివిగా, కేంద్రం పరిధిలోని సిబిఐకి ఇచ్చేసింది. మరి రాష్ట్ర బీజేపీ నేతలు, కేంద్ర పెద్దల పై ఒత్తిడి తెచ్చి, ఈ కేసు విచారణ చేయమని కోరలేరా ? రాష్ట్ర బీజేపీ ఈ విషయంలో, నిరసన తెలిపింది కదా ? సిబిఐ కేంద్ర పరిధిలోదే కదా ? మరి రాష్ట్ర బీజేపీ ఎందుకు ఒత్తిడి తీసుకు రాదు ? మొత్తానికి, దేవుడికి జరిగిన అన్యాయం ఏమిటో, ఎప్పుడు బయటకు వస్తుందో, వేచి చూడటం తప్ప, ఏమి చేయలేం.