news

గతంలో జగన్ మోహన్ రెడ్డి ప్రతిపక్షంలో ఉండగా, నాకు 25 కి 25 ఎంపీ సీట్లు ఇవ్వండి, కేంద్రం మెడలు వంచి ప్రత్యెక హోదా తీసుకువచ్చి, మీ ముందు పెడతా అంటూ మీటింగుల్లో చెప్పారు. ప్రజలు ఆ మాటలు నమ్మారు. మోడీ నుంచి ప్రత్యెక హోదా తీసుకురావటం చంద్రబాబు వల్ల కాలేదు, జగన్ మోహన్ రెడ్డి అయితే, కేంద్రం మెడలు వంచి, ప్రత్యేక హోదా తీసుకు వస్తారని, భావించిన ప్రజలు, 25 కాకపోయినా, 22 ఎంపీ సీట్లు ఇచ్చి గెలిపించారు. అలాగే రాజ్యసభలో కూడా వైసీపీకి బలం బాగానే ఉంది. అయితే, గెలిచిన కొత్తలో, ప్రత్యెక హోదా గురించి మాట్లాడిన జగన్, మళ్ళీ ఏడాది తరువాత, ప్రత్యెక హోదా గురించి మాట్లాడారు. గెలిచిన కొత్తలో, ప్రధాని మోడీ దగ్గరకు వెళ్లి, అమిత్ షాని కలిసిన తరువాత, మీడియా ప్రత్యెక హోదా గురించి అడగగా, కేంద్రాన్ని ఇప్పుడు ప్రత్యెక హోదా గురించి అడిగే అవకాసం లేదు, మనం ప్లీజ్ సార్ ప్లీజ్ మాకు హోదా ఇవ్వండి, అని కేంద్రాన్ని అడగటం తప్ప ఏమి చేయ్యలేం అని జగన్ అన్నారు.

కేంద్రం మెడలు వంచి ప్రత్యెక హోదా తీసుకు వస్తాను అని చెప్పిన జగన్, ప్లీజ్ సార్ ప్లీజ్ అని హోదా గురించి అడుగుతూనే ఉండాలి అని చెప్పటంతో, అందరూ ఆశ్చర్యపోయారు. ఎన్నికల ముందు ఒక మాట, ఎన్నికల తరువాత ఒక మాట చెప్పి, ప్రజలను మభ్య పెడుతున్నారని అన్నారు. అయితే అప్పటి నుంచి ప్రత్యెక హోదా విషయం మర్చిపోయారు. మీడియాలో కాని, సోషల్ మీడియాలో కాని, ప్రతిపక్షాలు కాని, గుర్తు చేస్తున్నా, ఏ నాడు దాని గురించి పట్టించుకోలేదు. అయితే, ఈ రోజు మళ్ళీ ప్రత్యెక హోదా పై స్పందించారు. తన పాలన పూర్తీ అయ్యి, ఏడాది అవుతున్న సందర్భంలో, ఈ రోజు జరిగిన సమీక్షలో, ప్రత్యెక హోదా పై స్పందించారు. కేంద్రం ప్రత్యెక హోదా ఇవ్వలేదు, ఇచ్చి ఉంటే ఎన్ని కంపెనీలు వచ్చేవి, కేంద్రానికి ఇప్పుడు మన అవసరం లేదు, అవసరం వస్తుంది, అప్పుడు ఒత్తిడి తెచ్చి హోదా తెస్తాం, ఇప్పటికి ప్రత్యెక హోదాకి దూరంగా ఉన్నాం కాని, ఏదో ఒక రోజు హోదా వస్తుంది అని జగన్ అన్నారు.

రాష్ట్ర వ్యాప్తంగానే కాన, దేశ వ్యాప్తంగా సంచలనం అయిన, డాక్టర్ సుధాకర్ కేసులో హైకోర్టు ఉత్తర్వు లపై సుప్రీంకోర్టుకు అప్పీలకు వెళ్ళనున్న రాష్ట్ర ప్రభుత్వం యోరిస్తోంది. విశాఖపట్నంలో డాక్టర్ సుధాకర్ ప్రభుత్వానికి వ్యతిరేకంగా వ్యాఖ్యలు చేయడంతో ఆయనను సస్పెండ్ చేసింది. అనంతరం రోడ్డు పై ఆయన న్యూసెన్స్ చేస్తున్నారని ఆరోపిస్తూ ఆయన చేతులు వెనక్కు కట్టివేసి పోలీసులు అమానుషంగా వ్యవహరించారు. అంతే కాకుండా ఆయనకు మతిస్థిమితం కోల్పోయారని మానసిక వైద్యశాలకు తరలించారు. దీనిపై హైకోర్టు సుమోటో కేసుగా విచారణకు స్వీకరించింది. ప్రభుత్వం ఇచ్చిన వివరణకు, వాస్తవానికి చాలా తేడాలు ఉన్నట్లు న్యాయస్థానం వ్యాఖ్యానించింది. డాక్టర్ సుధాకర్ శరీరంపై గాయాలు కూడా ఉండటంతో పూర్తి స్థాయి దర్యాప్తు చేయాల్సిన అవసరం ఉందని హైకోర్టు వ్యాఖ్యానిస్తూ సిబిఐ దర్యాప్తుకు ఆదేశించిన విషయం తెలిసిందే.

ప్రభుత్వం ఇచ్చిన నివేదికలో ఒక్క గాయం ఉంటే, మేజిస్ట్రేట్ ఇచ్చిన నివేదికలో, ఆరు గాయాలు ఉన్నాయని, ఫోటోలు కూడా ఉన్నాయని, ఈ తేడా ఎందుకో అర్ధం కావటం లేదని, ప్రభుత్వం పై మాకు నమ్మకం లేదు అంటూ, కేసు తీవ్ర వ్యాఖ్యలు చేసింది. అలాగే విశాఖ పోలీసులే, ఆయన్ను కొట్టి దాడి చేసారని, ఆరోపణలు వస్తున్న వేళ, వారి చేతే విచారణ చేపించటం సమంజసం కాదని భావించిన హైకోర్ట్, ఈ కేసు విచారణ సిబిఐకి అప్పచెప్తూ, హైకోర్ట్ సంచలన నిర్ణయం తీసుకుంది. దీనిపై రాష్ట్ర ప్రభుత్వం న్యాయ నిపుణులతో చర్చల జరిపింది. ఈ విషయంలో సుప్రీంకోర్టును ఆశ్రయించడం ద్వారా తమ వాదనను వినిపించాలని న్యాయనిపుణులు ప్రభుత్వానికి సూచించినట్లు సమాచారం. మరి ప్రభుత్వం ఏమి చేస్తుందో చూడాలి.

తెలుగుదేశం పార్టీ 38వ మహనాడు, ఆన్లైన్ లో జరుగుతున్న సంగతి తెలిసిందే. ఈ రోజు రెండో రోజు కూడా మహనాడు ప్రారంభం అయ్యింది. ఈ రోజు మహానాడులో మొదటిగా, హిందూపురం ఎమ్మెల్యే, సినీ హీరో, ఎన్టీఆర్ తనయుడు, నందమూరి బాలకృష్ణ మాట్లాడారు. బాలకృష్ణ మాట్లాడుతూ, కొన్ని ఆసక్తికర వ్యాఖ్యలు చేసారు. ఇప్పుడున్న ప్రభుత్వం, మనల్ని ఎలా ఇబ్బంది పెడుతుందో చూస్తున్నాం, మాములుగా అయితే 5 ఏళ్ళు ఈ ప్రభుత్వం ఉంటుంది, కాని ప్రజలు 5 ఏళ్ళు భరించే పరిస్థితిలో లేరు, చాలా తొందరగానే, ఈ ప్రభుత్వం దిగిపోతుంది. నేను మరోసారి చెప్తున్నా, 5 ఏళ్ళు అవసరం లేదు, తొందరోనలోనే ఈ ప్రభుత్వం నుంచి విముక్తి లభిస్తుంది అంటూ, ఆసక్తికర వ్యాఖ్యలు చేసారు. ఇది రాజకీయ కోణంలో, చేసారా , లేక జరుగుతున్న పరిస్థితులు, ప్రజలు విసిగెత్తి పోవటం, కోర్టుల్లో ఎదురు దెబ్బలు, కేంద్రం ఆగ్రహం, ఇవన్నీ రోజు రోజుకీ ఎక్కువ అయిపోతు ఉండటంతో, అన్నీ అలోచించి వ్యాఖ్యలు చేసారో కాని, బాలకృష్ణ వ్యాఖ్యల ఆసక్తికరంగా మారింది.

బాలయ్య మాట్లాడుతూ, ‘‘ఏ దేశమేగినా, ఎందు కాలిడినా, పొగడరా నిండు భూమి భారతిని, నిలుపరా నీ జాతి నిండు గౌరవం...’’ గేయాన్ని గుర్తు చేసిన నందమూరి బాలకృష్ణ. ఎన్టీఆర్ జయంతి ప్రతి తెలుగువాడికి పండుగ రోజు. ఎందరో పుడతారు, గిడతారు, కానీ మహానుభావులు కాలేరు. తన ఆదర్శాలను మాటల్లో కాకుండా చేతల్లో చూపిన వ్యక్తి ఎన్టీఆర్. తెలుగుజాతి నిర్వీర్యమై దిక్కుతోచని స్థితిలో మద్రాసీలుగా పిలువబడే పరిస్థితుల్లో ఎన్టీఆర్ తెలుగువారికి గుర్తింపు తెచ్చారు. తెలుగుదేశం పార్టీ ఏర్పాటు ద్వారా తెలుగు జాతి కీర్తి ప్రతిష్టలు పెంచారు. నటన అంటే నటించడమే కాదు సజీవ పాత్రపోషణకు నాంది పలికారు ఎన్టీఆర్. ఎన్ అంటే నటనాలయం. టి అంటే తారక మండలం. ఆర్ అంటే రాజర్షి, రాజకీయ దురంధరుడు. తెలుగు అనే 3అక్షరాలు వింటే నా తనువు పులకరిస్తుంది. ఎన్టీఆర్ అనే 3అక్షరాలు వింటే నా మనసు పులకరిస్తుంది. ఇది ప్రతి తెలుగువాడి భావన. తన కుటుంబానికి, తన భాషకు, తన జాతికి, తన రాష్ట్రానికి ఎనలేని గుర్తింపు తెచ్చారు.

ఒక చారిత్రాత్మక పురుషుడు ఎన్టీఆర్. సినీ జీవితాన్ని వదిలేసి ప్రజల కోసం టిడిపి స్థాపించారు. కనీస అవసరాలైన కూడు-గుడ్డ-నీడ అవసరాలు తీర్చారు. ఆడబిడ్డలకు ఆస్తిహక్కు కల్పించారు. పేదలంతా ప్రతిరోజూ పండుగ భోజనం( తెల్లన్నం)తినేలా చేశారు. నాకు ఎన్టీఆర్ తండ్రిమాత్రమే కాదు. గురువు, దైవం. ఎన్టీఆర్ ను తలుచుకుంటే పాజిటివ్ ఎనర్జీ వస్తుంది. ఆయనను అనుకరించడం కాదు, అనుసరించాలి. అనుకరించేవాడు వారసుడు కాదని ఎన్టీఆర్ అనేవారు. నేను కాదు ఎన్టీఆర్ వారసుడిని, టిడిపి కార్యకర్తలంతా ఎన్టీఆర్ వారసులే. ఎన్టీఆర్ స్ఫూర్తితో టిడిపి మళ్లీ అధికారంలోకి రావడం ఖాయం. రాయలసీమకు నీళ్లు వస్తున్నాయంటే అది ఎన్టీఆర్ మస్తిష్కంలో ఆలోచనే. ఎన్టీఆర్ కలను నిజం చేసింది చంద్రబాబు. హిందూపురం శాసన సభ్యుడిగా ధన్యవాదాలు తెలియజేస్తున్నాను. కార్యకర్తల పార్టీ తెలుగుదేశం. టిడిపికి ఉన్న కార్యకర్తలు మరే పార్టీకి లేరు. నా తుది రక్తపు బిందువు వరకు తెలుగుదేశం పార్టీ కార్యకర్తలకే నా జీవితం అంకితం. తెలుగుదేశం పార్టీ సేవకే నా జీవితం అంకితం. ఈ అరాచక పాలన అంతానికి 5ఏళ్లు అవసరం లేదు. ప్రజలే అరాచకశక్తులకు తగిన బుద్ది చెబుతారు" అని బాలయ్య అన్నారు.