క్రిస్మస్, క్రైస్తవులకు అతి ముఖ్యమైన పెద్ద పండగ... ప్రభువు రాకను సూచించే నక్షత్రాన్ని క్రైస్తవులు దేవునితో సమానంగా ప్రాధాన్యత ఇస్తారు. క్రిస్మస్ పండగ రావడానికి కొద్ది రోజుల ముందుగా తమ ఇళ్ల ముందు నక్షత్రాన్ని అలంకరిస్తారు. దీనిలో బాగంగా పలు రంగుల్లో రకరకాల డిజైన్ లు మార్కెట్లో కాగితం, ప్లాస్టిక్ తో తయారైనవి అందరికి సుపరిచితమే.
కాని నగరంలో మధూ కలామండపం జంక్షన్లో, గుహలకు పక్కనే తయారు చేసే క్రిస్మస్ స్టార్లు కు ప్రత్యేకత ఉంది. ఇక్కడ తాయారు అయ్యే క్రిస్మస్ స్టార్లు చెన్నై, బెంగుళూరుకు కూడా పంపిస్తారు. నగరంలో పెద్ద పెద్ద చర్చిలు, సంపన్న వర్గాలకు చెందిన క్రైస్తవులు ఇక్కడి నుండే క్రిస్మస్ స్టార్లు కొనుగోలు చేస్తారు.
వెదురు బద్దలు, వినైల్ షీటు, ట్యూబులైటు, చిన్న చిన్న అలంకరణ బల్బులతో రకరకాల డిజైన్ లలో ఇక్కడ తయారు చేస్తారు. ముఖ్యంగా నక్షత్రంలోనే అంతర్భాగంగా ప్రభువు దృశ్య సమీతంగా కనిపించేలా తాయారు చేసే స్టార్స్ ఇక్కడ ప్రత్యేకం. రెండు అడుగులు నుంచి 20 అడుగుల వరకు సైజులలో ఇక్కడ క్రిస్మస్ స్టార్లు లభిస్తాయి. ధరలు కూడా, అందుబాటులోనే ఉంటాయి.