ఆంధ్రప్రదేశ్ రాష్ట్రంలో శాంతి భద్రతలు నానాటికి క్షీణిస్తున్నాయి. అధికార పార్టీ తప్పులు ప్రశ్నిస్తే చాలు, దా-డు-లు చేస్తున్నారు. మొన్నటికి మొన్న రోడ్డులు బాగోలేక ప్రజలు ఇబ్బందులు పడుతున్నారని టిడిపి నేతలు సరి చేసే ప్రయత్నం చేస్తే, వారినే తరిమి కొట్టారు వైసీపీ మూకలు. ఇప్పుడు అక్రమాలు ప్రశ్నిస్తున్న మాజీ మంత్రి దేవినేని ఉమాని చం-పే-సే ప్రయత్నం చేసారు. ఆయన కారుని ఆపిన వైసిపీ మూకలు, ఆయన కారు పై రాళ్ళ దా-డి చేసారు. దీంతో, కారు అద్దాలు పగిలిపోయాయి. దేవినేని ఉమాకు ఏమైనా గాయాలు అయ్యాయో లేదో ఇంకా తెలియలేదు. అయితే ఈ దా-డి వెనుక స్థానిక ఎమ్మెల్యే వసంత కృష్ణ ప్రసాద్ ఉన్నాడని టిడిపి నేతలు ఆరోపిస్తున్నారు. నియోజకవర్గంలో వసంత కృష్ణ ప్రసాద్ ఆగడాలు దేవినేని ఉమా ఎక్కడికక్కడ అడ్డుకుంటున్నారు కాబట్టే ఇలా చంపేసే ప్రయత్నం చేస్తున్నారని ఆరోపిస్తున్నారు. ఇక ఈ రోజు జరిగిన సంఘటన విషయానికి వస్తే, నియోజకవర్గంలో ఎప్పటి నుంచి అక్రమ మైనింగ్ జరుగుతుందని, దేవినేని ఉమా ఆరోపిస్తున్నారు. వసంత కృష్ణ ప్రసాద్ ఇష్టం వచ్చినట్టు కొల్లగొడుతున్నారు అంటూ, గతంలో కూడా దెవినేని ఉమా నిరసన తెలియ చేసారు. ఈ రోజు కూడా ఈ క్రమంలోనే, అక్రమ మైనింగ్ జరుగుతున్న ప్రాంతానికి వెళ్ళారు.
అయితే అక్రమ మైనింగ్ ప్రాంతాన్ని పరిశీలించి, తిరిగి వస్తున్న సమయంలో జి.కొండూరు మండలం గడ్డమణుగ వద్ద, దేవినేని ఉమా ప్రయాణిస్తున్న కారుని వైసిపీ అల్లరి మూకలు ఆపాయి. వెంటనే ఉమా వాహనం పై రాళ్ళ దా-డి చేసారు. ఈ క్రమంలోనే ఆయన వాహనం అద్దాలు కూడా ధ్వంసం అయ్యాయి. కొండపల్లి రిజర్వ్ ఫారెస్ట్ లో జరుగుతున్న అక్రమ మైనింగ పరిశీలించి తిరిగి వస్తూ ఉండగా ఈ దా-డి జరిగింది. అయితే దేవినేని ఉమాని చంపటానికే ఒకేసారి వంద మందికి పైగా వచ్చి రాళ్ళ దాడి చేసారని టిడిపి ఆరోపిస్తుంది. తన అక్రమాలు బయట పడుతున్నాయనే అసహనంతోనే, వసంత కృష్ణ ప్రసాద్, ఈ ఆగడాలకు పాల్పుతున్నారని టిడిపి ఆరోపిస్తుంది. అయితే ఈ సంఘటన చీకటి పడిన తరువాత జరగటం, ఈ విషయం తెలియటంతో, టిడిపి, వైసిపీ శ్రేణులు కూడా అక్కడకు చేరుకోవటంతో, పరిస్థితి తీవ్ర ఉద్రిక్తతగా మారింది. అయితే ఇప్పటికీ పోలీసులు రాకపోవటంతో, టిడిపి నేతలు, కార్యకర్తలు ఉమాకి రక్షణగా నిలబడ్డారు.