news

అప్డేట్ : లాక్ డౌన్ లేదని, కలెక్టర్ గారు, మళ్ళీ వెంటనే ఒక గంటకే ప్రకటించారు.

కృష్ణా జిల్లాలో పెరుగుతున్న క-రో-నా కేసులు దృష్టిలో పెట్టుకుని, జూన్ 26 నుంచి, అంటే శుక్రవారం నుంచి, విజయవాడ నగరం మొత్తం, పూర్తి లాక్ డౌన్ ఉంటుందని, వారం రోజుల పాటు ఈ లాక్ డౌన్ ఉంటుందని, పరిస్థితిని బట్టి అప్పుడు ఏమిటి అనేది ఆలోచిస్తామని, కలెక్టర్ ఇంతియాజ్ తెలిపారు. వచ్చే రెండు రోజులు, రేపు, ఎల్లుండి,నిత్యావసర వస్తువులను సమకూర్చుకోవాలని పిలుపిచ్చారు. మందులు షాపులు, కొన్ని నిత్యవసర షాపులు తప్పితే, అన్నీ ముసేస్తాం అని అన్నారు. ప్రజలు దీనికి పూర్తి సహకారం అందించాలని కోరారు. కృష్ణా జిల్లాలో పెరుగుతున్న కో-వి-డ్-19 దృష్ట్యా, నియంత్రణకు కట్టుదిట్టమైన చర్యలు తీసుకున్నామని, ఇంత వరకూ 61.35 శాతం ఆసుపత్రి నుండి డిశ్చార్జి అయ్యారని జిల్లా కలెక్టర్ ఇంతియాజ్ అన్నారు. అనుమానిత లక్షణాలు ఉన్న వారందరికీ వైద్య పరీక్షలు నిర్వహిస్తున్నామని, జిల్లాలో ఇంతవరకు 64,110 మందికి పరీక్షలు నిర్వహించాలని కలెక్టర్ తెలిపారు. మొత్తం 1115 పాజిటీవ్ కేసులు ఇంతవరకూ నమోదుకాగా, వాటిలో 684 మంది ఆసుపత్రి నుండి డిశ్చార్జి అయ్యారని, 405 యాక్టివ్ కేసులు కాగా, వీరందరూ వైద్యసహాయం పొందుతున్నారని కలెక్టర్ అన్నారు. క-రో-నా నియంత్రణకు ప్రభుత్వం నిర్దేశించిన విధివిధానాలను పాటిస్తూ, జిల్లాలో ఉన్న 117 కంటైన్మెంట్ జోన్ లలో కట్టుదిట్టమైన చర్యలు తీసుకున్నామని కలెక్టర్ అన్నారు.

5 క్వారంటైన్ సెంటర్లలో 317 మంది ఉన్నారని, వీరందరికీ అవసరమైన భోజన, వైద్య సదుపాయాలు కల్పిస్తున్నామని కలెక్టర్ అన్నారు. పెరుగుతున్న కేసుల దృష్ట్యా విస్తృతంగా వైద్య పరీక్షలు నిర్వహిస్తున్నామని, ప్రతి రోజు 8 వేల కరోనా పరీక్షలు నిర్వహించాలని లక్ష్యంగా అధికారులు పనిచేస్తున్నారని, దీనిలో భాగంగా 20 వైద్య బృందాలు పనిచేస్తున్నావని, 10 ఐమాస్క్ బస్సులు ద్వారా వైద్య పరీక్షలు నిర్వహిస్తున్నామని కలెక్టర్ అన్నారు. కరోనా అనుమానిత లక్షణాలు ఉన్నవారందరికీ పరీక్షలు నిర్వహిస్తున్నామని, స్వచ్చంధంగా ప్రజలు ముందుకు వచ్చి పరీక్షలు చేయించుకోవాలని కలెక్టర్ అన్నారు. ప్రతి ఒక్కరు మాస్క్ లను ధరించాలని భౌతిక దూరం పాటించడం వంటి స్వీయనియంత్రణ చర్యలు చేపట్టాలని అప్పుడే కరోనాను జయించగలమని కలెక్టర్ అన్నారు. కరోనా వైరస్ గురించి ప్రజల్లో ఉన్న బయాందోలనలను తొలగించేందుకు ఐదుగురు సైకాలజిసట్ లను జిల్లాలో నియమించాయని, వీరు క్వారంటైన్ సెంటర్లలో ఉన్నవారికీ, ఫోన్ ద్వారా కరోనా వైరస్ గురించి ప్రజల్లో భయాందోళనలపై కౌన్సిలింగ్ నిర్వహించి వారిలో మామూలు పరిస్థితులు ఉండేవిధంగా కృషి చేస్తారని కలెక్టర్ ఇంతియాజ్ అన్నారు.

సరస్వతి పవర్ కంపెనీకి జీవితాకాలం నీటి కేటాయింపులు, అలాగే 50 ఏళ్ళు సున్నపురాయి గనులు ఇవ్వటం పై, జగన్ మోహన్ రెడ్డి ప్రభుత్వం పై, తెలుగుదేశం పార్టీ అధినేత చంద్రబాబు, విమర్శలు చేసిన సంగతి తెలిసిందే. సొంత కంపెనీలకు లబ్ది చేకూరుస్తూ, ఇష్టం వచ్చినట్టు చేస్తున్నారని ఆరోపించారు. అయితే, దీని పై స్పందించిన ప్రభుత్వం, సరస్వతి పవర్ కు, ఇచ్చినవి అన్నీ నిబంధనలు ప్రకారమే ఇచ్చామని, దీంట్లో ఏమి లేదంటూ కౌంటర్ ఇచ్చారు. అయితే, దీని పై, ప్రభుత్వం, ఏకంగా చంద్రబాబుకి, అలాగే చంద్రబాబు వ్యాఖ్యలు ప్రచురించిన ఆంధ్రజ్యోతి, ఈనాడుకి కూడా నోటీసులు జారీ చేసింది. నోటీసులు ఇవ్వటమే కాకుండా, చంద్రబాబు క్షమాపణ చెప్పాలని, లేకపోతే క్రిమినల్ ప్రొసీడింగ్స్ ఫాలో అవుతామని హెచ్చరించింది. ప్రభుత్వం ఇచ్చిన నోటీసులు పై ఈ రోజు చంద్రబాబు స్పందించారు. ఈ రోజు, తెలుగుదేశం పార్టీ సీనియర్ నేతలతో జరిగిన ఆన్ లైన్ సమావేశంలో చంద్రబాబు స్పందించారు. తనకు నోటీసులు ఇచ్చిన విషయం ఫై ఘాటుగా బదులు ఇచ్చారు చంద్రబాబు. మీ ఇష్టం వచ్చినట్టు చేస్తాం అంటే చూస్తూ కూర్చోం అని, నోటీసులు ఇస్తే భయపడిపోమని అన్నారు.

సరస్వతి పవర్ మీ సొంత కంపెనీ, నిజమా కాదా ? దీంట్లో ఏమైనా తప్పు ఉందా ? ఆ కంపెనీకి జీవిత కాలపు కేటాయింపులు ఇస్తాం, 50 ఏళ్ళకు మైనింగ్ లీజు ఇస్తాం అంటే చూస్తూ కూర్చోమంటారా ? గనులు, నీళ్ళు ఎలా కేటాయిస్తారు అని అడిగితే, సెక్రటరీ చేత తనకే నోటీసులు ఇస్తారా అని చంద్రబాబు ప్రశ్నించారు. అవినీతి చేసిన వాళ్ళ పై చర్యలు ఉంటాయి కాని, ఇక్కడ మాత్రం, అవినీతి బయట పెట్టిన వారి పై చర్యలు ఉంటాయని, నోటీసులు ఇచ్చి వేధిస్తారని చంద్రబాబు అన్నారు. 108 కుంభకోణంలో కూడా ఇదే జరిగిందని చంద్రబాబు అన్నారు. అంబులెన్స్ ల కాంట్రాక్ట్ ఇచ్చిన సంస్థ విజయసాయి రెడ్డి అల్లుడి కంపెనీ అని, అన్ని వివరాలతో పట్టాభి బయట పడితే, ఆయన పైనే, పోలీసులను పంపించి వేధించే ప్రయత్నం చేస్తున్నారని చంద్రబాబు అన్నారు. ఒక్కటి కాదని, సాండ్, ల్యాండ్, వైన్, మైన్, ఇళ్ళ స్థలాలు, ఇలా ప్రతి దాంట్లో వేల కోట్లు దండుకుంటున్నారని చంద్రబాబు ఆరోపించారు.

ఆంధ్రప్రదేశ్ రాష్ట్ర డీజీపీ, మరోసారి హైకోర్టు మెట్లు ఎక్కనున్నారు. గతంలో ఒక మిస్సింగ్ కేసులో, డీజీపీని తమ ముందు హాజరు కావలసిందిగా హైకోర్టు ఆదేశించింది. అది అయిపోయిన తరువాత, చంద్రబాబు వైజాగ్ పర్యటనకు అనుమతి ఇచ్చి, తరువాత ఆయన పర్యటనకు వెళ్ళకుండా వైసిపీ కార్యకర్తలు అడ్డుకుంటే, వారిని అరెస్ట్ చెయ్యకుండా, చంద్రబాబుకు నోటీస్ ఇచ్చి అదుపు చెయ్యటం పై, హైకోర్టులో డీజీపీకి మరోసారి అక్షింతలు పడ్డాయి. ఈ కేసులో కూడా డీజీపీని తమ ముందు హాజరు కావాల్సిందిగా హైకోర్టు ఆదేశించింది. ఆ సమయంలో, డీజీపీ దాదాపుగా ఆరు గంటలు కోర్టులోనే ఉన్నారు. ఆ సమయంలో, హైకోర్ట్, 151 నోటీస్ ని చదివి వినిపించాలి అంటూ, ఆదేశించటం సంచలనం అయ్యింది. ఇప్పుడు మూడో సారి, డీజీపీని హైకోర్ట్ ముందుకు రావాల్సిందిగా ఆదేశించింది. అక్రమ మద్యం రవాణా చేస్తున్న కేసుల్లో పోలీసులు కొన్ని వాహనాలు స్వాధీనం చేసుకుంటున్నారు. అయితే, ఆ వాహనాలు అప్పగింత విషయంలో, రూల్స్ కు విరుద్ధంగా, పోలీసులు ప్రవర్తిస్తున్నారని, హైకోర్టులో ఒక కేసు ఫైల్ అయ్యింది. ఈ కేసు విచారణ సందర్భంలో, గతంలో హైకోర్టు దీని పై వివరణ ఇవ్వాల్సిందిగా, పోలీసులని ఆదేశించింది.

అయితే పోలీసులు నుంచి సరైన సమాధానం రాకపోవటంతో, హైకోర్ట్, డీజీపీని తమ ముందు హాజరుకావల్సిందిగా ఆదేశించింది. ఈ రోజు విచారణ జరిపిన న్యాయస్థానం, రేపటికి కేసు వాయిదా వేసి, రేపు తమ ముందు డీజీపీ హాజరు అయ్యి, వివరణ ఇవ్వాలని, ఆదేశించింది. ఈ కేసుకు సంబంధించి, న్యాయవాది ప్రసాద్ మాట్లాడుతూ "అక్రమ మద్యం తరలింపు కేసుల్లో సీజ్ చేసిన వాహనాల విషయంలో, వాహనదార్లు తమ వాహనాలు తమకు అప్పగించాలని కోర్టుకు వచ్చారు. ఎక్ష్సైజ్ చట్టంలో అయితే, ఆ వాహనాలు డిప్యూటీ కమీషనర్ కు అప్పచేప్పాలని ఉంది. అదే సీఆర్పీసీలో అయితే, సెక్షన్ 102 ప్రకారం, వాహనాలు, ఆ పోలీస్ స్టేషన్ పరిధిలో వెంటనే ఇచ్చేయాలని ఉంది. అలాగే కోర్టుకు కాని, డిప్యూటీ కమీషనర్ వద్దకు కాని, ఈ వాహనాలు వస్తే, తమకు తమ వాహనాలు ఇవ్వాలి అని, అర్జీ పెట్టుకునే అవకాసం ఉంది. అయితే పోలీసులు మాత్రం, ఈ వాహనాలు అన్నీ పోలీస్ స్టేషన్ లోనే ఉన్నాయని కోర్టుకు చెప్పారు. మరి పోలీస్ స్టేషన్ లో ఉంటే వెంటనే ఇచ్చాయాలి కదా, అని కోర్టు ప్రభుత్వానికి నోటీసులు ఇచ్చింది. ఈ రోజు విచారణలో, పోలీసులు చెప్పిన వివరణ సమంజసంగా లేదని, రేపు డీజీపీ నేరుగా కోర్టుకు వచ్చి వివరణ ఇవ్వాలని, కోర్టు ఆదేశించింది అని" న్యాయవాది ప్రసాద్ తెలిపారు.