గ్రాడ్యుయేట్ ఎమ్మెల్సీ ఎన్నికల్లో మూడు ప్రాంతాల్లో మూడు సీట్లు గెలిచేసిన టిడిపి మద్దతుదారులు మంచి జోష్ లో ఉన్నారు. ఇదే సమయంలో ఎమ్మెల్యే కోటా ఎమ్మెల్సీ ఎన్నికల్లో టిడిపి అభ్యర్థి పంచుమర్తి అనూరాధని నిలిపిన టిడిపి జగన్ రెడ్డికి పంచుమర్తి మార్క్ పంచ్ ఇవ్వడం ఖాయమం అంటున్నారు విశ్లేషకులు. ఏపీలో ఎమ్మెల్యే కోటా ఎమ్మెల్సీలు 7 స్థానాలకు ఎన్నికలు జరగనున్నాయి. వైసీపీ నుంచి పెనుమత్స సూర్యనారాయణ రాజు, కోలా గురువులు, ఇజ్రాయిల్, మర్రి రాజశేఖర్, జయమంగళం వెంకట రమణ, పోతుల సునీత, చంద్రగిరి యేసురత్నంలను అభ్యర్థులుగా ప్రకటించారు. ఏకగ్రీవం అయినట్టేనని వైసీపీ భావించగా సడెన్గా టిడిపి కూడా పంచుమర్తి అనూరాధని తమ అభ్యర్థిని దింపింది. దీంతో పోటీ అనివార్యమైంది. పట్టభద్రుల ఎమ్మెల్సీ ఎన్నికల్లో పరాభవం నేపథ్యంలో వైసీపీ అలెర్టయ్యింది. ఓట్లు చెల్లకపోవడం పెద్ద సమస్యగా మారుతాయని ఎమ్మెల్యేలకు ఓట్లు ఎలా వేయాలో శిక్షణ ఇచ్చారు. ఒక్కో మంత్రికి 20 మంది ఎమ్మెల్యేలను అప్పగించారు. మొత్తం వైసీపీ ఎమ్మెల్యేలతో మాక్ పోలింగ్ నిర్వహించారు. ఎమ్మెల్యే కోటా ఎమ్మెల్సీల ఎన్నికకి మార్చి 23న పోలింగ్ నిర్వహించనున్నారు. ఒక ఎమ్మెల్సీ స్థానం గెలవాలంటే 23 మంది ఎమ్మెల్యేల ఓట్లు సరిపోతాయి. టిడిపి తరఫున 23 మంది ఎమ్మెల్యేలు గెలిచినా, నలుగురు వైసీపీ పంచన చేరారు. వారిని కూడా ఇరకాటంలో పెట్టేందుకా అన్నట్టు టిడిపి చివరి నిమిషంలో తమ అభ్యర్థిని రంగంలోకి దింపింది. విప్ జారీ చేయడం ద్వారా జంపింగ్ ఎమ్మెల్యేలు టిడిపి అభ్యర్థి అనూరాధకి ఓటు వేయకపోతే నలుగురిపై క్రమశిక్షణ చర్యలు కోరవచ్చు. ఒకవేళ ఈ నలుగురూ వైసీపీకే వేసినా..వైసీపీలో ఉన్న కొందరు అసమ్మతి ఎమ్మెల్యేలు టిడిపి అభ్యర్థికి ఓటు వేస్తారు. దీంతో పంచుమర్తి అనూరాధ గెలుపు పక్కా అని ఫిక్స్ అయ్యారు. 23న జరిగే ఎన్నికల్లో పాల్గొని టీడీపీ అభ్యర్థి పంచుమర్తి అనురాధకు ఓటు వేయాలని టిడిపి ఎమ్మెల్యేలకు టీడీపీ విప్ జారీ చేసింది. 23 మంది ఎమ్మెల్యేలకు టీడీపీ ఎమ్మెల్యే డోల బాల వీరాంజనేయస్వామి విప్ జారీ చేశారు. మొత్తానికి ఎమ్మెల్యే కోటా ఎమ్మెల్సీ ఎన్నికల సందర్భంగా అటు జంపింగ్ ఎమ్మెల్యేలకు ఝలక్ ఇవ్వడంతోపాటు ఎమ్మెల్సీ స్థానం గెలిచి జగన్ రెడ్డికి షాక్ ఇవ్వనుంది టిడిపి అని అంచనా వేస్తున్నారు విశ్లేషకులు.
news
చంద్రబాబు చెప్పిందే నిజం అయ్యింది... ఈ లెక్కలు చూస్తే జగన్ పని అయిపోయిందని అర్ధమవుతుంది
ఉత్తరాంధ్రలో ప్రజా వ్యతిరేకత ఉవ్వెత్తున ఎగసిపడింది. జగన్ అరాచక పాలనపై రాయలసీమ రగులుతోంది. ఆంధ్రాలో ఆగ్రహం పెల్లుబుకుతోంది. దీనికి మూడు ప్రాంతాలలో గ్రాడ్యుయేట్ ఎమ్మెల్సీ ఎన్నికల ఫలితాలే ఉదాహరణ. ఓటమికి వైసీపీ ఏ కారణాలైనా వెతుక్కోనీయండి. దొంగ ఓట్లు, డబ్బు, బెదిరింపులు, అధికారయంత్రాంగం వైసీపీకి పనిచేసినా గెలుపు దక్కలేదు. ఉమ్మడి 13 జిల్లాల్లో 9 జిల్లాల్లో పరిధిలో ఈ ఎన్నికలు జరిగాయి. 175 నియోజకవర్గాలకి గానూ మూడు ప్రాంతాల్లోనూ 108 నియోజకవర్గాలలో ఎన్నికలూ మెజారిటీ ఎక్కువ తక్కువైనా ప్రభుత్వ వ్యతిరేక వైఖరినే వెల్లడించాయి. పట్టభద్రులు ఓటర్లుగా డిగ్రీ, పీజీ, పీహెచ్డీ చేసిన విద్యార్థులు, ఉద్యోగులు, ఉపాద్యాయులు ఉంటారు. అన్ని ప్రాంతాల్లోనూ వైసీపీ వ్యతిరేకత వ్యక్తం చేయడంలో ఈ వర్గాలు సంకోచించలేదు. ప్రజల మూడ్ని పసిగట్టిన మాజీ సీఎం చంద్రబాబు ప్రతీసభలో చెబుతున్నట్టు జగన్ పని అయిపోయింది అనే దానికి ఈ ఎన్నికలు నిదర్శనం. ఉత్తరాంధ్ర, కోస్తాంధ్ర (నెల్లూరు, ప్రకాశం) రాయలసీమల్లో ప్రభుత్వ వ్యతిరేకత చాలా స్పష్టంగా కనిపించింది. ఉత్తరాంధ్రలో వైకాపా కంటే తెలుగుదేశానికి 14.39 శాతం ఓట్లు ఆధిక్యం రావడంతో వైసీపీ షాక్కి గురైంది. ఉత్తరాంధ్రకి రాజధాని తీసుకొస్తున్నామని, 2024 ఎన్నికలకి సైమీఫైనల్స్ అని వైసీపీ పెద్దలు చెప్పినా..ఓటర్లు తమ ఓటుతో మీ రాజధానీ వద్దు, మీరూ వద్దని చెప్పకనే చెప్పారు. ఉత్తరాంధ్రలో టిడిపికి 43.88 శాతం ఓట్లు రాగా, వైసీపీకి 29.49 శాతం ఓట్లు మాత్రమే వచ్చాయి. తూర్పు రాయలసీమలో వైసీపీకి 34.52 శాతం ఓట్లు పోలవగా, టిడిపికి 45.30శాతం వచ్చాయి. వైసీపీ కంటే 10.78 శాతం ఓట్ల ఆధిక్యం తెలుగుదేశం సాధించింది. వైసీపీ కంచుకోటగా భావించే పశ్చిమ రాయలసీమ నియోజకవర్గంలోనూ టిడిపి అభ్యర్థి జయకేతనం ఎగురవేశారు. అంగ, అర్థ, అధికార బలమున్నా వైకాపాకు ప్రతికూల పవనాలు వీయడం..ముమ్మాటికీ ప్రజావ్యతిరేకతే అని స్పష్టం అవుతోంది.
హైకోర్టులో అవినాష్ రెడ్డికి భారీ షాక్... ఇక అరెస్ట్ ఒక్కటే తరువాయి..
కడప ఎంపీ అవినాష్ రెడ్డి, వివేక కేసులో తెలంగాణా హైకోర్టులో రెండు పిటీషన్లు వేసారో, వాటిని హైకోర్టు తోసిపుచ్చింది. దీంతో అవినాష్ రెడ్డి ఇక తప్పక సిబిఐ విచారణకు వెళ్ళటమే కాదు, సిబిఐ కి అరెస్ట్ చేసుకునే అవకాసం కూడా ఉంది. తెలంగాణా హైకోర్టు గతంలో స్పందిస్తూ, దీని పై తీర్పు ఇచ్చే వరకు కూడా ఎటువంటి తొందరపాటు చర్యలు తీసుకోవద్దు అంటూ స్పష్టం చేసింది. దీంతో ఈ రోజు ఈ కేసు పై హైకోర్టు స్పష్టమైన తీరుప్ ఇచ్చింది. అవినాష్ రెడ్డి, భాస్కర్ రెడ్డి ని గతంలో అనేక సార్లు సిబిఐ విచారణ చేసింది. అయితే ఇప్పటికే సిబిఐ, హైకోర్టుకి తెలుపుతూ, వీరిద్దరినీ అనుమానితులుగా కాదని, వీరిని అదుపులోకి కూడా తీసుకుంటాం అని చెప్పిన విషయం తెలిసిందే. దీంతో జగన్ ఢిల్లీ పర్యటన కూడా ఇప్పుడు ఆసక్తి రేకెత్తిస్తుంది. మరి కొద్ది సేపట్లో ఆయన పార్లమెంట్ కి వెళ్లి, ప్రధాని మోడీ, అమిత్ షా ని కలవనున్నారు. ఈ నేపధ్యంలో, ఇప్పుడు హైకోర్టు జడ్జిమెంట్ రావటం, అలాగే సిబిఐ అవినాష్ రెడ్డిని పిలిచే అవకాసం ఉండటంతో, ఇక అవినాష్ రెడ్డి అరెస్ట్ తప్పదు అనే ప్రచారం జరుగుతుంది.
తెలుగుదేశం గెలుస్తోంది..ఎలా? గంట మోగింది కదా!
వచ్చే ఎన్నికల్లో తెలుగుదేశం గెలుస్తోంది అని అంతా అనుకుంటున్నారు. ఇవి పట్టభద్రుల ఎన్నికల ఫలితాలు స్పష్టం చేస్తున్నాయి. మొన్నటికి మొన్న ఆత్మసాక్షి సర్వే ఇదే తేల్చేసింది. ఇవేవీ కాకుండా చాన్నాళ్లుగా మోగకుండా ఉన్న గంట ఎమ్మెల్సీ ఎన్నికల విజయాలతో మోగింది. ఇదే తెలుగుదేశం విజయదుందుభికి అసలైన సంకేతం. మాజీ మంత్రి గంటా శ్రీనివాసరావు..ఏ పార్టీ అధికారంలో ఉంటుందంటే అందులో చేరతారు. ఏ పార్టీ అధికారంలోకి వస్తుందని తేలితే అటువైపే ప్రయాణిస్తారు. టిడిపి 2019 ఎన్నికల్లో ఓడిపోయిన నుంచీ గంటా టిడిపికి దూరంగా ఉన్నారు. ఇటీవల గంటా శ్రీనివాసరావు సొంతంగా చేయించుకున్న సర్వేలలో టిడిపి విజయం ఖాయమని అని తేలింది. అప్పటి నుంచీ పుట్టలోంచి పాము బయటకొచ్చినట్టు వస్తున్నారు. రాష్ట్రంలో పట్టభద్రుల ఓటింగ్ సరళి చూసిన తరువాత గంటా తన సర్వేలు ఇవి ఒకేలా ఉన్నాయని నిర్ధారించుకుని తెలుగుదేశం విజయంలో పాలుపంచుకుంటున్నారు. మీడియాతో కూడా మాట్లాడారు. ఎమ్మెల్సీ ఎన్నికల ఫలితం రాష్ట్ర ప్రభుత్వానికి చెంపదెబ్బ అని చెప్పుకొచ్చారు గంటా. ప్రభుత్వ వ్యతిరేక ఓటు రాష్ట్రం అంతా కనిపించిందన్నారు. మూడేళ్ల క్రితం 50శాతం పైగా ఓటింగ్ సాధించిన వైసీపీ ఇప్పుడు 30శాతంకు పడిపోయిందని వివరించారు. ఈ ఒరవడి చూస్తుంటే 2024లో టీడీపీదే విజయం అని, రాజధాని సహా వైసీపీ చెప్పిన మాటలకు ప్రజల విశ్వాసం లభించలేదు అని గంటా శ్రీనివాసరావు చెప్పుకొచ్చారు. అంటే 2024లో టిడిపి అధికారంలోకి వస్తుందని గంటా శ్రీనివాసరావు ఫిక్స్ అయ్యారు. ఇక యాక్టివ్ గా పనిచేస్తానని సంకేతాలు పంపారు.