news

గతంలో మనం చదువుకునే రోజుల్లో, చిత్ర విచిత్రమైన పన్నులు విధించే రాజులను, అవి కట్టక పోతే, హింసించే పాలకులను మనం చూసే వాళ్ళం. తరువాత ప్రజా ప్రభుత్వాలు ఏర్పడిన తరువాత, పన్నులు వేయటం, వాటిని పెంచటం అనేది మనకు పరి పాటి. కుళాయి పన్ను, ఇంటి పన్ను, ఇలా కొన్ని పన్నులు ఉండేవి. ఇవే పెంచుతూ తగ్గిస్తూ ఉండే వారు. పెట్రోల్, డీజిల్ లాంటి వాటి పైన, పైసా పన్ను పెరిగినా, దేశం మొత్తం స్థంభింప చేసేలా నిరసనలు జరిగేవి. అలంటిది ఇప్పుడు, ఆంధ్రప్రదేశ్ రాష్ట్రంలో, జగన్ మోహన్ రెడ్డి ప్రభుత్వంలో విధిస్తున్న పన్నులు, వాటి వసూలు కోసం, ప్రభుత్వం పడుతున్న పాట్లు చూస్తే, ప్రజలను ఎలా హింసిస్తున్నారో అర్ధం అవుతుంది. ఎక్కడా లేని విధంగా చెత్త పన్ను వేసారు. బాత్ రూమ్ పన్ను వేసారు. ఇలా అనేక చిత్ర విచిత్ర పన్నులు వేస్తున్నారు. చెత్త పన్ను ఏంటిరా, చెత్త నా డ్యాష్ అని అయ్యన్నపాత్రుడు అన్నాడని ఆయన పై కేసులు పెట్టారు. అయితే వాస్తవంలో మాత్రం, వైసీపీ ప్రభుత్వం తీరు దీనికి భిన్నంగా ఏమి లేదు. ఇంట్లో చేత్తకు కూడా టాక్స్ కట్టాలి అంటూ బలవంతం చేస్తున్నారు. వైసీపీ ప్రభుత్వం ఎంత దారుణంగా, ప్రజలను వేధిస్తుంది అని చెప్పటానికి, గత రెండు రోజులుగా, జరిగిన రెండు సంఘటనలే ఇందుకు ఉదాహరణ.

రెండు రోజుల క్రితం కర్నూల్ లో, చెత్త పన్ను కట్టలేదని, ఒక షాపు ముందు తీసుకుని వచ్చి చెత్త అంతా పోశారు. అంతకు ముందు కూడా ఇలాంటి సంఘటనలు అనేకం జరిగాయి. చెత్త పన్ను కట్టక పోతే, పరిస్థితి ఇలాగే ఉంటుందని, హెచ్చరికలు పంపుతుంది ప్రభుత్వం. ఇలాంటివి సినిమాల్లో చూస్తాం, ఇప్పుడు రియాలిటీలో చూస్తున్నాం. ఇక మరో సంఘటన, ఇది వింటే షాక్ అవుతారు. కాకినాడలో జప్తు వాహనాలు అని తిరుగుతున్నాయి. మీరు ఇంటి పన్ను కట్టక పోతే, మీ ఇంటికి వచ్చి మీ సామాన్లు జప్తు చేస్తాం, ఇది జప్తు వాహనం అంటూ, ప్రజలను బెదిరిస్తున్నారు. ఇంటి పన్ను, కుళాయి పన్ను వెంటనే చెల్లించాలని, లేకపోతే, మీ ఇంట్లో వస్తువులు ఎత్తుకు పోతాం అని ప్రభుత్వమే బెదిరిస్తుంది అంటే, ఏమని చెప్పుకోవాలి ? అయితే ఈ జప్తు ఇంకా మొదలు కాలేదు, ఇప్పుడు కేవలం బెదిరిస్తున్నారు. రేపు ఇంట్లో వస్తువులు ఎత్తుకుపోయి ఏమి చేస్తారో మరి. మొత్తానికి ప్రభుత్వ తీరు పై, అన్ని వైపుల నుంచి అనేక విమర్శలు వస్తున్నాయి. ప్రభుత్వం మాత్రం, రోజుకి ఒక కొత్త ఆలోచనతో ముందుకు వస్తుంది.

గత వారం రోజులుగా జంగారెడ్డిగూడెంలో జరిగిన కల్తీ సారా మరణాల పై, వైఎస్ఆర్ కాంగ్రెస్ పార్టీని ఎక్ష్పొజ్ చేయటంలో తెలుగుదేశం పార్టీ సక్సెస్ అయ్యింది. ఇది ప్రజల్లోకి కూడా బాగా వెళ్ళింది. అయితే తెలుగుదేశం పార్టీ అసెంబ్లీలో చేసిన ఈ ఉద్యమాన్ని, గ్రౌండ్ లెవెల్ లోకి తీసుకుని వెళ్ళటానికి, శనివారం, ఆదివారం కూడా కార్యక్రమాలు చేస్తుంది. అయితే ఈ కార్యక్రమం ప్రజల్లోకి బలంగా వెళ్ళటంతో, దీనికి ఎలా కౌంటర్ ఇవ్వాలి అని అలోచిస్తున్న వైఎస్ఆర్ కాంగ్రెస్ పార్టీకి, పశ్చిమ బెంగాల్ సియం మమతా రూపంలో, ఒక ఫేక్ ఆరోపణ దొరికింది. గతంలో చంద్రబాబు నాయుడు పెగాసేస్ కొన్నారు అంటూ, మమతా బెనర్జీ వ్యాఖ్యలు చేసింది అంటూ వైసీపీ సోషల్ మీడియా, సాక్షి హడావిడి మొదలు పెట్టారు. అయితే ఇప్పటి వరకు మమతా మాట్లాడిన వీడియో అయితే బయటకు రాలేదు. ఇది కూడా పింక్ డైమెండ్ లాగా ఫేక్ ప్రచారమా లేదా అనేది కూడా తెలియదు. అక్కడ మమతా బెనర్జీకి, ఇక్కడ జగన్ మోహన్ రెడ్డికి కూడా, ఒక్కరే సలహదారు కాబట్టి, ఇద్దరూ అనుకుని చంద్రబాబు పైన ఈ పెగాసేస్ ఆరోపణలు చేస్తున్నారు ఏమో తెలియదు కానీ, మమతా బెనర్జీ , చంద్రబాబు పైన పెగాసేస్ ఆరోపణలు చేసింది అంటూ, వైసీపీ నిన్నటి నుండి ఒకటే గోల మొదలు పెట్టింది.

అయితే తెలుగుదేశం పార్టీ , ఇది వరకు లాగే లేదు కాబట్టి, వెంటనే దీనికి కౌంటర్ ఇచ్చింది. దీని పైన నారా లోకేష్ స్పందిస్తూ, పెగాసేస్ మా దగ్గర ఉంటే, అసలు జగన్ మోహన్ రెడ్డి ఎలా గెలిచే వారు అంటూ ప్రశ్నిస్తూ, మేము కొనుగోలు చేసి ఉంటే, ప్రభుత్వం మమ్మల్ని వదిలి పెట్టేదా అని ప్రశ్నించారు. ఇక టిడిపి నేతలు కూడా, అదే కనుక ఉండి ఉంటే, విశాఖలో కోడి కత్తి డ్రామా నుంచి, బాబాయ్ పోటు వరకు అన్నీ బయట పెట్టే వాళ్ళం కదా అని కౌంటర్ ఇచ్చారు. ఈ రాజకీయ ఆరోపణలు పక్కన పెడితే, మాజీ డీజీపీ సావాంగ్ గతంలో ఇచ్చిన లిఖిత పూర్వక సమాధానం, ఇప్పుడు వైసీపీకి షాక్ కొట్టేలా చేసింది. గతంలోనే ఈ అంశం పై, ఏడాది క్రితం, 2021 జూలై 25న ఒక ఆర్టిఐ రిప్లై కి సమాధానంగా, ఏపి పోలీసులు ఎప్పుడూ కూడా పెగాసేస్ సాఫ్ట్ వేర్ ను కొనుగోలు చేయలేదని, స్పష్టం చేస్తూ గౌతం సావాంగ్ సమాధానం ఇచ్చారు. దీంతో ఉదయం వరకు ఎగిరెగిరి పడిన వైసీపీ నేతలు, శ్రేణులు, గౌతం సవాంగ్ రిప్లయ్ బయటకు రావటంతో, సైలెంట్ అయి కూర్చున్నారు.

ప్రశాంత్ కిషోర్... మన ఏపి ఈ రోజు ఇంత రివర్స్ లో, ఇంత దౌర్భాగ్యంగా ఉండటానికి కారణమైన వ్యక్తి. 2014 తరువాత విభజన జరిగి, నవ్యాంధ్రని ఒక్కో మెట్టు నిర్మించుకుంటున్న సమయంలో, కులం, మతం , ప్రాంతం కుంపట్లు పెట్టి, దీనికి తోడుగా ఫేక్ ప్రచారం చేసి, ప్రజల మనసులను కలుషితం చేసి, జగన్ మోహన్ రెడ్డిని గెలిపించాడు. అప్పటి నుంచి రాష్ట్ర ప్రగతి వేగంగా పాతాళంలోకే పడిపోతూ వచ్చింది. అప్పట్లో ప్రశాంత్ కిషోర్ వాడిన ఆస్త్రాలు, ఫేక్... ఫేక్... ఫేక్.. కమ్మ డీఎస్పీలు, డేటా గ్రిడ్, పింక్ డైమెండ్, ఇలా ఒకటి కాదు రెండు కాదు, రోజుకి ఒక ఫేక్ తో, ప్రజల ముందుకు వచ్చే వాడు. అయితే ఇప్పుడు కూడా ప్రశాంత్ కిషోర్, జగన్ మోహన్ రెడ్డితో కలిసి పని చేస్తున్నారు. రెండు మూడు సార్లు, స్వయంగా వచ్చి జగన్ ను కలిసాడు కాదు. ఈ మధ్య వచ్చిన ప్రశాంత్ కిషోర్, జగన్ మోహన్ రెడ్డి పని అయిపోయిందని, వెంటనే మార్పులు చేయకపోతే, మొత్తం మునిగిపోతారని, ప్రజలు మీ పాలన పై విసుగెత్తి ఉన్నారని సర్వే రిపోర్ట్ చేతిలో పెట్టటంతో, జగన్ మోహన్ రెడ్డి ఈ మధ్య కాలంలో ప్రజల వద్దకు వెళ్ళాలని వైసీపీ శ్రేణులకు చెప్పిన విషయం తెలిసిందే. దీనికి తోడుగా ప్రశాంత్ కిషోర్ కూడా పని మొదలు పెట్టాడు. అయితే గతంలో వాడిన ఫేక్ ను వైసీపీతో, జగన్ తో చెప్పిస్తే వర్క్ అవుట్ అవ్వదని గ్రహించాడు.

జగన్ మొహన్ రెడ్డి అన్నీ ఫేక్ ఆరోపణలే చేస్తాడని, ప్రజలకు తెలిసిపోవటం, ప్రజల్లో జగన్ మాటలకు, వైసిపీ చేతలకు ఎలాంటి క్రెడిబిలిటీ లేదని తెలియటంతో, ప్రశాంత్ కిషోర్ ఏపి పై వ్యూహం మార్చాడు. తన క్లైంట్ ల చేత, పక్క రాష్ట్రాల నుంచి వైసీపీకి అనుకూలంగా రాజకీయం చేపిస్తున్నాడు. ఇందులో భగంగానే, మమతా బెనర్జీ పెగాసిస్ పై చంద్రబాబు పై ఆరోపణలు చేయటం, అక్కడ నుంచి వైసీపీ అందుకోవటం జరిగింది. అయితే టిడిపి వెంటనే దీన్ని, ఆర్టిఐ రిపోర్ట్ బయట పెట్టి ఎదుర్కోవటంతో, వైసీపీ ప్లాన్ ఫ్లాప్ అయ్యింది. రాబోయే రోజుల్లో కూడా ఇదే వ్యూహం ప్రశాంత్ కిషోర్ అవలంభిస్తారని తెలుస్తుంది. తమిళనాడు స్టాలిన్, తెలంగాణా కేసీఆర్, పశ్చిమ బెంగాల్ నుంచి మమతా, ఇలా సియంల చేత, చంద్రబాబు పై విమర్శలు చేపించి, తద్వారా వైసీపీకి మేలు చేసే రాజకీయ వ్యూహం పన్నారు. జగన్ కు ఏపి ప్రజల్లో క్రెడిబిలిటీ తగ్గిపోవటంతో, ప్రశాంత్ కిషోర్ ఈ వ్యూహం అమలు చేస్తున్నారు. మరి రాను రాను టిడిపి వీటిని ఎలా ఫేస్ చేస్తుందో చూడాలి.