ఏపీలో వైసీపీ ధీమా స‌డ‌లుతోందా? వైనాట్ 175 మేకపోతు గాంభీర్య నినాద‌మేనా? ప‌ట్ట‌భ‌ద్రులు, టీచ‌ర్ ఎమ్మెల్సీ స్థానాల‌కి జ‌రిగిన ఎన్నిక‌ల్లో ప్ర‌భుత్వ వ్య‌తిరేక‌త కొట్టొచ్చిన‌ట్టు క‌న‌ప‌డ‌టంతో వైసీపీ పెద్ద‌ల్లో ఆందోళన నెల‌కొంది. దింపుడు క‌ల్లం ఆశ‌లు దొంగ ఓట్ల‌పై పెట్టుకోవ‌డం వైసీపీ తిరోగ‌మ‌నానికి సంకేతం అని అంటున్నారు. ఉద్యోగ‌, ఉపాధ్యాయ సంఘాల‌న్నీ కూడ‌బ‌లుక్కుని మ‌రీ వైసీపీని ఓడించాల‌ని త‌మ గ్రూపుల‌లో నేరుగానే సందేశాలు పంపేశాయి. ఉద్యోగాల భ‌ర్తీ లేక‌పోవ‌డంతో ప‌ట్ట‌భ‌ద్రుల‌లో తీవ్ర నిరాశానిస్పృహ‌లు అలుముకున్నాయి. దీంతో గ‌తంలో ఎన్న‌డూ లేనంత‌గా ప‌ట్ట‌భ‌ద్రులు, ఉపాధ్యాయ స్థానాల ఎమ్మెల్సీ ఎన్నిక‌ల్లో పోలింగ్ న‌మోదైంది. విద్యార్థులు, నిరుద్యోగులు, ఉద్యోగులు, ఉపాద్యాయులు ఇంత వ్య‌తిరేకంగా ఉన్న ఎన్నిక‌ల్లో ఎట్టి ప‌రిస్థితుల్లో గెలిచే అవ‌కాశంలేదు. కానీ వైసీపీ ఇటువంటి ప్ర‌జావ్య‌తిరేక‌త‌ని ఊహించే భారీగా దొంగ ఓట్లు చేర్పించింది. ఇప్పుడు గెలుపు ధీమా అంత ఆ దొంగ ఓట్ల‌పైనే పెట్టుకుంది. తూర్పు రాయలసీమ ఉపాధ్యాయ, పట్టభద్రుల స్థానాలకు సోమవారం పోలింగ్‌ జరగ్గా ఉపాధ్యాయ ఓటర్లు 91.40శాతం మంది ఓటింగ్‌లో పాల్గొన్నారు. అయితే ఉపాధ్యాయులు కానివారిని, ప్రైవేటు స్కూళ్ల‌లో ప‌నిచేసిన వారిని వైసీపీ త‌మ వాలంటీర్ల ద్వారా ఓట‌ర్లుగా చేర్చింద‌ని ఉపాధ్యాయ‌సంఘాలు ఆధారాల‌తో స‌హా ఫిర్యాదులు చేసినా ప‌ట్టించుకునే అధికారే లేడు. ఈ దొంగ ఓట్ల‌పైనే వైసీపీ గెలుపు ఆశ‌లు పెట్టుకుంది.  పట్టభద్రులు కూడా గ‌తంలో ఎన్న‌డూ లేనంత‌గా 69.23 శాతం మంది, ఎండ‌లో గంట‌ల త‌ర‌బ‌డి నిలుచుని మ‌రీ త‌మ ఓటుహ‌క్కుని వినియోగించుకున్నారు. ఓటింగ్ శాతం పెర‌గ‌డం, అందులోనూ యువ‌త‌, ఉద్యోగులు పోటెత్త‌డంతో ప్ర‌భుత్వంపై కోపంతోనే ఓటింగ్‌కి వ‌చ్చార‌ని, ఇది క‌చ్చితంగా వైసీపీకి ఓట‌మి ఎదురు కావొచ్చ‌ని రాజ‌కీయ ప‌రిశీల‌కులు వ్యాఖ్యానిస్తున్నాయి. అయితే  తిరుప‌తి, రాయ‌ల‌సీమ‌లో దొంగ ఓట్ల‌ని, ఉత్త‌రాంధ్ర‌లో తాము పంచిన తాయిలాలు, డ‌బ్బుల‌నే న‌మ్ముకుని వైసీపీ గెలుపు అంచనాల్లో ఉంది.

కోడిక‌త్తి జ‌గ‌న్ రెడ్డిని వెంటాడే ఓ ఎమోష‌న్‌. బాబాయ్‌ని వేసేసిన గొడ్డ‌లి వీడ‌ని నీడ‌లా వెంటాడుతోంది. కోడిక‌త్తిని తీసుకురావాల‌ని మొన్న‌నే ఆదేశాలిచ్చిన జ‌డ్జి, తాజాగా బాధితుడు సీఎం జ‌గ‌న్ రెడ్డి కూడా కోర్టు హాజ‌రు కావాల్సిందేన‌ని ముఖ్య ప‌ద‌వి ద‌క్కేసింది అనుకుని అన్నీ తొక్కేద్దాం అనుకున్నారు. చాప‌కింద నీరులా జ‌గ‌న్ రెడ్డిని చుట్టుముట్టేస్తున్నాయి. కోడిక‌త్తి దాడి త‌న‌పై జ‌రిగింద‌నే జ‌గ‌న్ రెడ్డి మ‌రిచిపోగా, జైలులోనే నాలుగేళ్లుగా రిమాండ్ ఖైదీగా జైలులో ఉండిపోయిన‌ కోడిక‌త్తి శ్రీను కుటుంబ‌స‌భ్యులు, న్యాయ‌వాదుల పోరాటం ఫ‌లితంగా ఎన్ఐఏ కోర్టు కేసు విచార‌ణ‌కి మొద‌లు పెట్టింది. కోడికత్తి కేసులో వచ్చే నెల 10వ తేదీన విచారణకు హాజరు కావాలని ముఖ్యమంత్రిని ఎన్‌ఐఏ కోర్టు ఆదేశించింది. సిఎంతో పాటు ఆయన పిఏ కే.నాగేశ్వరరెడ్డిని కూడా హాజరు కావాలని ఆదేశాల‌లో పేర్కొన్నారు. విజయవాడ ఎన్‌ఐఏ కోర్టులో మంగళవారం కోడికత్తి కేసు విచారణ సంద‌ర్భంగా  ఎయిర్‌పోర్ట్ అథారిటీ కమాండర్ దినేష్‌ ను  న్యాయస్థానం విచారించింది. కేసుకు సంబంధించి కోడికత్తి, మరో చిన్నకత్తి, పర్సు, సెల్‌ఫోన్ న్యాయస్థానానికి పోలీసులు అప్ప‌గించారు. విచార‌ణ‌ని వచ్చే నెల 10వ తేదీకి వాయిదా వేశారు. ఓ వైపు కోడిక‌త్తి కేసు విచార‌ణ జోరుగా సాగుతుండ‌గా, బాబాయ్ పై గొడ్డ‌లి వేటు కేసు ద‌ర్యాప్తుని సీబీఐ స్పీడు చేసింది. ఇప్ప‌టికే క‌డ‌ప ఎంపీ వైఎస్ అవినాష్ రెడ్డిని విచార‌ణ‌ని మూడుసార్లు పిలిపించిన సీబీఐ, ఆయ‌న తండ్రి భాస్క‌ర్ రెడ్డిని కూడా పిలుస్తోంది. వివేకానంద‌రెడ్డి హ‌త్య‌కి గురైన రోజు తాడేప‌ల్లి ప్యాలెస్‌లో ముఖ్య దంప‌తుల వ్య‌క్తిగ‌త సిబ్బందికి అవినాస్ రెడ్డి నుంచి చాలాసార్లు కాల్స్ వెళ్ల‌డం, గూగుల్ టేకౌట్ తో గొడ్డ‌లి వేటు కేసు కూడా తీగ లాగితే జ‌గ‌న్ రెడ్డి చుట్టూ ఉన్న డొంకే క‌దులుతోంది.

ఇద్దరు ఆత్మ పరమాత్మ లాగా ఉండేవారు.‌ ఆయన తప్పుడు లెక్కలు రాస్తే, ఈయన లెక్క వెనక వేసుకునే వాడు. అక్రమాస్తుల కేసుల్లో ఒకరు ఏ1 అయితే, ఇంకొకరు ఏ2. పార్టీలోను ఒకరు సీఎం అయితే, ఇంకొకరు డిఫాక్టో సీఎం. వీరే జగన్ రెడ్డి, విజయ్ సాయి రెడ్డి. చాలా రోజులుగా ఇదే అందరికీ తెలిసిన విషయం.కాలంలో జైలులో, బెయిల్ లోనా వీడని బంధం. కానీ ఇటీవల  ఇద్దరు దూరమయ్యారని సమాచారం. వరస కేసుల్లో, విషాదాలలో తన కుటుంబ సభ్యులు ఇరుక్కుపోవడంతో సాయి రెడ్డి ఒంటరి అయ్యారు. వైకాపా నుంచి కనీస మద్దతు లేదు. దీంతో సాయి రెడ్డి పార్టీ కార్యక్రమాలకు అంటీ ముట్టన్నట్టు ఉంటున్నారు. ఎమ్మెల్సీ ఎన్నికల నేపథ్యంలో మరోసారి గ్యాప్ బయటపడింది. ఉత్తరాంధ్ర పట్టభద్రుల ఎన్నికల్లో ఓటింగ్‍కు దూరంగా విజయసాయి డుమ్మా కొట్టారు. విశాఖలో తన ఓటును నమోదు చేసుకున్న విజయసాయిరెడ్డి పార్టీ అభ్యర్థికి ఓటు వేయడానికి కూడా ఆసక్తి చూపించలేదు. వైవీ సుబ్బారెడ్డిని ఉత్తరాంధ్ర ఇంచార్జ్ గా నియమించడంతో అలక బూనిన సాయిరెడ్డి ఎమ్మెల్సీ ఎన్నికల్లో ప్రచారానికీ దూరంగా ఉన్నారు. ఇటీవల తారకరత్న అంత్యక్రియల సమయంలో చంద్రబాబుతో విజయసాయి చనువుగా ఉండటంపై జగన్ ఆగ్రహం చేసినట్లు తెలిసింది.  ప్రెస్‍మీట్ పెట్టి చంద్రబాబు, లోకేష్‍కు వ్యతిరేకంగా మాట్లాడాలని  జగన్ రెడ్డి ఆదేశించినా పట్టించుకోకుండా ఢిల్లీకి వెళ్లిన విజయసాయిరెడ్డి వైసీపీకి దూరం అవుతున్నారని వార్తలు వస్తున్నాయి.

తెలుగుదేశం పార్టీ ఎమ్మెల్సీ ఎన్నిక‌ల వ్యూహంతో వైసీపీలో వ‌ణుకు పుట్టించారు. ఇప్ప‌టివ‌ర‌కూ టిడిపి నుంచి వ‌చ్చిన న‌లుగురు, జ‌న‌సేన నుంచి ఒక‌రిని 151లో క‌లిపి లెక్కేసుకుంటూ మొత్తం ఎమ్మెల్సీ స్థానాలు ఏక‌గ్రీవం అని ఊహాల్లో తేలుతున్న వైసీపీ అధిష్టానానికి టిడిపి ఇచ్చిన ఝ‌ల‌క్ గ‌ట్టిగానే త‌గిలింది. తెలుగుదేశం ఆ ఒక్క స్థానం గెల‌వ‌డం కంటే ముఖ్యంగా టిడిపి నుంచి వెళ్లిన న‌లుగురికి ఓ హెచ్చ‌రిక సందేశం, అలాగే వైసీపీ ఎమ్మెల్యేల్లో అసంతృప్తుల‌ను ఎమ్మెల్సీ ఎన్నిక‌ల్లో త‌మ అభ్య‌ర్థి వైపు తిప్పే వ్యూహం రెండూ వున్నాయంటున్నారు వ్యూహ‌క‌ర్త‌లు.
తెలుగుదేశం పార్టీ సీనియర్ నేతలతో చంద్రబాబు జ‌రిపిన వ్యూహ కమిటీ సమావేశంలో ఈ దిశ‌గా చ‌ర్చ‌లు సాగాయి. ఎమ్మెల్యే కోటా ఎమ్మెల్సీ ఎన్నికల్లో అభ్యర్థిని దింపే యోచనలో తెలుగుదేశం ఉంద‌ని ఫీల‌ర్ పంపారు. ఈనెల 23న ఎమ్మెల్యే కోటా ఎమ్మెల్సీ స్థానాలు ఏడింటికి ఎన్నిక జ‌ర‌గ‌నుంది. మార్చి 13న నామినేషన్ల దాఖలుకు తుది గడువు కావ‌డంతో టిడిపి అభ్య‌ర్థిని దింపేందుకు అధిష్టానం క‌స‌ర‌త్తు చేస్తోంది. ఒక్కో అభ్యర్థి గెలుపు కోసం 23 మొదటి ప్రాధాన్యం ఓట్లు అవసరం కాగా, టీడీపీ నుంచి గెలిచిన ఎమ్మెల్యేలు 23 మంది అయినా వైసీపీతో వంశీ, కరణం బలరాం , మద్దాలగిరి, వాసుపల్లి గణేష్ అంట‌కాగుతున్నారు. ఈ న‌లుగురు జంపింగ్ ఎమ్మెల్యేలకి విప్ జారీ చేయడం ద్వారా దారి తెచ్చుకోవాల‌నుకుంటోంది. మ‌రోవైపు వైసీపీలో ఉన్న ఆనం, కోటంరెడ్డి వంటి అసంతృప్త ఎమ్మెల్యేలు ఓట్లు క‌లిసి వ‌స్తే టిడిపి అభ్య‌ర్థి గెలుపు ఖాయం కానుంది. ఈ నేప‌థ్యంలో మాజీ మేయ‌ర్, చేనేత క‌మ్యూనిటీకి చెందిన పంచుమ‌ర్తి అనూరాధ‌ని ఎమ్మెల్సీ అబ్య‌ర్థిగా దింపే యోచ‌న‌లో టిడిపి ఉన్న‌ట్టు ప్ర‌చారం సాగుతోంది.

Advertisements

Latest Articles

Most Read