news

ఆంధ్రప్రదేశ్ లో కరోనా మహమ్మారి విస్తరిస్తుంది. వస్తున్న కేసులు చూస్తే, కరోనా ఎలా వచ్చిందో కూడా అర్ధం కావటం లేదు. విదేశీ ప్రయాణం, ఢిల్లీ ప్రయాణం లేకపోయినా, అలాంటి వారితో కాంటాక్ట్స్ లేకపోయినా, కరోనా పాజిటివ్ వచ్చిన కేసులు కూడా ఉన్నాయి. మరో పక్క మొన్నటి దాకా, కొంత మంది డాక్టర్లకు కూడా వచ్చిన కరోనా, మొన్న అనంతపురంలో ఒక ప్రభుత్వ ఉద్యోగి కూడా వచ్చిన సంగతి తెలిసిందే. తాజాగా, ఇప్పుడు ఏకంగా విజయవాడలో ఒక ప్రాముఖ సీనియర్ ఐఏఎస్ సతీమణికి కరోనా పాజిటివ్ రావడంతో రాష్ట్రంలో, ముఖ్యంగా విజయవాడలో కలకలం చలరేగితోంది. కరోనా పాజిటివ్ వచ్చినట్లు నిర్ధారణ కావడంతో అధికారవర్గాలు ఉలిక్కి పడుతున్నాయి. ఆమె తండ్రి కర్నూల్ లో వైద్యుడుగా పనిచేస్తూ మంచి పేరు ప్రఖ్యాతలు తెచ్చుకున్నారు. కర్నూల్ జిల్లా అంతటా ఆ వైద్యునికి పేదల పెన్నిధిగా పేరుంది. అతి తక్కువ రుసుము తీసుకుని చాలాకాలంగా వైద్యం చేస్తూ ఆదర్శనీయ వ్యక్తిగా గుర్తింపు పొందారు.

అయితే ఇటీవల సదరు వైద్యుడుకు కూడా కరోనా పాజిటివ్ వచ్చింది. కోరానాతో బాధపడుతూ ఆయన కొద్దిరోజుల క్రితమే మృతి చెందారు కూడా. దీంతో ఆయన కుటుంబ సభ్యులకు పరీక్షలు నిర్వహించారు. ఆరుగురుకి పాజిటివ్ ఉన్నట్లుగా నిర్ధారించారు. తండ్రిని పరామర్శంచ డానికి వెళ్లిన ఐఏఎస్ భార్య కు పరీక్షలు నిర్వ హించగా పాజిటివ్ వచ్చింది. దీంతో ఆమెను క్వారంటైన్ కు తరలించారు. దీనికి సంబంధించి అన్ని ప్రధాన పత్రికల్లో కూడా వార్తలు వచ్చాయి. అయితే అదృష్టవశాత్తు ఆ ఐఏఎస్ కు మాత్రం కరోనా నెగిటివ్ రిపోర్టు వచ్చింది. ఆయన విషయం తెలుసుకున్న వెంటనే, టెస్ట్ చేయించుకున్నారు. దీంతో అధికారులు ఊపిరి పీల్చుకున్నారు. ఆయన ప్రతి రోజు రివ్యూలు చేస్తూ, సిబ్బందికి తగిన సూచనలు ఇస్తున్నారు.

ఇక మరో పక్క, విజయవాడలోని కొత్తపేట ప్రాంతానికి చెందిన, వార్డు సచివాలయ వాలంటీర్ కు కూడా కరోనా వైరస్ పాజిటివ్ తేలినట్టు అధికారులు ప్రకటించారు. ఈ వార్డ్ వాలంటీర్, మహిళ అని తెలుస్తుంది. ఇటీవల ప్రభుత్వం రేషన్ షాపుల్లో ఇచిన బియ్యం కూడా, పంపిణీ చేసినట్టు చెప్తున్నారు. అయితే ఆమెకు కోరనా ఎలా వచ్చింది అనే దాని పై, రకరకాల వాదనలు వినిపిస్తున్నాయి. కొద్ది రోజుల క్రితం ఆమె, అస్వస్థతకు గురి కావటంతో, ఆమెను హాస్పిటల్ కు తీసుకు వెళ్లారు. అక్కడ కరోనా టెస్ట్ చెయ్యగా, పాజిటివ్ అని రిపోర్ట్ రావటంతో, ఆమెను క్వారంటైన్ కు తరలించారు. ఆమె కుటుంబ సభ్యులను కూడా క్వారంటైన్ కు తరలించారు. గత 15 రోజులుగా ఆమె ఎవరిని కలిసారు, విధ నిర్వహణలో ఎక్కడెక్కడికి వెళ్లారు అనే దాని పై అధికారులు ఆరా తీస్తున్నారు.

జగన్ మోహన్ రెడ్డికి, చంద్రబాబు లేఖ రాసారు. ఆరు అంశాల పై చంద్రబాబు ఈ లేఖ రాసారు. న రాష్రంలో సిఎంఆర్ ఎఫ్ కోసం బలవంతపు వసూళ్లు-రైతు సహకార సంఘాలు, మహిళా సంఘాలు, వ్యాపారుల్లో తీవ్ర వ్యతిరేకత-పేదలకు సహాయం అందించడంలో రాజకీయాలు చేయడం-ప్రధాని పిలుపును అపహాస్యం చేయడం-సాయం చేసే దాతలను మనస్తాపానికి గురిచేయడం-సాయం వారితో పంపిణీ చేయనీకుండా మేమే చేస్తామనడం-ప్రభుత్వ నిర్లక్ష్యం వైద్యులు, ప్రజల ప్రాణాలను బలిగొనడం-రక్షణ పరికరాల్లేక, పూర్తి స్థాయి జీతాలందక పారిశుద్య కార్మికులు, ఆశా వర్కర్లు ఇతర ఫ్రంట్ లైన్ వారియర్ల ఆవేదన-పరస్పర విరుద్దంగా హెల్త్ బులెటిన్లు, డ్యాష్ బోర్డు, ఆరోగ్య కార్యదర్శి చెప్పే అంకెలు-అసత్య ప్రచారం ఫలితంగా ప్రజల ప్రాణాలకే ముప్పుగా పరిణమించడం గురించి, చంద్రబాబు ఈ లేఖ రాసారు. అయితే ఈ సందర్భంగా, చంద్రబాబు చెప్పిన ఒక విషయం చూస్తే, ఆశ్చర్యం కలగుతుంది.

ఆయన, నాలుగవ పాయింట్ గా, రాష్ట్ర ప్రభుత్వ నిర్వాకాల వల్ల ఏవిధంగా వైరస్ విస్తరిస్తోందో ఉదాహరణలు అంటూ లేఖలో ఇలా రాసారు. "జగ్గయ్యపేట మండలంలో మార్చి18న ఢిల్లీనుంచి వచ్చిన వ్యక్తిని 10రోజులు యధేచ్చగా జనంలో వదిలేసి మార్చి 28న క్వారంటైన్ కు తరలించారు. పాజిటివ్ కేసుగా అది బైటపడిందని, గ్రామంలో ఈ 10రోజులు అతను ఎవరెవరిని కలిశాడో ఈ రోజు (ఏప్రిల్ 17న) విచారిస్తున్నారు. అతని ఢిల్లీ పర్యటన సమాచారం సోషల్ మీడియా ద్వారా ముందే అందించిన వ్యక్తిని గతంలో పోలీస్ స్టేషన్ కు తీసుకెళ్లి కొట్టి శారీరకంగా హింసించారు. ఇప్పుడేమో ఇన్నాళ్ల తర్వాత అతని కదలికలపై ఎంక్వైరీ చేస్తున్నారు. సోషల్ మీడియా ద్వారా అప్రమత్తం చేసినప్పుడే అధికారులు ముందు జాగ్రత్తలు తీసుకుని అప్రమత్తం అయితే ఈ పరిస్థితి ఉండేదికాదు. వైరస్ వ్యాప్తిపై అందరినీ అప్రమత్తం చేసి, తగిన సమాచారం ఇచ్చేందుకు ఒకవైపు ప్రధాని నరేంద్రమోది ఆరోగ్యసేతు యాప్ ను తెచ్చారు. అలాంటిది సమాచారం ఇచ్చిన వ్యక్తిని స్టేషన్ లో కొట్టి, హింసించడం హేయం. ఎమ్మిగనూరుకు చెందిన ఒక వ్యక్తి ఏప్రిల్ 15 సాయంత్రం కర్నూలు ఆసుపత్రిలో చనిపోతే మృతదేహం ఇంతవరకు ఇవ్వలేదు. కరోనా వల్ల కాదని బంధువులను చెప్పమన్నారు. అతనికి పాజిటివ్ అనిగాని, కరోనా మృతుల జాబితాలో చేర్చడంగాని చేయలేదు. ఆయన బతికి ఉన్నప్పుడు గ్రామంలోఎవరెవరిని కలిశాడని ఇప్పుడు విచారిస్తున్నారు."

"రాజమండ్రిలో, విజయవాడలో, గుంటూరులో, కర్నూలులో, నెల్లూరులో ఇలాగే పాజిటివ్ కేసులను ముందే గుర్తించక పోయినందువల్ల ఆయా ప్రాంతాల ప్రజలు భారీ మూల్యం చెల్లించారు. గుంటూరులో ఒక వ్యక్తినుంచి 10మందికి వ్యాపించగా, విజయవాడలో ఒకవ్యక్తి నుంచి 8మందికి సోకడం ఈ సందర్భంగా గమనించాల్సిన అంశం. కర్నూలులో కరోనా రోగికి చికిత్స చేసినందుకు ఒక పేదల డాక్టర్ బలి అయ్యారు. సరైన రక్షణ పరికరాలు అందించివుంటే ఆ వైద్యుడిలా మరణించేవాడు కాదు. ఇప్పుడా డాక్టర్ వద్ద చికిత్స పొందిన రోగులు అందరిలో తమకు కూడా వైరస్ సోకిందేమో అనే భయాందోళనలు నెలకొన్నాయి. రూపాయికి, రూ 2 కు చికిత్స చేసే పేదల డాక్టర్ చనిపోయారనే బాధ ఒకవైపు, ఆయననుంచి తమకు అంటుకుందనే అనుమానాలు ఇంకోవైపున కర్నూలు వాసులు తల్లడిల్లుతున్నారు. నెల్లూరులో డాక్టర్ కూడా ఇలాగే బలి అయ్యారు. అనంతపురం, గుంటూరులో డాక్టర్లకు, నర్సులకు కూడా పాజిటివ్ వచ్చింది. ఇంకా ఎంతమంది డాక్టర్లు, నర్సులు, వైద్యసిబ్బంది బలి అయితే రాష్ట్ర ప్రభుత్వం అందరికీ రక్షణ ఉపకరణాలు అందిస్తుందని ఆయావర్గాలే నిగ్గదీస్తున్నాయి. బాధ్యతారహితంగా వ్యవహరిస్తే కలిగే దుష్ఫలితాలకు ఇవే ఉదాహరణలు. " అంటూ చంద్రబాబు లేఖలో ధ్వజమెత్తారు.

జగన్ మోహన్ రెడ్డి, నిన్న ఆదరాబాదరాగా, దక్షిణ కొరియా నుంచి లక్ష టెస్టింగ్ కిట్లు వచ్చాయని, ఇక నుంచి రాష్ట్రంలో కరోనా టెస్ట్ లు వేగం పుంజుకుంటాయని, ప్రచారం చేసారు. ఈ ప్రచారానికి, ఇంకా కొంచెం, ఎక్కువ చెయ్యటానికి, ఏకంగా జగన్ మోహన్ రెడ్డి చేత కూడా, ఈ టెస్టింగ్ చేపించి, అందరికీ ఫోటోలు విడుదల చేసారు. అయితే ప్రభుత్వం ప్రచారం కోసం చేసిన హడావిడితో, కేంద్రం సీరియస్ అయ్యింది అంటూ, టైమ్స్ అఫ్ ఇండియాకు చెందిన, బెంగుళూరు మిర్రర్ అనే పత్రిక సంచలన కధనం ప్రచురించింది. జగన్ మోహన్ రెడ్డి పై నిర్వహించిన రాపిడ్ కోవిడ్ -19 పరీక్ష ఐసిఎంఆర్ జారీ చేసిన తాజా మార్గదర్శకాలకు అనుగుణంగా ఉందా అని ప్రశ్నలు సంధించింది. జగన్ చేయించుకున్న కరోనా టెస్టు పై, అన్ని రాష్ట్రాల ఆరోగ్య అధికారుల మధ్య, అలాగే, కేంద్ర, ఐసిఎంఆర్ అధికారులు మధ్య చర్చ జరిగిందని చెప్తున్నారు. ఈ కధనం ప్రకారం, కేంద్రంలో ఉన్న ఒక కీలక అధికారి, జగన్ చేయించుకున్న టెస్టు గురించి, ప్రచారం జరిగిన వెంటనే, ఆంధ్రప్రదేశ్ ఆరోగ్య కార్యదర్శికి మెసేజ్ పెడుతూ, టెస్టింగ్ ప్రోటోకాల్స్ గురించి సిఎం కార్యాలయానికి తెలియపరచాలని కోరారు.

ఇది ఇలా జరుగుతూ ఉండగానే, ఐసిఎంఆర్ డైరెక్టర్ జనరల్ బలరాం భార్గవ్ నిన్న, రాపిడ్ యాంటీబాడీ టెస్ట్ కిట్ల గురించి తాజా మార్గదర్శకాలను విడుదల చేశారు. "చాలా రాష్ట్రాలు ఈ కిట్‌లను హాట్ జోన్ ప్రాంతాల్లో ఉపయోగించాలని భావిస్తున్నట్టు తెలిసింది. అయితే , ఐసిఎంఆర్ నేషనల్ టాస్క్ ఫోర్సు, వివిధ దేశాల్లో, వాడుతున్న ఈ టెస్ట్ కిట్ల గురించి సమాచారం తెప్పించుకుంది. ఆ వివరాలు ప్రకారం, కరోనా టెస్టింగ్ కి సంబంధించి, తాజా మార్గదర్శకాలను సవరించాము. ర్యాపిడ్ యాంటీబాడీ పరీక్షలను ఉపయోగిస్తున్నప్పుడు ఈ క్రింది ముఖ్య విషయాలను అర్థం చేసుకోవడం చాలా అవసరం. " అంటూ కొన్ని మార్గదర్శకాలను, నిన్న కేంద్రం విడుదల చేసింది.

కరోనా వైరస్‌ను గుర్తించేందుకు, ప్రస్తుతం అమలులో ఉన్న పీసీఆర్ టెస్ట్ మాత్రమే చేయాలని అన్నారు. ర్యాపిడ్ యాంటీబాడీ టెస్టులు చేయొద్దని ఆదేశాలు ఇచ్చారు. ర్యాపిడ్ యాంటీబాడీ టెస్టుల్లో, వైరస్ వ్యాప్తి తీవ్రత మాత్రమే తెలుస్తుందని, అంతే కాని, ఇది రోగ నిర్ధారణ పరీక్ష కాదని చెప్పారు. లక్షణాలు ప్రారంభమైన కనీసం ఏడు రోజుల తర్వాత మాత్రమే రాపిడ్ యాంటీబాడీ పరీక్ష ఉపయోగపడుతుంది. అంతే కాని, ఈ పరీక్ష చెయ్యగానే, కరోనా ఉన్నట్టు, లేనట్టు తెలియదు అని చెప్పారు. ఇదే విషయన్ని, ఆంధ్రప్రదేశ్ ప్రభుత్వానికి చెప్తూ, కన్ఫ్యూషన్ కు గురి చెయ్యవద్దు అని, సరైన సమాచారం బయటకు ఇవ్వాలని, ఆ సీనియర్ అధికారి కోరినట్టు, ఆ కధనంలో వచ్చింది. మరి దీనికి, రాష్ట్ర ప్రభుత్వం, ఏ విధంగా సమాధానం చెప్తుంది ? రియల్‌టైమ్‌ పాయింట్‌ ఆఫ్‌ కేర్‌ టెస్ట్‌ (ఆర్టీ-పీసీఆర్‌) చెయ్యాల్సిన చోట, ర్యాపిడ్ టెస్టులు పేరుతో, ప్రభుత్వం సరి పెడుతుందా ? చూడాలి మరి.