news

కేసీఆర్, ఏపి రాజకీయాల్లో వేలు పెడతా, కాలు పెడతా అని చెప్పిన సంగతి తెలిసిందే. ఈయన రాజకీయాల్లో వేలు పెట్టటం ఏమో కాని, రాష్ట్ర అభివృద్ధిలో మాత్రం, వేలు, కాలు పెడుతున్నాడు. ఫెడరల్ ఫ్రంట్ అంటూ, ఇప్పుడు ఉన్న ప్రతిపక్షాల ఐక్యతను దెబ్బ తీసి, మోడీకి మేలు చేకూర్చే పనిలో ఉన్నారు కేసీఆర్. దేశ వ్యాప్త టూర్ పేరుతో, దేశాన్ని ఉద్దరించేది నేనే అంటూ బయలుదేరారు. నిన్న ఒరిస్సా ముఖ్యమంత్రి నవీన్ పట్నాయక్ ని కలిసారు. అయితే సమావేశం అనంతరం నవీన్ పట్నాయక్ మాట్లాడుతూ, ఇప్పుడు పార్లమెంట్ ఎన్నికల గురించి ఏమి మాట్లాడాదలుచుకోలేదని, పోలవరం విషయం పై కేసీఆర్ తో చర్చించాను అంటూ ఏకంగా విలేకర్ల ముందే చెప్పారు. అంటే కేసిఆర్ అక్కడకు వెళ్ళింది ఫ్రంట్ గురించి కాదు, ఏపి జీవనాడి పోలవరం పై దెబ్బ కొట్టటానికి.

ఇప్పటికే ఒరిస్సా, తెలంగాణా, పోలవరం పై అనేక సార్లు కోర్ట్ కి వెళ్ళాయి. ఇప్పటికీ కేంద్రానికి, కోర్ట్ లకి, ప్రాజెక్ట్ ఆపమంటూ లేఖలు రాస్తున్నాయి. అయితే, ఇప్పుడు ఇద్దరూ కలిసి పోలవరం పై పడనున్నారు. ఎగువ రాష్ట్రమైన తెలంగాణా నుంచి వచ్చే నీళ్ళు మనం వాడుకున్తున్నాం, సముద్రం లోకి వెళ్ళకుండా ఆపుకుని, వాడుకుంటున్నాం. పై నుంచి వచ్చే నీళ్ళు ఆపుకోలేని కేసీఆర్, ఎగువ రాష్ట్రం అన్న సంగతి మర్చిపోయి, ఏపి రాష్ట్రానికి అన్యాయం చేస్తున్నారు. ఒరిస్సా అభ్యంతరం తెలిపింది అంటే, ఏమన్నా అర్ధముంది. ఎందుకంటే, అక్కడ ముంపు ప్రదేశం ఎక్కువ. అలాంటిది కేసిఆర్ వేలు పెడతా అంటూ చేస్తున్న పని ఇది.

మరి కేసీఆర్ తెలంగాణాలో గెలిస్తే, సంబరాలు చేసుకున్న జగన్, పవన్, ఇప్పుడు కేసిఆర్ ఇస్తున్న రిటర్న్ గిఫ్ట్ పై ఏమి మాట్లాడతారు ? ఏపి ప్రజలను ఛీ కొట్టి, కుక్కలు, రాక్షులు అని, చివరకు మనం తినేది పెంట అని సంభోదించినా, కేసీఆర్ అంటే ఎలాంటి ప్రేమ కార్చారో, ఇప్పుడు పోలవరం ఆపే ప్రయత్నం చేస్తున్న, అదే వైఖరితో ఉంటారా ? ఏపి నాశనం అవుతుంటే, చంద్రబాబుకి ఇబ్బంది కాబట్టి, సంతోష పడతారా ? మీకు, రాష్ట్రం మీద ప్రేమ కంటే, చంద్రబాబు మీద కోపం ఎక్కువ, అందుకే చంద్రబాబు ఏపిని అన్ని విధాలుగా ముందుకు తీసుకువెళ్తున్నా, ఏపిని అన్ని విధాలుగా చిన్న చూపు చూస్తున్న కేసీఆర్ అంటే, ప్రేమ కారిపోతుంది. కేవలం చంద్రబాబు మీద కోపంతో, ఏపి ప్రజల ఆత్మగౌరవాన్ని, హక్కులని కేసీఆర్ కాళ్ళ దగ్గర పెట్టకండి.

బీజేపీ రథయాత్రకు అనుమతి నిరాకరిస్తూ కోల్‌కతా హైకోర్టు ఇచ్చిన ఆదేశాలపై అభ్యంతరం వ్యక్తం చేస్తూ సుప్రీం కోర్టులో పిటిషన్ వేసిన బీజేపీకి చుక్కెదురైంది. ఈ పిటిషన్‌పై అత్యవసర విచారణ అవసరం లేదని సుప్రీం కోర్టు అభిప్రాయపడింది. సాధారణ కేసులలాగానే దీనిని పరిగణించనున్నట్లు స్పష్టం చేసింది. ఈ అంశం పూర్వాపరాలను పరిశీలిస్తే.. అమిత్ షా నేతృత్వంలో బీజేపీ తలపెట్టిన రథయాత్రకు పశ్చిమబెంగాల్ ప్రభుత్వం అనుమతి నిరాకరించింది. ప్రభుత్వ నిర్ణయాన్ని సవాల్ చేస్తూ బీజేపీ కోల్‌కతా హైకోర్టును ఆశ్రయించింది. హైకోర్టు సింగిల్ బెంచ్ ధర్మాసనం రథయాత్రకు అనుమతినిస్తూ తీర్పు ఇచ్చింది.

సింగిల్ బెంచ్ తీర్పుపై అభ్యంతరం వ్యక్తం చేస్తూ టీఎంసీ కోల్‌కతా హైకోర్టులో పిటిషన్ దాఖలు చేసింది. కోల్‌కతా చీఫ్ జస్టిస్ అనుమతిని నిరాకరిస్తూ ఆదేశాలు జారీ చేశారు. దీంతో చీఫ్ జస్టిస్ తీర్పును సవాల్ చేస్తూ బీజేపీ సుప్రీం కోర్టును ఆశ్రయించింది. అత్యవసరంగా విచారించాలని కోరింది. కానీ.. సాధారణ పిటిషన్‌లను విచారించిన మాదిరిగానే ఈ పిటిషన్‌ను విచారిస్తామని, అత్యవసర విచారణ అవసరం లేదని దేశ అత్యున్నత న్యాయస్థానం స్పష్టం చేసింది. రాబోయే లోక్‌సభ ఎన్నికలే లక్ష్యంగా ‘సేవ్ డెమోక్రసీ ర్యాలీ’ పేరుతో పశ్చిమబెంగాల్‌లోని 42 పార్లమెంట్ నియోజకవర్గాల్లో రథయాత్రలు నిర్వహించాలని బీజేపీ భావిస్తోంది.

సమస్యలు సృష్టిస్తుందన్న అనుమానంతో తృణమూల్ కాంగ్రెస్‌ భాజపా రథయాత్రను అడ్డుకుంటుదని భాజపా రాష్ట్ర అధ్యక్షుడు దిలీప్‌ ఘోష్‌ విమర్శించారు. డిసెంబరు 28 నుంచి 31 మధ్యలో ఈ రథయాత్రను నిర్వహించేలా భాజపా జాతీయ అధ్యక్షుడు అమిత్‌ షా మరోసారి షెడ్యూల్ మార్చారు. 2019 సార్వత్రిక ఎన్నికల నేపథ్యంలో రాష్ట్రంలోని 42 లోక్‌సభ నియోజవర్గాల్లో ప్రచారం నిర్వహించాలన్న భాజపా ప్రణాళికకు డివిజనల్ బెంచ్ ఆదేశాలతో అడ్డంకి ఏర్పడింది. గతంలో ఏకసభ్య ధర్మాసనం రథయాత్రకు అనుమతినిస్తూ ఇచ్చిన తీర్పును కలకత్తా హైకోర్టు డివిజనల్ బెంచ్ పక్కన పెట్టింది. ఆ నేపథ్యంలో దాన్ని సవాలు చేస్తూ భాజపా సుప్రీంను ఆశ్రయించింది.

ప్రధాని మోదీకి గుజరాత్‌ ప్రాజెక్టులపై ఉన్న మక్కువ.. పోలవరంపై లేదని ఏపీ సీఎం చంద్రబాబు విమర్శించారు. ప్రాజెక్టు పూర్తి చేయాలంటే రూ.53వేల కోట్లు అవసరమని, కేంద్రం మాత్రం దీనిపై ఎలాంటి ఆసక్తి చూపడం లేదని ఆరోపించారు. ప్రాజెక్టును చూసేందుకు ప్రధాని మోదీ ఒక్కసారైనా రాలేదని ఆయన విమర్శించారు. పోలవరం స్పిల్‌వేలో క్రస్ట్‌ గేట్లను అమర్చే ప్రక్రియను సీఎం చంద్రబాబు సోమవారం ప్రారంభించారు. అనంతరం ప్రాజెక్టు వద్ద ఏర్పాటు చేసిన రైతు సదస్సులో సీఎం మాట్లాడారు. పోలవరం ప్రాజెక్టు దేశంలోనే అద్భుతంగా తయారవుతుందని చెప్పారు. కాంక్రీటు పనులు రికార్డు స్థాయిలో జరుగుతున్నాయని, వచ్చే నెల 7న గిన్నీస్‌ బుక్‌ రికార్డు సాధించేలా కాంక్రీట్‌ పనులు నిర్వహించనున్నామని తెలిపారు.

ఆ రోజు 28 వేలకు పైగా క్యూబిక్‌ మీటర్ల కాంక్రీట్‌ వేసి ప్రపంచ రికార్డు సృష్టించాలని సంకల్పించామని వివరించారు. దేశంలోనే వేగంగా పూర్తి చేసే ప్రాజెక్టుగా పోలవరం నిలుస్తుందని ఆయన ఆశాభావం వ్యక్తం చేశారు. పనులు వేగంగా పూర్తి చేసిన ఘనత అధికారులు, ఇంజినీర్లు, నవయుగ సంస్థకు దక్కుతుందన్నారు. అసాధ్యాన్ని సుసాధ్యం చేయడమెలాగో పట్టిసీమతో నిరూపించామన్నారు. పోలవరాన్ని సకాలంలో పూర్తి చేసి నీరందిస్తామని చెప్పారు. ప్రాజెక్టులో 63 శాతం నిర్మాణం పూర్తి చేశామని వెల్లడించారు. నిర్మాణ దశలోనే పోలవరం పర్యాటక ప్రాంతంగా మారిందని, రాష్ట్రం నలుమూలల నుంచి ఎంతో మంది ప్రాజెక్టును చూసేందుకు వస్తున్నారన్నారు.

ఏపీలో అభివృద్ధిని అడ్డుకోవాలని తెలంగాణ కేసీఆర్ చూస్తున్నారని, ఒడిశా సీఎంతో కలిసి పోలవరం నిర్మాణానికి అడ్డంకులు సృష్టించే ప్రయత్నం చేస్తున్నారని చంద్రబాబు ఆరోపించారు. ఈ ప్రాజెక్టును అడ్డుకోవద్దని.. నిర్మాణానికి సహకరించాలని ఇదే వేదిక నుంచి కోరుతున్నానని చెప్పారు. పోలవరాన్ని అడ్డుకోవద్దని ఇతర రాష్ట్రాలనూ కోరుతున్నట్లు తెలిపారు. ఎన్ని అడ్డంకులు సృష్టించినా ప్రాజెక్టును పూర్తి చేసి తీరుతామని ధీమా వ్యక్తం చేశారు. రాష్ట్రంలోని ప్రతిపక్ష పార్టీ పోలవరంపై దుష్ప్రచారం చేసిందని, అడ్డంకులు సృష్టించే ప్రయత్నం చేశారని దుయ్యబట్టారు. భూసేకరణతోపాటు పునరావాసాన్ని అడ్డుకునేందుకు యత్నించారని సీఎం ఆరోపించారు.‌