news

పున్నమి ఘాట్‌లోని హరిత హోటల్‌లో ఏపీకి చెందిన ఐఏఎస్ అధికారులు సమావేశం అయ్యారు. రాష్ట్ర ప్రధాన కార్యదర్శి ఎల్వీ సుబ్రహ్మణ్యంపై రాజకీయ పార్టీల విమర్శల నేపథ్యంలో ఐఏఎస్‌ అధికారుల సమావేశానికి ప్రాధాన్యత సంతరించుకుంది. ఈ సమావేశానికి జవహర్ రెడ్డి, జేఎస్వీ ప్రసాద్, ప్రవీణ్ కుమార్, ప్రసన్న వెంకటేష్ హాజరయ్యారు. ఐఏఎస్‌లపై రాజకీయ పార్టీల విమర్శలపై చర్చ జరగనుంది. ముఖ్యంగా సీఎస్ ఎల్వీపై సీఎం చంద్రబాబు చేసిన వ్యాఖ్యలపై చర్చించాలని నిర్ణయించారు. అదేవిధంగా ఈ భేటీలోనే ఐఏఎస్‌ల సంఘం కొత్త అధ్యక్షుడిని ఎన్నుకోనున్నట్లు తెలుస్తోంది.

ఇది ఇలా ఉంటే, చంద్రబాబుకు వ్యతిరేకంగా అంటూ పెట్టిన సమావేశానికి రావటానికి ఐఏఎస్ లు ఇష్ట పడలేదు. జగన్ కు సన్నిహితంగా ఉండే అతి కొద్ది మంది మాత్రమే సమావేశం అయ్యారు. దీంతో ఐఏఎస్ అధికారుల సంఘం సర్వసభ్య సమావేశం కోరం లేక వాయిదా పడింది. సంఘంలో 184 మంది సభ్యులు ఉండగా, తాజా సమావేశానికి 14 మందే హాజరయ్యారు. దాంతో సమావేశాన్ని వాయిదా వేశామని ఐఏఎస్ అధికారుల సంఘం కార్యదర్శి ప్రవీణ్ కుమార్ వెల్లడించారు. సీఎస్ ఎల్వీ సుబ్రహ్మణ్యంపై సీఎం చంద్రబాబు వ్యాఖ్యలే తమ సమావేశంలో ప్రధాన అజెండాగా భావించామని, కానీ చాలామంది అధికారులు రాకపోవటంతో సమావేశం నిర్వహించలేకపోతున్నామని వివరించారు.

కనీస స్థాయిలో సభ్యులు అందుబాటులో లేకపోవడంతో ఎలాంటి తీర్మానాలు చేయలేదని, కనీసం అజెండాపై చర్చించే వీల్లేకుండా పోయిందని అన్నారు. కోరం ఉండాలంటే 46 మంది హాజరు కావాల్సి ఉంటుందని ప్రవీణ్ కుమార్ తెలిపారు. అయితే చంద్రబాబుకు వ్యతిరేకంగా ఐఏఎస్ లు సమావేశం అవుతున్నారని, చంద్రబాబు ఓడిపోతున్నాడు అని తెలిసి, ఐఏఎస్ లు ఎదురుతిరుగుతున్నారని, జగన్ బ్యాచ్ హడావిడి చేస్తుంది. తీరా చూస్తే, కేవలం 5% మంది, అది కూడా జగన్ కు అనుకూల వర్గంగా పేరు ఉన్న 14 మంది ఐఏఎస్ ల హడావిడి చూసి, జగన్ బ్యాచ్ ఎగురుతుంది. కాని చంద్రబాబు మీద ఉన్న విశ్వాసం, ఆయన పై ఉన్న గౌరం, ఆయన నాయకత్వం పై ఉన్న నమ్మకంతో, దాదపుగా 95 % మంది, చంద్రబాబుకి వ్యతిరేకంగా పెట్టిన సమావేశానికి హాజరు కాలేదు. ఇప్పటికైనా ఇలాంటి అధికారులు బుద్ధి మార్చుకుని, రాజకీయాలు చెయ్యకుండా, రాష్ట్ర అభివృద్ధిలో పోటీ పడాలని ఆశిద్దాం...

అవినీతి నిరోధక శాఖ (ఏసీబీ) డీజీగా ఏబీ వెంకటేశ్వరరావును నియమిస్తూ రాష్ట్ర ప్రభుత్వ ప్రధాన కార్యదర్శి ఎల్వీ సుబ్రమణ్యం సోమవారం ఉత్తర్వులు జారీచేశారు. ఇంటెలిజెన్స్‌ డీజీగా ఉన్న ఆయన్ను తప్పించాలని వైసీపీ ఫిర్యాదు చేయడంతో ఎన్నికల సమయంలో ఎన్నికల కమిషన్‌ ఆయన్ను బదిలీ చేసిన విషయం తెలిసిందే. ఆయనకు ఎన్నికల విధులతో సంబంధంలేని పోస్టింగ్‌ ఇవ్వాలని ఈసీ సూచించింది. అయితే రెండు వారాలుగా ఆయన పోస్టింగ్‌ కోసం ఎదురు చూస్తున్నారు. మూడు రోజుల క్రితం రాష్ట్ర ప్రభుత్వ ప్రధాన కార్యదర్శి ఎల్వీ సుబ్రమణ్యం ఆయన పోస్టింగ్‌ విషయమై ముఖ్యమంత్రి చంద్రబాబుకు నోట్‌ పంపారు.

ఏసీబీ డీజీగా నియమించాలని చంద్రబాబు సూచించడంతో ఆ నోట్‌ను ఈసీకి ఎల్వీ పంపారు. ఏసీబీ డీజీ పోస్టు ఎన్నికల విధులతో సంబంధం లేనిది కావడం.. రాష్ట్రంలో పోలింగ్‌ ముగినందున ఈసీ ఎలాంటి అభ్యంతరాలు వ్యక్తం చేయలేదు. దీంతో వెయిటింగ్‌లో ఉన్న వెంకటేశ్వరరావుకు ఏసీబీ బాధ్యతలు అప్పగిస్తూ ఎల్వీ జీవో విడుదల చేశారు. తక్షణమే విధుల్లో చేరాలని అందులో పేర్కొన్నారు. రెండేళ్లకుపైగా ఏసీబీ డీజీగా పనిచేసిన ఆర్పీ ఠాకూర్‌ గత ఏడాది జూన్‌ 30న రాష్ట్ర పోలీసు దళాల అధిపతి(డీజీపీ)గా నియమితులయ్యారు. అప్పటి నుంచి ఏసీబీకి కూడా పూర్తిస్థాయి అదనపు బాధ్యతలు నిర్వర్తించారు.

ఎన్నికల సమయంలో శాంతిభద్రతలు తప్ప అదనపు బాధ్యతలు డీజీపీకి ఉండకూడదు. ఆ కారణంగా పోలింగ్‌కు కొద్ది రోజుల ముందు ఆ బాధ్యతలను ఈసీ సూచనల మేరకు ప్రభుత్వం తాత్కాలికంగా శంకబ్రత బాగ్చీకి అప్పగించింది. ఇప్పుడు వెంకటేశ్వరరావును పూర్తిస్థాయి ఏసీబీ డీజీగా నియమించింది. అయితే ఠాకూర్‌ వెళ్ళిన దగ్గర నుంచి, ఏసిబిలో కొంత మంది ఉద్యోగుల వ్యవహార శైలి పై విమర్శలు వస్తున్నాయి. మొన్నటి మొన్న, ఏసిబిలో ఉన్న ఒక అధికారి జగన్ కు సన్నిహితంగా ఉంటున్నారని, ఆయనే సియం అంటూ హడావిడి చేస్తున్నారనే వార్తలు వచ్చాయి. దీంతో ఇప్పుడు ఏసీబీ డీజీగా ఏబీ వెంకటేశ్వరరావు ఎంటర్ అవ్వటంతో, జగన్ బ్యాచ్ అంతా అలెర్ట్ అయ్యింది.

తెలంగాణ ముఖ్యమంత్రి కేసీఆర్‌పై రాష్ట్ర మంత్రి సోమిరెడ్డి చంద్రమోహన్ రెడ్డి తీవ్ర వ్యాఖ్యలు చేశారు. ఏపీలో పరిపాలన సాగకూడదని కేసీఆర్ కోరుకుంటున్నారని ధ్వజమెత్తారు. తెలంగాణలో ఇంటర్ విద్యార్థులు ప్రాణాలు తీసుకుంటుంటే ఆపడం చేతకాని కేసీఆర్.. ఏపీలో వేలుపెడుతున్నారని దుయ్యబట్టారు. ఏపీలో పరిపాలన స్తంభించిపోవాలని హైదరాబాద్ కేంద్రంగా కుట్రలు సాగుతున్నాయని మంత్రి సోమిరెడ్డి ఆరోపించారు. తాను వ్యవసాయ శాఖలో సమీక్షలు చేస్తే ఆనం కు అభ్యంతరమేంటని ప్రశ్నించారు. కనీస నిబంధనలు కూడా తెలియని ఆనం.. ఆర్థిక మంత్రిగా ఎలా పని చేశారో ఆశ్చర్యంగా ఉందని ఎద్దేవా చేశారు.

ఏపీలో ఉన్నది ఆపద్ధర్మ ప్రభుత్వం కాదని, చంద్రబాబు ఆపద్ధర్మ ముఖ్యమంత్రి కాదని మంత్రి సోమిరెడ్డి వివరించారు. ఎన్నికల కోడ్ అమలులో ఉంటే విధానపరమైన నిర్ణయాలు మాత్రమే తీసుకోరాదన్నారు. పాలన చేయొద్దని చెప్పడానికి మీరు ఎవరు? అంటూ వైసీపీ నేతలపై మంత్రి ఫైర్ అయ్యారు. ఈసీ, సీఎస్ కలిసి రాష్ట్రాన్ని పాలించాలని వైసీపీ కోరుకుంటోందన్నారు. ఆర్బీఐ రూల్స్ తెలియని వారు బాబుపై విమర్శలు చేస్తున్నారని మంత్రి సోమిరెడ్డి నిప్పులు చెరిగారు. ఈసీని పెట్టుకుని వ్యవస్థల్ని దెబ్బతీయాలని చూస్తున్నారని ధ్వజమెత్తారు.