news

విజయవాడ స్వర్ణప్యాలెస్ అగ్ని ప్రమాద ఘటన నేపధ్యంలో రమేష్ ఆసుపత్రి యాజమాన్యం లక్ష్యంగా జరుగుతున్న దర్యాప్తు వేగం పుంజుకుంది. గుంటూరులోని రమేష్ ఆసుపత్రి స్థలం లీజు వ్యవహారంపై ప్రభుత్వం దృష్టి సారించినట్టు తెలిసింది. క్రిస్టియన్ మిషనరీ (ఎఈఎల్‌సి) సంస్థకు చెందిన స్థలాన్ని మాజీ ఎంపి రాయపాటి సాంబశివరావు ఆధ్వర్యంలో ఐదేళ్ల క్రితం లీజుకు తీసుకున్నారు. ఈ స్థలంలో రమేష్ ఆసుపత్రిని ఏర్పాటు చేశారు. రమేష్ ఆసుపత్రి యాజమాన్యంకు, రాయపాటి సోదరులకు బంధుత్వం ఉంది. రాయపాటి సాంబశివరావు కోడలు డాక్టర్ మమత గుంటూరు రమేష్ ఆసుపత్రి వ్యవహారాలను పర్యవేక్షిస్తున్నారు. సాంబశివరావు సోదరుడి కూతురు రాయపాటి శైలజ విజయవాడ రమేష్ ఆసుపత్రి చైర్మన్‌గా ఉన్న రామ్మోహనరావుకు కోడలు. ఈ నేపథ్యంలో రాయపాటి సాంబశివరావు సహకారంతోనే గుంటూరులో డాక్టర్ రమేష్ ఆసుపత్రిని నెలకొల్పారు. స్వర్ణ ప్యాలెస్ ఘటన నేపధ్యంలో రాయపాటి సోదరుల వ్యవహారాల పైనా ప్రభుత్వం దృష్టి సారించినట్టు తెలిసింది. సాంబశివరావు కుటుంబ సభ్యులు రమేష్ ఆసుపత్రికి సబ్ లీజుకు ఇచ్చినట్టు తెలిసింది. గుంటూరు నగర నడిబొడ్డున ఈ స్థలం ఉండటంతో ఆసుపత్రికి బాగా ఉపయోగపడింది.

ఇందుకు సంబంధించిన వ్యవహారాలను ఆరా తీసేందుకు ఇప్పటికే రాయపాటి మమతను విచారించిన విజయవాడ పోలీసులు తాజాగా మంగళవారం గుంటూరు రమేష్ ఆసుపత్రిలో ఆయన సోదరుడి కూతరు అయిన శైలజను విచారించారు. ఆమె అమరావతి ఉద్యమంలో కూడా కీలక పాత్ర పోషించారన్న సమాచారంతో కొంత మంది వైసిపి నాయకుల సలహాతో రాయపాటి కుటుంబంపై దృష్టి సారించినట్టు రాజకీయ వర్గాల్లో ప్రచారం జరుగుతోంది. రాష్ట్రంలో చాలా చోట్ల అగ్ని ప్రమాదాలు జరుగుతున్నాయని కానీ ఇంతలా కొంత మందిని లక్ష్యం చేసుకుని వేధింపులు ఎక్కడా ఎప్పుడూ చూడలదేని రాయపాటి సాంబశివరావు సోదరుడి కుమార్తె శైలజ పేర్కొన్నారు. పోలీసుల విచారణ అనంతరం ఆమె మీడియాతో మాట్లాడుతూ కరోనా కేర్ సెంటర్లను ఎక్కడైనా పరిశీలించారా అని తనను పోలీసులు అడిగారని కానీ తాను 8 నెలలుగా వైద్య వృత్తికి దూరంగా ఉన్నానని చెప్పారు. నా పుట్టుపూర్వోత్తరాలు కూడా అధికారులు అడిగారని తెలిపారు. 30 ఏళ్లుగా పేరు తెచ్చుకున్న ఒక సంస్థను లక్ష్యంగా చేసుకుని కులం పేరుతో దుష్ప్రచారం చేయడం తగన్నారు. రమేష్ బాబును రమేష్ చౌదరిగా ప్రచారం చేస్తుంటే ఒక టార్గెట్ గానే తమకు కనబడుతుందన్నారు.

తెలుగుదేశం పార్టీ టికెట్ మీద గెలిచి, వైసీపీ పార్టీ వైపు వెళ్ళిన గుంటూరు పశ్చిమ నియోజకవర్గ ఎమ్మెల్యే మద్దాలి గిరికి ఈ రోజు ఆంధ్రప్రదేశ్ హైకోర్టు నోటీసులు జారీ చేసింది. ఎమ్మెల్యే మద్దాలి గిరితో పాటుగా, గుంటూరు అర్బన్ పోలీసులకు కూడా హైకోర్టు ఈ నోటీసులు జారీ చేసింది. సామగ్రి అపహరణ కేసులో, అటు ఎమ్మెల్యే మద్దాలి గిరికి, ఇటు గుంటూరు అర్బన్ పోలీసులకు హైకోర్టు ఈ నోటీసులు జారీ చేసింది. ఇక కేసు విషయానికి వస్తే, గుంటూరులోని శంకర్ విలాస్ సెంటర్‌లో, డీబీ ఫ్యాషన్‌ అనే ఒక షాపు ఉంది. ఆ షాపు పై కొన్ని రోజులు క్రితం కొంత మంది వచ్చి దౌర్జన్యం చేసారు. షాపు మూసి ఉన్న సమయంలో, తాళం పగులుకొట్టి మరీ, కోటీ యాభై లక్షల విలువ కలిగిన సామగ్రిని షాపులో నుంచి అపహరించారు. దీంతో షాపు ఓనర్లు గుంటూరు అరండల్ పేట పోలీసులకు ఫిర్యాదు చేసారు. అయితే పోలీసుల నుంచి సరైన సహకారం వారికి అందలేదు.

దీంతో ప్రతి వారం పెట్టే గ్రీవెన్స్‌కు వెళ్లి, తమకు జరిగిన అన్యాయాన్ని జిల్లా ఎస్పీకి చెప్పుకున్నారు. అక్కడ కూడా సహకారం అందలేదని చెప్తున్నారు. అధికారులు ఎవరూ స్పందించకపోవటంతో, ఇక న్యాయ దేవతే దిక్కు అనుకుని, షాపు ఓనర్ కొప్పురావూరి శివ ప్రసాద్ హైకోర్టుకు మోర పెట్టుకుంటూ, పిటీషన్ దాఖలు చేసారు. ఎమ్మెల్యే మద్దాలి గిరి చేస్తున్న ఒత్తిడితోనే, పోలీసులు తనకు సహకారం అందించలేదని, తన షాపులో దొంగతనం చేసిన వారికి మద్దలి గిరి మద్దకు ఉందని, కోర్టుకు తెలిపారు. తన షాపుని ఆక్రమించే ఎత్తుగడ వేసారని అన్నారు. ఎమ్మెల్యే ఒత్తిడితోనే ఈ మొత్తం తాతంగం జరిగిందని ఆరోపించారు.. దీంతో పిటీషన్ ను పరిశీలించిన హైకోర్టు ధర్మాసనం, ఎమ్మెల్యే మద్దాల గిరితో పాటుగా, పోలీసులు, రెవిన్యూ సిబ్బందికి కూడా నోటీసులు జారీ చేసింది.

తెలుగుదేశం పార్టీ నేత, ఎమ్మెల్యే నిమ్మల రామానాయుడు గోదావరి వరదలో చిక్కుకున్నారు. పశ్చిమగోదావరి జిల్లా, యలమంచిలి మండలంలోని చించినాడ వద్ద, నిమ్మల రామానాయుడు వెళ్తున్న పడవ నిలిచిపోయింది. ఆ పడవలో నిమ్మల రామానాయుడుతో పాటుగా, మరో 8 మంది ఉన్నట్టు తెలుస్తుంది. బోటు ఆగిపోవటంతో, రామానాయుడు, అధికారులకు విషయం చేర వేసారు. ఆగిపోయిన పడవను ఒక చెట్టుకు లంగరు వేసినా, గోదావరి ఉగ్ర రూపానికి, కదిలిపోతుందని చెప్తున్నారు. గోదావారి వరదల్లో చిక్కుకున్న బాడవ గ్రామానికి నిమ్మల రామానాయుడు పరామర్శించటానికి వెళ్లారు. అయితే సాంకేతిక సమస్యలు తలెత్టటంతో బోటు ఆగిపోయింది. విషయం అధికారులను తెలియ చేసారు. అయితే అధికారులు ఒక చిన్న బోటు పంపించగా, ఆ బోటు కూడా వరదకు తట్టుకోలేక తిరిగి వచ్చేసింది. దీంతో మరో పెద్ద బోటు కోసం అధికారులు ఏర్పాటు చేస్తున్నారు.

చివరకు పర్యాటక బోటు పమించాలని నిర్ణయం తీసుకున్నారు. పర్యాటక బోటు కోసం నిమ్మల ఎదురు చూస్తున్నట్టు తెలుస్తుంది. అయితే చీకటి పడుతూ ఉండటంతో, ఎమ్మెల్యే వర్గంతో పాటుగా, అధికారులు కూడా కంగారు పడుతున్నారు. ముందుగానే పెద్ద బోటు పంపించి ఉంటే, ఈ టెన్షన్ ఉండేది కాదని ఎమ్మెల్యే అనుచరులు అంటున్నారు. మరో పక్క, గోదావరి వరదల్లో టిడిపి ఎమ్మెల్యే నిమ్మల రామానాయుడు చిక్కుకోవడంపై చంద్రబాబు ఆందోళన వ్యక్తం చేసారు. విషయం తెలుసుకుని, హుటాహుటిన పశ్చిమ గోదావరి జిల్లా కలెక్టర్ కు చంద్రబాబు ఫోన్ కాల్ చేసారు. ఎమ్మెల్యే రామానాయుడుతో సహా వరదల్లో చిక్కుకున్న గ్రామ ప్రజలను కాపాడాలని చంద్రబాబు కోరారు. తగిన ఏర్పాట్లు చేసి, వెంటనే ఆయనతో పాటు ఉన్న మిగతా వారిని కూడా సేఫ్ గా తీసుకు రావాలని కోరారు.