news

వైసిపీ ఎంపీ రఘురామకృష్ణం రాజు, జగన్, విజయసాయి రెడ్డిలను వదలి పెట్టటం లేదు. రఘురామకృష్ణం రాజు, ప్రభుత్వంలో జరిగే ప్రజా వ్యతిరేక కార్యక్రమాలును వ్యతిరేకిస్తూ ప్రతి రోజు చాకిరేవు పెడుతూ ఉండటంతో, జగన్, విజయసాయి రెడ్డి ఆయన్ను టార్గెట్ చేసిన సంగతి తెలిసిందే. అరెస్ట్ చేపించి, కస్టడీలో కొట్టించి, నానా రభసా చేసారు. అప్పటికే రఘురామరాజు కంపెనీని దెబ్బ కొట్టే చర్యలు కూడా ప్రారంభించారు. వీటి అన్నిటి నేపధ్యంలో, రఘురామరాజు కూడా, వీలు కుదిరిన ప్రతి సారి, ఆయన కూడా జగన్, విజయసాయి రెడ్డి లకు కౌంటర్ ఇస్తున్నారు. ఇప్పటికే జగన్, విజయసాయి రెడ్డి బెయిల్ రద్దు చేయాలి అంటూ, ఆయన సిబిఐ కోర్టులో బెయిల్ రద్దు పిటీషన్ వేయటం, అక్కడ కేసు పోవటంతో, హైకోర్టులో పోరాడటం కూడా తెలిసిందే. ఇప్పటికే రఘురామకృష్ణం రాజుతో, ప్రతి రోజు ఇబ్బందులు పడుతున్నారు విజయసాయి రెడ్డి. అయినా రఘురామరాజు మాత్రం వదిలి పెట్టటం లేదు. ఆయన స్థాయిలో ఆయన పోరాటం చేస్తూనే ఉన్నారు. తాజాగా నిన్న, ఈ రోజు రఘురామరాజు, విజయసాయి రెడ్డి పై బాణాలు ఎక్కు పెట్టారు. రెండు రోజుల క్రితం సిబిఐ, ఆంధ్రప్రదేశ్ హైకోర్టులో సుభాష్ అనే ఒక న్యాయవాదిని నియమిస్తూ, ఉత్తర్వులు జారీ చేయటం వివాదాస్పదం అయ్యింది.

సుభాష్ అనే న్యాయవాది, విజయసాయి రెడ్డి, జగన్ లకు దగ్గర మనిషి అనే ప్రచారం జరిగింది. దీంతో ఇదే విషయం పై రఘురామరాజు వెంటనే సిబిఐ డైరెక్టర్ కు లేఖ రాసారు. జగన్, విజయసాయి రెడ్డి కేసుల్లో న్యాయవాదిగా ఉన్న సుభాష్ కాకుండా, వేరే వ్యక్తిని నియమించుకోవాలి అంటూ సిబిఐకి లేఖ రాసారు. అంతే కాదు, ఒక పక్క వివేక కేసు, న్యాయమూర్తులను దూషించిన కేసు, డాక్టర్ సుధాకర్ కేసు, ఇలా అనేక కేసులు ప్రభుత్వానికి వ్యతిరేకంగా ఉన్నప్పుడు, తమకు అనుకూలమైన లాయర్ ని అక్కడ నియమించటం వెనుక ఎవరు హస్తం ఉందో తేల్చాలి అంటూ లేఖ రాసారు. ఇక రెండో అంశం, రుషికొండలో జరుగుతున్న విధ్వంసం పై, నేషనల్ గ్రీన్ ట్రిబ్యునల్ కు లేఖ రాసారు. రుషికొండలో పర్యావరణ ఉల్లంఘనలు జరుగుతున్నాయని, వెంటనే విచారణ చేసి, దీని వెనుక ఉన్న వారి పై చర్యలు తీసుకోవాలని కోరారు. ఇప్పటికే రుషికొండ విధ్వంసం వెనుక విజయసాయి ఉన్నారు అంటూ, తెలుగుదేశం పార్టీ ఆరోపిస్తున్న సంగతి తెలిసిందే. మొత్తం మీద, విజయసాయి రెడ్డికి రెండు జర్క్ లు ఇచ్చారు రఘురామరాజు. మరి ఇవి ఎక్కడి వరకు వెళ్తాయో చూడాలి.

ఈ మధ్య కాలంలో ప్రభుత్వాలు ఇస్తున్న ఉచిత పధకాలు చూస్తుంటే అసహ్యం వేసే స్థాయికి వెళ్తుంది. నిజంగా సంక్షేమం అంటే, ఆపదలో ఉన్న వాడిని ఆదుకోవటం. వృద్ధులైన వారికి, వికలాంగులను ఆదుకున్నారు అంటే అర్ధం ఉంది. తిండి లేని వాడికి తిండి పెట్టారు అంటే అర్ధం ఉంది. గుడిసెల్లో ఉండే వారికి ఇల్లు కట్టారు అంటే అర్ధం ఉంది. కానీ ఈ మధ్య మాట్లాడితే ఫ్రీ అంటున్నారు, స్కూల్ కి పంపిస్తే డబ్బులు ఇవ్వటం ఒక పధకం. ఆటో వాళ్ళకి డబ్బులు ఇవ్వటం ఒక పధకం. ఇలా అన్నీ ఫ్రీ పధకాలే. పోనీ ఈ పధకాలు అన్నీ మనకు డబ్బులు ఉండి ఇస్తున్నామా అంటే, కాదు అప్పు తెచ్చి ఇస్తున్నాం. మన ఆదాయం 50 రూపాయాలు అయితే, వంద రూపాయలు అప్పు తెస్తున్నాం. మరి ఇవి తీర్చాలి అంటే ? అందుకే పన్నులు బాదుడు. చివరకు మన జేబులో నుంచి 20 రూపాయలు తీసి, ఉచితాల పేరుతో 10 రూపాయలు పెడుతున్నారు. ఇదా సంక్షేమం అంటే ? ఇదే అంశం కాకపోయినా, ఈ ఉచిత పధకాల పై ఉప రాష్ట్రపతి వెంకయ్య నాయుడు కీలక వ్యాఖ్యలు చేసారు. నిన్న విజయవాడ వచ్చిన ఉపరాష్ట్రపతి, ఉచిత పధకాల పై స్పందించారు. ప్రజలను ఆకర్షించే పధకల మీద ప్రభుత్వాలు దృష్టి పెట్టి, ఉన్న డబ్బు ఎక్కువగా ఉచితాలకు ఖర్చు పెడితే, ప్రజలకు ఏమి ఉపయోగం అని అన్నారు.

దీర్ఘకాలిక ప్రయోజనాలు అందించే పధకాలను ప్రభుత్వాలు ప్రవేశపెట్టాలని అన్నారు. ఉచితాల వల్ల ప్రజల జీవితాలకు ఏ మాత్రం మేలు జరగదని, తాను, తన 50 ఏళ్ల ప్రజాజీవితంలో గమనించిన అంశం అని అన్నారు. ఇబ్బందిగా ఉన్న వారికి అన్నం పెట్టటం, ఉచిత బియ్యం ఇవ్వటం తప్పు లేదు కానీ, ఉన్న వారికి కూడా బియ్యం ఇవ్వటం ఎందుకు అని అన్నారు. ఈ దేశంలో రేషన్ కార్డు ఉన్న వారు అందరూ పేద వాళ్ళే అంటారా ? అని ప్రశ్నించారు. ఇవి ప్రజలు ఆలోచించాలి అని అన్నారు. రైతులకు కావాల్సింది ఉచిత విద్యుత్ కాదు అని అన్నారు. రైతులకు కావలసింది 10-12 గంటల నాణ్యమైన, నిరాటంకమైన విద్యుత్ అని, రైతులకు ఇది ఉంటే, ఉచిత విద్యుత్ అవసరం లేదని అన్నారు. తాను రైతునే అని, అన్నీ తనకు కూడా తెలుసు అని అన్నారు. రైతులకు మారెక్టింగ్ సౌకర్యం కావాలని, కోల్డ్ స్టోరేజ్ లు కావాలని, గోడౌన్ లు కావాలని, ఇవి ప్రభుత్వాలు రైతుకు చేయాల్సిన అనుకూలమైన పనులు అని, ఉచిత విద్యుత్ కాదని అన్నారు. మరి ప్రభుత్వాలు ఈ మాటలు విని, రాష్ట్రాన్ని గాడిలో పెడతాయో, లేక తమ ధోరణిలోనే ఓట్ల రాజకీయం చేస్తాయో చూడాలి మరి.

కడప జిల్లా బద్వేల్ లో ఉప ఎన్నిక నిన్న జరిగింది. సిట్టింగ్ వైసీపీ ఎమ్మెల్యే చనిపోవటంతో, ఉప ఎన్నిక అనివార్యం అయ్యింది. అయితే చనిపోయిన వారి ఎన్నిక కావటం, అదే కుటుంబానికి చెందిన వ్యక్తికి వైసీపీ టికెట్ ఇవ్వటంతో, ఈ ఎన్నికకు ప్రధాన ప్రతిపక్షం టిడిపి దూరంగా ఉంది. తమ సిద్ధాంతం ప్రకారం, ఎన్నికల్లో ఎవరైనా చనిపోయి, అదే కుటుంబం వారికి టికెట్ ఇస్తే తాము ఆ ఎన్నికల్లో పోటీ పెట్టం అంటూ టిడిపి నిర్ణయం తీసుకుంది. తిరుపతి ఎంపీ ఉప ఎన్నికల్లో మాత్రం, చనిపోయిన వ్యక్తి కుటుంబానికి కాకుండా, జగన్ దగ్గర పని చేసే ఫిజియోకి టికెట్ ఇవ్వటంతో టిడిపి పోటీ పెట్టింది. ఈ సారి మాత్రం బద్వేల్ లో అదే కుటుంబం నుంచి టికెట్ ఇచ్చారు కాబట్టి పోటీ పెట్టలేదు. ఇక జనసేన కూడా, తాము కూడా ఈ ఎన్నికకు దూరంగా ఉంటున్నాం అని ప్రకటించింది. అయితే బీజేపీ, కాంగ్రెస్ మాత్రం పోటీ పెట్టటంతో, ఎన్నిక అనివార్యం అయ్యింది. నిన్న ఎన్నిక జరిగింది. సహజంగా టిడిపి ఎన్నికకు దూరంగా ఉండటం, తరువాత ప్రజాదరణ ఉన్న పార్టీ జనసేన కూడా దూరంగా ఉండటంతో, ఎన్నిక పై ఎవరూ ఇంట్రెస్ట్ చూపలేదు. బీజేపీకి ఎలాగూ ఒక శాతం కూడా ఓట్లు వచ్చే అవకాసం లేదు. కాంగ్రెస్ ది కూడా అదే తీరు. ఇంకేముందు వైసీపీ అత్యధిక మెజారిటీ వస్తుందని అందరికీ తెలిసిందే.

అయితే అనూహ్యంగా నిన్న కూడా వైసిపీ, తిరుపతి సీన్ రిపీట్ చేసింది. తిరుపతి ఉప ఎన్నికల్లో, దొంగ ఓట్ల జాతార అందరూ చూసారు. వందల వందల బస్సులు వేసుకుని వచ్చి మరీ, తిరుపతిలో దొంగ ఓట్లు గుద్దుకున్నారు. అయితే అసలు పోటీనే లేని బద్వేల్ లో కూడా, ఇదే సీన్ రిపీట్ అవ్వటంతో అందరూ ఆశ్చర్య పోతున్నారు. చాలా చోట్ల దొంగ ఓటర్లను పట్టుకున్నారు. ఒక చోట వందల సంఖ్యలో ఉన్న వారిని కూడా బీజేపీ, కాంగ్రెస్ నేతలు, మీడియా పట్టుకుంది. అయినా అధికారులు మాత్రం, ఎన్నిక సజావుగా జరిగిందని ప్రకటించారు. అయితే ఆఖరకు ఇక్కడ కూడా ఎందుకు దొంగ ఓట్ల జాతర చేసారు అనేది ఎవరికీ అర్ధం కావటం లేదు. ప్రజల్లో వ్యతిరేకత ఉందని గమనించారా ? అందుకే ముందుగానే ఇలా ప్లాన్ చేసారా అనే చర్చ జరుగుతుంది. మెజారిటీ తగ్గితే తమ పని అయిపొయిందని ప్రజలకు తెలుస్తుంది కాబట్టి, ఇలా ఇక్కడ కూడా దొంగ ఓట్ల జాతర చేసి ఉంటారని, ప్రచారం జరుగుతుంది. కేంద్రంలో అధికారంలో ఉండి కూడా బీజేపీ ఏమి చేయలేని స్థితిలో ఉంటూ, వారు కూడా ఈ దొంగ ఓట్లకు బలి అయ్యారు అనే వాదనలు వినిపిస్తున్నాయి.