news

18 విభజన హామీలు గాలికి వదిలేసారు... 4 ఏళ్ళ మోడీ మోసం... ఢిల్లీ మన పై చూపుతున్న వివక్ష... దీనికి మనకు ఇచ్చిన సమయం 13 నిమషాలు... 13 నిమషాల్లో ఇన్ని సమస్యలు ఎలా చెప్తారు ? ఎదో సినిమా డైలాగ్ చెప్పినట్టు, ఎప్పుడు వచ్చాం కాదు అన్నయ్యా... బుల్లెట్ దిగిందా లేదా అని... ఎంత టైం మాట్లాడం అన్నది కాదు, ఇచ్చిన టైంలో, ఢిల్లీతో డీ కొట్టామా లేదా అనేది ముఖ్యం... తెలుగుదేశం పార్టీ ఇచ్చిన అవిశ్వాసం నోటీసును చర్చ కు అనుమతించాలని లోక్‌సభ స్పీకర్‌ నిర్ణయం తీసుకున్న నేపథ్యంలో అందివచ్చిన అవకాశాన్ని సద్వినియోగం చేసుకునేందుకు తెలుగుదేశం పార్టీ సర్వసన్నద్దమైంది. విభజన చట్టంలోని అంశాలను నెరవేర్చడంలో కేంద్రం నిర్వాకాన్ని ఎండగట్టాలని నిర్ణయించిన టిడిపి ఇతర రాజకీయ పక్షాల మద్దతును కూడగట్టింది.

అవిశ్వాస తీర్మానం చర్చకు రానున్న నేపథ్యంలో ముఖ్యమంత్రి నారా చంద్రబాబునాయుడు టిడిపి ఎం.పి.లకు మరోసారి దిశానిర్దేశం చేశారు. మొత్తం 18 విభజన డిమాండ్లతో పాటు పార్లమెంట్‌లో అప్పటి ప్రధానమంత్రి డాక్టర్‌ మన్మోహన్‌ సింగ్‌ ఇచ్చిన హామీలను తక్షణమే ఆమోదించే విధంగా కేంద్రాన్ని డిమాండ్‌ చేయడం, కేంద్రంపై మరింతగా ఒత్తిడిని పెంచే వ్యూహాన్ని ఖరారు చేసింది. కాగా అవిశ్వాస తీర్మానం సందర్భంగా పార్లమెంట్‌లో తెలుగుదేశం పార్టీ ఎం.పి.లు మాట్లాడాల్సిన అంశా లపై ఒక స్పష్టతకు రావడం జరిగింది. విశాఖ-చెన్నై కారిడార్‌కు ని ధులు విదిల్చలేదని ప్రశ్నించడంతో పాటు ఢి ల్లిd-ముంబై ఇండస్ట్రియల్‌కారిడార్‌ కు ఎంత మొత్తం ఇచ్చిన విషయాన్ని సైతం ప్రస్తావించనున్నారు. అదే విధంగా దేశానికి మొత్తం వచ్చిన జైకా నిధులు ఒక్క రాష్ట్రానికే ఇవ్వడంపై నిలదీయడంతో పాటు ఏ.పి విషయంలో వడ్డీల బాదుడు, బుల్లెట్‌ ట్రైన్‌ ఒక్కదానికే జైకా నిధులు వాడటం, కేంద్రం రాబడులతో రాష్ట్రం నష్టాలబారిన పడటం, 16 వేల కోట్ల లోటులో వున్నా రాష్ట్రాన్ని మరిన్ని నష్టాలలోకి నెట్టడం, రాజమండ్రి ఎయిర్‌పోర్టుకు 250 కోట్ల విలువైన భూమి, విజయవాడ ఎయిర్‌పోర్టులకు వెయ్యి కోట్ల విలువైన భూమి ఇవ్వగా, నాలుగేళ్ళు గడి చినా అమరావతికి అంతర్జాతీయ విమాన సర్వీసులు నడపకపోవడం, ఎయిర్‌ కనెక్టివిటీ ఇవ్వడానికి కూడా మీనమేషాలు లెక్కించడం, రాజధానికి 50 వేల కోట్ల విలువైన భూమిని ఇస్తే కేంద్రం కేవలం 1500 కోట్ల రూపాయల నిధులు మాత్రమే ఇవ్వడాన్ని చర్చ సందర్భంగా టిడిపి గట్టిగా నిలదీయనుంది.

తిరుపతి ఎన్నికల ప్రచారంలో, అమరావతి శంకుస్థాపనలో ప్రధాని చెప్పిన మాటలు గుర్తు చేయడం తో పాటు వివిధ సంస్థల శంకుస్థాపనల సందర్భంగా కేంద్ర మంత్రులు చేసిన ప్రసంగాలను గుర్తు చేయడం, కేంద్రం సుప్రీంకోర్టులో దాఖలు చేసిన అఫిడవిట్‌ను, గత ఫిబ్రవరి లో ప్రధానమంత్రి నరేంద్ర మోడీ లోక్‌సభలో ఇచ్చిన హామీలను ప్ర స్తావిం చాలని, తలుపులు మూసి రాష్ట్ర విభజన బిల్లును ఆమోదించారని మోడీ అన గా, మరి గత నాలుగేళ్ళలో బిజెపి ప్రభుత్వ నిర్వాకమేమిటనేది నిలదీయాలని, లెక్క లతో సహా దేశ ప్రజల దృష్టికి తీసుకెళ్ళడంలో ఎం.పి.లు తమ సామర్థ్యానికి పదును పెట్టాలని ముఖ్యమంత్రి ఆదేశించారు. వ్యవసాయ విశ్వవిద్యాలయానికి 500 కోట్ల రూపాయల విలువైన భూమి ఇవ్వగా , దానిని కేంద్ర వ్యవసాయ యూనివర్శిటీగా మారుస్తామన్నారని, నిధులు కూడా కేవలం వంద కోట్లు మాత్రమే ఇచ్చి చేతులు దులుపుకున్నారని నిలదీయనున్నారు. నష్టాలలో వున్న ఏ.పి డబ్బులతో కేంద్రం మరిన్ని లాభాలు పొందాలని చూస్తోండగా, నష్టాలలో వున్న రాష్ట్రాన్ని మరింత నష్టాలలో ముంచాలని చూడటాన్ని టిడిపి ఎం.పి.లు ఎండగట్ట నున్నారు. కాగా కామన్‌ కేటగిరీ కింద ఆంధ్రప్రదేశ్‌కు ఎంత ఇచ్చిందీ నిలదీయడంతో పాటు ఇతర రాష్ట్రాలకు ఏ మేరకు ఇచ్చిన విషయ మై ప్రశ్నించనున్నారు. విభజన చట్టం కింద ప్రత్యేకంగా ఏ.పి కి ఎంత ఇవ్వాలనే విషయమై కూడా కేంద్రం నుంచి వివరణ కోర నున్నారు. గత నాలుగేళ్ళలో ఎంత ఇచ్చిందీ పార్లమెంట్‌ వేదిక గా దేశ ప్రజల దృష్టికి తీసుకువెళ్ళాలని సంకల్పించడం జరిగింది.

మోదీని వదలొద్దు.. అతను మాటాడిన మీటింగ్స్ నీ గుర్తు చేస్తా చెప్పండి.. మహా ఐతే సస్పెండ్ చేస్తారు ..అంతకు మించి ఏమీ చెయ్యలేరు.. ఒకరు సస్పెండ్ ఐతే .. ఇంకొకళ్లు కంటిన్యూ చెయ్యండి.. అంతేగానీ .. అతన్ని మాత్రమ్ వదలొద్దు.. ఇది చంద్రబాబు ఎంపీలకు ఈ రోజు చివరి సారిగా చెప్పిన విషయం. ఆంధ్రప్రదేశ్‌కు అన్యాయం జరిగిందని వ్యాఖ్యానించిన ప్రధాని మోదీ గత నాలుగేళ్లలో దాన్ని ఎందుకు సరిదిద్దలేకపోయారో సమాధానం చెప్పాలంటూ నిలదీయాలని ముఖ్యమంత్రి చంద్రబాబు తెదేపా ఎంపీలకు దిశా నిర్దేశం చేశారు. ఈ ఏడాది ఫిబ్రవరి 7న మోదీ లోక్‌సభలో మాట్లాడుతూ... పార్లమెంటు తలుపులు మూసి రాష్ట్ర పునర్విభజన బిల్లును ఆమోదించి కాంగ్రెస్‌ ఏపీకి అన్యాయం చేసిందని చెప్పారనిప్రస్తుత వర్షాకాల సమావేశాల్లో ఇదే అంశాన్ని గట్టిగా ప్రస్తావించాలని సూచించారు.

‘‘అవిశ్వాస తీర్మానం ప్రవేశపెట్టడానికి ముందే అన్ని పార్టీల నేతలను కలిసి మద్దతు కోరడం మంచిదైంది. ఆయా పార్టీలు మనకు అండగా నిలిచాయి. చర్చ సందర్భం గానూ వారి మద్దతు మనకే లభించేలా చూడాలి. పద్నాలుగేళ్ల తర్వాత కేంద్రం ఎదుర్కొంటున్న అవిశ్వాసం ఇది. ఇది మన రాష్ట్ర భవిష్యత్తుకు సంబంధించింది. అందుకే అన్ని అంశాలపై పూర్తిస్థాయిలో సన్నద్ధం కావాలి. చర్చకు మొత్తం పదిగంటల సమయం ఇచ్చే అవకాశముంది. దాన్ని సద్వినియోగం చేసుకోవాలి. తొలి అవకాశం తెదేపాకే వస్తుంది. చర్చపై ప్రధానమంత్రి సమాధానం ఇచ్చిన తర్వాత కూడా మళ్లీ అవకాశం ఉంటుంది. సమయం చాలకపోతే ప్రసంగం లిఖిత ప్రతిని అందజేయాలి"

"లోక్‌సభ రికార్డుల్లో నమోదు చేయమని కోరాలి. పార్టీ ఎంపీలంతా సమర్థ పాత్ర పోషించాలి. తెదేపాకు కేటాయించే సమయాన్ని బట్టి ఎంతమంది మాట్లాడేదీ ముందే నిర్ణయించుకొని అందుకు తగ్గట్టు బలమైన గొంతు వినిపించాలి. మాట్లాడానికి అవసరమైన అంశాలపై పార్టీపరంగా, ప్రభుత్వపరంగా సమాచారం అందుబాటులో ఉంచుతాం’’ అని చంద్రబాబు అన్నారు. లోక్‌సభ సభాపతి, రాజ్యసభ ఛైర్మన్‌లు నిర్వహించిన అఖిల పక్ష సమావేశాల చర్చల సారాంశాన్ని ఎంపీలు చంద్రబాబుకు వివరించగా... మాజీ ఎంపీ ఉండవల్లి అరుణ్‌కుమార్‌తో భేటీ వివరాలను సీఎం ఎంపీలకు చెప్పారు. ఉండవల్లి అందజేసిన పుస్తకాలు, నివేదికలు, న్యాయస్థానాల కేసుల్లోని అంశాలను అధ్యయనం చేయాలని సూచించారు.

ఆంధ్రప్రదేశ్‌కు ప్రత్యేక హోదా, విభజన అంశాల్లో తెలుగుదేశం చేపట్టిన ఆందోళన ఒక్కసారిగా పతాకస్థాయికి చేరుకొంది. పార్లమెంటు వర్షాకాల సమావేశాల ప్రారంభం రోజునే తెలుగుదేశం ఇచ్చిన అవిశ్వాస తీర్మానాన్ని స్పీకర్‌ సుమిత్రా మహాజన్‌ స్వీకరించడంతో ఒక్కసారిగా జాతీయ రాజకీయాలు వేడెక్కాయి. చంద్రబాబు రాజకీయ వ్యూహం ఫలించడంతో ఏపీ ప్రత్యేక హోదా జాతీయ స్థాయి చర్చకు నోచుకుందని చెప్పవచ్చు. అయితే ప్రస్తుతం బీజేపీ సారథ్యంలోని ఎన్డీయేకు ఈ అవిశ్వాస తీర్మానంతో ఎలాంటి ప్రమాదం లేదు. అవసరమైన మెజార్టీతో పాటు అన్నాడీఎంకే.. ఇతర పక్షాలు ఎన్డీయేకు మద్దతు ఇచ్చే అవకాశముంది. దీంతో అవిశ్వాస తీర్మానం వీగిపోవచ్చు. అయినప్పటికీ పార్లమెంటు సాక్షిగా యూపీఏ-2 హయాములో అప్పటి ప్రధాని మన్మోహన్‌సింగ్‌ ఇచ్చిన ప్రత్యేక హోదా అంశం మళ్లీ తెరపైకి వస్తుంది. గత నాలుగేళ్లలో మోదీ ప్రభుత్వం ఏపీకి ఎంత సాయం అందించిందీ, ఏయే ప్రయోజనాలు ఇంతవరకూ అమలుకు నోచుకోలేదన్న విషయం ప్రధానంగా చర్చకొచ్చే అవకాశముంది.

తాజా రాజకీయ వ్యూహంలో చంద్రబాబునాయుడు ఏకంగా ఒక దెబ్బకు నాలుగు పిట్టల్ని కొట్టారని రాజకీయ విశ్లేషకులు పేర్కొంటున్నారు. వైకాపాపై పైచేయి, రాష్ట్రంలో భాజపాను ఏకాకి చేయడం, పవన్‌కల్యాణ్‌ సారథ్యంలోని జనసేన విమర్శలకు బదులివ్వడం, జాతీయ రాజకీయపక్షమైన కాంగ్రెస్‌తో పాటు ఇతర పక్షాలను ఎన్డీయేకు వ్యతిరేకంగా ఒక తాటిపైకి తీసుకొని రావడం... ఈ నాలుగు అంశాలతో దేశ రాజకీయాల్లో తెలుగుదేశం కీలకభూమికను పోషించనుందన్న సంకేతాలు వెళ్లాయి. రాష్ట్రానికి ప్రత్యేకహోదా అంశంపై వైకాపా గత లోక్‌సభ సమావేశాల్లో అవిశ్వాస తీర్మానానికి యత్నించింది. అయితే పలు కారణాల వల్ల స్పీకర్‌ స్వీకరించేలేదు. ఏకంగా వైకాపాకు చెందిన ఐదుగురు లోక్‌సభ సభ్యులు తమ రాజీనామాలను సమర్పించి ఆమోదింపచేసుకున్నారు. అయితే తాజా లోక్‌సభ సమావేశాల్లో ఆంధ్రప్రదేశ్‌ అంశం అవిశ్వాస తీర్మానం రూపంలో చర్చకు రానుండటంతో వైకాపా సభ్యులు లేకపోవడంతో వారు తమ అభిప్రాయాలను వ్యక్తం చేసే అవకాశం కోల్పోయారు.

గత ఎన్నికల్లో బీజేపీ, తెలుగుదేశం పార్టీలు కలసి కట్టుగా పోటీచేశాయి. అనంతరం బీజేపీ తీసుకున్న నిర్ణయాలు తెలుగుదేశాన్ని ఆత్మరక్షణలో పడేశాయి. హోదా లేకపోయినా ప్యాకేజీ నిధులతో పాటు విశాఖ రైల్వే జోన్‌, కడప ఉక్కు కర్మాగారం, పోలవరం ప్రాజెక్టు.. తదితర అంశాలపై బీజేపీ పెద్దలు ఎలాంటి నిర్ణయం తీసుకోకపోవడంతో రాష్ట్ర ప్రజలకు జవాబు చెప్పుకోవాల్సిన అవసరం తెదేపాపై పడింది. దీంతో తప్పనిసరి పరిస్థితుల్లో ఎన్డీయేకు రాంరాం చెప్పింది. బీజేపీ పై పోరుబాట పట్టి, ఇప్పుడు పతాక స్థాయికి తీసుకువెళ్ళింది. ఇక పవన్ విషయానికి వస్తే, ప్రత్యేకహోదాపై లోక్‌సభలో అవిశ్వాస తీర్మానం ప్రవేశపెడితే తాను మద్దతు కూడగడుతానంటూ ప్రకటించారు. ఇప్పుడు తెలుగుదేశం అవిశ్వాస తీర్మానం ప్రవేశపెట్టడంతో పవన్‌ విమర్శలకు దీటైన జవాబిచ్చినట్టయింది. తాము రాష్ట్ర ప్రయోజనాల కోసం చిత్తశుద్ధిగా పోరాడుతున్నామని రాష్ట్ర ప్రజలకు తెదేపా తెలియపరిచినట్టయింది.

రాష్ట్ర విభజనతో ఏపీ తీవ్రంగా నష్టపోయిందన్న అంశాన్ని దేశప్రజల దృష్టికి తీసుకురావడంలో తెలుగుదేశం విజయం సాధించింది. అప్పట్లో రాష్ట్ర విభజన చేసిన కాంగ్రెస్‌ కూడా తప్పనిసరిగా అవిశ్వాస తీర్మానానికి మద్దతుపలికే పరిస్థితి తీసుకువచ్చింది. తెదేపాకు సంఖ్యాబలం లేనప్పటికీ కాంగ్రెస్‌, ఎన్‌సీపీలు అవిశ్వాస తీర్మానానికి వెంటనే తమ మద్దతు ప్రకటించాయి. అవిశ్వాసం వీగిపోయే పరిస్థితులున్నప్పటికీ పార్లమెంటులో చర్చ ద్వారా రాష్ట్రానికి జరిగిన అన్యాయాలపై దేశప్రజలకు వివరించేందుకు తెలుగుదేశం సిద్ధమవుతోంది. (సేకరణ ఈనాడు )