news

మనం నిన్న అవిశ్వాసం పెట్టింది ఎందుకు ? ఆంధ్ర రాష్ట్ర సమస్యల పై.. అవేమీ పట్టించుకోకుండా, రాహుల్ గాంధీ పై వెకిలి కామెంట్లు, వెకిలి యాక్షన్ లతో, ప్రధాని రెండు గంటలు రక్తి కట్టించారు. మనం 18 విభజన అంశాల పై ఏమి చేసారు అని అడిగితే, తెలుగు మా తల్లి, చంద్రబాబు మా స్నేహితుడు అంటూ, డ్రామా పెర్ఫార్మన్స్ ఇచ్చారు. ప్రధాని ప్రసంగం ముగియగానే, కేశినేని నాని లాస్ట్ పంచ్ ఇచ్చారు. అప్పటికే, గల్లా, రామ్మోహన్ నాయుడు వాయింపుడుతో ఉన్న బీజేపీ వాళ్లకి, చివర్లో బెజవాడ మోటార్ ఫీల్డ్ భాషాలో, కేశినేని నాని ఇచ్చిన లాస్ట్ పంచ్ తో, ఫీజులు ఎగిరిపోయాయి. మన సమస్యల పై స్పందించకుండా, రెండు గంటలు అద్భుతమైన పెర్ఫార్మన్స్ ఇచ్చిన మోడీకి, లాస్ట్ పంచ్ అదరగొట్టారు నాని.

తెలుగును తల్లిగా సంబోధించిన ప్రధానమంత్రి మోదీ ఇప్పుడు ఆ తల్లినే చంపేయడానికి సిద్ధమయ్యారని ధ్వజమెత్తారు. మోదీ ప్రసంగం బాలీవుడ్ బ్లాక్ బస్టర్ మూవీని తలపించిందన్నారు. ప్రపంచంలోనే ఉత్తమ నటుడని విమర్శించారు. ప్రధాని ప్రసంగ నైపుణ్యం ఆకట్టుకుందని.. అయితే ఆయన చెప్పేవన్నీ అబద్ధాలే అన్నారు. 2014కి ముందు కూడా అబద్ధపు హామీలిచ్చారని విమర్శించారు. ఇప్పుడు కూడా అదే జరుగుతోందని దుయ్యబట్టారు. ఆయన మాటల్లో ఏపీకి న్యాయం చేస్తామన్న మాట ఎక్కడా లేదన్నారు కేశినేని. 2014 ఎన్నికలకు ముందు కూడా ఇలాగే ఎన్నో వాగ్దానాలు చేసి ప్రజలను మోసగించారన్నారు. అమలును విస్మరించారన్నారు.

‘‘ప్రధానమంత్రి ఎంతో అద్భుత ప్రసంగం చేశారు. హోం మంత్రి రాజ్‌నాథ్‌ సింగ్‌ కూడా రామాయణం నుంచి చరిత్రనంతా ఆవిష్కరించారు. నాడు అశాస్త్రీయంగా ఏపీ విభజన జరిగింది. ఈ సభలో అధికార విపక్ష పార్టీల స్థానాలు మారినా ఆరోజు విభజనకు ఇద్దరూ బాధ్యులే. ఆ విషయాన్ని అంగీకరించినందుకు ఎంపీ హరిబాబును అభినందిస్తున్నా. దేశ చరిత్రలో ఎన్నడూ లేని విధంగా టీవీ బంద్‌ చేసి విభజన చేశారు. మా సహచరుడు కొనకళ్ల నారాయణను కొట్టారు. దానికీ రెండు పార్టీలూ బాధ్యులే. పిడిగుద్దులకు నారాయణ కుప్పకూలిపోతే విమానంలో ముంబయి ఆసుపత్రికి తరలించాల్సి వచ్చింది. అప్పట్లో ఈ సభలోని ప్రభుత్వానికి మెజార్టీలేదు. 14 మంది ఎంపీలను సస్పెండ్‌ చేసి బిల్లు ఆమోదించారు. ఆనాటి విభజనకు ఎలాంటి ప్రాతిపదికా లేదు. మీరు(ప్రధాని) గొప్ప నటులు, డ్రామా ఆర్టిస్ట్‌. దాన్ని అంగీకరిస్తున్నా. మీ ఒకటిన్నర గంటల ప్రసంగం వింటున్నప్పుడు బ్లాక్‌బస్టర్‌ సినిమా చూస్తూ కూర్చున్నట్టు అనిపించింది’’ అని ధ్వజమెత్తారు. అయితే కేశినేని నాని వ్యాఖ్యలకు మన రాష్ట్రంలోనే కాదు, దేశ వ్యాప్తంగా మంచి రెస్పాన్స్ వచ్చింది. ఎందుకంటే, మోడీ పెద్ద యాక్టర్ అని అందరికీ తెలుసు. కాని, మోడీ మొఖం మీదే ఆ మాట చెప్పటంతో, అందరూ మా మనుసులో మాటే చెప్పారు అంటూ , అభినందించారు.

ఉదయం మిస్టర్ ప్రైమ్ మినిస్టర్ అంటూ, గల్లా జయదేవ్ ఇచ్చిన రీసౌండ్ చెవిల్లో నుంచి బీజేపీ నేతలకు, ఇప్పుడిప్పుడే బయటకు వెళ్తుంటే, సాయంత్రం శ్రీకాకుళం ఎంపీ రాం మోహన్ నాయుడు అందుకున్నారు. అలా ఇలా కాదు, గల్లా క్లాస్ గా కొడితే, రాంమోహన్ నాయుడు హిందీలో మాస్ గా వాయించి పడేసారు. దివంగత ఎర్రన్నాయుడుని గుర్తు చేస్తూ, ఇచ్చిన పది నిమషాల టైంలో గడగడ హిందీలో మాట్లాడుతూ, శభాష్ అనిపించారు. 5 కోట్ల మంది తెలుగు ప్రజల బాధను, హిందీ భాషలో దేశమంతటా అర్ధమయ్యేలా చెప్పారు. అన్ని విషయాలు చెప్తూ, ప్రధాన మంత్రి గారు సమాధానం చెప్పండి అంటూ, గర్జించారు. ఉదయం గల్లా జయదేవ్ ఆపిన చోటు నుంచి, రాము అందుకున్నాడు.

విశాఖలో కావలసినంత భూమి, పోర్టు, పరిశ్రమలు ఉన్నాయని, ఇక్కడి కేంద్ర మంత్రులు ఎవరొచ్చినా చందమామ కథలు చెబుతున్నారని విమర్శించారు. విభజనతో ఏపీకి అన్యాయం జరుగుతుందని అప్పటి ప్రధాని ప్రత్యేకహోదా ప్రకటించారని, ప్రత్యేక హోదా ఐదేళ్లు కాదు, పదేళ్లు కావాలని అరుణ్ జైట్లీ, వెంకయ్యనాయుడు నాడు మాట్లాడిన విషయాలను ఆయన ప్రస్తావించారు. విభజన చట్టాన్ని అదే స్ఫూర్తితో అమలు చేయాల్సిన బాధ్యత కేంద్రంపై ఉందని డిమాండ్ చేశారు. చాలాసార్లు ఢిల్లీకి వచ్చిన మా సీఎం, ఏపీకి ప్రత్యేక హోదా, రైల్వేజోన్ గురించి అడిగితే వేరే విషయాలు మాట్లాడుతన్నారని, అసలు.. విశాఖలో రైల్వోజోన్ ఏర్పాటు చేయడానికి ఉన్న ఇబ్బందేంటి? అని ప్రశ్నించారు.

విశాఖ - చెన్నై పారిశ్రామిక కారిడార్ కు కేంద్రం ఇప్పటికీ పైసా కూడా ఇవ్వలేదని, సభ సాక్షిగా బీజేపీ ఎంపీ హరిబాబు అసత్యాలు ప్రచారం చేశారని రామ్మోహన్ నాయుడు మండిపడ్డారు. టీడీపీకి 15 మంది ఎంపీలున్నారని, తమను తక్కువగా తీసుకోవద్దని ఈ సందర్భంగా ఆయన హెచ్చరించారు. ప్రజాస్వామ్య ఆలయం పార్లమెంట్ అని, తమకు అన్యాయం జరిగింది ఈ సభలోనే కనుక, ఇక్కడ కాకపోతే ఇంకెక్కడ అడుగుతామని ప్రశ్నించారు. ఏపీకి సంబంధించి ప్రధాని మోదీ విధానం ఏమిటో ఈరోజు స్పష్టం చేయాలని డిమాండ్ చేశారు.

నాది 56 అంగుళాల ఛాతీ... నా దమ్ముతో దేశాన్ని నిలబెడతా అని చెప్తున్న ప్రధాని మోడీ, అదే దేశంలో, 5 కోట్ల మంది ఆంధ్రులు ఉన్న సంగతి మర్చిపోయారు. మర్చిపోవటం కూడా కాదేమో, అహంభావంతో, మన మీద చులకనతనం.. నిన్న అవిశ్వాసం పెట్టింది ఎందుకు ? ఈ దేశంలోని ఆంధ్రప్రదేశ్ అనే రాష్ట్రంలో ఉన్న, 5 కోట్ల మందిని ప్రధాని ముంచేశారు అని. నిన్న జయదేవ్ కాని, రాంమోహన్ నాయుడు కాని, ఏమి మాట్లడారు ? లేకపోతే వాళ్ళు మాట్లాడింది, మోడీకి అర్ధం కాలేదా ? దాదాపు ఇద్దరూ కలిసి గంటకు పైగా, ఆంధ్రప్రదేశ్ రాష్ట్రానికి కేంద్రం చేస్తున్న అన్యాయం చెప్పారు. ఎక్కడా రాజకీయం చెయ్యలేదు. మోడీ ఏమి చెప్పారు, చట్టంలో ఏమి ఉంది, ఇప్పుడు ఎనుకు అమలు చెయ్యటం లేదు అనే అడిగారు. దాదాపు విభాజన చట్టంలో 18 అంశాలతో పాటు, మిగిలిన హామీల పై నిలదీశారు..

మరి అవిశ్వాసం పెట్టిన సందర్భం తగ్గట్టు మన ప్రధాని మాట్లాడాలి కదా ? 5 కోట్ల మంది ప్రజలు నా పట్ల ఎందుకు విశ్వాసంతో లేరు ? నేను ఏమి చేసాను, ఏమి చేస్తానో చెప్పాలి కదా ? ప్రధాని మాత్రం అవేమి చెప్పలేదు. రెండు గంటలు మాట్లాడి, కొన్ని సినిమా పెర్ఫార్మన్స్ లు ఇచ్చి, మన రాష్ట్రం గురించి రెండే రెండు నిమషాలు మాట్లడారు. అది కూడా రాజకీయ ప్రసంగం. ఇది తెలుగుదేశం పార్టీకి, కేంద్రానికి సంబంధించినది కాదు, అని మన ఘనత వహించిన ప్రధాని గారికి తెలియదు అంటే ఆశ్చర్యం కలుగుతుంది ఏమో. నిన్న జరిగింది, 5 కోట్ల మందికి, ప్రధాని మీద విశ్వాసం పోవటం. అది వదిలేసి, మన రాష్ట్రం గురించి మాట్లాడిన రెండు ముక్కలు, రాజకీయ కోణంలో మాట్లడారు.

స్పెషల్ స్టేటస్ కు లింక్ పెట్టి రాజకీయం చేసారు. చంద్రబాబుకి ఫోన్ చేసాను, మీరు జగన్ ట్రాప్ లో పడ్డారు అని అన్నారు. కెసిఆర్ చాలా హుందాగా ఉన్నారు, చంద్రబాబు అలా లేరు అన్నారు. కేవలం రాజాకీయ కోణంలోనే చంద్రబాబు ఇలా చేసారు అన్నారు. చంద్రబాబుకి రాజకీయ సమాధానం చెప్పారు సరే, మరి 5 కోట్ల మందికి ప్రధాని ఏమి చెప్పారు ? పోలవరం, రెవెన్యూ లోటు భర్తీ, ఆస్తుల విభజన, విద్యాసంస్థలకు తగిన స్థాయిలో నిధుల విడుదల, విశాఖకు రైల్వే జోన్‌, కడప ఉక్కు కర్మాగారం... ఇలా అనేక సమస్యలున్నప్పటికీ దేనినీ ప్రధాని ప్రస్తావించలేదు. ‘హోదా ఇవ్వలేక పోయాం. ప్యాకేజీ ఇచ్చాం. రాజధాని పనులకు తోడ్పాడు అందిస్తాం’ అనే మాట మాత్రమే చెప్పారు. ప్రధాని హోదాలో ఉండి, రాష్ట్ర సమస్యలు ప్రస్తావించకుండా, మన ప్రధాని రాజకీయ ప్రసంగం ఇది.