news

మన రాష్ట్రానికి ఈ రోజు సాయంత్రం కానీ, రేపు ఉదయం కానీ, విజయవాడకు ప్రత్యేకమైన అతిధుల బృందం వస్తుందని టిడిపి నేత, పీఏసీ చైర్మన్ పయ్యావుల కేశవ్ అన్నారు. మాములుగా రాష్ట్రానికి పెట్టుబడిదారులు వస్తారని, కానీ ఇప్పుడు మాత్రం జగన్ రెడ్డి పాలనలో, అప్పులు వసూలు చేసుకోవటానికి, ఆంధ్రప్రదేశ్ ప్రభుత్వం, ప్రభుత్వ రంగ సంస్థలు చేసిన అప్పులు వసూలు చేసుకోవటానికి, ఢిల్లీ నుంచి పవర్ ఫైనాన్సు కార్పొరేషన్ కు సంబంధించిన అధికారులు, రూరల్ ఎలక్ట్రిసిటీ కార్పొరేషన్ కు సంబంధించిన అధికారులు, ఈ రోజు రాత్రికి విజయవాడ చేరుకోబోతున్నారని పయ్యావుల అన్నారు. గత రెండు రోజులుగా, వారి ప్రయాణం వాయిదా వేసుకోమని, రాష్ట్ర ప్రభుత్వ పెద్దలు అనేక రకాలుగా ప్రయత్నం చేసారని అన్నారు. కానీ ఆ అధికారులు పరిస్థితి కూడా, రేపు తాము జవాబు దారీ కాబట్టి, విధి లేని పరిస్థితిలో, తమ అప్పులను వసూలు చేసుకోవటానికి, వస్తున్నారని పయ్యావుల అన్నారు. ఇప్పటికే రాష్ట్ర ప్రభుత్వం చెల్లించాల్సిన బకాయలు చెల్లించకపోవటంతో, రిజర్వ్ బ్యాంక్ నార్మ్స్ ప్రకారం, దాదాపుగా ఎన్పిఏ గ పరిగణించే పరిస్థితి, ఈ రోజు ఆంధ్రప్రదేశ్ విద్యుత్ రంగ సంస్థలకు వచ్చాయని అన్నారు.

అందులో మరీ ముఖ్యంగా పవర్ ఫైనాన్సు కార్పొరేషన్ , రూరల్ ఎలక్ట్రిసిటీ కార్పొరేషన్ ఇచ్చిన అప్పులను ఆంధ్రప్రదేశ్ ప్రభుత్వం, వాళ్ళకి కనీసం ఇన్ స్టాల్ మెంట్స్ కూడా కట్టకుండా బకాయలు పడ్డారని అన్నారు. ఇది గతంలో కూడా జరిగిందని, ఆ రోజు నుంచి ఇది మానిటర్ చేస్తున్నామని అన్నారు. పోయిన సారి అవే బ్యాంకులు అదనంగా రుణాలు ఇచ్చి కాపాడాయని, కానీ రోజు పరిస్థితి చేయి దాటి పోయిందని పయ్యావుల అన్నారు. ఆంధ్రప్రదేశ్ ప్రభుత్వం చేసిన అప్పులను, దేశం గుర్తించే పరిస్థితి, ఈ రోజు రాష్ట్రానికి వచ్చే అతిధులతో, మనకు వచ్చిందని అన్నారు. టిడిపి ముందు నుంచే హెచ్చరిస్తూ వచ్చిందని, ఆర్ధిక వ్యవస్థను కుప్ప కూల్చే పరిస్థితికి మీరు వచ్చారని, తాము హెచ్చరించిన విషయాన్ని గుర్తు చేసారు. అప్పులు చేసి అభివృద్ధి చేయాలి కానీ, ఈ అప్పులు అన్నీ ఏమి చేసారని ప్రశ్నించారు. ఒక ప్రభుత్వం వద్దకు, అప్పులు వసూలు చేసుకోవటానికి వస్తున్నారు అంటే, పరిస్థితి ఎలా ఉందో అర్ధం అవుతుందని అన్నారు. ఇప్పటికైనా వాస్తవాలు చెప్పాలని కోరారు. అయితే కొద్ది సేపటి క్రితమే, ఈ బృందం, గన్నవరం ఎయిర్ పోర్ట్ లో దిగింది. రేపు ఏమి జరుగుతుందో చూడాలి.

ఆంధ్రపదేశ్ బీజేపీ శాఖ, కేంద్ర హోం మంత్రి అమిత్ షా దెబ్బకు దిగి వచ్చింది. నిన్న అమిత్ షా, తిరుపతిలో జాతీయ కార్యవర్గ భేటీ అనంతరం నిన్న, ఏపి బీజేపీ నేతలకు పూర్తిగా క్లాస్ పీకారు. రాష్ట్రంలో పలు అంశాల పై బీజేపీ నేతలు స్పందిస్తున్న తీరు పై తీవ్ర అసంతృప్తి వ్యక్తం చేసారు. ఈ నేపధ్యంలోనే అమిత్ షా, నిన్న చేసిన దిశా నిర్దేశంతో, ఈ రోజే బీజేపీ నేతలు కదిలారు. ఒక్క రోజులునే బీజేపీ నేతలు వ్యవహార శైలి మార్చుకున్నారు. ఈ రోజు విజయవాడలో జరిగిన, ఒక సమావేశంలో, బీజేపీ రాష్ట్ర నేతలు, ప్రధానంగా అమరావతి రైతుల ఉద్యమానికి తాము మద్దతు ఇస్తున్నాం అని ప్రకటించటమే కాకుండా, అమరావతి రైతుల మహా పాదయాత్రలో అవసరమైన మేర పాల్గుంటాం అని వాళ్ళు ప్రకటించారు. అదే విధంగా, ఈ నెల 26 వ తేదీన, బీజేపీ రాష్ట్ర కార్యవర్గ సమావేశం ఏర్పాటు చేసి, ఈ సమావేశంలో రాష్ట్ర ప్రభుత్వ ప్రజా వ్యతిరేక విధానాల పై, ఎలా ముందుకు వెళ్ళాలి అనే అంశం పై కార్యవర్గంలో చర్చించబోతున్నారు. దీంతో పాటుగా, మరి కొన్ని కీలక అంశాల పై కూడా చర్చించబోతున్నారు. అదే విధంగా, జనసేనతో సమన్వయం, వారితో కలిసి చేసే ప్రజా వ్యతిరేక విధానాల పై కూడా బీజేపీ ఈ కార్యవర్గ సమావేశంలో కార్యాచరణ రూపొందించబోతున్నట్టు తెలిసింది.

అదే విధంగా అమరావతి రైతుల ఉద్యమానికి సంబంధించి, ఇప్పటికే స్థానిక నేతలు, తాము పాదయాత్రలో పాల్గుంటాం అని, అన్ని రాజకీయ పక్షాలు, కులాలు, మతాలూ, రాజకీయాలకు అతీతంగా, పాల్గుంటున్న సమయంలో, బీజేపీ పాల్గునకపోతే, రాజకీయంగా పార్టీకి ఇబ్బందులు ఏర్పడటానికి, పైగా రైతులు అంతా కూడా పాల్గుంటున్న సమయంలో, మనం పాల్గునక పోతే ఇబ్బందులు ఎదురు అవుతాయని చెప్తున్నా కూడా, ఏపి బీజేపీ పెద్దల నుంచి స్పష్టమైన సంకేతాలు వెళ్ళ లేదు. నిన్న అమిత్ షా, ఏదైతే తిరుపతిలో దిశానిర్దేశం చేసారో, ఆ సందర్భంగా అమరావతి రైతుల పాదయాత్రలో ఎందుకు పాల్గునటం లేదని నిలదీసారో, ఆ తరువాత ఈ రోజు ఏపి బీజేపీ అమరావతి పాదయాత్రలో పాల్గుంటాం అని చెప్పింది. సోము వీర్రాజు ఈ రోజు ఈ ప్రకటన చేసారు. ఇప్పటికే సియం రమేష్, తాను తిరుపతిలో పాల్గుంటాను అని చెప్పగా, ఇతర నేతలు కూడా ఇప్పుడు రెడీ అవుతున్నారు. మొత్తానికి అమిత్ షా పీకిన క్లాస్ తో, వైసీపీ వెనుక పడటం ఆపి, ఇక ప్రజా సమస్యల పై కదిలే విధంగా బీజేపీ నేతలు రెడీ అవుతున్నారు.

హైదరాబాద్ లో ఉన్నటు వంటి ఎస్సీ ఎస్సీ, రైట్స్ ఫోరం, జాతీయ అధ్యక్షుడు కే.నాగరాజ అనే వ్యక్తి, జాతీయ ఎస్సీ కమిషన్ కే ఒక లేఖ రాసారు. ఏపిలో పెద్ద ఎత్తున మత మార్పిడులు జరుగుతున్నాయని, పేదలను ప్రలోభ పెట్టి, క్రిస్టియానిటీ కన్వర్షన్స్ చేస్తున్నారు అంటూ, పెద్ద ఎత్తున ఫిర్యాదులు చేసారు. ఆయనతో పాటు అనేక ఫిర్యాదులు, జాతీయ ఎస్సీ కమిషన్ కు అందాయి. ఈ లేఖలు అన్నిటి పైనా జాతీయ ఎస్సీ కమిషన్ సీరియస్ గా తీసుకుంది. ఏపి చీఫ్ సెక్రెటరీ గతంలోనే ఈ అంశం పై ఒక లేఖ రాసింది. జులై 19వ తేదీన ఒక లేఖ రాస్తూ, దీని పైన సవివరమైన నివేదిక అందచేయాలని కూడా ఆ లేఖలో తెలియ చేసింది. కానీ ఇప్పటి వరకు కూడా దాని పైన ఎటువంటి స్పందన లేకపోవటంతో , కేంద్ర జాతీయ ఎస్సీ కమిషన్ ఈ రోజు మరో లేఖను చీఫ్ సెక్రటరీకి రాయటం జరిగింది. అందులో కొంచెం సీరియస్ గానే స్పందించింది. ఏడు రోజులు లోగా, ఏపిలో జరుగుతున్న మత మార్పిడులకు జరుగుతున్న కారణాలు ఏమిటి, ఎవరి ఎవరిని ఈ మత మార్పిడులకు జరిపిస్తున్నారు ? పేదలను ఎందుకు ప్రలోభ పెడుతున్నారు ? ఏ విధంగా ప్రలోభ పెడుతున్నారు ? ఈ వివరాలు అన్నిటితో సమగ్ర నివేదికతో, తమకు వారం రోజులు లోగా నివేదిక అంద చేయాలని, ఎస్సీ కమిషన్ మరోసారి ఆదేశించింది.

గతంలో జరిగిన విషయాలను ఏపి ప్రభుత్వం సీరియస్ గా తీసుకోలేదని, మరో సారి అందుకే ఈ రిమైండర్ ని పంపుతున్నాం అని, ఈ సారి కూడా రాష్ట్ర ప్రభుత్వం నుంచి తమకు సరైన స్పందన లేకపోతే, తగిన విధంగా, రాజ్యాంగ పరంగా, న్యాయ పరంగా ఎటువంటి చర్యలు తీసుకోవాలో, అటువంటి చర్యలు తీసుకుంటాం అంటూ, జాతీయ ఎస్సీ కమిషన్, ఏపి చీఫ్ సెక్రటరీకి రాసిన లేఖలో పేర్కొంది. ఈ విషయానికి సంబంధించి, మరి ప్రభుత్వం ఏడు రోజుల్లోగా స్పందిస్తుందా ? నివేదిక పంపిస్తుందా ? చీఫ్ సెక్రటరీ ఈ విషయం పై ఎలాంటి ఒత్తిడి లేకుండా నివేదిక పంపిస్తారా అనేది చూడాలి. జాతీయ ఎస్సీ కమిషన్ అడిగే రిపోర్ట్ లకు కూడా ప్రభుత్వం స్పందించటం లేదు అంటే ఏమని చెప్పాలి ? గతంలో కూడా ఇలాగే సీతానగరం శిరోమండనం ఘటనకు సంబంధించి, రాష్ట్రపతి ఏకంగా, రాష్ట్ర ప్రభుత్వానికి లేఖ రాసి నివేదిక అడిగినా, ఇప్పటికీ ప్రభుత్వం పంపించ లేదు. మరి ప్రభుత్వం రాజ్యాంగ వ్యవస్థలను కూడా ఎందుకు పట్టించుకోవటం లేదో, వారికే తెలియాలి.