news

నిజమైన రాజకీయ నాయకుడు, వచ్చే ఎన్నికల గురించి కాదు, వచ్చే తరం గురించి ఆలోచిస్తాడు అంటూ, చెప్తూ ఉంటారు. ఇలా పని చేసే రాజకీయ నాయకులకు, గెలుపు ఓటములతో సంబంధం ఉండదు. ఎందుకంటే, వారు చేసిన పనులే, ప్రజలకు ఉపయోగపడినప్పుడు, ఇలాంటి వారికే అదే తృప్తి. అధికారం, ప్రతిపక్షం, ఇలాంటి వారికి అడ్డు కాదు. అలాంటి రాజకీయ నాయకులు మనకు అరుదుగా దొరుకుతారు. అలనాటి వారిలో ఒకరు చంద్రబాబు నాయుడు. ఆయన గుర్తులు చేరిపెయలని, ఎంతో మంది ఎన్నో ప్రయత్నాలు చేస్తూ ఉంటారు కాని, ఆయన చేసిన పనులు మాత్రం, ప్రజలకు గుర్తు వస్తూనే ఉంటాయి. ఆంధ్రప్రదేశ్ రాష్ట్రంలో, నిబంధనలు సాకుగా చూపి, 9.5 కోట్లు ఖర్చుతో, కట్టిన అతి పెద్ద ప్రజా వేదికను, రాత్రికి రాత్రి కూల్చేసారు. ఇది కేవలం చంద్రబాబు తన ఆఫీస్ గా అడిగారు అనే విషయం పైనే, దాన్ని రాత్రికి రాత్రి కూల్చేసారు అనేది, విపక్షాల ఆరోపణ.

ఈ రోజు కరోనా విజ్రుంబిస్తున్న వేళ, ఈ ప్రజా వేదిక ఉండి ఉంటే, కనీసం, 300 మందికి వైద్యం అందించే వీలు ఉండేది. కాని, ఒక నాయకుడు కక్షకి, అది రాత్రికి రాత్రి, కూల్చేయబడింది. అయితే, ఇప్పుడు ఈ విషయం ఎందుకు చెప్పుకోవాల్సి వచ్చింది అంటే, తెలంగాణాలో కేసీఆర్ చేసిన పని చూసిన తరువాత, ఈ విషయం చెప్పకుండా ఉండలేము. చంద్రబాబు నాయుడు, ఎప్పుడో 2002లో, 18 ఏళ్ల కిందట, హైదరాబాద్ గచ్చిబౌలిలో, కట్టిన స్పోర్ట్స్ కాంప్లెక్స్ ఈ కరోనా సమయంలో, తెలంగాణ ప్రభుత్వానికి ఉపయోగపడింది. 2002ఓ జరిగిన నేషనల్ గేమ్స్ లో భాగంగా, హైదరాబాద్ లోని గచ్చిబౌలి లో స్పోర్ట్స్ విలేజ్ కట్టారు చంద్రబాబు. అందులో భగంగా,14 అంతస్థుల తో 540 గదులు ప్రభుత్వం కట్టింది.

స్పోర్ట్స్ ఈవెంట్లుకు వచ్చే వారికి, ఇక్కడ వసతి ఇచ్చేవారు. అయితే ఇపుడు ఇది, టిమ్స్ పేరుతో హాస్పిటల్ గా మార్చాలని, కేసీఆర్ నిర్ణయం తీసుకున్నారు. కరోనా సమయంలో, పరిస్థితి తీవ్రంగా ఉన్న నేపధ్యంలో, ఈ భవనాన్ని వాడుకోవాలని కేసీఆర్ నిర్ణయం తీసుకున్నారు. అలాగే, ఇప్పుడు హైదరబాద్ లో ఉన్న గాంధీ హాస్పిటల్ కూడా, అక్కడ ఉన్న జైలు తొలగించి, హాస్పిటల్ గా కట్టారు చంద్రబాబు. ఇప్పుడు గాంధీ హాస్పిటల్ ఎలా ఉపయోగపడుతుందో చూస్తున్నాం. ఎప్పుడో 20 ఏళ్ళ క్రితం చంద్రబాబు కట్టిన భవనాలు ఇప్పుడు తెలంగాణాకు ఇలా ఉపయోగ పడుతున్నాయి. మరి, ఆంధ్రప్రదేశ్ లో చంద్రబాబు కట్టిన ప్రజా వేదిక మాత్రం, రాత్రికి రాత్రి కూల్చివేతకు గురైంది.

మాజీ రాష్ట్ర ఎన్నికల అధికారి రమేష్ రమేష్ కుమార్ ని, రాత్రికి రాత్రి తొలగించటం పై, ఈ రోజు కోర్ట్ లో విచారణ జరిగింది. ఈ సందర్భంగా, ప్రభుత్వం వేసిన కౌంటర్ అలాగే, ప్రభుత్వ కౌంటర్ పై పిటీషనర్ అభ్యంతరాలను కోర్ట్ పరిశీలించింది. అనంతరం, వాదనలకు తమకు ఇంకా సమయం కావాలి అంటూ, ప్రభుత్వ తరుపు న్యాయవాది, అలాగే కొత్త ఎన్నికల కమీషనర్ కనకరాజ్ న్యాయవాది కోర్టుని కోరారు. కనకరాజు తరుపు న్యాయవాది, తమ క్లైంట్ కనకరాజు చెన్నై లో ఉన్నారని, తమకు మూడు వారాల టైం కావాలని కోర్ట్ ని కోరారు. అలాగే ప్రభుత్వం తరుపున అడ్వకేట్ జనరల్ మాట్లాడుతూ, తమకు సరిపడినంత స్టాఫ్ లేరని, తమకు కూడా కొంత టైం కావాలని కోర్టును అభ్యర్ధించారు. అయితే ఈ సందర్భంలో, కలుగ చేసుకున్న రమేష్ కుమార్ తరుపు న్యాయవాది, ఎక్కువ సమయం ఇవ్వాల్సిన అవసరం లేదని కోర్ట్ కు తెలిపారు. ఇప్పటికే చాలా సమయం ఇచ్చారని, ఇంకా ఇవ్వనవసరం లేదని అన్నారు.

కొత్త ఎన్నికల కమిషనర్ ను తీసుకు రావటానికి, వీరికి 24 గంటలు కూడా పట్టలేదని, అప్పుడేమో అంత హడావిడిగా తీసుకు వచ్చి, ఇప్పుడు మాత్రం, ఇంకా సమయం కావాలి అంటూ, తాత్సారం చేస్తున్నారని, కోర్ట్ ద్రుష్టికి తీసుకు వచ్చారు. అలాగే కొత్తగా వచ్చిన ఎన్నికల కమీషనర్, కనకరాజ్, ఈ కేసు తేలే వరకు, ఎలాంటి విధానపరమైన నిర్ణయాలు తీసుకోకుండా చూడాలని, అలా ఆదేశాలు ఇవ్వాలని, కోర్టుని అభ్యర్ధించారు. దీనికి స్పందించిన కోర్ట్, స్పష్టంగా చెప్తూ, ఈ కేసు ఇప్పటికే సుప్రీం కోర్ట్ పరిధిలోకి కూడా వెళ్ళింది అని, అప్పట్లో రమేష్ కుమార్ ఆరు వారాల పాటు ఎన్నికలు వాయిదా వెయ్యటాన్ని, సుప్రీం కోర్ట్ కూడా అంగీకారం తెలిపిన విషయాన్నీ, గుర్తుకు తెచ్చారు.

అంటే ఆరు వారాల పాటు, ఎవరూ ఏ నిర్ణయం తీసుకువటానికి లేదని, ఏప్రిల్ 30 వరకు ఆ గడువు ఉందని, సుప్రీం కోర్ట్ ఆదేశాలు ధిక్కరించి నిర్ణయం తీసుకుంటే, కోర్ట్ ధిక్కరణ అవుతుందని, హైకోర్ట్ బెంచ్ స్పష్టం చేసింది. అలాంటి నిర్ణయాలకు చట్ట బద్ధత ఉండదు అంటూ కోర్ట్ స్పష్టం చేసింది. ఇక ప్రభుత్వం అడిషనల్ అఫిడవిట్ వెయ్యటానికి కేవలం మూడు రోజుల సమయం మాత్రమే కోర్ట్ ఇచ్చింది. 24 లోపు వెయ్యాలని, దాని పై, కౌంటర్ అఫిదివిట్ వెయ్యాలి అంటే, 27 లోపు వెయ్యాలని, 28న ఫైనల్ హియరింగ్ ఉంటుంది అంటూ కోర్ట్ తేల్చి చెప్పింది. అంటే కోర్ట్ చెప్పిన ప్రకారం, ఏప్రిల్ 30 వరకు ఎలాంటి నిర్ణయం తీసుకోవటం కుదరదు, ఎలాగూ, 28న వాయిదా ఉంది కాబట్టి, ఆ రోజు ఏ సంగతి స్పష్టం అవుతుంది.

జగన్ మోహన్ రెడ్డి, ఆయన బృందం, ఏది తలిస్తే, అది రివర్స్ లో జరుగుతుంది. దీనికి ప్రధాన కారణం, దూకుడు స్వాభావంతో, పర్యావసానాలు ఆలోచించకుండా, మొండిగా వెళ్ళటమే. జగన్ వచ్చిన తరువాత తీసుకున్న పీపీఏ ల నిర్ణయంతో, దేశం పరువు పోవటంతో, ఏకంగా కేంద్రమే రంగంలోకి దిగి వార్నింగ్ ఇవ్వాల్సిన పరిస్థితి. ఇక అలాగే పోలవరం విద్యుత్ ప్రాజెక్ట్ రివర్స్ టెండరింగ్ కాని, ఇలా చెప్పుకుంటూ, పొతే 52 కేసుల్లో మొట్టికాయలు పడ్డాయి. అయినా ప్రభుత్వం తీరు మాత్రం మారటం లేదు. ఇందులో ముఖ్యంగా చెప్పుకోవాల్సింది, ప్రభుత్వ భవనాలకు వేస్తున్న, వైసీపీ పార్టీ మూడు రంగులు. అదేదో తమ పార్టీ భవనాలు అన్నట్టు, కనిపించిన ప్రతి పార్టీ భవనానికి, రంగులు వెయ్యటం మొదలు పెట్టింది వైసీపీ. ఇది వికృత రూపం దాల్చి, కనిపించిన ప్రతి దానికి వెయ్యటం మొదలు పెట్టారు. దీంతో ఈ విషయం పై కోర్ట్ కు వెళ్ళటం, హైకోర్ ట్లో ఎదురు దెబ్బ తగలటం, తరువాత సుప్రీం కోర్ట్ కు వెళ్ళటం, అక్కడ కూడా ఎదురు దెబ్బ తగలటం అన్నీ జరిగిపోయాయి.

ఇప్పుడు తాజగా మళ్ళీ ఈ వ్యవహారం హైకోర్ట్ వద్దకు వచ్చి ఆగిన సంగతి తెలిసిందే. గతంలో హైకోర్ట్ పది రోజుల్లో రంగులు మార్చాలి అంటూ గడువు ఇవ్వటం, ఆ గడువు లోపు ప్రభుత్వం ఆ పని చెయ్యక పోవటంతో, కోర్ట్ కు వెళ్లారు. అయితే, కోర్ట్ కు వెళ్ళి, తమకు మరింత సమయం కావాలని కోరారు. దీనికి కోర్ట్ అంగీకరించలేదు. మీ ఇష్టం వచ్చినట్టు గడువు పెంచటం కుదరదు అని, మీ వ్యవహారం చూస్తుంటే ఎన్నికలు అయ్యే దాకా, రంగులు మార్చేలా లేరే అంటూ, వార్నింగ్ ఇస్తూ, తమకు ఎన్ని రోజుల్లో మీరు రంగులు మార్చుతారో, సోమవారంలోగా చెప్పాలని, ప్రభుత్వాన్ని ఆదేశించింది. ఈ రోజు రంగుల విషయం పై, హైకోర్ట్ లో మళ్ళీ వాదనలు జరిగాయి.

ఈ విషయం పై, ప్రభుత్వం స్పందిస్తూ, తమకు మూడు వారాలు గడువు కావలని కోరింది. అయితే ప్రభుత్వం స్పందన పై కోర్ట్ అంగీకరిస్తూ, సంచలన షరతు విధించింది. మూడు వారాలు సమయం ఇస్తూనే, మీరు రంగులు మార్చే వరకు స్థానిక సంస్థల ఎన్నికలు జరపటానికి వీలు లేదు అంటూ, సంచలన ఆదేశాలు ఇచ్చింది. ఇప్పటికే ఈ విషయం పై మీరు సుప్రీం కోర్ట్ కు వెళ్ళటం, అక్కడ కూడా మీకు వ్యతిరేకంగా తీర్పు వచ్చింది కాబట్టి, ఇక లేట్ చెయ్యకుండా, హైకోర్ట్ ఆదేశాలు పాటించాలి అంటూ, హైకోర్ట్ ఆదేశాలు ఇచ్చింది. ప్రభుత్వ భవనాలకు ఏ రంగులు వెయ్యాలి అనే దాని పై, ప్రధాన కార్యదర్శి నేతృత్వంలో ఓ కమిటీని వేసి, వారి నిర్ణయం ప్రకారం, రంగులు మార్చాలి అని చెప్పిన విషయం తెలిసిందే.