news

ఆంధ్రప్రదేశ్ రాష్ట్ర ప్రతిపక్ష నేత, తెలుగుదేశం పార్టీ అధినేత నారా చంద్రబాబు నాయుడు, కొద్ది సేపటి క్రితం, రాష్ట ప్రభుత్వ చీఫ్ సెక్రటరీకి లేఖ రాసారు. ఇటీవల రాయలసీమలోని, కడప, చిత్తూరు, అనంతపురం, నెల్లూరు జిల్లాల్లో కురసిన భారీ వర్షాలు, వచ్చిన వరదల కారణంగా ప్రజలు నష్టపోయిన తీరుని వివరిస్తూ, ప్రజలకు సహాయం చేయాలని అందులో పేర్కొన్నారు. ముఖ్యంగా రైతులను, ప్రజలను ఆదుకోవాలని చంద్రబాబు కోరారు. వరదలతో, ప్రాణ నష్టం, ఆస్తి నష్టం బాగా ఎక్కువ జరిగిందని, ముఖ్యంగా వరద ప్రభావిత ప్రాంతాల్లో పంటలు దెబ్బ తినటం, ఇల్లు కొట్టుకుపోవటం ప్రజలు ప్రాణాలు కోల్పోయిన విషయాలు కూడా చంద్రబాబు అందులో పేర్కొన్నారు. అన్నమయ్య డ్యాంకి గండి పడటం, వాగాలు పొంగి పొర్లటంతో, వరద వచ్చి, కింద గ్రామాలు అన్నీ కొట్టుకుపోయాయని, రహదారులు కూడా దెబ్బతిన్న విషయాన్ని చంద్రబాబు తన లేఖలో తెలిపారు. ఈ వరదల వల్ల ప్రజల జీవనం దుర్భాలంగా మారిందని ఆవేదన వ్యక్తం చేసారు. ముంపు ప్రాంతాల్లో ప్రజలకు సహాయం అందటం లేదని, దీని వల్ల ప్రజలు తీవ్ర ఇబ్బందులు ఎదుర్కుంటున్నారని చంద్రబాబు వివరించారు. ప్రకృతి వైపరిత్యాల సంస్థ మార్గదర్శిక సూత్రాలు మేరకు, ప్రతి ఒక్కరికీ సహాయం అందించాలని చంద్రబాబు లేఖలో కోరారు.

వరద ప్రభావిత ప్రాంతాల్లో వైద్య శిబిరాలు ఏర్పాటు చేయాలని, ఇల్లు కోల్పోయిన వారికి వెంటనే గృహ నిర్మాణం చేపట్టాలని కూడా ఆయన డిమాండ్ చేసారు. సాధారణ పరిస్థితులు నెలకొనే వరకు కూడా ఈ సహాయం కొనసాగాలని కోరారు. అలాగే పంట నష్ట పరిహారం కూడా పెంచాలని చంద్రబాబు విజ్ఞప్తి చేసారు. ముఖ్యంగా వరద వల్ల పొలాల్లో ఇసుక మేట వేసుకుని పోయిందని, వాళ్ళు తిరిగి వ్యవసాయం కొనసాగించాలి అంటే చాలా శ్రమతో కూడిన పరిస్థితి కాబట్టి, వారిని ఆదుకోవాలని చంద్రబాబు కోరారు. అయితే ఈ సందర్భంలో చంద్రబాబు ఒక కీలక విషయం ప్రస్తావించారు. ప్రభుత్వం అందించిన లెక్కలు ప్రకారం, మొత్తం రూ. 6054.29 కోట్లు నష్టం జరిగిందని చెప్పారని, అయితే ప్రభుత్వం మాత్రం కేవలం 35 కోట్లు విడుదల చేసిందని, రాష్ట్ర విపత్తు సహాయ నిధికి సంబంధించిన రూ. 1,100 కోట్లు ఉన్నాయని చెప్పారని, ఆ నిధులు ఏమయయ్యి అంటూ చంద్రబాబు ప్రశ్నించారు. ఆ నిధులు మల్లించటం పై చంద్రబాబు ఆగ్రహం వ్యక్తం చేసారు.

వైఎస్ఆర్ కాంగ్రెస్ పార్టీ, మొన్న జరిగిన స్థానిక సంస్థల ఎన్నికల్లో ఎలా ఎన్నికల్లో దౌర్జన్యాలు చేసి గెలిచిందో అందరం చూసాం. చివరకు కుప్పంలో కూడా, తమ దౌర్జన్యాలు కొనసాగించారు. నామినేషన్ వేసే ఆలోచన దగ్గర నుంచి, ఫలితాలు ప్రకటించే వరకు, వీళ్ళు ప్రతి అడుగులో చేయని అరాచకం అంటూ ఏమి లేదు. అరాచకం అనేది చిన్న పదం అని చెప్పాలి. ముఖ్యంగా కుప్పంలో దొంగ ఓట్ల దండయాత్ర చేసారు. ఇది ఇలా ఉంటే, కొండపల్లి మునిసిపాలిటిలో, ఎప్పుడూ తెలుగుదేశం గెలవలేదు కాబట్టి, ఇక్కడ ఎలాగూ తమకే వేస్తారు అనే కాన్ఫిడెన్సు తో, ఇక్కడ పట్టించుకో లేదు. దీంతో ఇక్కడ అసలైన ప్రజా తీర్పు వచ్చింది. అనూహ్యంగా తెలుగుదేశం పార్టీ కొండపల్లిలో గెలిచింది. తెలుగుదేశం పార్టీ ఇక్కడ మునిసిపాలిటిని ఎప్పుడూ గెలుచుకోలేదు. దీంతో వైసీపీ షాక్ తింది. ఇక్కడ ఎలా అయినా గెలవాలని, అడ్డ దారులు తొక్కటానికి ప్రయత్నాలు చేసింది. అయితే దేవినేని ఉమా, కేశినేని నాని నిలబడి, వైసీపీకి ఎదురు నిలిచారు. చివరకు కోర్టులకు కూడా వెళ్ళారు. ఎంత ప్రయత్నాలు చేసినా, టిడిపి వారిని లొంగ దీసుకోలేక పోయారు. చివరకు కోర్టు జోక్యంతో ఎన్నిక జరగగా, తెలుగుదేశం పార్టీ కొండపల్లి ఖిల్లా పై జెండా ఎగురవేసింది. దీంతో వైసీపీకి పరాభవం తప్పలేదు.

స్థానిక ఎమ్మెల్యే వసంత కృష్ణ ప్రసాద్ కు షాక్ తగిలింది. జగన్ దగ్గర ఇబ్బందులు ఎదురు అయ్యాయి. అసలకే కష్టాల్లో ఉన్న వైసీపీకి కొండపల్లిలో మరో షాక్ తగిలింది. వైసీపీ సీనియర్ నేత, మైలవరం మండల కార్యదర్శి యర్రగోపుల రాంబాబు పార్టీకి రాజీనామా చేసి షాక్ ఇచ్చారు. ఎమ్మెల్యే వసంత కృష్ణప్రసాద్ కు రాజీనామా లేఖ పంపారు. కేవలం వసంత కృష్ణప్రసాద్ వైఖరి వల్లే పార్టీని వదిలేస్తున్నా అని లేఖలో తెలిపారు. పార్టీ కోసం ఎంత కష్టపడినా గుర్తింపు లేకుండా చేసారని అన్నారు. పార్టీ ఏర్పడిన దగ్గర నుంచి, పార్టీలో ఉన్నానని, జగన్ వెంట నిలబడ్డా అని అన్నారు. పార్టీ ఇక్కడ స్థానికంగా బలపడటంలో, కష్టపడ్డానని తెలిపారు. ఇది వరకు జోగి రమేష్ నేతృత్వంలో కూడా పని చేసాం అని అన్నారు. వసంత గెలుపుకి ఎలా కృషి చేసింది లేఖలో వివరించారు. పార్టీ ప్రతి కార్యక్రమానికి వెన్నంట ఉన్న నాకు, ఈ పార్టీలో కనీసం గుర్తింపు లేదు కాబట్టి, రాజీనామా చేస్తున్నానని తెలిపారు. ఇతను బలమైన నేత కావటంతో, వైసీపీకి గట్టి ఎదురు దెబ్బ తగిలినట్టు అయ్యింది.

ఆంధ్రప్రదేశ్ రాష్ట్రంలో ఈ మధ్య వస్తున్న గంజాయి కేసులు గురించి ప్రత్యేకంగా చెప్పాల్సిన అవసరం లేదు. మరీ ముఖ్యంగా ఆంధ్రప్రదేశ్ రాష్ట్రం నుంచి, అన్ని రాష్ట్రాలకు గంజాయి సరఫరా అవుతున్న తీరు అందరికీ ఆశ్చర్యాన్ని కలిగిస్తుంది. ఇతర రాష్ట్రాల పోలీస్ ఆఫీసర్ లు ప్రెస్ మీట్లు పెట్టి మరీ, గంజాయి ఏపి నుంచి వస్తుందని చెప్పటంతో,ఏపి పరువు పోతుంది. ఈ మధ్య కాలంలో తెలుగుదేశం పార్టీ ఈ అంశం పై గట్టిగా పోరాడింది. దీంతో మొన్నటి దాకా, అసలు మా దగ్గర గంజాయి లేదు అని చెప్పిన పోలీస్, ప్రభుత్వ వ్యవస్థలు కదిలాయి. దేశ వ్యాప్తంగా విమర్శలు రావటంతో, గంజాయి తోటలు విధ్వంసం చేస్తున్నాయి. వందలకు వందల ఎకరాలు గుర్తిస్తున్నారు. అయితే ఇక్కడ ఆలోచించాల్సిన అంశం, ఇంత పెద్ద మొత్తంలో గంజాయి సాగు అవుతుంటే, పోలీస్ వ్యవస్థ ఏమి చేస్తుంది ? దీని వెనుక పెద్దలు లేకుండా ఇది సాధ్యం అయ్యే పనేనా ? సామాన్యులకే కాదు, హైకోర్టుకు కూడా ఇదే అనుమానం వచ్చింది. పోలీసులు పట్టుకుంటున్న గంజాయి అక్రమ రవాణా కేసుల్లో, కూలి వాళ్ళు, లారీ డ్రైవర్లు, ఇలా చిన్న చిన్న వాళ్ళనే పట్టుకుని, వారిని అరెస్ట్ చేస్తున్నారని, కానీ వీరి వెనుక ఉండే వాళ్ళు, వీరి వెనుక ఉండే పెద్ద తలకాయలను మాత్రం, ఎందుకు పట్టుకోవటం లేదు అంటూ హైకోర్టు ప్రశ్నించింది.

ఇవన్నీ చూస్తుంటే, దర్యాప్తు జరుగుతున్న తీరు పై సందేహాలకు తావుఇచ్చే విధంగా ఉందని కోర్టు పేర్కొంది. విశాఖ ఏజెన్సీ ప్రాంతంలో భారీగా గంజాయి సాగు అవుతున్నట్టు కనిపిస్తుందని, అక్కడ ప్రజలకు ఇది చట్ట విరుద్ధం అని తెలియటం లేదని కోర్టు పేర్కొంది. ఆ ప్రాంతాల్లో పోలీసులు చైతన్య పరిచే కార్యక్రమాలు చేయాలని కోర్టు స్పష్టం చేసింది. కేసు నమోదు తరువాత, చార్జ్ షీట్ దాఖలు చేయటం లేదని, కేసు మూలాలను కనుగునలేక పోతున్నారని, పోలీసుల తీరు పై కోర్టు ఆక్షేపించింది. మాదాక ద్రవ్యాలు లాంటి తీవ్రమైన నేరాలు చేసిన కేసుల్లో కూడా పోలీసులు వ్యవహరిస్తున్న తీరు సీరియస్ గా లేదని కోర్టు వ్యాఖ్యానించింది. ఇక సరైన సమయంలో చార్జ్ షీట్ వేయకపోతే, 180 రోజుల్లో వారికి బెయిల్ ఆటోమేటిక్ గా వస్తుందని, తరువాత పోలీసులు రిమాండ్ కోరాల్సి ఉంటుందని, అది కూడా జరగటం లేదని కోరుతూ అభిప్రాయపడింది. మొత్తంగా చిన్న చిన్న వారి పైన కాకుండా, పెద్ద తలకయాల పైన కూడా దృష్టి పెట్టాలని కోర్టు సూచించింది.