news

ఆంధ్రప్రదేశ్ రాష్ట్ర ఎన్నికల కమిషన్ కు, స్థానిక సంస్థల ఎన్నికలు నిర్వహించేందుకు ప్రభుత్వం సహకారం ఇప్పటికిప్పుడు లేకపోవటంతో, ఆంధ్రప్రదేశ్ రాష్ట్ర ఎన్నికల కమిషన్ నిమ్మగడ్డ రమేష్ కుమార్, ఈ అన్ని అంశాల పై , ఈ రోజు దాదాపుగా 40 నిమిషాల పాటు గవర్నర్ తో భేటీ అయ్యి, ఆయనకు అన్ని విషయాలు చెప్పారు. అయితే గవర్నర్ తో భేటీ అనంతరం, ఎన్నికల కమిషన్ అనూహ్య నిర్ణయం తీసుకున్నట్టు వార్తలు వస్తున్నాయి. ఎన్నికల కమిషన్, రాష్ట్ర ప్రభుత్వ వైఖరి పై, హైకోర్టులో ఫిర్యాదు చేయటానికి నిర్ణయం తీసుకున్నట్టు తెలుస్తుంది. నిన్న ఈసి స్పనిస్తూ, గ్రామపంచయతీ ఎన్నికలు వచ్చే ఫిబ్రవరిలో నిర్వహిస్తామంటూ ప్రొసీడింగ్స్ జారీ చేసింది. అయితే దీని పై రాష్ట్ర ప్రభుత్వ ప్రధాన కార్యదర్శి నీలం సాహనీ రాష్ట్ర ఎన్నికల కమీషనర్ కు లేఖ రాసారు. ప్రస్తుతం ఉన్న పరిస్థితిలో ఎన్నికలు నిర్వహించటం సాధ్యం కదాని, కరోనా సెకండ్ వేవ్ తో పాటుగా, చలి తీవ్రత ఎక్కువుగా ఉండటంతో, ఇప్పుడున్న పరిస్థితిలో ఎన్నికలు నిర్వహిస్తే ఉద్యోగులు ఇబ్బంది పడతారని పేర్కొన్నారు. పైగా, కాంటైనేమేంట్ జోన్స్ నిర్వహణలో, ఇటు రెవిన్యూ యంత్రాంగం, ఇటు పోలీసులు కూడా బిజీగా ఉన్నారని పేర్కొన్నారు. రాష్ట్రంలో వైరస్ తగ్గిన వెంటనే, అనువైన పరిస్థితి ఉంటే, తెలియ చేస్తామని పేర్కొన్నారు. దీనికి ఎలక్షన్ కమిషనర్ నిమ్మగడ్డ అసంతృప్తి వ్యక్తం చేస్తూ, చీఫ్ సెక్రటరీకి మెసేజ్ పెట్టారని, రాజ్యాంగబద్ధ సంస్థలను పని చేసుకోనివ్వటం లేదంటూ ఆయన మెసేజ్ చేసారని తెలుస్తుంది.

అయితే ఈ రోజు గవర్నర్ తో భేటీ అయిన ఎలక్షన్ కమీషనర్, ఇదే విషయాన్ని గవర్నర్ తో కూడా చెప్పి, తమకు కలుగుతున్న ఇబ్బందులు తెలిపారు. అయితే గవర్నర్ తో భేటీ ముగియగానే, రాష్ట్ర ప్రభుత్వ వైఖరి పై హైకోర్టుకు వెళ్ళాలని నిర్ణయం తీసుకున్నారు. గతంలో ప్రజా ప్రయోజన వ్యాజ్యం విచారణ సందర్భంగా, హైకోర్టు స్పందిస్తూ, ఎన్నికలు నిర్వహించటానికి ఎన్నికల కమిషన్ కు ఉన్న ఇబ్బంది ఏమిటి అంటూ ప్రశ్నించిన నేపధ్యంలో, తాము కసరత్తు చేసి, ఫిబ్రవరిలో ఎన్నికల నిర్వహణకు నిర్ణయం తీసుకుని, ప్రభుత్వానికి లేఖ రాయగా, చీఫ్ సెక్రెటరీ బదులుగా రాసిన లేఖ, అలాగే ఎన్నికల నిర్వహణ పై వీడియో కాన్ఫరెన్స్ పెట్టినా, దాన్ని కూడా భగ్నం చేసేలా వ్యవహరిస్తున్నారు అనే అంశంతో పాటుగా, రాష్ట్ర ప్రభుత్వం, ఈసికి సహకరించాలని హైకోర్టు ఇచ్చిన ఆదేశాలు పాటించటం లేదని, ఎలక్షన్ కమిషన్ పిటీషన్ వేసినట్టు తెలుస్తుంది. ఈ పిటీషన్ త్వరలోనే విచారణకు వచ్చే అవకాసం ఉన్నట్టు తెలుస్తుంది. అయితే గవర్నర్ ని కలిసిన తరువాత, ఎన్నికల కమిషన్ ఈ నిర్ణయం తీసుకోవటంతో, ఆయనకు అన్నీ వివరించి, ప్రభుత్వం పై, హైకోర్టులో ఫిర్యాదు చేసినట్టు అర్ధం అవుతుంది.

గత రెండు రోజులుగా ఆంధ్రప్రదేశ్ రాష్ట్రంలో చర్చనీయంసంగా మారిన విశాఖ శారదా పీఠాధిపతి స్వరూపానంద స్వామి జన్మదిన వేడుకల వివాదానికి హైకోర్టులో ఫుల్ స్టాప్ పడింది. స్వరూపానందకి ఆలయ మర్యాదలతో కూడిన కానుకులు పంపాలని చెప్పి, దేవాదాయ శాఖ జారీ చేసిన మెమోని హైకోర్టు సస్పెండ్ చేసింది. దీనికి సంబంధించి రెండు రోజులు క్రితం శారదాపీఠం నుంచి ఆంధ్రప్రదేశ్ దేవాదాయ శాఖకు ఒక లేఖ అందింది. ఆ లేఖ సారంశం ఏమిటి అంటే, ఈ నెల 18న శారదా పీఠాధిపతి స్వరూపానంద స్వామి పుట్టిన రోజు వేడుకలు జరుగుతున్నాయి. ఈ వేడుకలకు సంబంధించి రాష్ట్రంలోని అన్ని దేవాలయాలు, ఆలయ మార్యదాలు ఇవ్వాలి అనేది ఆ లేఖ సారాంశం. శారదా పీఠాధిపతిని నుంచి ఆ లేఖ అందగానే, ఆంధ్రప్రదేశ్ దేవాదాయ శాఖ రాష్ట్రంలోని 23 ప్రముఖ దేవాలయాలకు ఒక మెమోని జారీ చేసింది. ఆ మెమో ప్రకారం ఏమిటి అంటే, శారదా పీఠం కోరిన విధంగానే, ఆలయ మర్యాదలతో కూడిన కానుకలు శారదా పీఠాధిపతి స్వరూపానంద స్వామికి పంపాలి అనేది ఆ మెమో ఉద్దేశం. అయితే దేవాదాయ శాఖ ఈ విధంగా మెమో జారీ చేయటం అనేది వివాదాస్పదం అయ్యింది. దీనికి సంబంధించి పలువురు తీవ్ర స్థాయిలో విమర్శలు గుప్పించారు.

అయితే దీని పై కొందరు, దేవాదాయ శాఖ జారీ చేసిన మెమో ని ఛాలెంజ్ చేస్తూ, హైకోర్టుని ఆశ్రయించారు. అయితే ఈ రోజు ఉదయమే, హైకోర్టులో ఈ అంశం వస్తుంది అనగా, శారదా పీఠం నుంచి ఒక ప్రకటన వెలువడింది. ఆ ప్రకటన సారంశం ఏమిటి అంటే, 2004 నుంచి కూడా స్వామి వారి పుట్టిన రోజు నాడు, అన్ని ఆలయాల నుంచి మర్యదాలు అందుతున్నాయి, ఈ ఏడాది కూడా అందించాలని కోరాము, ఈ అంశాల్లో ఎవరికైనా అభ్యంతరాలు ఉంటే, దాన్ని పరిగణలోకి తీసుకుంటామని ఒక ప్రకటన విడుదల చేసింది. దీనికి తగ్గట్టుగానే, ఈ అంశం హైకోర్టులో విచారణకు రాగానే, తాము దేవాదాయ శాఖకు రాసిన లేఖను వెనక్కు తీసుకుంటుంన్నామని హైకోర్టుకి తెలిపారు. దీంతో శారదా పీఠమే వెనక్కు తీసుకోవటంతో, ఇక ఈ పిటీషన్ కొట్టేస్తున్నామని హైకోర్టు తెలిపింది. దీంతో దేవాదాయ శాఖ కూడా ఈ ఉత్తర్వులు ఉపసంహరించుకుంది. మొత్తానికి ఈ వివాదం, మొండిగా ముందుకు వెళ్లి, హైకోర్టు ఆగ్రహానికి గురి కాకుండా, విజ్ఞతతో అలోచించి, వివాదానికి ముగింపు పలికారు.

అమరావతి రైతులు, మహిళలు ఈ రోజు జనసేన అధినేత పవన్ కళ్యాణ్ ని మంగళగిరిలో కలిసారు. ఈ రోజు జనసేన పార్టీ సమావేశాల కోసం పవన్ కళ్యాణ్ హైదరబాద్ నుంచి మంగళగిరి వచ్చారు. ఈ సందర్భంగా పవన్ కళ్యాణ్ ను అమరావతి రైతులు, మహిళలు కలిసారు. ఇటీవల కాలంలో తమ పై ప్రభుత్వం చేస్తున్న వేధింపులు, 300 రోజులకు పైగా చేస్తున్న పోరాటం పై, పవన్ కు వివరించారు. తమ బాధలు చెప్పుకున్నారు. పవన్ కళ్యాణ్ ని ముందుండి ఉద్యమం నడిపించాలని కోరారు. వారి బాధలు అన్నీ విన్న పవన్ కళ్యాణ్ , అమరావతి రైతులు, మహిళలను ఉద్దేశించి మాట్లాడారు. 2014లో అమరావతిని రాజధానిగా ఒప్పుకున్నప్పుడు, జగన్ రెడ్డికి కనిపించని ఆ ఒక్క కులం, ఇప్పుడెందుకు కనిపిస్తుంది అంటూ ప్రశ్నించారు. తాము మొదటి నుంచి అమరావతి ఒక్కటే రాజధానిగా ఉండాలనే స్టాండ్ తో ఉన్నామని, దీని వల్ల వేరే ప్రాంతంలో ఇబ్బందులు వచ్చినా, వారికి చెప్పుకుంటామని అన్నారు. ఇక్కడ మహిళలు ఇబ్బందులు పడుతుంటే, వేరే ప్రాంతంలో మహిళలు సంతోషించరని, వారు కూడా మీకు మద్దతు తెలుపుతారని పవన్ కళ్యాణ్ అన్నారు. తనని ఉద్యమం ముందుండి నడిపించాలని కోరుతున్నారని, ఇప్పుడున్న పరిస్థితిలో, ఈ క-రో-నా తగ్గేదాకా కొన్ని పరిమితులు ఉంటాయని, అయితే జేఏసి ఏ పిలుపు ఇచ్చినా, తాము ఆ ఉద్యమంలో పాల్గుంటామని అన్నారు. అయితే ఈ సందర్భంలో ఒక ఆసక్తికర ఘటన చోటు చేసుకుంది. పవన్ కళ్యాణ్ మొదటి నుంచి అమరావతి అంటుంటే, బీజేపీ మాత్రం, ఎవరు ఇష్టం ఇవచ్చినట్టు వాళ్ళు మాట్లాడుతున్నారు.

బయటకు అమరావతి అంటున్న, వైసీపీకి దగ్గరగా సోము వీర్రాజు అండ్ కో మాటలు ఉంటున్నయనే అభిప్రాయం మధ్య, కొంత మంది రైతులు, బీజేపీని అమరావతి విషయంలో గట్టిగా నిర్ణయం తీసుకునేలా చూడాలని పవన్ కళ్యాణ్ ని కోరారు. దీనికి పవన్ కళ్యాణ్ స్పందిస్తూ, తాము బీజేపీతో పొత్తు పెట్టుకోక ముందు నుంచే, బీజేపీ ఒక్క రాజధాని అమరావతికి కట్టుబడి తీర్మానం చేసిందని, కానీ కేంద్రానికి కొన్ని పరిమితులు ఉంటాయని అన్నారు. బీజేపీ, జనసేన వేరు వేరుగా లేమని, వారికి కూడా అమరావతి రాజధానిగా ఉండాలని ఉందని, కాకపోతే బీజేపీ నేతలు మాట్లాడే మాటలు మీకు కొంచెం గందరగోళానికి గురి చేసే విధంగా ఉన్నాయేమో కానీ, బీజేపీ నాయకత్వం మాత్రం సంపూర్ణంగా అమరావతిని రాజధానిగా ఉండాలని కోరుకుంటుందని అన్నారు. గతంలో కూడా అమరావతి రాజధాని అనే విషయంలో కేంద్రం జోక్యం చేసుకోలేదని, ఇప్పుడు కూడా జోక్యం చేసుకునే అవకాసం లేదని, మన దేశంలో ఉన్న ఫెడరల్ వ్యవస్థలో కొన్ని పరిమితాలు ఉంటాయని అన్నారు. అయితే బీజేపీ నాయకత్వం మాత్రం, అమరావతే రాజధాని మా విధానం అదే అని మాకు చెప్పారు కాబట్టి, ఇంత బలంగా చెప్తున్నానని, కానీ కొంత మాటలు చెప్పే విధానం మనకు రుచించక పోవచ్చని, లేదా వారి మాటలు నమ్మసక్యంగా లేకపోవచ్చు కానీ, మేము మాత్రం అమరావతి తరుపున బలంగా నిలబడతాం అని పవన్ కళ్యాణ్ అన్నారు.