news

రాజధాని ప్రాంతంలో చెట్లు ఎందుకు కొడుతున్నారు? అది నేరం కాదా? ఆ సమయంలో అక్కడ పోలీసులు ఎందుకున్నారు? అని హైకోర్టు త్రిసభ్య ధర్మాసనం ప్రశ్నించింది. వీటన్నింటి పై కోర్టు వద్ద ఫోటోలు, వీడియోలు ఆధారాలు ఉన్నాయని ధర్మాసనం వెల్లడించింది. ఈ కేసుకు సంబంధించి బుధవారం హైకోర్టు లో కీలక పరిణామం చోటుచేసుకుంది. వీటన్నింటినీ సూమోటోగా విచారణకు స్వీకరిస్తున్నట్టు హైకోర్టు ప్రధాన న్యాయమూర్తి జస్టిస్ట్ జితేంద్రకుమార్ మహేశ్వరి, జస్టిస్ శేషసాయి, జస్టిస్ సత్యనారాయణమూర్తి లతో కూడిన త్రిసభ్య ధర్మాసనం ప్రకటించింది. నవరత్న పధకాలు - పేదలందరికీ ఇళ్లు పథకంలో భాగంగా రాజధాని ప్రాధికార అభివృద్ధి సంస్థ ( సీఆర్డీయే) అధీనంలోని భూములను పేదల ఇంటి స్థలాలకు నిర్దేశిస్తూ ప్రభుత్వం జారీ చేసిన జీవోని సవాల్ చేస్తూ దాఖలైన ప్రజాప్రయోజన వ్యాజ్యంపై బుధవారం విచారణ జరిగింది. ఈ వ్యాజ్యాలపై విచారణ సందర్భంగా త్రిసభ్య ధర్మాసనం ఈ మేరకు కీలక వ్యాఖ్యలు చేసింది.

ఈ మొత్తం వ్యవహారంపై కౌంటర్ దాఖలు చేయాలని అడ్వకేట్ జనరలను త్రిసభ్య ధర్మాసనం ఆదేశించింది. కృష్ణాయపాలెం గ్రామానికి చెందిన ఆవుల నందకిషోర్ దాఖలు చేసిన ప్రజాప్రయోజన వ్యాజ్యంపై ప్రముఖ న్యాయవాది కారుమంచి ఇంద్రనీల్ బాబు తన వాదనలు వినిపించా రు. తుళ్లూరు గ్రామానికి చెందిన మరి కొంతమంది రైతులు ఇదే విషయమై దాఖలు చేసిన మరో పిల్‌పై ప్రముఖ న్యాయవాది ఎస్ ప్రణతి వాదించారు. ఇళ్లస్థలాలు ఇచ్చే స్థలాన్ని, చదును చేసేందుకు, పెద్ద ఎత్తున ప్రజాధనం ఖర్చు చేస్తున్నారని, వాటిని ఆపుతూ ఉత్తర్వులు ఇవ్వాలని కోర్ట్ ను కోరారు. అయితే దీని పై కోర్ట్ స్పందిస్తూ, తాము ఆదేశాలు ఇవ్వలేమని, ఖర్చుచేస్తే సంబంధిత అధికారులు బాధ్యులవుతారని ధర్మాసనం పేర్కొంది. ఈ కేసుకు సంబంధించి దాఖలైన అన్ని పిటిషన్లను కలిపి విచారణ జరుపనున్నట్టు ధర్మాసనం పేర్కొంది. కేసు తదుపరి విచారణను ఈనెల 12వ తేదీకి వాయిదా వేసింది.

సీఆర్డీయే పరిధిలోని భూములలో తమకు ప్రభుత్వం ఇంటి స్థలాలు కేటాయిస్తే కొంతమంది దానిని అడ్డుకుంటున్నారని ఆరోపిస్తూ పెద్ద సంఖ్యలో లబ్దిదారులు ఇంప్లీడ్ పిటీషన్లు దాఖలు చేశారు. తమను లబ్దిదారులుగా ఎంపిక చేస్తున్నట్టు ప్రభుత్వ అధికారులు ఇచ్చిన లేఖ ఆధారంగా తాడేపల్లి, మంగళగిరి మండలాలకు చెందిన దాదాపు 450 మంది లబ్ధిదారులు కోర్టును ఆశ్రయించారు. కోర్టు తుది ఉత్తర్వులు ఇచ్చే ముందు తమ వాదనను వినాల్సిందిగా వారంతా కోర్టును అభ్యర్థించారు. స్థలాల కేటాయింపు జరుగలేదు కదా ? ఈ దశలో మీకు ఏవిధంగా సంబంధం ఉంటుంది ? అని త్రిసభ్య ధర్మాసనం ప్రశ్నించింది. ఆయా పిటీషనర్ల తరఫు న్యాయవాదుల వాదనలు విన్న అనంతరం ధర్మాసనం ఈ కేసు తదుపరి విచారణను ఈ నెల 12వ తేదీకి వాయిదా వేసింది.

గత 24 ఏళ్ళుగా, బీసీలకు, 34 శాతం రిజర్వేషన్ కొనసాగుతూ వచ్చింది. అయితే ఇప్పుడు ప్రభుత్వంలో ఉన్న జగన్ మోహన్ రెడ్డి, హైకోర్ట్ లో సరిగ్గా వాదనలు వినిపించకుండా, రిజర్వేషన్ ను 59 శాతం నుంచి 50 శాతానికి పరిమితం అయ్యేలా చేసారు. దీంతో బీసీలకు ఉండే రిజర్వేషన్ 34 శాతం నుంచి, 24 శాతానికి పడిపోయింది. దీంతో, 16 వేల మంది బీసీలు, వార్డు మెంబెర్లుగా, పంచాయతీ ప్రెసిడెంట్లుగా, కౌన్సిలర్లుగా, కార్పొరేటర్లుగా అవకాసం కోల్పోనున్నారు. నిజానికి హైకోర్ట్ లో కేసు కొట్టేస్తే, సుప్రీం కోర్ట్ కు వెళ్ళవచ్చు. అయితే జగన్ మాత్రం, సుప్రీం కోర్ట్ కు వెళ్ళటం లేదు. గతంలో ఇలాగే హైకోర్ట్ కొట్టేస్తే, అప్పటి ముఖ్యమంత్రి, కిరణ్ కుమార్ రెడ్డి, సుప్రీం కోర్ట్ కు వెళ్లి, 60 శాతం రిజర్వేషన్ కు ఒప్పించారు. అయితే, ఇప్పుడ జగన్ మాత్రం, సుప్రీం కోర్ట్ కు వెళ్ళటం లేదు. రాష్ట్రంలో 50 శాతానికి పైగా ఉన్న బీసీలకు అన్యాయం జరుగుతుంటే, జగన్ సుప్రీంకు వెళ్ళకుండా అన్యాయం చేస్తున్నారు అనే భవన ఉంది. తన కేసుల్లో కాని, మూడు రాజధానులు విషయంలో కాని, 5 కోట్లు పెట్టి లాయర్ ను తెచ్చారు, మరి ఇక్కడ ఎందుకు తేవటం లేదు అనే ప్రశ్న వస్తుంది.

ఇది ఇలా ఉంటే, ప్రభుత్వం బీసీలను అన్యాయం చేస్తున్నా, స్పందించకపోవటంతో, తెలుగుదేశం పార్టీ రంగంలోకి దిగింది. స్థానిక సంస్థల ఎన్నికల్లో బీసీ రిజర్వేషన్లపై సుప్రీం కోర్టులో పిటిషన్ దాఖాలు చేసింది టీడీపీ. ఎంపీ రామ్మోహన్ నాయుడు, కొల్లు రవీంద్ర, నిమ్మల కిష్టప్ప, కొనకళ్ల నారాయణ పిటిషన్ వేసారు. జగన్ బీసీల పై కుట్ర పన్నారని, అందుకే పిటీషన్ వేసామని చెప్పారు. మరో పక్క, టిడిపి బీసి నాయకులతో చంద్రబాబు టెలికాన్ఫరెన్స్ నిర్వహించారు. ఇందులో, అన్ని మండలాల బిసి నాయకులు, బిసి ప్రజా ప్రతినిధులు పాల్గున్నారు. చంద్రబాబు మాట్లాడుతూ, "ఎన్టీఆర్ వల్లే బీసి నాయకత్వం పెంపొందింది. టిడిపి వల్లే బీసి రాజకీయ సాధికారత సాధ్యమైంది. టిడిపి అంటే బీసి..బీసి అంటే టిడిపి. అందుకే బీసిలపై జగన్ కక్ష సాధిస్తున్నారు. జీవో 558ద్వారా బీసిల గొంతు కోశారు. 10%కోత వల్ల బీసిలు 16వేల పదవులు కోల్పోతారు."

"బీసి రాజకీయ సాధికారతకు వైసిపి సమాధి. 10% రిజర్వేషన్ల కోత బీసిలకు కోలుకోలేని దెబ్బ. బీసిల పట్ల వైసిపి ప్రభుత్వం ఉన్మాదంగా వ్యవహరిస్తోంది. పూలె, ఎన్టీఆర్ ఆదర్శాలను వైసిపి కాలరాస్తోంది. బీసి రిజర్వేషన్లు 34%నుంచి 24%కు తగ్గింపు వైసిపి ఉన్మాద చర్య. దీనిపై అన్ని మండల కేంద్రాలలో నిరసనలు తెలపాలి. అన్ని నియోజకవర్గాల్లో ఆందోళనలు జరపాలి. అటు న్యాయపోరాటం, ఇటు ప్రజా పోరాటం ఉధృతం చేయాలి. బీసి రిజర్వేషన్లు 33ఏళ్లుగా టిడిపి కల్పించిన హక్కు. 1987నుంచి 27% బీసి రిజర్వేషన్లు కల్పించాం. 1994నుంచి 34% బీసి రిజర్వేషన్లు ఇచ్చాం. పోరాడి బీసిలు సాధించుకున్న హక్కు 34% రిజర్వేషన్లు. ఇప్పుడు పోగొట్టుకుంటే మళ్లీ తిరిగిరాదు. దీనిని తాకట్టు పెట్టే అధికారం, పొట్టకొట్టే అధికారం వైసిపికి లేదు. ఇప్పుడు బిసి రిజర్వేషన్లను 24%కు తగ్గింపు దుర్మార్గ చర్య. బీసిల గొంతు నొక్కేందుకే శాసన మండలి రద్దు. బీసిల అసైన్డ్ భూములు లాక్కున్నారు. బీసి సబ్ ప్లాన్ నిధులు దారి మళ్లించారు. ఫెడరేషన్ల నిధులు పక్కదారి పట్టించారు. బీసి కార్పోరేషన్లను నిర్వీర్యం చేశారు. మౌనంగా ఉంటే వైసిపి ఉన్మాదం పేట్రేగిపోతోంది. బిసిల హక్కుల రక్షణ కోసం ఉద్యమించాలి. దీనిపై ఇప్పటికే బీసి ప్రత్యేక బృందం ఢిల్లీకి పంపాం. సుప్రీంకోర్టులో స్పెషల్ లీవ్ పిటిషన్ వేస్తున్నాం. బీసిలపై వైసిపి కక్ష సాధింపు చర్యలను అడ్డుకోవాలి. బీసీ రాజకీయ సాధికారత కాపాడుకోవాలి. 34% బీసి రిజర్వేషన్లను కాపాడుకోవాలి." అంటూ చంద్రబాబు చెప్పారు.

అమరావతి శ్మశానమని, అక్కడ పందులు, గేదెలు తిరుగుతున్నాయి తప్ప, ఎవరూ నివాసముండటం లేదని చెప్పిన ప్రభుత్వపెద్దలు నేడు అదే అమరావతిలో పేదలకు ఇళ్లస్థలాలు ఎలా ఇస్తున్నారో చెప్పాలని టీడీపీనేత, మాజీ ఎమ్మెల్యే బొండా ఉమామహేశ్వరరావు నిలదీశారు. గురువారం ఆయన మంగళగిరిలోని పార్టీ జాతీయ కార్యాలయంలో విలేకరులతో మాట్లాడారు. గత ప్రభుత్వహయాంలో పేదలు నిర్మించుకున్న ఇళ్లకు ఇవ్వాల్సిన రూ.1100కోట్లను ప్రభుత్వం 9నెలలైనా ఎందుకు చెల్లించడం లేదని ఉమా నిలదీశారు. పేదలు తమవంతు వాటాగా అప్పులు తెచ్చి ఇళ్లు నిర్మించుకుంటే, జగన్ ప్రభుత్వం వారిని రోడ్లపాలుచేసిందన్నారు. ఆంధ్రప్రదేశ్ లో ధాన్యం రైతులకు చెల్లించాల్సిన బకాయిలు కేంద్రం నుంచి రాబట్టడంలో విఫలమైన జగన్ ప్రభుత్వంలోని మంత్రులు, చివరకు ఉపరాష్ట్రపతిని వేడుకునే స్థితికి దిగజారారన్నారు. ప్రభుత్వం విక్రయిస్తున్న పిచ్చిమందు (లిక్కర్)తాగి జనం చనిపోతున్నారని చెబితే, డిస్టిలరీ కంపెనీలకు జగన్ ప్రభుత్వం బకాయిలు చెల్లించాల్సి ఉందని, అవి చెల్లించడంలేదు కాబట్టి, రాష్ట్రంలో పిచ్చిమందు అమ్ముతున్నామని మరో మంత్రి నిస్సిగ్గుగా సమాధానంచెబుతున్నాడని బొండా మండిపడ్డారు.

డిస్టిలరీలకు చెల్లించాల్సిన రూ.1600కోట్లను వాడుకున్న ప్రభుత్వం, ఆమొత్తం రుణంగా ఇవ్వమంటూ ప్రపంచబ్యాంక్ ని అడగటం సిగ్గుచేటన్నారు. ఇటువంటి దారుణాలు ఈ రాష్ట్రంలో తప్పమరెక్కడా ఉండవని, ఇటువంటి తుగ్లక్ చర్యలను కూడా మరెక్కడా చూడబోమన్నారు. ప్రభుత్వం ఇప్పటికైనా పేదలకు ఇవ్వడానికి ఏజిల్లాలో ఎంతెంతభూమి కొన్నదో, ఎన్ని వేలఎకరాలు పంచిందో వెల్లడించాలని బొండా డిమాండ్ చేశారు. 26లక్షల మందికి ఇవ్వడానికి అవసరమైన 25వేల ఎకరాలకు సంబంధించి ప్రభుత్వం దగ్గర ఉన్న ప్రణాళికలేమిటో, ఎకరం ఎంతచొప్పున కొని, పేదలకు పంచుతున్నారో పూర్తివివరాలు బయటపెట్టాలని, దానిపై ఎక్కడైనా, ఎప్పుడైనా చర్చించడానికి టీడీపీ సిద్ధంగా ఉందని ఉమా తేల్చిచెప్పారు. జగన్ ప్రభుత్వం సాగిస్తున్న మద్యం మాఫియాపై రాష్ట్ర ప్రజలకు వాస్తవాలు వెల్లడించడానికే, ప్రభుత్వం నిర్వహిస్తున్న మద్యం దుకాణాల్లో విక్రయిస్తున్న కల్తీమద్యం సీసాలను తాము విలేకరుల సమావేశంలో చూపించామని బొండా స్పష్టంచేశారు. తాము అడిగిన వివరాలపై సమాధానం చెప్పకుండా నోటికొచ్చినట్లు పిచ్చిపిచ్చిగా రోజానో, మరొకరో మాట్లాడితే వాస్తవాలు అవాస్తవాలు కావన్నారు. జే-ట్యాక్స్ వసూలు తట్టుకోలేక ప్రధానమైన డిస్టిలరీ కంపెనీలన్నీ మద్యం సరఫరా చేయకుండా చేతులెత్తేశాయన్నారు.

చీప్ లిక్కర్ పై క్వార్టర్ కు అదనంగా వసూలుచేస్తున్న రూ.100రూపాయలు ఎవరి జేబులోకి వెళుతోందో వైసీపీ మంత్రులు సమాధానం చెప్పాలన్నారు. కేసీఆర్ ప్రభుత్వంలోని ఎక్సైజ్ మంత్రి సెక్రటేరియట్ లో, మందు బాటిళ్లుచూపి విలేకరులతో మాట్లాడాడన్నారు. మద్యం వ్యాపారాన్ని నియంత్రించాల్సిన ప్రొహిబిషన్ అండ్ ఎక్సైజ్ శాఖలోని మహిళా సిబ్బందితోనే మందు అమ్మిస్తున్న ప్రభుత్వనిర్వాకంపై రోజా ఏం సమాధానం చెబుతుందని ఉమా నిలదీశారు. పక్కరాష్ట్రాల నుంచి వస్తున్న ఎన్ డీపీ లిక్కర్ ని వాలంటీర్లే డోర్ డెలివరీ చేస్తున్నారని, అదిచాలక గ్రామాల్లో నాటుసారా విక్రయాలు యథేచ్చగా సాగిస్తున్నారని, వీటన్నింటిపై నోరువిప్పే, దమ్ము, ధైర్యం రోజాకుగానీ, ఇతర మంత్రులకుగానీ లేదన్నారు. సిగ్గులేకుండా ఇంకా ఆంధ్రప్రదేశ్ లోని తాగుబోతులకోసం ప్రపంచబ్యాంక్ రుణమిస్తుందని చెప్పడం జగన్ ప్రభుత్వానికే చెల్లిందన్నారు. ప్రభుత్వలోపాలను ఎత్తిచూపుతున్న ప్రతిపక్షంపై దుమ్మెత్తిపోసినంత మాత్రాన వాస్తవాలు ప్రజలకు తెలియకుండా పోతాయని భావిస్తే, అంతకంటే ఆత్మవంచన మరోటి ఉండబోదన్నారు. ప్రతిపక్షం ఎత్తిచూపిన తప్పులు సరిదిద్దుకోకుండా, కేసులుపెడతాం.. అంతుతేలుస్తామంటూ సొల్లు కబుర్లు చెప్పి, డాంభికాలుప్రదర్శిస్తే భయపడేవారెవరూ లేరని బొండా తేల్చిచెప్పారు.