news

ఇప్పటికే సొంత పార్టీ నేతల అవినీతి వ్యాఖ్యలతో, జగన్ ప్రభుత్వం ఉక్కిరిబిక్కిరి అవుతుంది. ఇసుక మాఫియా, నాటు సారా మాఫియా, ఇళ్ళ స్థలాల మాఫియా, నీళ్ళు అమ్ముకునే మాఫియా ఇలా రోజుకి ఒక అధికార పార్టీ ఎమ్మెల్యే, ఎంపీ మీడియా ముందుకు వచ్చి, సొంత ప్రభుత్వం పైనే అవినీతి ఆరోపణలు చేస్తున్నారు. ఏడాది పాలనలో కేకు సంబరాలు తప్ప, అభివృద్ధి ఎక్కడ అంటూ, సీనియర్ నేత ఆనం తీవ్ర వ్యాఖ్యలు చేసారు. ఇక రఘురామ కృష్ణం రాజు బ్యాటింగ్ అయితే చెప్పనవసరం లేదు. అయితే సొంత పార్టీ నేతల అవినీతి దాడి నుంచి, డైవర్ట్ చెయ్యటానికి తెలుగుదేశం పార్టీ పై అక్రమ అరెస్టులు చెయ్యటం మొదలు పెట్టారు. అయినా, సొంత పార్టీ ఎంపీ నుంచి ఆరోపణలు వస్తూనే ఉన్నాయి. వీటితోనే ఇబ్బంది పడుకుంటే, ఇప్పుడు బీజేపీ వైపు నుంచి కూడా అవినీతి దాడి మొదలైంది. జగన్ మోహన్ రెడ్డి ప్రభుత్వంలో, ఒక పెద్ద కుంభకోణం జరిగిపోయింది అనే అనుమానంతో, సమాధానం చెప్పాలి అంటూ పూర్తి వివరాలతో, జగన్ మోహన్ రెడ్డికి లేఖ రాసారు కన్నా లక్ష్మీ నారాయణ..

108 అంబులెన్స్ సేవల కోసం అరబిందో ఫార్మా ఫౌండేషన్ ఎంపికను కన్నా లక్ష్మీనారాయణ ప్రశ్నించారు. 2018లో బీవీజీ సంస్థతో ఐదేళ్ల కాలానికి చేసుకున్న ఒప్పందం ఎందుకు రద్దయింది అని కన్నా ప్రశ్నించారు. భార‌త్ వికాస్ గ్రూప్ న‌ ఒక్కో అంబులెన్స్‌కి 1.31 ల‌క్ష‌లు కాంట్రాక్టుని, 5 ఏళ్ళకు ఇచ్చారని, అయితే ఇప్పుడు అది రద్దు చేసి, ఒక్కో అంబులెన్సుకి 2.21 ల‌క్ష‌లు లెక్క అరబిందో ఫార్మాకి ఇప్పుడు కొత్తగా కాంట్రాక్టు ఇచ్చారని, అన్నారు. తక్కువ ధరకు వచ్చే సేవలను రద్దు చేసి ఎక్కువ ధరలను ఎందుకు అప్పగిస్తున్నారు అని ప్రశ్నించారు. అన్నిట్లో రివర్స్ టెండరింగ్ అంటున్న ప్రభుత్వం, ఈ విషయంలో ఇలా ఎందుకు చేసింది అని కన్నా ప్రశ్నించారు. 108 కాంట్రాక్టుల్లో ఎంపీ విజయసాయిరెడ్డి, అల్లుడు రోహిత్ రెడ్డి, అరబిందో ఫార్మా చైర్మన్ పీవీ రాంప్రసాద్ రెడ్డి పాత్రపై విచారించాలని, లేఖలో పేర్కొన్నారు. ప్రభుత్వానికి నష్టం చేసే కాంట్రాక్ట్‌ను రద్దు చేయాలని, దీని పై ప్రజలకు సమాధానం చెప్పాలని, విజయసాయి రెడ్డి అన్నారు.

గత కొన్ని రోజులుగా, రాష్ట్రంలో జరుగుతున్న అక్రమాలు, జరుగుతున్నా అరాచకాల పై అధికార పార్టీ ఎంపీనే, ప్రభుత్వం పై విరుచుకు పడటం సంచలనంగా మారింది. నర్సాపురం ఎంపీ రఘురామకృష్ణమరాజు, రాష్ట్రంలో జరుగుతున్న కొన్ని విషయాల పై ప్రభుత్వాన్ని నిందిస్తూ విమర్శలు చేసిన సంగతి తెలిసిందే. ఈ నేపధ్యంలో, రఘురామ కృష్ణం రాజు, జగన్ పై విమర్శలు చెయ్యటం పై, వైసీపీ ఎమ్మెల్యే ప్రసాదరాజు ఫైర్ అయ్యారు. జగన్ తనని పట్టించుకోకుండా, పక్క చూపు చూస్తున్నారు అంటూ వ్యాఖ్యలు చెయ్యటం కరెక్ట్ కాదని, జగన్ చూడబట్టే, 20 రోజుల్లో ఎంపీ అవ్వటమే కాదు, ఏకంగా పార్లమెంటరీ కమిటీ చైర్మన్ పదవి కూడా దక్కింది అంటూ, రఘు రామ కృష్ణం రాజు పై ఎదురు దాడి చేసారు. పార్టీలోకి ఎంతో మంది వస్తూ ఉంటారు పోతూ ఉంటారు, దానికి రఘురామకృష్ణం రాజు ఇబ్బంది పడాల్సిన అవసరం లేదని అన్నారు. రఘురామ కృష్ణం రాజు చెప్తున్నట్టు, ఇక్కడ కోటరీలు లేవని, జగన్ కు అందరూ సమానమే అని అన్నారు. అయితే ఇన్నాళ్ళు ఇన్ డైరెక్ట్ గా మాట్లాడుతూ వచ్చిన రఘురామ కృష్ణం రాజు, తన పై వ్యక్తిగత దాడి చెయ్యటం పై, సొంత పార్టీ పైనే ఫైర్ అయ్యారు. ఏకంగా పార్టీ పైనే తీవ్ర ఆరోపణలు చేసారు.

"తాను ఎవరినీ టికెట్ అడగలేదు, నన్ను రావాలి రావాలి అంటే పార్టీలోకి వచ్చాను, టికెట్ ఇచ్చారు. నేను సీటు అడిగానో, నన్ను బ్రతిమలాడటానికి వచ్చారో, వారికి తెలుసు అని అన్నారు. అంతకు ముందు కూడా అడిగితె ఛీ కొట్టాను. కాని తరువాత కొన్ని పరిణామాలతో పార్టీ మారాను. వాళ్ళు వచ్చి రాష్ట్రం అంతా వైసిపీ వచ్చినా, మీరు ఇక్కడ లేకపోతె మేము గెలిచాం, ఎమ్మెల్యేలకు కూడా మీరు ఎంపీగా పోటీ చేస్తే కలిసి వస్తుంది అని అడిగారు. నా మొఖం చూసి కొంత మంది ఎమ్మేల్యేలు గెలిచారు. నేను జగన్ బొమ్మ పెట్టుకుని గెలిచానని, వీళ్ళు అంటున్నారు. నాకు పార్లమెంటరీ కమిటీ చైర్మన్ పదవి ఎవరిచ్చారో కూడా ఆయనకు తెలుసు. మా పార్టీ నుంచి ఒక స్టాండింగ్ కమిటీకి విజయసాయి రెడ్డి గారీ పదవి ఇచ్చారు. కాని మోడీ గారు నా పని తీరు నచ్చి, మా పార్టీ కోటా అయిపోయానా, నాకు ఈ పదవి ఇచ్చారు అని అన్నారు. ఇసుక పై, ఇళ్ళ పట్టాల పై జరిగిన అవినీతి పై తాను ఎలా పోరాటం చేస్తున్నానో అందరికీ తెలుసు అని అన్నారు.

అందరి లాగా, ప్రజల మీద పడి తాను డబ్బులు సంపాదించలేదని అన్నారు. అటువంటి సొమ్ముతో, ఎదో చేస్తున్నట్టు ఫోటోలు దిగి, బిల్డ్ అప్ ఇవ్వటం లేదని అన్నారు. జగన్ ని కలిసి కొన్ని విషయాలు చెప్దామని అనుకుని, జగన్ ని టైం అడిగాను, కాని జగన్ నాకు టైం ఇవ్వలేదని అన్నారు. ఏది ఏమైనా, ప్రసాదరాజుతో ఎవరు మాట్లాడించారో తనకు తెలుసు అని, ప్రసాదరాజు మంత్రి కావాలని మనస్ఫూర్తిగా కోరుకుంటున్నా అని రఘురామకృష్ణంరాజు అన్నారు. వచ్చే మంత్రి వర్గ విస్తరణలో, మంత్రి పదవి ఖరారు చేసుకోవాటానికి, ప్రసాద రాజు, తీవ్ర ప్రయత్నం చేస్తున్నారని అన్నారు. మ పార్టీలో ఒక పధ్ధతి ఉందని, బీసి నేత పై దాడి చెయ్యాలంటే, బీసి నేతతో విమర్శలు చేపిస్తారు, ఇప్పుడు నా పై ప్రసాద రాజు ని దించారని అన్నారు. అయితే ఇక్కడ రఘురామ కృష్ణం రాజు, తనకు సీటు వచ్చిన విధానం చెప్పటం పై, ఏకంగా హైకమాండ్ పైనే వ్యాఖ్యలు చెయ్యటం సంచలనంగా మారింది.

మాజీ ఎమ్మెల్యే బొండా ఉమా సంచలన వ్యాఖ్యలు చేసారు. "జగన్ ఏడాది పాలనలో పూర్తిగా వైఫల్యం చెంది రాష్ట్రాన్ని కుక్కలు చింపిన విస్తరిలా చేశారు. జగన్ నియంతలా రాష్ట్రాన్ని పాలిస్తున్నారు. ప్రభుత్వ లోపాలను ఎత్తిచూపే వారిని పిచ్చోళ్లను చేస్తున్నారు. ప్రతిపక్ష నేతలు ప్రశ్నిస్తే.. హత్యలు చేయడానికి కూడా వెనుకాడటం లేదు. కొంతమంది టీడీపీ నాయకులను హత్య చేయడానికి కొన్ని టీంలను ఏర్పాటు చేశారని సమాచారం వస్తోంది. మాకు అనేక బెదిరింపు కాల్స్ వస్తున్నాయి. జూలై 22 లోపు చంపుతాం అంటున్నారు. పోలీసులకు చెప్పినా పట్టించుకోవడం లేదు. రెండు రోజుల క్రితం కూడా రిజిస్టర్ పోస్టులో కంప్లైంట్ ఇచ్చాం. ఏది జరిగినా మొదటి బాధ్యత జగన్ దే. టీడీపీ నేతలను రాబోయే రోజుల్లో హత్య చేసినా ఆశ్చర్యపోవాల్సిన పనిలేదు. సోషల్ మీడియాలో ఇష్టారీతిన ధూషిస్తున్నారు. ఇవేమీ పోలీసులకు పట్టడం లేదు. తిరుగులేని ప్రజాభిమానంతో అధికారంలోకి వచ్చిన ఇండోనేషియా మాజీ అధ్యక్షుడు మహ్మద్ సుహార్తో ఏమయ్యారో చరిత్ర చూడాలి. ఫిలిప్పీన్స్ మాజీ అధ్యక్షుడు మార్కోస్, ఉగాండా మాజీ అధ్యక్షుడు ఈడీ అమీన్ ఏమయ్యారో తెలుసుకోవాలి. నియంతలకే నియంత హిట్లర్ తనను తాను కాల్చుకుని చనిపోయాడు. తిరుగులేని ప్రజామోదం ఉందని, ఏమైనా చేస్తామంటే, లోపాల్ని ఎత్తిచూపితే హత్య చేయిస్తామని, తప్పుడు కేసులు పెట్టి జైల్లో పెడతామంటే కుదరదు ఎర్రన్నాయుడు గారిది మచ్చ లేని కుటుంబం. తప్పుచేస్తే చర్యలు తీసుకోవచ్చు.

కక్షపూరితంగా ప్రతిపక్ష పార్టీ నేతల జీవితాలతో ఆడుకుంటున్నారు. అవినీతి పునాదుల మీద పుట్టింది వైఎస్సాఆర్ కాంగ్రెస్ పార్టీ. 11 కేసుల్లో 16 నెలలు జైల్లో ఉండి, తాత్కాలిక బెయిల్ పై బయటకు వచ్చి జగన్ ముఖ్యమంత్రి అయ్యారు. ఈఎస్ఐ మందుల స్కాంపై గతంలోనే అచ్చెన్నాయుడు స్పష్టమైన వివరణ ఇచ్చారు. తాను ఎలాంటి తప్పు చేయలేదని, ఎలాంటి విచారణకైనా సిద్ధంగా ఉన్నానని అచ్చెన్నాయుడు స్పష్టమైన ప్రకటన చేశారు. అచ్చెన్నాయుడు గారి లేఖకు సంబంధించి పరిశీలించమని చెప్పిన టెలిహెల్త్ సర్వీస్, దానికి సంబంధించిన వ్యవహారంలో విజిలెన్స్ రిపోర్ట్ లో 7.80 కోట్లు అని ఉంది. ఎక్కడా అచ్చెన్నాయుడు గారి పేరు లేదు. బాధ్యత గల మంత్రులు రూ. 975 కోట్ల కుంభకోణం జరిగిందని ఇష్జారాజ్యంగా మాట్లాడుతున్నారు. ప్రజలకు అబద్ధాలు చెప్పి వైసీపీ అధికారంలోకి వచ్చింది. ఇప్పుడు కూడా నిజాలు మాట్లాడటం లేదు. విజిలెన్స్ రిపోర్ట్ లో ఏముందో ప్రజలముందు పెడుతున్నాం. అనెక్సర్ లో ఏయే ఇష్యూస్, ఏయే అధికారి ఇచ్చారో చెప్పారు. ఇందులో మొత్తం 9 అంశాలు ఉన్నాయి. ఫ్యాబ్రికేటెడ్ కొటేషన్స్ ను డైరెక్టర్స్ బి.రవికుమార్, సీకే రమేష్ కుమార్, డాక్టర్ జి.విజయ్ కుమార్.. పర్చేజ్ ఆఫ్ డ్రగ్స్ విషయంలో డైరెక్టర్ బి.రవికుమార్, సీకే రమేష్ కుమార్, డాక్టర్ జి.విజయ్ కుమార్, ఇతరలు, పర్చేజ్ ఆఫ్ ల్యాబ్ కిట్స్ విషయంలో బి.రవికుమార్, సీకే రమేష్ కుమార్, డాక్టర్ జి.విజయ్ కుమార్, ఎంకేపీ చక్రవర్తి (సీనియర్ అసిస్టెంట్) అని విజిలెన్స్ రిపోర్ట్ లో ఉంది. ఇందులో ఎక్కడా అచ్చెన్నాయుడు గారి పేరు లేదు. వైసీపీ నేతలు మాత్రం ఇష్టారాజ్యగా మాట్లాడుతున్నారు.

మంత్రి పర్చేచ్ చేయడానికి అసలు అవకాశమే లేదు. మంత్రికి, కొనుగోళ్లకు అసలు సంబంధం లేదు. జీవో నెం.51 ఇదే చెబుతోంది. 7.80 కోట్లలో కూడా టెలీ హెల్త్ మెడిసిన్ కు ఇచ్చింది 4 కోట్లు మాత్రమే. 4 కోట్లు ఇంకా పేమెంట్ ఇవ్వలేదు. రికవరీ చేయాలనుకుంటే టెలీ హెల్త్ వారిని లోపల వేస్తే.. మిగతా నగదు కూడా వెనక్కి వచ్చేస్తాయి. టీడీపీ ప్రభుత్వానికి ఏ సంబంధం లేకపోయినా, కేంద్ర ప్రభుత్వం అంశమైనా.. వైసీపీ మధ్యలో దూరి ఇష్టారాజ్యంగా చేస్తున్నారు. రూల్స్ కు వ్యతిరేకంగా చేస్తున్నారు. ఏసీబీ అధికారులతో కూడా తప్పుడు ప్రకటనలు ఇప్పిస్తున్నారు. తప్పుడు కేసులు పెడితే అధికారులు కూడా ఇరుక్కుంటారు. గతంలో జగన్ మాట విన్న ఐఏఎస్ అధికారులు శ్రీలక్ష్మి, బీపీ ఆచార్య, ఎల్వీ సుబ్రమణ్యం, రాజగోపాల్ ఏమయ్యారో అందరం చూశాం. కేంద్రం ఇచ్చిన పర్చేజ్ మాన్యువల్ ప్రకారం అధికారులదే బాధ్యత. తెలంగాణలో సంబంధిత మంత్రిని అరెస్ట్ చేయలేదు. ఈఎస్ఐకి, రాష్ట్ర ప్రభుత్వానికి సంబంధం లేదు. జగన్ కక్ష సాధింపు చర్యలకు పాల్పడుతున్నారు. రాజారెడ్డి రాజ్యాంగం నడుస్తోంది. ప్రజాప్రతినిధుల వద్ద నుంచి అనేక రిప్రజెంటేషన్లు వస్తాయి. అది ఎవరైనా చేస్తారు. దీనిని పట్టుకుని తప్పుడు కేసులు పెట్టి అచ్చెన్నాయుడు గారిని అరెస్ట్ చేసి పైశాచిక ఆనందం పొందుతున్నారు. జగన్ పై కేసులు ఉన్నాయి కాబట్టి మిగతావారిపైనా బురద జల్లాలని చూస్తున్నారు. కొంతమంది టీడీపీ నేతలను హత్య చేయాలని చూస్తున్నారు. మా ప్రాణాలకు హాని జరిగితే జగన్ ప్రభుత్వానిది, పోలీసులదే బాధ్యత అని హెచ్చరిస్తున్నాం. వ్యవస్థలను స్వప్రయోజనాల కోసం వినియోగించుకోవడం సరికాదు. టీడీపీ హయాంలో 6 లక్షల కోట్ల అవినీతి జరిగిందని చెప్పి.. చివరకు 6 కోట్లకు పడిపోయింది. దాంట్లో కూడా 4 కోట్లు ఇంకా పేమెంట్ చేయలేదు. జరిగిన నష్టం 4 కోట్లే. మంత్రులు పిచ్చి ప్రేలాపనలు మానాలని హెచ్చరిస్తున్నాం."